Po robocie musiołech podjechać do Kończyc. Dołech tyż cynk Danielowi, czy kaj se czasym niy pyndaluje - padoł, że ja, wiync wyjechoł w mojo strona. Po jakoś 3km se kapnyłech, że niy mom torebki podsiodłowyj ze wszystkimi pierdołami z 1.pomocy rowerowyj, wiync jasno decyzja, że lepij dołożyć 6km, niż mieć platfusa 40km od domu i nie wiedzieć, co wtedy zrobić... ;] W Jastrzymbiu zauważyłech typa na MTB, co po ścieżce fest zapierd.... gipko jechoł :> beztoż zaro zadzwoniłech do Daniela, czy to był on hehe Ale jednak ni - jest już na granicy miasta. Trefilimy se kajś tam no i jazda na Kończyce, w miyndzyczasie godani o pierdołach ;> Ale yno przez 10km, bo Daniel musioł gnać do roboty. Zaproponowoł mi ślad do wiślanki przez Pruchna. Nigdy żech tym odcinkiym niy jechoł, wiync trza było obadać :)

Daniel we własnyj osobie ;] © gustav


Droga do Pruchnej © gustav

Ksiynżyc, bombon asfalt, same hopki - nic yno jechać!

A już na wjeździe do Żor wyczerpało mi se aku w proxie... Zaś...  Kurde w Kończycach 2 diody na 3, na wiślance już jedna yno i po pół godzinie już całkowicie OFF.. :/ Ale byłech przigotowany hyhy Wyciongłech latarka, taśma - zamocowołech, zapolyłech i... dupa! niy działało! co je graneee? 2 lampki i żodno niy dzialała.

Żodno.

Odryncołech, wymieniyłech baterie, pstrykołech, naciskołech... po 20min dopiyro zaczła świycić... Coś ze stykami. I jechołech dalij. I po 200m se wyłonczyła. I zaś przeklyństwa w kożdo strona świata. Walłech w nia i se zapolyła, jakoś du dom zajechołech..

Pokaż trasę GPS

Tomek xtnt padoł, że podjedzie dzisio na Rybnik w byzuch i gratisowo podziwać se na odbywajoncy se już 8.TdR. Jak żeh se obudził rano, to po 5min już dostołech od niego info, że już exploruje rynek :D Gipko do kuchnie co pojejś jaki chlyb, oblykłech niedzielne spodynki i koszulka BS i heja w strona rynku.

Sam link do fotek od Tomka:
https://picasaweb.google.com/112303113081943718513...

Jako, że była godzina do startu, no to decyzja, że jadymy na "słynne" 11%, czyli najbardzij stromy podjazd tranzytowy w Rybcu.

Popielowskie jedenoście procynt hehe © gustav


A to już zjazd © gustav

Droga na piyrwszym planie - ul. Śląska - prawie jak bukowsko prosto, ale ze 20x krótszo xD Tyż równy, płaski odcinek wokół drzewek.

Jakiś tam ujyncie © gustav


Tomek przi grubie © gustav


Tomek i nowy biurowiec K1 © gustav

W ogóle jest to w Rybniku piyrwszy taki "zauważalny" i poważny biurowiec, reszta to takie 2,3-piyntrowe szałasy ;]
http://k1-rybnik.pl/

Przijechalimy pod start i już same prosy kaj yno :D

Mavici i te sprawy © gustav


Start typków © gustav


W akcjoneses! © gustav

W miyndzyczasie zaproponowołech przejażdżka, rajzeczka, rajzunia na poblisko hołda.

Jadymy na hołda © gustav


Widać już panoramka © gustav

Dupało słońcym fest a fest!

Wejście na wiyrch po samym popiole. Rok tymu jeszcze była fajno ubito ścieżka. Beztoż se darowołech. 1 meter wlozłech i już szczewiki upierd... uwalone :) Szukołech alternatywy, ale same chaszcze w kożdo strona i wlozłech jedynie do połowy hyhyh... Wiync zapraszom do linka od zdjynć Tomka z poczontku wpisu.

Chcesz widoki to se wlyź :D © gustav


Kaj je Tomek? © gustav


Jakiś kominy © gustav


Hołda Szarlota © gustav

I decyzja, że jadymy prosto na pizza...
Ścinanie rond na lokalnyj obwodnicy na zjeździe - bajka!

Przez Mexico trza było jechać © gustav

Po woda, bo już gorało...

Żabka tanking © gustav

Swojom drogom - niy wszyscy prosy mieli ogolone szłapy xD Karel coś tam ostatnio wspominoł na swoim blogu... :P
Najlepszo akcja była, jak jakiś grubszy gościu, co mioł full karbona (kółka na wysokich stożkach tyż karbonowe), sie niy wypiył z pyndala i jeeeb na asfaltowo zol :D Czy tak se zachowuje "pro"? :>

I zaś kolejny start © gustav

I atak na pizzeria celym zaposiłkowanio se. Była 11:45, a otwiyrali o 12, wiync trza było poczekać. Wybralimy pizza w rozmiarze prawie 24 cale, czyli tako rychtyk skierowano do dzieci...

Drugie śniodani © gustav

Mielimy po [chyba] połowie. Tomek prócz sosu łagodnego zamówił sos czili, kiery zostoł spożyty w... 10% jakoś :D No niy szło! 20min. jedzynio i prawie godzina prób podniesiynio se ze stołka :D Ciyń, idealno tympyratura do siedzynio, niedzielne połednie...
"Tomek, dej se pokój jeszcze, zaro pojadymy"
"Tomek, niy gore, kaj tam 16:00..."
"Tomek, ale sam se tak zajembiście siedzi..."

:D

W miyndzyczasie Tomek mie uświadomił, że na stravie je coś takigo, jak klubowe TOPowe tripy tygodnia tego, zeszłego, przewyższynia itd. Z ciekawości se tera wlozłech i rychtyk mom na klubie BS 2,2,3 miejsce w czymś tam :D ale jajca!

Prawie pisiont

Nawet wiyncyj było, ułamki do 50 © gustav

Zapisołech se na tyn TT na trenażerze, a w miyndzyczasie pojechalimy jeszcze nad zalyw i potym na myjka ciśnieniowo, skond już Tomek wracoł du dom. Jo se jakoś doczołgoł nazot na stanowisko TT. Tak szczerze - w tyn upał po władowaniu w siebie tyj pizzy miołech problym jechać po prostyj 20km/h... ;] Taki wywiad:
-no to teraz pana kolej
-jaa jo se obejrza jeszcze jako to sam funkcjonuje...
===
-co, startuje pan?
-kurde, jo je po tyj pizzy załadowany... niech tam kiery za mie jedzie póki co...
===
-zdecydował sie pan?
-czuja niemoc po tyj pizzy, jeszcze sie skompromituja... ale dobra, za 10min pojada...
:D :D
No i co - dystans 4km, przewyższynie krótkie 2-3%, reszta prosto/lekko w dół. Po 2km juz miołech kryzys, a zostało jeszcze drugie tela.. Dychołech jak.. jak sprinter no! Ale walczyłech. I słyszołech jakiś pogłosy typu: "ale on zapier**lo, jako moc" itp. Od organizatorów usłyszołech, że jada po rekord. Ostatnie 500m dyntka prawie ale never give up jak to godajom.. :> Uzyskołech czas 4min24s, czyli nowy rekord. Wszyscy chyba bili mi brawa 0.o a jo tam ledwo żywy zdychołech na trenażerze hehe. Piłech fest dużo, zaczło mie boleć gardło - sztyjc kaszlołech. W -7 w zima jeździłech,  w deszczach, wichurach i nigdy mie gardło niy bolało. Tera zrobiłech chwilowego sprinta w lekkim upale i już problym hehe. Ale nastympny gracz mie pobił o 1s, potym ktoś jeszcze uzyskoł 4-13 i 4-17 i tak oto ostatecznie zajyłech 4 miejsce. A za piyrwsze 3 były nagrody... uuu :/
"sekunda za wcześnie, za późno i ci sie nie udaje" - jedyn z moich ulubionych tekstów motywacyjnych znaloz "zastosowanie" xD

Stoisko z trenażerym © gustav

A potym to już se krynciłech wszyndzi i nikaj :)

Prox Power ;] © gustav

Link do wideorelacji: naciś sam :P

I kto by pomyśloł, że do Rybnika przijedzie światowy gigant rock'a?? ;]

Czyli najbardzij extremalno rajza po gminy jak narazie, ze wzglyndu na ilość przewyższyń... Dobrze, że już mom to za sobom ;] Tego typu rajza chciołech przejechać niy som, wiync dopiyro na tyn weekend udało mi se ogarnyć ekipa. Wyjazd już chyba tradycyjnie powoli... po robocie. Na 3:00 ugodołech se z Karelym na BP w Wadowicach, ale małe spóźniyni prawie 15min z mojij strony - monyj beztoż, że jechołech całe 90km pod wiatr?

Majster, bydzie z tego moc? :D © gustav

On pompowoł procynty, jo paczka herbatników hehe. I jazda na Maków po kompana Tlenka. A że jo se trocha nie przigotowoł, to Tlenek pożyczył mi zapasowe za 2,5zł handszuły. I już mi trocha cieplij po palcach było hehe

Prawie wschód na DK28 © gustav


On tam na blogu mo wiyncyj fotek gryfniejszych © gustav

Wideorelacja bydzie na dniach, także cierpliwości ;]
ps. ale na kanale mom masa inkszych roztomańtych wideo :P

Se tam nagrywom © gustav

W okolicach Limanowyj pauza w sklepie na ciut lepsze jedzonko. Ja ja ja kołoczki, kreple itd ;D Słońce już niyźle grzoło, wiync szło se seblyc trocha lontów. Karel już se nauczył tych czasowników:
seblyc - zdjąć
oblyc - ubrać
:D


Lekki zjazd © gustav


Wiynkszy podjazd © gustav

Pamiyntom 2 lata tymu tyż jechołech na tyj drodze w kierunku Wysowyj. Wtedy 50st. w słońcu i kożdo hopka, nawet 6% to była tragedia dlo mie. A dzisiej ok. 20st. wiync prawie że idealnie na mega podjazdy.

Prosto do celu © gustav

W zasadzie od Starego Sącza do Piwnicznej, a nastympnie sympatycznym odcinkiym przigranicznie wzdłuż rzeki aż do Krynicy - idzie pedzieć, że 80% asfaltów to płaskie odcinki. Ruch znikomy, widoczki gryfne... nic yno kryncić :)

K4r3l i Tlenek © gustav

Ciekawo sytuacja... wszystki tego typu pensjonaty, hotele całkowice opuszczone... Okolice fest piykne, ale powodym braku ludzi jest totalno NICOŚĆ w tym rejonie - zero sklepów, atrakcji. Yno góry, drzewa, rzeka i droga.

Dużo opuszczonych posiadłości © gustav

Krynica zdobyto jakoś o 13yj :) Tlenek poprowadził nas do jakijś stołówki. Samo cyntrum zawalone straganami, sklepami itd...

Główny cyl zdobyty! © gustav


Tela za 15zł. Ujdzie © gustav

Powiydzmy, że pojodłech tym, ale na długo to niy stykło...

Wyjazd z Krynicy to mega-podjazd. Ale potym był mega-zjazd uwieczniony na wideo :)) Linka do niego już dołech w komentarzu pod tym wpisym. A do Nowego Sącza jazda 35-40km/h non-stop! gryfnie :))

I pozostała ekspansja po ostatnie kilka gmin bocznymi dróżkami, obok jeziora Rożnowskigo. Podjazdy, obok jeziora w miara płasko i potym zaś podjazdy...

Sztyjc hopki © gustav



Jezioro Rożnowskie © gustav



I w porcie hotelu jakigoś...;] © gustav

Kiedy pryndkość na podjeździe = pryndkość marszu... 6km/h. Zdobywomy miejscowość Krosna.

Ściana płaczu... coś miyndzy 18-22% © gustav

Naturalnie mega-zjazd, konsek płaskigo odcinka, a do Żegociny zaś ściany... Skoro wielbiciel podjazdów i gór - Karel - już mioł serdecznie dość, no to już nic wiyncyj niy trza dopowiadać... Po drodze znaleźlimy otwarty market i trza było se naszykować jedzyni na nocne kryncyni. Mie musiało styknyć na jakiś 160km?...
Kyjza, chlyb, keczup, masło...

Tako kolacyjo! © gustav

z 10st. było..

Lato i tak piździ... :D © gustav

Do Myślenic, Sułkowic - kaj my se pożegnali z Tlenkiym - dużo hopek. Na Kalwaria, Wadowice to samo...  Nie wiadomo czy se śmioć czy płakać. Po naszymu: chichrać/hyrzać/lachać/rzać czy ślimtać. No akurat jo takich określyń na co dziyń niy używom, czyńścij polski słówko po prostu styknie przeonaczyć na ślonski akcynt  hyhy tako ciekawostka ;]

No i co - w Wadowicach pożegnołech se z Karelym, może była 2 w nocy, już niy pamiyntom... Ale pamiyntom, że te ostatnie 90km miołech zamiar zrobić do 6-6:30. No niystety przed Wadowicami całkowicie rozładowoł mi se aku z proxa i musiołech zapasowo latarka przimocować :/ W zasadzie lampka pozycyjno to była... I zaczył se hardkor. Czyli kryzys niedospanio chyba. W zasadzie cało rajza systematycznie pompowołech w siebie guarana i to pomogało, ale po 45h niy spanio to już i guarana niy zawsze pomoże. Po tych zadupiach aż do Brzeszczy nawet mi muzyka niy pomogała. Niyroz wjechołech na pobocze, roz chyba na niski krawynżnik. Czasym żeh se zatrzimoł i stołech poranoście minut w bezruchu - tako faza: "czy jo jeszcze żyja?" Dziwne, że nimiołech fatamorgan, zwidów itp. tak jak zeszłoroczne epickie już zauważynie ciynżarówki Volvo FH  pływajoncyj se po jeziorze... Jak już se dokulołech do Brzeszczy, to morale ciut se polepszyły, w końcu ostatnie 50km... Już zaczyłech powoli kontaktować, czyli w pobocza już niy wjyżdżołech ehheh.. Ale niy zauważyłech jednyj dziury na drodze - dup w nia! i po 50m czułech już dziwny klank z przednigo koła... Morale z automatu w dół. Szczyńsci było taki, że 10m dalij była latarnia. Piyrwszy pit-stop w trasie od prawie 2 lot i ogólnie drugi na szosie. Wyciepłech z bikepacka cało piyrwszo pomoc, zaczłech ściepywać opona i jeeeeeb... latarnia zgasła. No do ch**a wafla! To już był pech. Morale razy dwajścia w dół.. chyba z 20min zeszło aż ogarnyłech sprawa. Wschód słońca jeszcze ledwo ledwo był, trocha wspomaganio se latarkom... jakoś poszło. Na tanksztelach już nic niy kupowołech, została paczka herbatników i prawie cały bidon napoju. Wiedziołech, że na tym musza zajechać. W Żorach definitywnie kryzys spanio zaniknył i potym było corozki lepij. A ostatnie 10km to już se pojawioł głód, ale dojechołech du dom. Grunt, że nie było jak ostatnio - że mojo termika ciała szwankowała, czyli oblykosz bluza to za ciepło, a jak seblykosz jom to za zima...
Także ten - trip mega godny, przewyższynia wg stravy co do ostatnigo Tatry Tour - bardzo zbliżone, ale jednak na tyj rajzie kolana i miyńśnie to odczuły. 32h brutto rajzy, 50h całkowicie bez spanio.

6. pinsetka w tym roku ;>

Do 100% Małopolski została jeszcze jedna ultra-rajza.

+16 nowych gmin. Czyli 2/3 trasy Górami MRDP mom już ogarnyte! :))

Pokaż trasę GPS

Po robocie ugodołech se ze znajomom, kiero powoli wkrynco se w cycling's level up (wizja karbonu, 11s itd...) i jechalimy w losowym kierunku - padło na Orzesze i nazot DK81. Moji szłapy jeszcze wczorajsze, niyzregenerowane, fest ciynżkie, ale jakoś dowołech rada hehe. W Dodatku piyrwsze 30km pod doś mocny wiatr, ale wierzyłech, że droga na Żory to bydzie mega gipko sielanka skuli wiatru w plecy (m.in. sekwyncjo dwóch super zjazdów na wiślance w Łaziskach) - niystety tyn wiater jakoś bardzij z boku wioł i yno 68km/h uzyskołech:/ Na ostatnich kilometrach przedstawiłech towarzyszce swojo opinia nt. inwestowanio grubyj kasy w karbonowe ramy w amatorskim świecie kryncynio. Jakbych zamiast Apex'a kupił zaś drogie włókno i zaś z powodów niyzależnych ody mie by one strzeliło przez jakikolwiek powód - ojjj by se działo... 400g wiyncyj w jeździe niy czuja,  teoretycznie mniyjszyj sztywności tyż niy... 2000zł różnicy na koncie widać fest ;] Aluminium na ciynżkich wh-r501 krynci se zajembiście!

Zapomniołech o stravie heh..
Pokaż trasę GPS

Rondo z kulkami © gustav

Prziszłech z roboty, od razu 250g ryżu, wyngle do bidonów i jazda. Ulubiono pyntelka na 100km gipkigo szpilu ;] Wiater N-E wioł już tak średnio, chocioż jeszcze godzina przed wyjazdym drzewa tańcowały hehe. W Gliwicach nad A4 średnio 33.05, na Sośnicy już jakoś 33.4 i czas 1h05. W Mikołowie na wjeździe na DK81 33.1 i czas 1h35. W Żorach na zjeździe 34.15 i 2h10 jakoś (teryn ciut w dół i z wiatrym heh). 21km w 35min ujdzie :> Na obwodnicy na BP po woda, bo sucho w bidonach jak wice Karola w familiadzie;] A w Rybniku już walka. Na odcinku 92-96km już szłap niy czułech, chyba brakło wyngli ;p Uwaga - nie byłech jeszcze głodny! :D Ale doczołgołech se. Wyszło mi 10 postojów na czerwonych + tankowanie na BP. 100km miołech na liczniku w czasie 2;56;40, wiync minus te postoje, to bydzie tak optymalnie 2h55. czyli rekord poprawiony o minuta. Strava za kożdy postój z automatu dodowo 10s... No ale do np. Piotrkola to jeszcze daleko mom, jeśli chodzi o moc na TT xD Byda musioł wbić na płasko rybnicko pyntla na obwodnicy 3,3km, machnyć setka i porównać forma z zeszłorocznym czasym 2;56, kaj nie było postojów, bo noc i same ronda :)

Pokaż trasę GPS