Piyrwszo rajza na tego giganta. Pomysłodawca zrezygnowoł, ale dobrze, że Funio przijechoł - z samego Jaworzna! Samymu nie wiym czy bych jechoł... Prognozy ogólnie... burzowe. Ale ugodalimy se, to to niy ma odwrotu - 8:00 na rybnickim rynku. A o 6-yj rano już mie obudziła ulywa.... no zajembiście. Ale przestało. Funio doł info, że w Rybniku zaś wpier@#$% koksy w Macu ;> Od razu na Racibórz i na Krnov. Ostatnio w tych rejonach byłech ze 2 abo 3 lata tymu, jak zbiyrołech te gminy ;) Asfalty ciulate, nic sam niy ma. A jeszcze po drodze napotkalimy rozbiórka Biedronki! Ponoć za mało i powiększają o.0 Po czeskij stronie już widać z przodu ciymne chmury... Niyuniknione - dorwały nas, a loło pierońsko. Miołech yno kurtka. A że było z 14-16st. - to szło już jechać bez ochraniaczy na szczewiki i galot przeciwdyszczowych. Doświadczynie z 1200 se przidało :) Vrbno pod Pradadem - to tu robiymy pauza przi sklepie, smarowanie kiety, suszing and jedzynie-ing :> W słońcu na postoju dobre 25st - o to chodziło! I potym ostatnie chyba 8km pod podjazd. Oczywiście teryn non stop od wielu km'ów sztyjc do góry. Podjazd lajtowy na początku, ale dookoła coroz wiyncyj mgieł. I przez kolejne km'y nadal bez emocji - słabe nachylynie hmm... Na wiyrchu parking i dużo ludzi, co se szli na szczyt abo wracali. Tam to już szło podjyżdżać ze 30km/h... Ale ilość mgły - masakryczno! Widoczność do 30m. ZERO WIDOKÓW :((((((((( Ostatnie może 300m ciut bardzij nachylone, hmm +1-2%... Wieża było widać, jak se podjechało praktycznie pod schody budynku 0.o Od razu na chwila do środka, co zjeść, foty i w zasadzie nazot, bo co robić?? Zjazd fest ostrożny - dużo kamiyni wywalonych po dyszczach. No i dalij na Bruntal, Opava i ku granicy, ogólnie w końcu sztyjc w dół, ALE - pod momyntami mocny wiatr. Najlepsze je to, że w strona Pradziada tyż my jechali pod wiatr...
Na koniec odprowadziłech Funia do cyntrum, kaj pożegnalimy se. Chop machnie ze 400km :>
Odkryłech kolejne gryfne teryny i asfalty :) Co zjodłech? Przed wyjazdym makaron, w trasie 7 żymł, kawałek gotowyj małyj gryfnyj pizzy i 3 banany. Ujdzie ;) Może na jesiyń zaś tam pojada, w lepszyj pogodzie..

Fotki u funia na blogu, pewnie jutro/pojutrze: funio.bikestats.pl

Jo ładuja kolejne wideo :)



Pokaż trasę GPS

Tyn weekend odpuściłech rajza 24h, trocha trza "dychnyć" po ostatnich ultra-wojażach, a i nabrać sił na planowano na nastympny weekend ŁÓDŹ (kieryś se pisze?) :) Ale to niy oznaczo, że dzisiejszo dobro pogoda bydzie optymalno do 100% relaxxxxxx'u ;P
Ustawka w Pawłowicach o 7 rano. Czyli 4:50 pobudka. Społech prawie 2h... kaj jo se szlajoł dzisiejszyj nocy.... ;> Po 2-iyj dopiyro w doma ehm. Nieważne ;) Wyjazd 6:10, przyjazd na miejsce 7:10, prawie równe 30km. Czekali tam już bracia Krystian i Janusz Janekbike    oraz 17-letni adept kolarstwa, ale kurde zapomniołech imie :/ Robiło se już coroz cieplij, beztoż seblykłech kurtka. I jazda aż na Salmopol, droga A81 praktycznie pusto, no bajkowooo se krynciło! We Wiśle tradycyjnie zakupy u sponsora. Podjazd pod Salmopol jakoś inaczyj, niż ostatnio, gorzyj... Cało trójka mi odjechała. Na szczycie straciłech 2-3min. No i krótko pauza. Jo se delektowoł zapachami z rusztu jakigoś górola - oscypki tam mioł ;) Zjazd spoko, aż do DK na Żywiec. I kolejno w strona Kocierz-Hills. W tym momyncie już fest wioło ze wschodu. Czyli np. na zjeździe do Szczyrku był problym uzyskać powyżyj 40km/h... ale jazda w peletonie przispieszyła tympo nieco :)
Aż do początku podjazdu na Kocierz wszystko spoko; potym - znowu towarzystwo mi odjechało... Coś dzisio nie halo było hmm. Moje przipuszczynia? Pojawiający se powoli głód. Ciynższy sprzynt - o dobre 3kg od towarzyszy. Zapakowany bikepack + cały zestaw 1. pomocy + lemondka + wh-r501/durano. Na podjazdach to dowo różnica na pewno. Ale jedno jest pewne - góral zy mie nigdy dobry nie był i nie jest. Cały podjazd na przełożyniu 1/1, Vavg 9-11km/h... Niech specjalista Karel podo swoji V - jego domowo hopka ;) Ponownie 3min. straciłech. Krótko na wiyrchu i na Andrychów co pojeść. Udało se znalyźć fast-fooda :) Jo se wziył 2 zapiekanki po 4,90 i miołech problym to wszamać hehe ale przinajmij aku naładowane aż du dom. Czyli miejscówka w tymże mieście już mom dlo ciepłego jedzynio.
A droga du dom to już mmmm :> na wschód, ze wschodnim wiatrym - to był w zasadzie huragan! Średnie pod 40km/h. Tzw. PETARDA! nawet zmiany w peletonie niespecjalnie dowały jakokolwiek korzyść hehe. Przed Pszczyną młodszy kolega łapie kapcia. Wtedy se padołech: tak zapierd***my, że nawet nie wiym, kaj my to już są :D :D Potym na Pawłowice, kaj my se rozdzielili - jo pojechoł na Żory. Do rybnickigo rynku walczyłech o średnio 31 - co se udało. Potym już na lajcie du dom.

Dziynki chopy za zajembisty przepał! To był dobry trening! :) I duży podziw dlo tego młodego pana, że doł rada. Forma super, tak myśla :)
 
Na stravie mi sie zastopowało od Pawłowic, we Wiśle dołech start dopiyro. Nie wiym czamu se tak stało...
Pokaż trasę GPS

Pogoda na sobota zapowiadano bez opadów, trocha słońca i ogólne nie za ciepło jeszcze. Wiync symboliczno rundka na poblisko hołda Żar. Karel zgłosił gotowość jako jedyny. Chwała mu za to, bo zapomniołech se słuchawek i całe 200km w ciszy to by mi łeb rozdupiło... ;>
Wyjazd na spokojnie po 10yj. Ogólnie ta rajza rozpoczyno drugo młodość napyndu w tymże Faście ;)) ...aż szkoda jeździć heheh
Funkiel nówka © gustav


Śniodanko © gustav


Burdel na kółkach © gustav


Jedziem tam!! © gustav


Bocian Tomek © gustav


Na trasie © gustav

Piyrwsze 60km pod wiatr, średnio niycałe 28. Na rondzie w Kęty'uckiy spotykom Karela. Pogoda tako, że kuźwa niy wym - w 5min sekwyncjo tympyratur 5-8-6 i tak cały czas... Jak widać na foto - po roz piyrwszy od prawie 2 lot jada bez lemondki. Tak dlo odmiany. Uczucie? Tragedia na prostych odcinkach. Jeszcze po hopkach, w mieście ujdzie.. Jutro wmontuja tynże ważny elymynt nazot!

Realne 15st w słońcu © gustav

Kupiłech se 5szt. ŻYMŁ z jakimś dodatkiym ziołowym. 4 od razu se zeżorłech.

U sponsora © gustav


On i te jego szatańskie palce © gustav


Bezsynsowne © gustav


Tam jadymy © gustav



Tympyraturka na podjeździe 5st. Czyli jedna z najgorszych - bo człowiek obleczony jak na zima, a na takim podjeździe na wiynkszym pulsie jest w stanie zgoreć! Beztoż podjyżdżalimy fest spokojnie.

Profilowe hehe © gustav




Na podjeździe © gustav


Jeszcze trocha © gustav




Jakoś woda i hopy © gustav




Zadupia na nizinach © gustav




Kilimandżaro - The Babia © gustav

A potym najkrótszom opcjom do sprawdzonego niegdyś baru słodkości :> Uzupełnić wyngle rzecz jasno. Wziyłech se pizze na droga powrotno i mega zajembiste ciacho - wzorym pani cyklistki.pl heheh

Tu to moga siedzieć cały dziyń © gustav


3zł ale kij z tym - zajembiste! © gustav


Wpieprzo jakby tydziyń niy jodł © gustav
 
MasterSzef zapraszo :))


W B-B'owyj biedronce kupuja jeszcze ice tea, żegnomy se i kożdy w swojo strona. Była pikno jazda w strona słońca :)) no i w końcu wiater niy przeszkadzoł, to se szło kulać pod 30km/h.
W Strumieniu akcja, w kieryj skoczyło mi ciśniynie na maxa: dojyżdżom do skrziżowania, zjyżdżom do środka drogi celym skryncynio w lewo, aby zostawić miejsce do gościa z tyłu, co ewentualnie mógł jechać w prawo. A tyn idiota mie minył z prawyj strony, zajechoł mi droga, zatrzimoł se (no bo znak chyba stop) i jechoł w lewo. Po 200m spowolnił, poczekoł na mie, poczym zahamowoł na szlak jak dogoniłech go na 2m. Podbudowoł swoje ego i odjechoł sku***el jak dziecko. Goniłech go bo za 1km były już światła przi DK81, ale niystety niy zdonżyłech... zjebołbych go konkretnie. Śmieć zasrany. Se tak tera myśla - zaro jak mie wyprzedził chamsko, to mogłech odpolić najbardzij wku******cy tryb w mojij nowyj latarce - jakiś 15 ultra-jasnych migotek na sekunda. Uwierzcie mi - z tym niy ma żartów. Negatywne skutki neurologiczne bardzo prawdopodobne.

Bielsko wyjazd © gustav

Po 20yj w doma. Ogólnie zjodłech tyn ryż rano, 5 leciwych żymł, baton, ciastko i 2 mini-pizze. Ujdzie jak na mie ;)



Pokaż trasę GPS

Sobota miała być iście wiosynno - no to trzaby co pokryncić.  Paweł zaś se zgodził na kryncynie, beztoż wyszła wiynkszo rajza. Tak to bych obroł kierunek yno na Ostrava (w końcu!!) i od razu na Wisła. Wszystko je na wideo, dom symboliczne fotki  :)
Ogólnie: uaktywniony bardzo silny południowy wiatr, jakiś 10km za Ostravą (16km/h na prostyj...) - skutek to odwołane skoki, a także torpedowe tympo z Ustronia do Żor (np. 17km w 25min ^^)
Zjdołech: ryż rano, w rajzie banan, 2 batony, paczka waflów, 3 kołoczki i 7 prymitywnych bagietek = równowartość 10 kajzerek, czyli już nie dużo hehe.
Dobrze, że wziyłech bryle przeciwsłoneczne, bo nowy karbon Pawła tak fest raził po oczach, jeszcze bioły kolor... :D :D
Na ekspresowej S69 od granicy nie było alternatywnyj drogi i trza było jechać... przed siebie ;D ale fest fest znikomy ruch, chyba z 5 aut. Ważne, że jest KOM! :))
Co do skoków - szkoda ludzi, co przijechali z drugigo końca kraju i pogoda ich tak wyciulała...
Zakres tympyratur: 2 - 13,5 - 6.
No i pynknyto szprycha, kolejny roz... dowo do myślynio... Zdonżylimy w Trzyńcu znalyźć chyba jedyny otwarty rowerowy, a za 3min. mieli już zamykać... Trza przesłać stosowne pismo do sprzedawcy tychże kół.




Jego RELACJA



Pokaż trasę GPS

Stacja badawczo Amundsena Scotta na Antarktydzie to je mojo inspiracjo - ale niy mom okazji widzieć jij nawet przi użyciu teleskopu od brata, co dostoł na urodziny... 7394kN.


Rajza z tych po prostu: BOMBON! Paweł CFCFan zaproponowoł w sobota tripa przigranicznie po Czechach, pod tamte górki. Mimo, że zapowiadano za dnia max 5st. i ledwo co słońca, a jo po ostatnich grudniowych rajzach w podobnyj tympyraturze padołech "nigdy wiyncyj", to jednak jakoś se na to zgodziłech hyhyhy... W KOŃCU odwiedza dalsze rejony naszych południowych somsiodów... "dalsze" - czyli 20-30km od granicy, na wysokość Prudnika. I godo to tyn, co jeździ rajzy 500km po gminy pod np. Ostrów Wlkp... ;> No ale w tym roku musza objechać co nieco teryny Czech, bo jedynie Lyso Hora, przigraniczne wioski i jezioro w Hlucinie to je mój aktualny dorobek :D

So... ustawka w Gorzycach o 7. Jo jak już se obudził przed 5, to tako automatyczno demotywacja, jak nigdy. Chce se spać, fajnie cieplutko, a tu zaro cza wychodzić na otwarto przestrzyń, kaj grubo na minusie... :(( Nienormalne to je. Ale wplompołech w siebie nudle i jazda.


U Sponsora przed Chałupkami. Musiołech se zaopatrzyć w optymalno ilość jedzynio, aby stykło na pyndalowani po czeskij stronie. Czyli paczka fafluf ryrzofyh, 2 kołoczki, 3 rogale. I ajs ti :)


Smoczek;D


Piyrwsze extra widoczki za Hat'em. Piyrwsze podjazdy.


Fast and Slow, joł joł joł! W tymże miejscu Paweł zauważył, czamu mi coś cieknie z torby podsiodłowyj i czamu mom lodowo sopla na lince z hamulca o.0 okozało se, że butla z biedry, w kieryj były resztki picia - może była zakryncono na 70% abo jaki pieron. Grunt, że cało elektronika w etui była sucho - powerbank, latarka, aku.





To idzie na fenpejdż, bardzo ostatnio popularny! ;D


Opava. Tak powinny być projektowane ścieżki rowerowe!!! A w Rybniku jak sie nowe buduje, to kuźwa... mo sie ochota powiesić publicznie tych wykonawców-debili-idiotów.


Jakość drogi głównyj, na kieryj my jechali - bdb. Ale ta na foto... To jest po prostu poezja. Tzw. rodzynek. W Polsce tyż taki som, żeby nie było, ale mało kaj ;) To jest rodzaj asfaltu, na kierym niy czujesz szumu opon - gładko jak na panelach w pokoju! Aksamit, ptasie mleczko, materac za 3000zł nie wiym, do czego to jeszcze porównać ^^


I coroz dłuższe podjazdy, coroz bliżyj gór...




Piyrwsze serpentynki. Czerwony asfalt, nie wiym po co, ale wyglondo extra. Można se poczuć, jak na festiwalu w Cannes :))


I tam se kierujymy!



Bruntal PKP ;]


I tu już piyrwszy mega-wju w strona gór. W oddali jest Pradziad. Dzisiej to było raczyj niewykonalne - tam wjechać, skoro na "nizinach" śniyg i ledwo co powyżyj zera.



I gryfnie zadbany przistanek;]


W okolicy uwaga: Rybnik i Góra św. Anny, czyli Annaberg :D


Czeskie specjały, czyli chlyb krojony i baton z koksami.

...znaczy z kokosami ;]

Jedyno samojebka;> W tych okolicach były 2 zajebiste zjazdy. Piyrwszy, super asfalt z kilkoma ostrymi serpentynkami, od Andelskiej Hory, I drugi - od Hermanovic do prawie granicy, 12% wg znaku w dół przez dobre 2-3km, szeroko droga i kurde średnij jakości asfalt - na luzie tutej uzyskołech 75km/h. Szybcij to już se bołech normalnie. Gdyby asfalt był równy, spokojnie można jechać powyżyj 80km/h!


Multum śniegu, drogi suche, 0-1stopnia brrr!


Pablo - taki aero to se na zjazdach robi! ;]


Prudnik...


W tymże mieście szukalimy jakijś tanij restauracji, kaj szło co ciepłego zjeść. Po zapytaniu 3 lokalnych obywateli i ich niewiedzy, kaj idzie pojeść, niystety jechalimy w strona Kauflandu. Ale Paweł sokole oko wyczaił tako oto jadłodajnia. Wbiłech do środka rozeznać sytuacja - dużo jedzynia do wyboru, w miara dobryj cenie i co najważniejsze - nasza karta przetargowo to było wniesiynie rowerów do środka. I bezproblymu dostalimy pozwolynie;) Ludzie tam pracujoncy (może i jeden z nich to był właściciel, nie wiym) - przemili, bardzo pozytywnie nastawieni. To jest fest duży plus. Przez to moga polecić to miejsce: skrzyżowanie DK40 i ul. Wandy. Przi okazji już mom kolejno sprawdzono miejscówka na "wiynksze tankowanie" jak byda zaś w tych okolicach ;>




Z godzina zleciało. Wyjazd z Prudnika 15:50, pod wiatr, niystety. Ale nie był aż tak tragiczny. Beztoż aż do DK45 jechalimy na zmiany, wiync jakoś se kulało ;) I potym Kędzierzyn i standardowo na Kuźnia, Rudy, Rybnik. Zleciało na pogaduchach i na ogólnym moim zachwycie nad nowym oświetlyniym. Pod domym nieco po 20:00. Czyli na tym jednym aku udało mi se przejechać dzisiejsze nocne 54km, prawie 2,5h i wczorajsze 22km w godzina z groszami  - całość na różnych trybach mocy - głównie 25-50%. Czyli jest dobrze. Ponoć przerobiony tryb do 50% powiniyn wytrzimać 3-3,5h na jednym aku. Także dużo testów bydzie w bliskim czasie :) A do komfortowyj jazdy po ciymnych lasach wystarczo nawet rzekome 25% mocy.

Zjodłech: rano nudle, do oporu rzecz jasno. W trasie 2 kołoczki, 3 rogale, paczka wafluf, średnij wielkości obiod (Paweł mo na foto, bydzie u niego na blogu zapewne), 2 banany i 2 czeski batony.

Zakres tympyratur: -4 >> 4 (2 krótkie skoki do 5) >> 2. Słońca najwiyncyj było z rana.. :/

Rajza mimo tych zimnych wartości - udano fest a fest! Czuć w szłapach coś - tak mo być :)

Pokaż trasę GPS

Czas myj pyndzyje chyba dobiygł końca, mimo że pyndzyjo to je coś, że jak se zacznie, to trwo po wieki wieków.. Nieco ponad miesiąc to trwało yhmm Tak samo kijki do Wordic Nalking wyciepłech do hasioka, to niy ma na moji predyspozycje.
Tak wiync wracom do świata ludzi niynormalnych i jadymy z tym koksym! Dzisiejszo sobota miała być już prawie wiosynno, wiync powstoł plan na jako grubszo rajza - padło na Kraków nawet niy wiym czamu. Także dołech info na BS, stravie, kolarskij grupie rybnika, kaj je 187 typów, no i gotowość zgłosiło 2 ludzi... Ktoś mioł czekać na krakowskim rynku.
Wyjazd punkt 8:00, poprzedzony wynglami w ultra-opcji


O 8:15 czekom 5min w 1. wyznaczonym punkcie spotkanio, może kto przijedzie... niystety, nikogo niy ma



Nowe oponki - elegancjo!;]


W Żorach czekom o 9:00 na 2. punkcie spotkanio, tam se pojawio yno Paweł, kiery w ogóle som zaproponowoł, aby w tyn dziyń walnyć jako rajza. Nikogo wiyncyj niy ma. Jakoś mie to niy dziwi ;)


Kapitalno przejrzystość luftu! na fotkach tego niystety niy widać :/


Paweł i jego nowy kumpel, były mieszkaniec Szczecina


Za Oświęcimiem wyjyżdżo nom naprzeciw Funio. Tu od razu jego relacja z wieloma kontrowersyjnymi fotkami..

http://funio.bikestats.pl/1425405,Krakow.html

A tu już na 95km w Alwerni piyrwsze tankowanie ;]



No i nowe kółeczka Funiatego. Ponoć na tych wiynkszych stożkach szybcij jeździ. Co z tego, jak z kożdyj hopki go doganiołech :D Piyrw trza popracować nad pozycją AERO, a potym stożki ładować hehehe




Ogólnie mielimy se pojawić na godz. 13:00 - jak poinformowołech; bylimy o 13:15. Dużo skrziżowań po drodze do cyntrum i korki. I niy rozumia dalij - od Żor do rynku ze 105km, średnio my mieli 30km/h. Max 15min w biedronce i żodnych inkszych przerw. Jak my se mogli spóźnić o te 15-20min... No ale nikogo nie było :/

I tradycyjnie szeroko pojęty szpan, lans na krakowskich brukach.





Tu niy trza komyntorza xD




LOL


Smutno informacjo je tako, że żodyn niy chcioł se z nami fotki walnyć. Ale jak jakiś typ lewitowoł na patyku, to w 10sekund zebrało se 200tyś. ludzi wokół niego hmm

Na wyjeździe pod sklepym. Funio ogólnie zaproponowoł runda do Jaworzna przez lotnisko, bocznym drogami.

Tako tympyraturka utrzimywała se przez hmm 2h, od 13 do 15. O 16 już było 5-6st...






No i Jawoooorznoooo. Again...
Tu już oblykom wszystki lonty co mom, bo zima zleksza se robi. 4st. Na postoju spoko, w czasie piyrwszych kilometrów trocha zimnawo, ale potym se nawet przegrzywołech 0_o Niy ciyrpia takij pogody!



Droga do Katowic identyczno jak ostatnio z xtnt. Ale ruch niywielki :) Na widoku pojawio se lidl, no to wbijomy!
6zł 31gr za: 6 bananów, czekolada, 1,5l picia. Jest to chyba rekord w taniości hehe.


Do Żor tradycyjnie A81, pod wiatr, ale niyspecjalnie przeszkadzo, czyli spoko ;] W tymże mieście se żegnomy. Morale dalij okej, ale jednak rezygnuja z dokręcynio do 300km. Musiołbych 25-30km jeździć po Rybniku. A niy ma na to motywacji, bo w tym roku niy ma już nagonki na ilość kilometrów.. No ale od razu jak wjyżdżom na teryn mojigo miasta, to od razy zaczyno nadupczać smogiym!! I tak jak jeszcze miołech dylemat, czy jednak dokręcać, tak w tak zanieczyszczonym lufcie marza yno o tym, żeby znalyźć se w doma! 3km od domu nad drogą jest normalnie aż siwo! masakra, czuja na języku jakiś choby kwas abo pieron wiy co...
A 500m od domu mom fastfood'a, a że mom mega smaka, no to wbijom!


Ochłodziło se mega, yno 2st. hehe. Trip udany, wszystko piknie cacy i w ogóle :)
Zjodłech: tyn makaron z foto, 2 małe bagietki, 2 jeszcze mniyjsze batoniki, 3 kołoczki, czekolada i 4 banany. Bez tragedii :)
Pozdro i do nastympnego!

Pokaż trasę GPS

Dzisio miołech jechać do Katowic i gynał jak se szykowołech, to zadzwonił telefon - w sprawie mojigo akumulatora, kierego oddołech w sobota tydziyń tymu w ramach reklamacji. Niy dało rady wymiynić, zaproponowali zwrot kasy. A skoro Regulice som niydaleko Katowic, no to postanowiłech zaś tam zajechać - jazda w celu konkretnym znacznie bardzij motywuje. W zasadzie obraz tyj rajzy z głównymi punktami identyczny, jak ostatnio - a ogólnie 2/3 to samo. Pogoda bombon, yno 5st... Wiater nawet mocny z południa.
No i co, w Bieruniu cholernie przewalone korki!! + jakoś karetka i miejscy pół na drodze, pół na poboczu w pobliżu głównego skrziżowania, wiync se kumulowało. Korki z kożdyj strony świata... Zjechołech z DK44 na DW780 i jeszcze szlabany zamknyte... ;D jak se dźwigły, jo ruszył z pole position i z naprzeciwka zaś mega korek - wg mapy aż 2,3km! Normalnie aż mi tych ludzi było żol heheh..


Tako zima, póki co


Sprawa w Regulicach załatwiono ok, se tyż zjodłech batona i kołoczyk + mało żymła, kiere były już zamarznyte prawie... A potym na San Jaworzno. Wypadało podjechać do Funia na byzuch - tak żech tyż zrobił, tako niyzapowiedziano wizyta ;] Podjechołech, auto stoło, zadzwoniłech... ktoś do okna wyloz, spytołech o gospodorza Tomasza i czekołech... 1,2,3,4,5min i cisza. A srać to, jada dalij, bo co byda jak gupi stoł pod płotym ;> W cyntrum podjechołech pod nowo otwarto galeria - no i teraz w tymże mieście w końcu zaczło se życie! Ludzie szczyńśliwi, jak by miljon dolcuf wygrali hehe




Niyopodal czekoł już Tom xtnt - od razu w strona Katowic. Po drodze jeszcze na kebaba - w końcu jakiś ciepłe żarcie, no i szło se ogrzoć gryfnie :))




A w Kato to już ogiyń! W zasadzie on se zaczył już, jak dwupas DK79 w pewnym momyncie stoł sie czteropasym xD a jo na samym środku... i z kożdyj strony 5000tyś aut. Ale cudym udało se przedostać na ścieżka


No i Tom jako że pracuje w Kato, no to pokozoł mi najlepsze nocne miejscówki. Wstyd se prziznać, ale w cyntrum tego miasta byłech kołym ostatnio na TdP 2 abo 3 lata tymu... Katowic praktycznie w ogóle niy znom. A mom do tyj giga-aglomeracje ze 45km. Wiyncyj kilometrów mom przejechane w znacznie dalszych stolicach województw... Kraków, Opole,  Wrocław, Warszawa, Poznań, Szczecin...














Powrót ukochanom, wyczyszczonom autostradom A81 :)) Ale pod wiatr, kiery jednak w tym czasie zaś se uaktywnił :/
Także zostało jeszcze 1235km. Ta rajza to jest mały punkt w moich statystykach, ale wielki w kontekście tegorocznego planu ;]

Zjodłech: w doma nudle, w trasie kebab, kołoczyk i 3,5 żymły, no i batonik ;D
Tympyraturka: 6-0st.

Relacja xtnt

Pokaż trasę GPS

48 dni do pyndzyje i zostało yno 1694km hehe ;]

Dzisiejszy cyl to był sklep rowerowy w Regulicach, w kierym przez internet zakupiłech mojo lampka przednio Prox - musiołech oddać do reklamacje. Powód? Słabe aku. Powinno na najsłabszym trybie świycić ok. 15h (co potwierdzom inni użytkownicy tyj lampki), a mojo świyciła 9h, niy ważne, czy była ładowano przez 4h czy przez 12h...

A że niydaleko Regulic jest...


...to przed wyjazdym dołech cynk Funiatymu że byda w okolicy i czy co jeździ tyż na kole. Oddzwonił, że krynci w okolicach Oświęcimia i jedzie w górki, ale może se dostosować do mie, wiync bydzie czekoł w Pszczynie.
Jo napchany nudlami i dwoma kawami wyjechołech i kurde pogoda elegancko, ze 14st. 5km przed Pszczyną coś mi w przednim kółku zaczło amortyzować zleksza. No jaaa chyba dyntka przebito. Ale kurde fest powoli uciekało, wiync szło jeszcze se dokulać do cyntrum, kaj czekoł el Tomasz. Podjechalimy w okolice rowerowego, wymiyniłech se dyntka, no i poszłech do tego sklepu, coby użyczyć pompki, żeby konkretnie napompować. A w sklepie odpowiedź, że niy ma pompki na tyn zawór [presta]... To tak jakby w piekarni nie było kołoczków!!
No nic, dopompowołech swojom pompkom i wyruszyli my na Oświęcim i Alwernia. Tomek chamsko stwierdził, że skoro mi przebiła se dyntka, to niy umia jeździć, niy przigotowołech se do jazdy itp...
No i jadymy se tak na Oświęcim, jo za tym jaworznowskim typkiym i dziwom se na jego zadnio opona, w kieryj jakoś luftu ubywo xD Stowomy i godom mu co i jak. "Tomek, tyś se chyba tyż dzisio do jazdy niy przigotowoł" :D :D

Panie na przistanku miały darmowo rozrywka przi czekaniu na busa ;))

A na mie godoł © gustav


Dw780 © gustav


Czasym słońce wylazło © gustav

W Alwerni pauza w biedrze. Kupiłech se nowość - chlyb z rodzynkami, poza tym 3 kołoczki i picie.

Zakupy prawie jak moje © gustav


Chlyb level up - z rodzynkami © gustav

95km zrobione, a mie se niy specjalnie chciało jeść. Yno/aż pół tego 400g chleba zjodłech.

Zjazd z Alwerni © gustav

W Regulicach wbijom do owego sklepu załatwić reklamacja i dodatkowo kupuja zapasowo dyntka.
Trocha dalij Funio wypoczywoł...

Funio i czorne kable nad nim © gustav

A potym przijechalimy do Jaworzna City... mekka kolarstwa w GOPie. Fest lubia te miasto. Poważnie.

Jaworzno, miasto kaj tyż som fundusze na remonty

Remonty taaa © gustav

Jaworzno, miasto kaj czasym ciynżko złapać ostrość

Uśmiych szef © gustav

W drodze na chata Funia

Na ścieżce © gustav

Jego bryka :))

U Funia na chacie © gustav

Malowali nowe pasy, a Tomasz mioł na to wyebane i se przez nie przejyżdżoł. Dostoł ostry opi**dol w polskim stylu "no ku**a mać świeżo malowane!!!" ale żodyn drogowiec od pasów nie był w stanie go dogonić ;D W ogóle Tomasz to je hardkor w poruszaniu se po mieście. Na znakach stopu se niy zatrzimuje, yno przispieszo. Na ronda wjyżdżo jakby mioł pierwszyństwo. Niy dostrzego koloru czerwonego na sygnalizacjach...;>

Remonty cd © gustav

Na rynku ogólnie bida. Wg mie to była najciekawszo rzecz do sfotografowanio.

Nic ciekawego na tym rynku © gustav

Rondo od licytacji na WOŚP i prawie otwarto nowo galeria. W końcu w Jaworznie zacznie se ŻYCIE! empiki, H&M'y, Multikina... :))

Nowo galeriona © gustav


My city. My home. My life © gustav

Funio odprowadził mie pod Lędziny - bo niby najkrótszo opcja na Mikołów. A widza na mapie, że przez południowo strona Katowic byłoby 6km mniyj :P Dopiyro w Żorach odczułech głód poważniejszy i zjodłech dopiyro 1. kołoczka! Forma w niy-jydzyniu rośnie hehe. Dokrynciłech se na 220 - tyle ile na liczniku od Vmax jest w Multipli. Pod domym na liczniku prawie 9st.! Ciepło jak na połowa listopada :)

Nudle do oporu w doma, 400g chlyb + 1 kołoczyk + 2 banany + 2,5l picia na trasie - rekord najmniyjszego jedzynia na takim dystansie hehe No i dobro średnio.
Funio - nie być zły, że spieprzyłech Ci dzisio górskie wojaże;]



Pokaż trasę GPS

Do pyndzyje to już 2197km i równe 2 miechy - je wykonalne hehe.
Xtnt zaś jako towarzysz w ultra-trudnych warunkach, ale jakby to było łatwe, to kożdy by tego dokonoł.. :) Ustalilimy spotkanie w Żorach w sobota o 3ij nad ranym. Mgieł w pierony i tympyraturka ledwo powyżyj zera gwarantowały mega "fun" - samymu to bych ani z chaty niy wyjyżdżoł ;D No może o 9yj rano hehe. Ogólnie fot było dużo, ale tu zamieszcza yno te, kierych niy ma na głównym filmiku. Opis 3 filmików na końcu :) A tu od razu relacja Pana X: klikej sam.


Na podjeździe na Salmopol © gustav


Tak to se moga siedzieć lata ;] © gustav

Decydujymy, że zostowomy sam tak długo, aż wyschnymy z tych mgieł... :) To bydzie tyż priorytet na 2016r. - jak najwiyncyj takigo relaxxu! :>

Tego nic nie pobije! Just RELAXX! © gustav


Uroki jesieni © gustav


W Żywcu. Naturalnie © gustav


Wyjazd z Żywca © gustav


I na poboczu © gustav

W drodze na byzuch do Karela, wbijomy na podjazd, jakigo moji oczy (i szłapy) nigdy niy widziały!
28% na 100m

Moji przełożynie 34/28 niy dało rady, mimo że mocy w szłapach było nadto. Trza było próbować wjechać na siedzonco, bo w innym przipadku tracił se docisk. W tym najbardzij pochylonym miejscu to już prawie przedni kółko se dźwigało... W takim momyncie podatność kiety na zerwanie wynosi już lekko 50%. Warto, bynajmij w górach, mieć w aptyczce skuwacz :)

Na Kocierzu ciekawy widok - całe "niziny" na północy we mgle. Noo a my tam se kierowali... ;]
U Karela pauza - gospodorz podoł nudle ze smakowitymi dodatkami. Jo bych tyż musioł zmiynić sos/cukier na jakiś ekskluzywne dodatki typu warzywa, kyjza, jajko... :D Ponowne dziynki za dostarczynie wyngli! :)


Road to 28%! © gustav


A to na równoległym podjeździe © gustav


I lekko serpentyna © gustav


Okolice Kocierza © gustav


K4r3l masterchef! © gustav


Ładujymy nudle ;] © gustav


I zaś mgłów w 3 *upy ;D © gustav

W Łękach se żegnom z Tomkiym - ponowne dziynki za kosmiczno rajza :)
Du dom z wiatrym, co se rzadko zdarzo ostatnio hehe. W Pszczynie czeko znajomo, co krynci po "okolicy" na nowyj szosie i tak se jadymy do Rybnika. Niby niy mo formy, ale na podjazdach to jo je przeważnie w tyle... Mgły coroz bardzi dowajom w kość, bynajmij mi, ale jechać idzie. Na ostatnich 10km wbijom do sklepu asekuracyjnie kupić co do jedzynio i picia - wszak te w bidonach było zmrożone, a mie już lekko gardło bolało ^^ Chocioż i bez tego tankowania na chama bych du dom dojechoł eheh. Czyli na tym dystansie zjodłech: ryż przed wyjazdym, a w trasie 4 kołoczki, 3 kajzerki, 4 kanapki z doma, banan i nudle K4r3la w Andrychowie + 2 batony na koniec :) I do 4l płynów.

A tu główny filmik

i 2 osobne:
zjazd z Salmopolu

28%



Pokaż trasę GPS

Tak wiync w tyn wyjazdowy dziyń obudziłech se chyba wyspany (raczyj, na pewno ;]), za oknym słońce nawalało ostro, ale mój dobry humor zniweczył Mors tekstym, że był na dworze obadać sytułejszyn i padoł, że o tyj 7 rano było ze 2-3st., szron i północny wiater... o kufa, brrr... Spakowołech se i do kuchnie na śniadanie w jego rodzinnym gronie. Zamiast wyjechać przed 8, to wyjechalimy po 9, bo ciynżko było zakończyć debata przi stole; już nawet niy pamiyntom, o czym to se direkt godało hehe. Ale po tyj 9 już było chyba z 7st.

Morsa relacja tukej ;]


Morsu w akcji © gustav

Dziwejcie se na tego typa, jaki mo bicepsy, tricepsy, przedramiynia... ;] Ale trynować szłap to se niy chce...
A przede wszystkim warty uwagi jest sprzynt, na kierym pyndaluje - jest to szosowy Romet. Opony jakoś 1.3 i fabrycznie (?) ustawiono kierownica w dół dowajom do myślynio. Mors to je w ogóle hardkor - bez przednigo hamulca zjyżdżoł z gór hehe.
Odprowadził mie na piyrwszych 35km, potym stwierdził, że niy chce mie dalij spowalniać, że niy wziył ze sobom jedzynio, że to i tamto. Kufa yebane wymówki :D :D No ale okej, niech mu bydzie hehe. Tak wiync jeszcze z 15min lekko my pogodali, w miyndzyczasie przesmarowołech se kieta no i jazda dalij w otchłań niyznanych jeszcze asfaltów :)

Gustavo w akcji © gustav


Jakiś pioski © gustav


Taki asfalty © gustav


Zdarzały sie mega-hopki © gustav


Jakiś miasteczko abo wieś © gustav

Lubuskie to je leśne województwo, dużo było aut na poboczach, dużo ludzi-fanatyków zbiyrajoncych grziby.

Dużo grzibiorzy © gustav

A tu jeszcze odcinek prawie 3km...

Nic yno robić KOMa! © gustav

Dużo takich krajobrazów...

Mieszane uczucia ;] © gustav


Do Słubic jeszcze trocha © gustav

Ale momyntami było gryfnie;]

Kajś na zjeździe © gustav

Jedno z ładniejszych miast na trasie. Był mega podjazd i coś ala serpentynka;]

Krosno Odrzańskie © gustav

Taki asfalty to jo rozumia

Przidrożno ścieżka © gustav


Coroz bliżyj granicy © gustav

A jo tyż jada z załadunkiym :P
BTW. tu fajnie widać mój najtańszy patynt na maksymalno pojemnośc picia - litrowe butelki tymbarków i koszyczki z decathlonu, bo moji dotychczasowe custom race były standardowo - za małe na tak szerokie butelki :)

Takie fajne;] © gustav


Ostatnio prosto! © gustav

I cołki czos jazda pod wiatr, roz mocniejszy, roz słabszy. W tych wszystkich lasach było czuć słabszy wiatr, wiadomo. Ale już przigranicznie, na otwartyj przestrzyni - łohoho ;D Niy mniyj jednak - niy było huraganu. Prawdopodobnie ciynżko bydzie pobić mój wigilijny wyczyn z zeszłego roku, jeśli chodzi o jazda pod wiatr heheh...

Zaczynajom se wiatraki © gustav

Chyba był uzyskany vmax, kajś z 50 ;p

Piyrwszy taki znak na tyj rajzie © gustav


I zaś linijka © gustav


Słup Tutenchamona © gustav

Tu żeh podjyżdżoł w zasadzie na lajcie 15km/h...

Wyjazd z Woodstock'a - max. 5% © gustav

Lokalny moto-drajwer. Te foto idealnie ukazuje debilizm w przepisach, w znakach, wiadomo o co chodzi. Motorowerzysta ledwo sie kuloł 30km/h i legalnie se jedzie po tyj drodze. Jo go bez problymów wyprzedził, a niby powinienech se pyndalować po tyj ścieżce obok...

Wciep mu trójka, bo go zajedziesz :D © gustav


Zachodniowo © gustav


Sarbinowo bodajże © gustav


Jakiś lajt-podjeździk © gustav


Chojna i jej budowlany gigant © gustav

W tymże mieście tankowołech w biedronce. Prziszoł ku mie jakiś gościu i se sytoł, czy jada w tym ultramaratonie dookoła zach-pom.
"Niyyy, jo se jada tak 4fun po naszym kraju" ;]


Ksiynżyc w pełni ;] Ale Roberta w drodze niy widziołech heh Teleskop by se przidoł © gustav

No ale wieczór to już mega-chłodny... Niycałe 7st. i trocha mi już była zima w szczewikach. Ale było już bardzo blisko Szczecina, wiync przetrzimołech. Info do Michussa co i jak, ale mi padoł, że se trocha spóźni. Wbiłech wiync na tanksztela w stolicy tegoż województwa, ciepło herbatka, wifi i se grzołech ;]

W oczekiwaniu na Michussa © gustav

W końcu dostołech info, że moga wyjyżdżać, w sumie niycałe 3km yno. Do mieszkania Michussa mega-hopka, tak wiync owy chłód niy istnioł w tym momyncie xD Poznołech wiync kolejnego bikestatowicza, akurat był/jest w trakcie przeprowadzki, wiync warunki jak to on som padoł - bojowe - ale to niy mo znaczynio przeca ;] So... coś se zjadło, coś se pogodało i tela - jutrzejszy dziyń to zwiedzanie w końcu na kole tegoż miasta i północnych okolic :)

+15 gmin

Pokaż trasę GPS