Tym razym Speed'ym. Traska na Wodzisław - Jastrzębie - Pawłowice - Żory - Rybnik. Wiater średni północny, tympyraturka 0,5-1*C. 
Już po 2km byłech świadom tego, że moji szłapy niy majom mocy na gipciejsze pyndalowani... Widocznie obiod za mało wyngli mioł hehe. Chocioż na jednyj prostyj spier**lołech przed autobusym jakiś 50km/h, bo mu zajyżdżołech pas, a na środku drogi jakoś wysepka kostkowo (a obok ścieżka dlo rowerzystów...znaczy chodnik bardzij). Taki życi kolorzy asfaltowych hehe
Cyl był yno jedyn: zonaczyć na BS 1100km :>

Urlopowym tympym po Rybniku. Mimo, że pojodłech jakiś tam słodkości, to w ogóle niy miołech siły gipcij pyndalować. Ale teki relaxx dobro rzecz :) Potym do sklepu po 10 żymłów, kyjza (zachciało mi se zapiekanek na kolacjo :P), warzywa na patelnia i % dlo opy hehehe. Wedle prognoz to już wczorej, dzisiej miało padać, a jako je? Sztyjc SUCHO!


Elektrownia © gustav


Kajś przi tankszteli © gustav

Czyli wypad do Bytomia do ciotki i ujka w byzuch. Obiecołech im to już przed nowym rokiym i po nowym roku, ale dopiyro dzisio se udało hehe ;) Wszamołech 250g nudlów (woga przed uważyniym) i w droga! A 250g ryżu już bych niy doł rady.. :P Ogólnie dzisio już trocha zima, 2-3*C, no i wschodni wiaterek, lekko odczuwalny. Do Bytomia postanowiłech zrobić 100km, wiync obrołech se droga bez te zadupia i ciulate drogi wojewódzkie..  Piyrw tragedia 922 do Kuźni, potym tragedia czynściowo 425 i na koniec oczywiście tragedia 408 do Gliwic (noo w czyńści Ślonskij trocha lepszy asfalt, ale rzici niy urywo, yyy znaczy coś tam tyż urywało). Do Bytomia przijechołech, 99km i niy byłech głodny! A skoro tak se już dzieje kieryś roz z kolei, tzn. że to już niy ma cufal! No i co - z zimnego dworu wlozłech do cieplutkigo domu, od razu na obiod, czyli sikorki. Ciekawo nazwa placków po ślonsku hehe. A potym zista mmm :>

Te zdjynci zisty je 10x bardzij wartościowe (i to dosłownie, wyngle ważno rzecz!), niż jakiś fotki, co bych mioł cykać dzisio w trasie :))


Wpierniczomy! © gustav

Kurde jaki jo mioł opór, żeby pyndalować nazot du dom... :D Sie kurde zasiedziołech, dobre 2h :P Po 10min. oblykanio mojigo zimowego skafandra podziynkowołech za ukochane wyngle i w droga! :> Aż du dom było sztyjc 1,5*C a mimo to było mi ciepło. No ale tyż jechołech w miara gipko. Radyjko ON i pyndalowało se rychtyk gryfnie! Mocy aż za tela, dodatkowo w bidonach tymbark i asekuracyjnie banan x1 :>


Odblaski moji szwarne © gustav

No i tyż dzisio ustanowiłech piyrwsze styczniowe 1000km w "karierze". Plan minimum wykonany :)

Pokaż trasę GPS

Obejrzołech se wczora pogoda i dzisio tak do połednia, abo ciut dłużyj - mo jeszcze niy padać. No i tyż jak na wiosna przistało - już bez mrozów za dnia. Musiołech se wyżyć wiync na jakijś wiynkszyj rajzie! Wstołech o 3:30, po 3h spanio... Ryż i te sprawy; apropo ryżu: skoro jo wdupił 1 worek i tak 2/3 drugigo worka, to abo zy mnom je coś niy tak, abo ta instrukcjo je jakoś z kosmosu wziynto... 1 worek dlo 2 ludzi??? 0.o



Oblykłech se na styczniowo, poranno aura i wyjechołech. I po 1km nazot! Normalnie hyc pieroński! Jo se jeszcze niy rozgrzoł, a już żeh se musioł rozpinać powoli :> Rynkawiczki zimowe zamieniłech na zwykłe polarowe. Kurtka w ogóle wyciepołech, tak samo jak ochraniacze na szczewiki i galoty dresowe. Miołech nakolanniki + galotki taki do lotanio, 1 pora fuzekli grubszych, koszulka termo + kolarsko, czopka i kominiarka, no i tzw. komin + asekuracyjnie bluza na kark hehe Taki zestaw to mom przeważnie rychtyk na wiosna już, jak je z 10*C... 5:45 ostateczny wyjazd :P I jak se okozało - bombon zestawiynie! Ani za zima ani za ciepło :) 

Pora wschodów, bo normalnie coś piyknego!






Tako tympyraturka o!


Annaberg, opolski rodzynek:


Do Opola dojechołech w 3,5h netto, średnio 28 z groszami. Wiater taki średni, z zachodu mniyjwiyncyj. Póki co: 2 bidony wyngli + banan. Kupiłech w piekarni JEDNEGO kołoczka i JEDNA żymła za 3zł 10gr... Żeh to od razu zjod, ale jeszcze w inkszym sklepie dokupiłech woda i 3 kołoczki, a raczyj kołoczyczki.. ;> Ogólnie tego sklepu spożywczego doś trocha szukołech, kajś w okolicach cyntrum, a jeszcze zamiast asfaltu to kostka... i średnio mi spadła o jakiś 0,8km/h :( I tak jak przijechołech DK45, tak nazot postanowiłech wracać równolegle DW423.







Droga wylotowo - porażka. Piyrwsze 30km od Opola - asfalt bajka o dziwo. A potym dalij urok dróg wojewódzkich, sztyjc jakiś połatane dziury, koleiny itp. Ale kurde tak mi se gryfnie pyndalowało, że niy wiym! :D Bo ogólnie wiater mi niy przeszkadzoł ani trocha, a tyż ta DW w porównaniu do DK45 była znacznie bardzij płasko. Mało kiedy mi licznik pokazywoł mynij jak 30km/h. 

Krótko pauza na jedzyni :P Piyrwszo pauza.




Drugo pauza to miołech w Kędzierzynie na światłach, a trzecio w Rudach w sklepie (aż mi żol było se zatrzimywać, bo tak se spektakularnie krynciło, no ale tankować trza) ;> Kupiłech woda smakowo i 3 banany. 180km, średnio rekordowo, a jo dalij naładowany jak nigdy! Skond ta moc, tymbardzij, że niyspecjalnie dużo jodłech (jak na mie hehe). Czworto pauza zaś na światłach heheheh. Ostatni 10km to już pora wzniesiyń, ale walczyłech! Ani głodny, wyngli pod dostatkiym (juz miołech myśli se oblywać, bo tak mi hyc było! 8*C eheh..), ale w miynśniach było czuć już. Dowiozłech znakomito średnio (godz. 13:30, czyli ani 8h!), kiero je nowym rekordym solo na tymże dystansie. W doma ani mi se jejść obiodu niy chciało i w zasadzie mógłbych kryncić dalij (spokojniejszym tympym wiadomo :)) Wniosek - je postymp! Optymistycznie se tyn rok zaczyno :) 

Pokaż trasę GPS

Musza se zacznyć bawić jeszcze dzisio w poprawki mojigo bloga, póki co dalij wersjo stock'owo :)

Skoro som na niekierych przeglondarkach problymy z wyświetlaniym mojigo odpicowanego bloga, to aż to czasu naprawy usterek bydzie wersjo oryginalno. Za utrudniynia przepraszom :)) :D

Rano do urzyndu, po połedniu odebrać mojo ''elka'' z reklamacje. Póki co - zdjyncia w nocnyj scenerii som okej, jutro bydzie rychtyk test za dnia :> Chodzi o ostrość, kiero se zdupczyła.


Kajś w parku © gustav


Na kampusie © gustav


Światełko hehe © gustav


I jednopunktowy tryb! © gustav


Blokowiska © gustav

Piyrw jechołech do Żor na rynek, a potym 70km pyndalowołech po Rybniku... Nad zalyw, do cyntrum, na obwodnice, do cyntrum, nad zalyw, do cyntrum, na obwodnice, sam, tam, abo kaj indzij :P Dokładnie to samo, co w mojij rajzie na 800km, wtedy musiołech tela kryncić, a dzisio niy miołech ańfach pomysłu kaj se obrać jaki ambitniejszy cyl :> Ale fun był - bo przede wszystkim piyrwszo rajza Speedym w tym roku, kiery zostoł wyglancowany totalnie (ostatnio taki czysty był, jak żeh go kupowoł :D), no i tyż dzisio piykno pogoda - bezchmurnie i 9-7*C jak żeh jechoł akurat, yno dalij wiater mocny z połednia. Przed wyjazdym napchołech se corn flejksami, a w trasie yno jedyn lipny 80g kołoczyk, tyn taki zapeklowany z biedronki :D I uwaga: zero głodu i dużo sił jeszcze zostało!!! Co to sie dzieje?? heheheh a może przez to, że 70% tego dystansu było przejechane rychtyk 4fun?

...tela dzisio było maximum na fibermasie, w ciyniu rzecz jasno :O Śniegu już nikaj niy ma, za to drogi jeszcze mokrawe. Wiater dalij mocny, ale już direkt zachodni. Dzisio jechołech se na basyn, a w drodze powrotnyj: "aa jada jaki kilometry nabić jeszcze" :D Yno du dom podjechołech, żeby pukeltasza schować, bo niy byda 2kg woził niypotrzebnie. Ale czułech, że na tym basynie dużo sił poszło, bo niy miołech mocy, żeby szybcij pyndalować. Beztoż wbiłech do lidla na tankowani po 400g chlybek ziarnisty i liter jakigoś nektaru (10g wyngli na 100ml mmm :D). Chlyb zaro cołki zjodłech i pół litra tyż poszło w bas. Po poru kilometrch zaro siły wróciły hehe. No i tak se szwyndołech na lajcie po mieście, "pobasynowym" tympym :> Byle żeby dobić do 400km w statach hehe

Kilometry trza robić, niy ma lekko. Dzisio dalij fest wietrznie, w nocy coś tam padało, ale za to tympyraturka 4-5*C, beztoż momy mokre drogi, miejscami wryncz chlapaka :/ Dobrze, że mom błotniki, inakszy bych w doma siedzioł. Postanowiłech obalić jako setka. Ogólnie przed wyjazdym niy pojodłech tak jak powinienech (czyli wyngle do syta). Zjodłech yno 3 żymły z kyjzom, zgorane w tosterze. Ale za to 40g carbomaxa, nooo coś mocy musi być :D Na trasa 80g carbomaxa w bidonach + 2 banany :> Taki dokładne dane pisza, bo założyłech se specjalny zeszycik, w kierym szkryflom wszystko na tymat mojigo zapotrzebowanio na jedzynie w trakcie pyndalowanio i ogólnie formy :) 

Dobre, koniec fandzolynio. Wyruszyłech. Kierunek Żory i potym na Jastrzębie. Wiater w ciuuul szpetny, z połednia. Do Żor jeszcze fajnie se jechało, ale już gynał potym DK81 na południe tragedia! Aż mi sie Kraków wspomnioł we wilijo... Ale jak żeh zrobił 130km pod pierońsko wichura, no to na te poranoście km'ów pod wiater niy moga narzekać przeca :) Dojechołech do zjazdu na Jastrzębie "aa choy jada na Cieszyn, niy bydzie telo do dokryncanio do 100km" ^^ Czyli dobre 20km GRATIS pod direkt wiater heheh. W jednym miejscu taki wydupisty widok na góry, że masakra!! Kolory nieba fest spasowały do gór, kuźwa czamu żeh aparatu niy wziył?? Niystety, foto zrobione moim 2mpix'elowym szajs aparatym w telefonie to se idzie... Niy kończa. Prymitywno jakość. Ale jeszcze podjada w te miejsce niy roz. Z canonym :P Dojechołech do ronda, 2 banany zjodłech i roll out na północ! Ale żeh mioł w końcu gryfne tympo :)) Podjazd i bez problymu 30km/h. Uroki tyjże pogody. No i tak se dokulołech do Rybnika, jeszcze roz na cyntrum, bo brakłoby mi ze 5km. Ogólnie tak od 90-95km czułech powoli pustka w żołondku :P Czyli jednak progress mały je, jak na 3 żymły i 2 banany heheh. Ale dalij miołech moc, wiync wyngli dobrołech chyba idealno ilość :) Zaro to ida wpisać do zeszytu.

Pokaż trasę GPS