Pogoda dzisio w kratka, ale uwaga: 10st. było w ciyniu!! Mors pewno wku****ny hehehe. No i tyż doś mocny wiater. Naszło mie zaś pojechać se polotać i spróbować ustanowić nowego rekorda. Celym było pobicie o chocioż pół minuty, a udało se aż o 2! czyli 10km w 47min aktualnie :) I tak jak ostatnio - ostatnie 2km była walka i puls na poziomie 200%, tak teraz było elegancko, w zasadzie na 90-95%.
Tympyraturka na poziomie 5st. I to wszystko zasługa tyj saszetki pewno xD


Pokaż trasę GPS

No i jutro grudziyń, w kierym musza wykryncić jeszcze 957km :)

Dzisio miało być ognicho, a wyszła klucha... no bo odpowiednij ilości ludzi nie było ;>  Xtnt próbuje robić min. 300km od chyba godz. 1:00, także padołech mu, niech po mie przijedzie do Rybnika kole 10 hehe ;] Jo totalnie bez vervy, niewyspany i w ogóle. Ale póki sucho, to trza krynić do pyndzyje.

Jego nowy teleskop; jak se potym okozało - coś mu niy fungo w tym szajsie i to chyba oddo ;D


Z Funiatym byłech w kontakcie, w synsie padołech mu, że bydymy w Jaworznie kole 14, wiync niech se szykuje.
Od poczontku mozolnie mi se krynciło. Piździało, do tego urlopowe tympo, bo xtnt już mioł chyba ze 150km zrobione, wiync bez szalyństw.




W Mysłowicach w jakimś parku w cyntrum wpierdzielomy gorkigo kurczaka! :)) A jak on był zajembiście doprawiony mmmm!






We Jaworznie (3. roz w tym mieście w 2 tygodnie - to przejdzie do historie!! :D) telefon do pana T., ale cisza... no trudno, monyj śpi, abo ucieknył przed nami i se woli niy odzywać hyhy


Potym to na Oświęcim, kaj se żegnomy. Dupny korek był, bo droga w budowie.


Postanowiłech dźwignyć tympo, bo sztyjc mi zima było... niby 1-2st. ale po gymbie chłodno...


Mors jak czyto - pewno niy dowierzo, jak to tak idzie.. tak se zakrywać :D Tak se jeździ w mojij lidze xD



Z Oświęcimia du dom w zasadzie pod wiatr, taki średnio-niysłaby hehe No ale jak momyntami na prostyj jedziesz ledwo 25...

Także ten - pozostało 999km! W dogodnych warunkach to kwestia 2-2,5dnia; a tak w grudniu to strzylom - 3 tygodnie
Pokaż trasę GPS

Zaś polotać ;) Tym razym wsadziłech chusteczki sztuk 3 do szczewika no i coś to pomogło - żodnych odcisków. Udało mi se zrobić 10km poniżyj 50min, a dokładnie w 49 :) Ostatnie 2km już rychtyk walka, ale dołech rada! Dzisio yno 3 ludzi na stadionie. Byda próbowoł tak trynować, żeby te 10km robić w coroz lepszym czasie.
Pokaż trasę GPS

Dzisiejszy cel - na główny stadion lekkoatletyczny w Rybniku, polotać se w idealnych warunkach, czyli po równyj nawierzchni, oświetlonyj z kożdyj strony ;) Jest to jedyne miejsce w mieście, w kierym prawdopodobiyństwo spotkania inkszych biegaczy wynosi >50%, tako mekka ;] Jak jo przijechoł, to już tam było z 15 ludzi. Mi se fajnie lotało aż do 4ego kilometra, potym zaczło mie coś uciskać w prawym szczewiku, ale jakoś dołech rada zrobić planowane min. 5km. Chyba byda musioł chusteczka abo i dwie dać do tego szczewika, może pomoże. Bo na pewno niy ma to wina fuzekli, tudzież skarpety, i szczewika... Ogólnie te 5km w prawie 25min, czyli tak optymalnie, reszta jak kaleka, no niy szło :(

Co do stravy - podaje zero przewyższyń i to se zgadzo, natomiast na wykresie widać hopki po 7% LOL!

No i moga być z siebie dumny - dodołech piyrwszy segmynt w lotaniu w cyntrum Rybnika ;D a drugi i zarazym ostatni jest na granicy miasta. 2 segmynty na taki niymałe miasto...

Pokaż trasę GPS

Dzisio miołech jechać do Katowic i gynał jak se szykowołech, to zadzwonił telefon - w sprawie mojigo akumulatora, kierego oddołech w sobota tydziyń tymu w ramach reklamacji. Niy dało rady wymiynić, zaproponowali zwrot kasy. A skoro Regulice som niydaleko Katowic, no to postanowiłech zaś tam zajechać - jazda w celu konkretnym znacznie bardzij motywuje. W zasadzie obraz tyj rajzy z głównymi punktami identyczny, jak ostatnio - a ogólnie 2/3 to samo. Pogoda bombon, yno 5st... Wiater nawet mocny z południa.
No i co, w Bieruniu cholernie przewalone korki!! + jakoś karetka i miejscy pół na drodze, pół na poboczu w pobliżu głównego skrziżowania, wiync se kumulowało. Korki z kożdyj strony świata... Zjechołech z DK44 na DW780 i jeszcze szlabany zamknyte... ;D jak se dźwigły, jo ruszył z pole position i z naprzeciwka zaś mega korek - wg mapy aż 2,3km! Normalnie aż mi tych ludzi było żol heheh..


Tako zima, póki co


Sprawa w Regulicach załatwiono ok, se tyż zjodłech batona i kołoczyk + mało żymła, kiere były już zamarznyte prawie... A potym na San Jaworzno. Wypadało podjechać do Funia na byzuch - tak żech tyż zrobił, tako niyzapowiedziano wizyta ;] Podjechołech, auto stoło, zadzwoniłech... ktoś do okna wyloz, spytołech o gospodorza Tomasza i czekołech... 1,2,3,4,5min i cisza. A srać to, jada dalij, bo co byda jak gupi stoł pod płotym ;> W cyntrum podjechołech pod nowo otwarto galeria - no i teraz w tymże mieście w końcu zaczło se życie! Ludzie szczyńśliwi, jak by miljon dolcuf wygrali hehe




Niyopodal czekoł już Tom xtnt - od razu w strona Katowic. Po drodze jeszcze na kebaba - w końcu jakiś ciepłe żarcie, no i szło se ogrzoć gryfnie :))




A w Kato to już ogiyń! W zasadzie on se zaczył już, jak dwupas DK79 w pewnym momyncie stoł sie czteropasym xD a jo na samym środku... i z kożdyj strony 5000tyś aut. Ale cudym udało se przedostać na ścieżka


No i Tom jako że pracuje w Kato, no to pokozoł mi najlepsze nocne miejscówki. Wstyd se prziznać, ale w cyntrum tego miasta byłech kołym ostatnio na TdP 2 abo 3 lata tymu... Katowic praktycznie w ogóle niy znom. A mom do tyj giga-aglomeracje ze 45km. Wiyncyj kilometrów mom przejechane w znacznie dalszych stolicach województw... Kraków, Opole,  Wrocław, Warszawa, Poznań, Szczecin...














Powrót ukochanom, wyczyszczonom autostradom A81 :)) Ale pod wiatr, kiery jednak w tym czasie zaś se uaktywnił :/
Także zostało jeszcze 1235km. Ta rajza to jest mały punkt w moich statystykach, ale wielki w kontekście tegorocznego planu ;]

Zjodłech: w doma nudle, w trasie kebab, kołoczyk i 3,5 żymły, no i batonik ;D
Tympyraturka: 6-0st.

Relacja xtnt

Pokaż trasę GPS

1440km jeszcze i mom na to yno 39 dni :>

Dzisio w końcu stabilniejsze warunki, beztoż trza było walnyć jako setka. No i zauważalne ochłodzyni, góra 5st. Myśla, że ta pyndzyja je w zasiyngu, skoro w som grudziyń 2014 zrobiłech prawie 1300km hehe. Dzisiejszo rajza była tako testowo dlo mojich szłap, bo 3 dni tymu se lotołech yno 9km, piyrwszy roz od stycznia abo lutego, no i skutkiym było to, że wczorej ledwo chodziłech skuli zakwasów... ;) Ale dzisio już było w miara okej. Także postanowiłech se jechać na Cieszyn no i Skoczów.


Podczas całyj rajzy tympyraturka w zakresie 2,8-4st.


Cieszyn rynek. Widać na foto, że wziyłech bikepacka - miołech tam kurtka i galoty anty-dyszczowe, na niby zapowiadane popołudniowe opady.


Test nowych galotek z lidla - som zajembiste ;] Od kolan w góra jakiś grubszy materiał, czyli prawidłowo.


A tu piyrwszy roz na odcinku Cieszyn - Skoczów, wzdłuż S1. Beskidzkie hołdy dzisio słabo widoczne :/


Jeździłbych... tym dwupasym rzecz jasno! ;>


A to chyba najdłuższy prosty odcinek w tym rejonie?


Od Skoczowa do Żor gipki szpil. 30,3km w jakoś 53min :) No i na tym odcinku zrobiłech se segmynt :P
W Rybniku już pojedyncze krople, ale na szczyńści do końca bez mocniejszych opadów.
Pokaż trasę GPS

Wiater taki, jak na tym widjoo - pieroński ;]

48 dni do pyndzyje i zostało yno 1694km hehe ;]

Dzisiejszy cyl to był sklep rowerowy w Regulicach, w kierym przez internet zakupiłech mojo lampka przednio Prox - musiołech oddać do reklamacje. Powód? Słabe aku. Powinno na najsłabszym trybie świycić ok. 15h (co potwierdzom inni użytkownicy tyj lampki), a mojo świyciła 9h, niy ważne, czy była ładowano przez 4h czy przez 12h...

A że niydaleko Regulic jest...


...to przed wyjazdym dołech cynk Funiatymu że byda w okolicy i czy co jeździ tyż na kole. Oddzwonił, że krynci w okolicach Oświęcimia i jedzie w górki, ale może se dostosować do mie, wiync bydzie czekoł w Pszczynie.
Jo napchany nudlami i dwoma kawami wyjechołech i kurde pogoda elegancko, ze 14st. 5km przed Pszczyną coś mi w przednim kółku zaczło amortyzować zleksza. No jaaa chyba dyntka przebito. Ale kurde fest powoli uciekało, wiync szło jeszcze se dokulać do cyntrum, kaj czekoł el Tomasz. Podjechalimy w okolice rowerowego, wymiyniłech se dyntka, no i poszłech do tego sklepu, coby użyczyć pompki, żeby konkretnie napompować. A w sklepie odpowiedź, że niy ma pompki na tyn zawór [presta]... To tak jakby w piekarni nie było kołoczków!!
No nic, dopompowołech swojom pompkom i wyruszyli my na Oświęcim i Alwernia. Tomek chamsko stwierdził, że skoro mi przebiła se dyntka, to niy umia jeździć, niy przigotowołech se do jazdy itp...
No i jadymy se tak na Oświęcim, jo za tym jaworznowskim typkiym i dziwom se na jego zadnio opona, w kieryj jakoś luftu ubywo xD Stowomy i godom mu co i jak. "Tomek, tyś se chyba tyż dzisio do jazdy niy przigotowoł" :D :D

Panie na przistanku miały darmowo rozrywka przi czekaniu na busa ;))

A na mie godoł © gustav


Dw780 © gustav


Czasym słońce wylazło © gustav

W Alwerni pauza w biedrze. Kupiłech se nowość - chlyb z rodzynkami, poza tym 3 kołoczki i picie.

Zakupy prawie jak moje © gustav


Chlyb level up - z rodzynkami © gustav

95km zrobione, a mie se niy specjalnie chciało jeść. Yno/aż pół tego 400g chleba zjodłech.

Zjazd z Alwerni © gustav

W Regulicach wbijom do owego sklepu załatwić reklamacja i dodatkowo kupuja zapasowo dyntka.
Trocha dalij Funio wypoczywoł...

Funio i czorne kable nad nim © gustav

A potym przijechalimy do Jaworzna City... mekka kolarstwa w GOPie. Fest lubia te miasto. Poważnie.

Jaworzno, miasto kaj tyż som fundusze na remonty

Remonty taaa © gustav

Jaworzno, miasto kaj czasym ciynżko złapać ostrość

Uśmiych szef © gustav

W drodze na chata Funia

Na ścieżce © gustav

Jego bryka :))

U Funia na chacie © gustav

Malowali nowe pasy, a Tomasz mioł na to wyebane i se przez nie przejyżdżoł. Dostoł ostry opi**dol w polskim stylu "no ku**a mać świeżo malowane!!!" ale żodyn drogowiec od pasów nie był w stanie go dogonić ;D W ogóle Tomasz to je hardkor w poruszaniu se po mieście. Na znakach stopu se niy zatrzimuje, yno przispieszo. Na ronda wjyżdżo jakby mioł pierwszyństwo. Niy dostrzego koloru czerwonego na sygnalizacjach...;>

Remonty cd © gustav

Na rynku ogólnie bida. Wg mie to była najciekawszo rzecz do sfotografowanio.

Nic ciekawego na tym rynku © gustav

Rondo od licytacji na WOŚP i prawie otwarto nowo galeria. W końcu w Jaworznie zacznie se ŻYCIE! empiki, H&M'y, Multikina... :))

Nowo galeriona © gustav


My city. My home. My life © gustav

Funio odprowadził mie pod Lędziny - bo niby najkrótszo opcja na Mikołów. A widza na mapie, że przez południowo strona Katowic byłoby 6km mniyj :P Dopiyro w Żorach odczułech głód poważniejszy i zjodłech dopiyro 1. kołoczka! Forma w niy-jydzyniu rośnie hehe. Dokrynciłech se na 220 - tyle ile na liczniku od Vmax jest w Multipli. Pod domym na liczniku prawie 9st.! Ciepło jak na połowa listopada :)

Nudle do oporu w doma, 400g chlyb + 1 kołoczyk + 2 banany + 2,5l picia na trasie - rekord najmniyjszego jedzynia na takim dystansie hehe No i dobro średnio.
Funio - nie być zły, że spieprzyłech Ci dzisio górskie wojaże;]



Pokaż trasę GPS