blog rowerowy

informacje

baton rowerowy bikestats.pl

Znajomi

wszyscy znajomi(95)

wykres roczny

Wykres roczny blog rowerowy gustav.bikestats.pl

linki

Wpisy archiwalne w miesiącu

Wrzesień, 2015

Dystans całkowity:2583.79 km (w terenie 0.00 km; 0.00%)
Czas w ruchu:116:26
Średnia prędkość:22.19 km/h
Maksymalna prędkość:800.00 km/h
Suma podjazdów:709 m
Liczba aktywności:15
Średnio na aktywność:172.25 km i 7h 45m
Więcej statystyk

SentimentalTour: Zmiana noclegu

Środa, 30 września 2015 Kategoria h) SentimentalTour 2015
Km: 16.30 Km teren: 0.00 Czas: 00:45 km/h: 21.73
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: FastBack 5.8 Custom Aktywność: Jazda na rowerze
U Michussa tego dnia mieli pojawić się goście z rodziny na pora dni, wiync mi było dane zmiynić nocleg - udołech sie do schroniska młodzieżowego. 3 noclegi u tegoż mega-zakrynconego rowerzysty to i tak wiyncyj, niż zakłodołech, beztoż dziynki wielkie za ugoszczynie ;] Wyjechalimy rankiym po 7yj, po drodze jeszcze do jego ulubionyj cukierni, celym zakupu kołoczków, żymł, krepli - jednego dostołech nawet gratis - no bo jo je "w dalekij rajzie" :))
Przejście nad DK10
Przejście nad DK10 © gustav

Mglisty poranek
Mglisty poranek © gustav

Mglisto cd
Mglisto cd © gustav

Wszystko zakryte
Wszystko zakryte © gustav

Moji koło ehm
Moji koło ehm © gustav

Ponownie Trasa Zamkowa
Ponownie Trasa Zamkowa © gustav

Słońce powoli wychodzi
Słońce powoli wychodzi © gustav

Kilku wyndkorzy tam było
Kilku wyndkorzy tam było © gustav

Who we are and why we are here
Who we are and why we are here... © gustav

Gryfno lampka
Gryfno lampka © gustav

Ławka end koło
Ławka end koło © gustav

Tyn pokój był wolny yno, jak żeh se tam wprowadził... Poszłech se na spacer po cyntrum, a kiedy wróciłech - to już se tam aklimatyzowoł jakiś duńczyk. Potym wbił se studynt polityki z Niymiec. A na koniec jeszcze jakiś krejzol z Anglie... :D Kufa ale towarzystwo heh. Ale szło se dogodać jakoś. Pytali, czy kajś trynuja kolarstwo, a jo, że se jeżdża dlo siebie pod 1200km. Bez spanio of kors. Szczyny im opadły, zresztom mało kto w ogóle mo mie za normalnego hehe. Tyn typ z Niymiec usnył w trybie: plecy na łóżku, a szłapy na podłodze :D jo go próbowoł obudzić, to niy szło, dopiyro Anglik go obudził kajś po przeszło godzinie, jak mu prawie ryknył do ucha hehehehPokój w schronisku
Pokój w schronisku © gustav

SentimentalTour: Po gminy i i ultra-gmina :> + cyntrum wieczornie

Wtorek, 29 września 2015 Kategoria a) Szłapy rozgrzote [100-199km], h) SentimentalTour 2015
Km: 140.00 Km teren: 0.00 Czas: 06:30 km/h: 21.54
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: FastBack 5.8 Custom Aktywność: Jazda na rowerze
Rano ponownie samotno rajza z racji tego, że Michuss pracuje w te dni akurat niystety 12h. Wybrołech se po 3 okoliczne gminy, a przi okazji pojawiyła sie piyrwszo w życiu okazjo na przetestowanie tych zachwalanych fest niymieckich asfaltów.
Piyrwszo gmina w zasadzie jakoś 2km od mieszkanio, w las.. ;D
Do lasu po gmina hehe
Do lasu po gmina hehe © gustav

A potym nawrót w strona granicy, bocznymi i DK10.
Trza było przemyć kieta ;]
Trza było przemyć kieta ;] © gustav

Szczecin z daleka
Szczecin z daleka © gustav

Cieplutko ;]
Cieplutko ;] © gustav

Lubieszyn:
Nowo ultra-gmina do kolekcje ^^
Nowo ultra-gmina do kolekcje ^^ © gustav


Trasa bez Grambow, Krackow, Tantow...
Jakiś tam koło
Jakiś tam koło © gustav

Nimieckie ścieżki
Nimieckie ścieżki © gustav

Kontrastowo
Kontrastowo © gustav

Wiatraczki
Wiatraczki © gustav

Chciałoby se wbić na autobahn
Chciałoby se wbić na autobahn © gustav

Dało se zauważyć - ich asfalt mo, bynajmij na tym odcinku - inkszo struktura, jest po prostu gładszy.
Gryfnie, szwarnie!
Gryfnie, szwarnie! © gustav

Zjedzyni tego chleba zajyło mi dokładnie 4,7km :D
Gdy głód czujesz... ;D
Gdy głód czujesz... ;D © gustav

No i na wiadukcie w PL już
No i na wiadukcie w PL już © gustav

Polskie ścieżki tyż OK
Polskie ścieżki tyż OK © gustav

Wieczorym ponownie z Michussym wypad na cyntrum ;]
Popatrz uważnie :P
Popatrz uważnie :P © gustav

Urząd Miasta
Urząd Miasta © gustav

Jakiś pomnik
Jakiś pomnik © gustav

Deptak przi Odrze
Deptak przi Odrze © gustav

Bajeczno Trasa Zamkowa
Bajeczno Trasa Zamkowa © gustav

A wiyncyj opisu u BSowego towarzysza tukej ;]



SentimentalTour: Szczecin, [prawie] Nowe Warpno i Miedwie

Poniedziałek, 28 września 2015 Kategoria a) Szłapy rozgrzote [100-199km], h) SentimentalTour 2015
Km: 149.50 Km teren: 0.00 Czas: 06:50 km/h: 21.88
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: FastBack 5.8 Custom Aktywność: Jazda na rowerze
Z rana wypad w północne rejony tyj giga-aglomeracje - plan był do Nowego Warpna... Jazda bez Szczecin hmm jak to w dupnym mieście - niyco kłopotliwo, ale ujdzie ;> Bynajmij z Prawobrzeża (tak se to chyba nazywo hehe) na cyntrum se zajembiście popylo na szosie ze średniom ~40km/h, mimo że obok ścieżka. No ale 3 pasy w jedna strona.. grzech niy skorzystać ;D
Z wiaduktu
Z wiaduktu © gustav

Jakiś ponton
Jakiś ponton © gustav

Stocznia Szczecin
Stocznia Szczecin © gustav

Z cyntrum Szczecina do Polic - najbardzij nachylony podjazd dotychczas ;]
Tam było z 10%!
Tam było z 10%! © gustav

Kościółek jakiś
Kościółek jakiś © gustav

Bez miasteczka
Bez miasteczka © gustav

Nowe Warpno taaa
Nowe Warpno taaa © gustav

Kiedy gryfny asfalt zamiynio se w taki kostki... Byłech jakiś 10km od N.W., ale na tym niy szło po prostu jechać! Ujechołech poboczym - po trowie, piosku, gruzie - ze 300m i miołech doś. I zrezygnowołech... Chocioż gmina jest do kolekcje hehe
I koniec rajzy
I koniec rajzy © gustav

Ale w Trzebieży było najbliżyj do zalywu ;]
Trzebieżowe płoty
Trzebieżowe płoty © gustav

Jakiś łódki
Jakiś łódki © gustav

I czorno perła
I czorno perła © gustav

Jacht za milJon dolcuf
Jacht za milJon dolcuf © gustav

W otchłań zalywu
W otchłań zalywu © gustav

Bikestatsowo
Bikestatsowo © gustav

A potym do znajomych na byzuch do Polic, niymniyj jednak najważniejsze było uzupełniynie wyngli hehe
Nudle, czyli wyngle
Nudle, czyli wyngle © gustav

A nastympnie Szczecin o zachodzie...
Niy wiym, co to je
Niy wiym, co to je © gustav

Taki nowoczesny skatepark ;]
Taki nowoczesny skatepark ;] © gustav

Prawie jak w Casino Los Angeles
Prawie jak w Casino Los Angeles © gustav

Szczeciński gigant
Szczeciński gigant © gustav


Cyntrum se buduje
Cyntrum se buduje © gustav

Galaxy Szczecin
Galaxy Szczecin © gustav

Tramwaje, ronda
Tramwaje, ronda © gustav

I tu ważno i ciekawo rzecz - żodyn niy wiy, kaj je rychtyk cyntrum w tymże mieście :> Bo wyznacznikiym cyntrum je przeważnie rynek, a tu go niy ma hyhy

Kajś w cyntrum
Kajś w cyntrum © gustav

Kaskada Szczecin
Kaskada Szczecin © gustav

Ksiynżyc i DK10
Ksiynżyc i DK10 © gustav

No i powrót na miyszkanie, Michuss powrócił z roboty i wraz z współlokatorym, udalimy se na jeziorko Miedwie ;]
Lemon Stettin Cycling Team
Lemon Stettin Cycling Team © gustav

Michuss fotograf
Michuss fotograf © gustav

Pełnia nawalo ostro
Pełnia nawalo ostro © gustav

I lampiony jakiś ;]
I lampiony jakiś ;] © gustav

Bikestats Team - to je to!
Bikestats Team - to je to! © gustav

Tyż już było kole 6-7st. ale szło przeżyć. Michuss chyba odporny na zimno, jo już niy bardzo... ;D
Jego relacja tukej ;]

SentimentalTour: Na Szczecin

Niedziela, 27 września 2015 Kategoria b) Zaczynomy party [200-299km], h) SentimentalTour 2015
Km: 260.00 Km teren: 0.00 Czas: 10:25 km/h: 24.96
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: FastBack 5.8 Custom Aktywność: Jazda na rowerze
Tak wiync w tyn wyjazdowy dziyń obudziłech se chyba wyspany (raczyj, na pewno ;]), za oknym słońce nawalało ostro, ale mój dobry humor zniweczył Mors tekstym, że był na dworze obadać sytułejszyn i padoł, że o tyj 7 rano było ze 2-3st., szron i północny wiater... o kufa, brrr... Spakowołech se i do kuchnie na śniadanie w jego rodzinnym gronie. Zamiast wyjechać przed 8, to wyjechalimy po 9, bo ciynżko było zakończyć debata przi stole; już nawet niy pamiyntom, o czym to se direkt godało hehe. Ale po tyj 9 już było chyba z 7st.

Morsa relacja tukej ;]

Morsu w akcji
Morsu w akcji © gustav

Dziwejcie se na tego typa, jaki mo bicepsy, tricepsy, przedramiynia... ;] Ale trynować szłap to se niy chce...
A przede wszystkim warty uwagi jest sprzynt, na kierym pyndaluje - jest to szosowy Romet. Opony jakoś 1.3 i fabrycznie (?) ustawiono kierownica w dół dowajom do myślynio. Mors to je w ogóle hardkor - bez przednigo hamulca zjyżdżoł z gór hehe.
Odprowadził mie na piyrwszych 35km, potym stwierdził, że niy chce mie dalij spowalniać, że niy wziył ze sobom jedzynio, że to i tamto. Kufa yebane wymówki :D :D No ale okej, niech mu bydzie hehe. Tak wiync jeszcze z 15min lekko my pogodali, w miyndzyczasie przesmarowołech se kieta no i jazda dalij w otchłań niyznanych jeszcze asfaltów :)
Gustavo w akcji
Gustavo w akcji © gustav

Jakiś pioski
Jakiś pioski © gustav

Taki asfalty
Taki asfalty © gustav

Zdarzały sie mega-hopki
Zdarzały sie mega-hopki © gustav

Jakiś miasteczko abo wieś
Jakiś miasteczko abo wieś © gustav

Lubuskie to je leśne województwo, dużo było aut na poboczach, dużo ludzi-fanatyków zbiyrajoncych grziby.
Dużo grzibiorzy
Dużo grzibiorzy © gustav

A tu jeszcze odcinek prawie 3km...
Nic yno robić KOMa!
Nic yno robić KOMa! © gustav

Dużo takich krajobrazów...
Mieszane uczucia ;]
Mieszane uczucia ;] © gustav

Do Słubic jeszcze trocha
Do Słubic jeszcze trocha © gustav

Ale momyntami było gryfnie;]
Kajś na zjeździe
Kajś na zjeździe © gustav

Jedno z ładniejszych miast na trasie. Był mega podjazd i coś ala serpentynka;]
Krosno Odrzańskie
Krosno Odrzańskie © gustav

Taki asfalty to jo rozumia
Przidrożno ścieżka
Przidrożno ścieżka © gustav

Coroz bliżyj granicy
Coroz bliżyj granicy © gustav

A jo tyż jada z załadunkiym :P
BTW. tu fajnie widać mój najtańszy patynt na maksymalno pojemnośc picia - litrowe butelki tymbarków i koszyczki z decathlonu, bo moji dotychczasowe custom race były standardowo - za małe na tak szerokie butelki :)
Takie fajne;]
Takie fajne;] © gustav

Ostatnio prosto!
Ostatnio prosto! © gustav

I cołki czos jazda pod wiatr, roz mocniejszy, roz słabszy. W tych wszystkich lasach było czuć słabszy wiatr, wiadomo. Ale już przigranicznie, na otwartyj przestrzyni - łohoho ;D Niy mniyj jednak - niy było huraganu. Prawdopodobnie ciynżko bydzie pobić mój wigilijny wyczyn z zeszłego roku, jeśli chodzi o jazda pod wiatr heheh...
Zaczynajom se wiatraki
Zaczynajom se wiatraki © gustav

Chyba był uzyskany vmax, kajś z 50 ;p
Piyrwszy taki znak na tyj rajzie
Piyrwszy taki znak na tyj rajzie © gustav

I zaś linijka
I zaś linijka © gustav

Słup Tutenchamona
Słup Tutenchamona © gustav

Tu żeh podjyżdżoł w zasadzie na lajcie 15km/h...
Wyjazd z Woodstock'a - max. 5%
Wyjazd z Woodstock'a - max. 5% © gustav

Lokalny moto-drajwer. Te foto idealnie ukazuje debilizm w przepisach, w znakach, wiadomo o co chodzi. Motorowerzysta ledwo sie kuloł 30km/h i legalnie se jedzie po tyj drodze. Jo go bez problymów wyprzedził, a niby powinienech se pyndalować po tyj ścieżce obok...
Wciep mu trójka, bo go zajedziesz :D
Wciep mu trójka, bo go zajedziesz :D © gustav

Zachodniowo
Zachodniowo © gustav

Sarbinowo bodajże
Sarbinowo bodajże © gustav

Jakiś lajt-podjeździk
Jakiś lajt-podjeździk © gustav

Chojna i jej budowlany gigant
Chojna i jej budowlany gigant © gustav

W tymże mieście tankowołech w biedronce. Prziszoł ku mie jakiś gościu i se sytoł, czy jada w tym ultramaratonie dookoła zach-pom.
"Niyyy, jo se jada tak 4fun po naszym kraju" ;]

Ksiynżyc w pełni ;] Ale Roberta w drodze niy widziołech heh Teleskop by se przidoł
Ksiynżyc w pełni ;] Ale Roberta w drodze niy widziołech heh Teleskop by se przidoł © gustav

No ale wieczór to już mega-chłodny... Niycałe 7st. i trocha mi już była zima w szczewikach. Ale było już bardzo blisko Szczecina, wiync przetrzimołech. Info do Michussa co i jak, ale mi padoł, że se trocha spóźni. Wbiłech wiync na tanksztela w stolicy tegoż województwa, ciepło herbatka, wifi i se grzołech ;]
W oczekiwaniu na Michussa
W oczekiwaniu na Michussa © gustav

W końcu dostołech info, że moga wyjyżdżać, w sumie niycałe 3km yno. Do mieszkania Michussa mega-hopka, tak wiync owy chłód niy istnioł w tym momyncie xD Poznołech wiync kolejnego bikestatowicza, akurat był/jest w trakcie przeprowadzki, wiync warunki jak to on som padoł - bojowe - ale to niy mo znaczynio przeca ;] So... coś se zjadło, coś se pogodało i tela - jutrzejszy dziyń to zwiedzanie w końcu na kole tegoż miasta i północnych okolic :)

+15 gmin


SentimentalTour: No to jedziem

Piątek, 25 września 2015 Kategoria c) Gryfny klank [300-499km], h) SentimentalTour 2015
Km: 354.10 Km teren: 0.00 Czas: 14:36 km/h: 24.25
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: FastBack 5.8 Custom Aktywność: Jazda na rowerze
Trza było wyjechać. Z powodów takich i inkszych. Możliwie jak najdalij. Wyzerować se, dychnyć inkszym luftym. Padło na koło jako środek transportu, bo pogoda na najbliższy tydziyń zapowiadali gryfno, jak na koniec września. A przi okazji po drodze mogłech mieć możliwość podjechanio na byzuch do niykierych znajomych z Bikestatsa ;] A np. cugiym czy busym niy byłoby takij możliwości, w synsie - być niezależnym od przistanków, godzin itp.
SentimentalTour - tako nazwa, bo chciołech przijechać w miejsca, w kierych już byłech kiedyś i ich wspomniynia som dlo mnie pozytywne. Głównie 2 miasta: Szczecin (byłech 2 lata tymu, ale niy było czasu na zwiydzanie..), no i Kołobrzeg (3. klasa podstawówki, szkolno wycieczka, było super wtedy. Ależ tyn czas leci eehh).
Tak wiync znany na BS Mors (znany ze swoich właściwości anty-letnich) był gościym, do kierego udołech sie w piyrwszym etapie tyjże rajzy ;] Wyjazd piontek o 21:30 jakoś. Tympyraturka okej, ale jeszcze zleksza kropiło, niebo fest zachmurzone, ale zaryzykowołech jazda bez kurtki itp. Była to zarazym drugo próba jazdy z załadunkiym na kilka dni. Piyrwszo próba była w połowie lutego tego roku, ale miołech wypadek i nici z rajzy były... Mój bikepack w wersji najbardzij pojymnyj mioł załadowane: adidasy, japonki, spodynki, 3 koszulki, hantuch [ryncznik o!], jakiś fuzekle, bokserki, zapasowo opona (na ta rajza zainstalowołech moji stare schwalbe durano, kiere były już zużyte lekko w 80%, prawie 13kkm i właśnie to była super okazjo, by je wykończyć hehe), cały zestaw rowerowyj 1. pomocy, jakiś żel pod prysznic, szczoteczka.. Na bikepacka jeszcze umieściłech kurtka z galotami przeciwdeszczowymi. A do pukeltaszy głównie: ładowarki do fona i lampki, powerbank, zapasowo minilatarka, taśma i drobne pierdoły.
No i co - trasa zaplanowano głównymi drogami na Opole, Wrocław, Lubin. Ale niystety jedno rzecz była ciulato - niysłaby wiatr w kierunku jazdy... No ale co zrobisz? nic niy zrobisz. Ale jakoś se kulołech heheh. W zasadzie po 15km od wyjazdu przestoło całkowicie kropić. No a już za Raciborzym coś mi se wspomniało... Zapomniołech zabrać naszykowane naklejki bikestatsa dlo BSowiczów :(( Ale na szczyńsći jest coś takigo, jak polsko poczta i tyn feler do se naprawić :)
Bajkowo DK45
Bajkowo DK45 © gustav

We Wrocławiu na przistanku jakoś o 6 rano byłech i se coś tam pojodłech. Przejazd bez taki miasto tradycyjnie zaniżo średnio, ale to przeca niy wyścig;]
WrocLove Stadium
WrocLove Stadium © gustav

Może było z 10st.
Rzeźko i w ogóle
Rzeźko i w ogóle © gustav

DK94 za Wrocławiym ogólnie mimo niyzłego asfaltu - fest niybezpieczno. Zauważalnie dużo kierowców to była banda debili, w takim momyncie człowiek se zastanawio - czy oni w ogóle som świadomi tego, że na drogach jeżdżom inni "drajwerzy", właśnie na kołach, motorach, motorowerach... Zapatrzyni w siebie i w swoje stjuningowane bryki (wiadomo o co chodzi) rozdowajom karty w ruchu ulicznym. Na jakoś hmm 20-30km odcinku otorłech sie kilkakrotnie o zderzyni czołowe...Debil z naprzeciwka niy podziwo se, czy jo jada i se zaczyno wyprzedzać. Ze 3x za tym debilym automatycznie ruszył kolejny debil. Ależ uczucie, jak 1m od ciebie mijo cie auto z pryndkościom wypadkowom ~100km/h... W tym momyncie chciałoby se mieć naładowanego Glock'a, a najlepij Uzi, jak w GTA. Chocioż może by i styknył gryfny kamiyń. I wycelować w szyba, w tego kierowcy... Sie tak zastanawiom, czy jakbych komuś w szyba za**boł ale tak perfidnie, czyli z uszkodzyniym, to czy mógłbych mieć jakiś problymy heh..

Dlatego drogi dwupasmowe, baa - nawet ekspresowe czy autostrady - som to bezpieczniejsze drogi.
W końcu dwupas!
W końcu dwupas! © gustav

Prawie jak na Ślonsku hehe
Prawie jak na Ślonsku hehe © gustav

Im bliżyj Lubuskiego, tym wiyncyj zaś pagórkowatego terynu. Bo odcinek Opole - Wrocław i trocha dalij to linijka w zasadzie. Nie było tam 7% np. ale szło na podjazdach dać odpocznyć 4-literom :> Tego typu teryn jest właśnie idealny pod jazdy długodystansowe - płaskości wymieszane z lekkimi pagórkami.
Taki tam widoczki
Taki tam widoczki © gustav

E65. Szkoda, że potym jako ekspressway
E65. Szkoda, że potym jako ekspressway © gustav

I cały czas pod wiatr... Cały załadowany sprzynt - ze 17kg. Plus jo naoblykany z pukeltaszom - to tak z 82-83kg było. To było czuć. Dopiyro na zjeździe z DK3 na DK12 i chwilowyj jeździe na południowy-zachód poczułech szybkość. 35-40km/h i to ledwo czujesz w szłapach. Różnica jest kosmiczno! Na tyj drodze ruch już zdecydowanie mniyjszy. W Szprotawie/okolicach wyjyżdżo mi na przeciw Mors.
Lubuski, termiczny gigant
Lubuski, termiczny gigant © gustav

Czy komuś trzeba przedstawiać tego Pana? Fan jednokołowców i tympyratury max 5st. ;> Ponoć powyżyj 20st. już se przegrzywo. Aż dziwne, że wyjechoł po mie w kurtce...
I dojechalimy do cylu, do jego domu - ogólnie tzw. Morsownia. Tutej mogłech przenocować, uzupełnić odżywcze minerały, wyngle przede wszystkim, poznać słynny garaż jego jednośladów (w zasadzie pół-śladów xD) no i spróbować sił na jednym z nich...
Kółko chyba z FH16 zapieprzył ;D
Kółko chyba z FH16 zapieprzył ;D © gustav

To niy ma na moji siły
To niy ma na moji siły © gustav

Niystety z powodu braku bocznych kółek - niy szło utrzimać jakijkolwiek równowagi... ;] Ale gospodorz za to wywijoł jak chcioł:
Mors i żyrafa, czy jakoś tak
Mors i żyrafa, czy jakoś tak © gustav

Ale sie bawia!
Ale sie bawia! © gustav

Double combo!
Double combo! © gustav

Jego relacja:

Sam kliknij

Uzupełnianie wyngli ;]
Uzupełnianie wyngli ;] © gustav

Średnio 24 ujdzie jak na te warunki;]

+14gmin


Po okolicy

Czwartek, 24 września 2015
Km: 39.05 Km teren: 0.00 Czas: 02:10 km/h: 18.02
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: XC Custom Evolution Aktywność: Jazda na rowerze

Różności

Wtorek, 22 września 2015
Km: 72.84 Km teren: 0.00 Czas: 03:50 km/h: 19.00
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: FastBack 5.8 Custom Aktywność: Jazda na rowerze
W sumie ze 3 abo 4 wyjazdy, czyli wpis zbiorczy :> Kajś czytołech, że po ponad 3 dobach niyspanio, komórki w mózgu ulegajom destrukcji... ojć. Abo mie sie to śniło? 0.o

Freedom!

Czwartek, 17 września 2015 Kategoria f) Inkszy świat [>1000km]
Km: 1200.10 Km teren: 0.00 Czas: 54:40 km/h: 21.95
Pr. maks.: 50.00 Temperatura: °C HRmax: HRavg
: kcal Podjazdy: m Sprzęt: FastBack 5.8 Custom Aktywność: Jazda na rowerze
~12 września 2014: "1054km zrobione! ale jednak gdyby niy to, gdyby niy tamto, szłoby wykryncić wiyncyj... kurde jest niedosyt. Za rok bydzie wiyncyj". Musi być.
W tym dniu powstoł już plan na rajza 1200km, w gryfne miejsce, kaj żeh jeszcze nie był - a 600km od domu takim miejscym som yno Mazury! To jest chore - robić 1054km i jeszcze mieć mało...

I nastoł tyn dziyń, dziyń próby. Przez cały ostatni rok, dziyń po dniu, kożdego ranka i wieczoru, tyn wyczyn niy dowoł mi spokoju. Choroba? Raczyj już opyntanie w stopniu zaawansowanym. Żeby poczuć w końcu spokój, wyzwolynie, tytułowy freedom - trzeba byłoby yno siednyć na rowerek i zrobić te 1200. I tela, proste niy? ;]
Żeby w ogóle mieć możliwość tego dokonać, musiołbych wyrobić sie w ok. 65h, żeby niy zahoczyć o 3. noc. No bo skoro już multum razy w 2. nocy jeździłech na granicy wypadku skuli niedospanio, to tym bardzij 3. noc może być "śmiertelno". 5h z groszym na kożde 100km, czyli przi zakłodanyj średnij 23 to jest ok 40-45min jakichkolwiek przerw. Ale jechać rychtyk som i wszystko se ogarniać som - niy ma szans. Tu głównie chodzi o jedzynie. Jak wiadomo - mom mega przepał na nie wzglyndym innych, gipko sie robia głodny. Wiync jakbych mioł co 8-10h wbijać do jakijś knajpki na obiod i czekać na niego 15min, potym 10min jeść, a jeszcze trza dołożyć czas na inne pierdoły + zakupy w przidrożnych sklepach i nieplanowane postoje - to te 45min na kożde 100km to je fest mało. Niy wiym, może dopiyro godzina by stykła. A to już z automatu dodowo 3h do całyj rajzy. Wiync "zatrudniłech" cycling support. Nie było łatwo, ale ostatecznie udało mi sie namówić do tego niycodziynnego tripu szwagra i kumpla z fest pojymnym volvo na czele ;] Ich zadaniym było szukanie jakichś punktów żywnościowych, kupowanie jedzynio i ogólnie wszytko podobnie jak w Race Across America. Wszystko po to, żebych jo mógł se skupić yno na pyndalowaniu, a niy na tracyniu czasu i szukaniu sklepów itd. Oczywiście koszty paliwa, jedzynio musiołech se pokryć, no ale miołech na tyn cyl odłożone. Bo w pasji, w realizacji marzyń niy ma nic za darmo. A ultrakolarstwo to jest sport, w kierym nie do sie zarobiać - tu trzeba raczyj pompować własno abo sponsorów kasa ;] A wszystko po to, żeby w cierpieniu ukończyć jakiś niyludzki maraton i dostać medalik, mieć satysfakcja itp itd.  Ale o to chodzi przecież, coś w życiu trza robić :)

So...
Pulpitowo tapeta
Pulpitowo tapeta © gustav

14 września w poniedziałek było oficjalne spotkanie całyj ekipy, obgodani co i jak. Cały bagaż zostoł zapakowany do auta, jo na trasa wziył yno te najważniejsze rzeczy.

15 września, wtorek.
Budza sie samoistnie o 6:40, czyli teoretycznie wyspany. To jest priorytet, żeby piyrwszo noc była przejechano bezproblemowo. Ida do biedronki po jedzynie. Pogoda idealno na jazda - po nocnych opadach, fest słaby wiatr, ponad 15'. Na śniadanie trocha makaronu, trocha ryżu, kawa. Ostatni przigotowania. Jest jednak stresik.. "gustav w co ty sie pakujesz debilu" ;] Ale już niy ma odwrotu. Na rynku pojawiom sie o 9:30 jako oficjalny start, a tam już som 2 goście
Paweł i Paweł - yno oni se pojawili na starcie. Dziynki!
Paweł i Paweł - yno oni se pojawili na starcie. Dziynki! © gustav

Przigotowany!
Przigotowany! © gustav

Teraz kożdo minuta pauzy działo na mojo niekorzyść, wiync trza ruszać heh. Paweł towarzyszy mi przez 40km aż za Gliwice. I już od teraz musza pracować nad tym, aby za poraset kilometrów czuć sie okej, tzn. jechać ze średniom max 24, na zjazdach i podjazdach na stojonco, aby 4 litery odpoczywały itd. Mój support dogoni mie dopiyro po połedniu, bo kierowca musi jeszcze do doktora na 12 skoczyć. A jo se jada i jada. Wiatr lekki południowy, teraz niby zajefajnie, co bydzie w drodze powrotnyj za 30h?

Co do posiłków - od tego mom rozpiska od gościa, kiery zno sie na odżywianiu jak mało kto. Pozdrawiom Patryka, speca kulturystyki! ;]
Wiynksze posiłki - tradycyjnie makarony, ryże, ziemniaki, pierś z kurczaka i ewentualnie sałatka. Ale już w samyj trasie całkowito zmiana - zero kołoczków, żymł, krepli (czyli drożdżówki, bułki, pączki :P) i ogólnie słodyczy, głównie w gra wchodziły yno banany i wafle ryżowe. Aby była możliwie najlepszo wydajność.
Wafle - jedne z wynglów
Wafle - jedne z wynglów © gustav

Takij szerokij DW moji oczy jeszcze niy widziały...
DW483 - w zasadzie pas startowy lotniska
DW483 - w zasadzie pas startowy lotniska © gustav

I łódzko superhołda na widoku
I łódzko superhołda na widoku © gustav

Przi prawie 200km już mojo ekipa mie doganio. Aktualnie czas brutto 9h, wiync 1h w zapasie.
Dawid, Marcin i Volvo, czyli cycling support
Dawid, Marcin i Volvo, czyli cycling support © gustav

Bez takigo wsparcia ani rusz! Koła zapasowe, łańcuch, klucze, torba ubrań, koksy, jedzynie... Godom im, żeby już szukali jakiś zajazd i kupili makaron. 5km dalij już znaleźli. 2 porcje makaronu do pełna = 8zł. w sumie zeszło z pół godziny, oblykom se i jazda dalij. Nastympne spotkani kajś na obrzeżach Łodzi. Foty niy ma, ale jest na filmie ;]
Pabianice - już zaczyno przelotnie padać. Ale na szczyńsci niy ma ulewy i jakoś jada. Dobrze, że jeszcze w miara ciepło: 17-18st. Po niedługim czasie przestało, ale drogi fest mokre i wszystko leci na mie. Dojyżdżom do cyntrum Zgierza i... zaczyno coroz mocnij padać. Dodatkowo cały czas jest burzowo aura, wszyndzi sie blysko i nie wiadomo, w kiero strona to idzie... Cudym znajduja jakiś mały daszek, pod wejściym do biura jakigoś, direkt przi kamerze heh. Leje konkretnie i po chwili robi sie potop, bo kanalizacja nie wyrabio...
Zgierz cyntrum, znaczy zalew
Zgierz cyntrum, znaczy zalew © gustav

Roz auto przejechało, wywołało przi tym fala, a jo se nie doł pozor i ta fala zaloła mi buty... aaahhh. Dzwonia do znajomego, czy mógłby mi sprawdzić pogoda. Po chwili oddzwanio - jest ogólnie źle. Tyn front idzie w kierunku w kierym dokładnie jada i bydzie to trwało dobre 4h... Już wiym, że tela pauzy spowoduje, że nie zrobia tyj trasy w planowane 60-65h. Na szczyńści przestowo padać, wiync ruszom naprzód i dzwonia do ekipy, żeby podjechali po mie z ubraniami. Niy ma innyj opcje, jak jazda w deszczu... Spotykomy se za jakiś 20min na stacji. Ubiyrom kurtka, galoty przeciwdeszczowe, ale niystety niy mom ochraniaczy na buty, beztoż ładuja worki jednorazowe. Ale bez skarpet.
Uroki tego sportu
Uroki tego sportu © gustav

Ale jakoś jada ;]
Ale jakoś jada ;] © gustav

Niystety, te worki chyba były za małe i nie było z nich pożytku, wiync je zdejmuja. 15-16' wiync jeszcze idzie jechać... Po np. godzinie było spoko, nie było czuć tragicznego zimna, ale jednak jakiś chłodek był w butach. Jakby było 10-12' to koniec imprezy. Chyba by trzabyło reklamówki ogarnyć. I pado cały czos, ale dalij niy ma ulewy. Mimo to jedzie sie okej. Jazda w nocy na DK14, DK92 i obwodnicy stolicy DK50. Ruch mały, ale warte odnotowanio - 1/10 pojazdów to zwykłe auta, reszta to tiry, dostawcze.. Dopiyro kajś 3:30 przestowo padać, multum mgieł dookoła, ale prox dowo rada! Przed 4 wjyżdżom na stacja, kaj śpi ekipa. Cieplutko w aucie, jedzynio i picia pod dostatkiym, a jo musza walczyć w trudnych warunkach. Tradycyjnie ładuja ze 4 banany i 2 paczki wafli do plecaka i jada dalij. Ubiyrom suche skarpety. W tym momyncie już jeżeh na chyba pół godzinnyj stracie czasowyj. Stopy ciut zimne, ale dalij bez tragedii, tympyratura na poziomie 15' cały czos. Nad ranym wcześnie w Płońsku jechołech DK50 tak długo, aż dojechołech do drogi S7. Sie długo niy zastanawiom, yno ryzykuja te 3,5km raczyj z górki i wbijom. Dobrze, że pobocze dwumetrowe i ruch znikomy ;] I przi okazji bydzie KOM na starvie hehe. Nie było okazji na segmynt na S69 przi Żywcu, to bydzie na S7 heh.
Koniec ekspresowyj :((
Koniec ekspresowyj :(( © gustav

Przasznysz - tam mo miejsce kolejny postój na ciepłe jedzonko. Za 17zł mom konkretny talyrz makaronu, 2 kotlety i talyrz surówki :)) Niy zjodłech całego. W tym momyncie przestało działać ładowanie w moim fonie, czyli cały zapis na starvie poszoł se... A tak chciołech mieć owy personal rekord na tym "portalu".. :/ Dodatkowo po tyj deszczowyj nocy bolało mie prawe kolano, momyntami mocno. Przez to mojo średnio spadała, mimo pokładów mocy w nogach i jeździe dalij z wiatrym.
Super śniadani!
Super śniadani! © gustav

Jakoś dom rada. Musza
Jakoś dom rada. Musza © gustav

Tako aura
Tako aura © gustav

Mgły dopiyro ustały ok. godz. 9. Słońce powoli sie ujawniało. Pojawiały sie piyrwsze chopki coroz to bliżyj Mazur.
Nasze kolejne spotkani mo być w Szczytnie, ale chyba zamiast w cyntrum skryncić do nich na stacja, to jechołech prosto na Mrągowo. Kupiłech se woda no i co, niech mie goniom ;p
Mazury zdobyte!
Mazury zdobyte! © gustav

Instytucja
Instytucja © gustav


Mazurskie hopki

Na tym rondzie niy wiym czamu zamiast jechać na Mrągowo, jechołech na Pisz... Ale po kilku km'ach wbiłech na DK59 na Mrągowo i w gruncie rzeczy z 7-8km "dokrynciłech"...
Zdarzały sie takie sytuacje ;]
Zdarzały sie takie sytuacje ;] © gustav

Zakryntasy
Zakryntasy © gustav

I kolejne dróżki
I kolejne dróżki © gustav

Nastrojowo
Nastrojowo © gustav

Ogólnie noo dużo chopek tam było, w zasadzie jak na Jurze :) Fest mi sie podobało, gryfny asfalt w leśno-jeziorowyj aurze - bajka!
Mrągowo - wyjazd z pauzy ;]
Mrągowo - wyjazd z pauzy ;] © gustav

Jakiś jeziorko
Jakiś jeziorko © gustav

Jest dobrze, załoga!
Jest dobrze, załoga! © gustav

Za tym mostym już jest Śniardwy ;]
Jezioro Śniardwy tam
Jezioro Śniardwy tam © gustav

Ci to mieli biesiada ;]
Ci to mieli biesiada ;] © gustav

Nie wiym, kaj byli
Nie wiym, kaj byli © gustav

Mazury. Gryfnie
Mazury. Gryfnie © gustav

Gustav, trzimej tympo!
Gustav, trzimej tympo! © gustav

Taki tam w akcji
Taki tam w akcji © gustav

Spotykomy se ponownie w miejscowości Orzysz, ok 630km już zrobione. Morale dalij okej, ale dalij boli mie te kolano. Znaczy roz boli, roz niy. I niy umia zrozumieć, od czego to zależy. Roz jada mocnij i niy boli, roz jada spokojnie i boli... Aktualnie mazurski odcinek przejechany z minimalnom ilościom przerw, przez to 600km jest zrobione w czasie 31h brutto, a średnio na poziomie 23 jakoś. No ale skończyła sie sielanka. Kolejne 600km na południe direkt pod wiatr. Do Pisza i Kolna jeszcze bez tragedii. Właśnie w Kolnie spotykomy sie przi restauracji. Bo ponoć nic innego chopy niy znaleźli. Kotlet i dużo porcja makaronu w cynie... lepij niy byda pisoł. Niy mniyj jednak jest to najbardzij niydobry makaron, jaki w życiu jodłech. Zamiast sosu jakiś tłuszcz pieron wiy z czego. Jym do oporu i po chwili robi mi sie niedobrze... Ida na dwór posiedzieć. Prawie gdy sie uspokoiło, zaś ponownie było gorzyj. Gipko popić i guma do żucia jako neutralizator. Zaczynom dostawać drgawek... piyrw na stopach i dłoniach, potym rozchodzi sie to na całe ciało w zasadzie... 2 lata tymu taki coś mi sie w doma przitrafiło, tyż po jedzyniu, to godzina późnij już byłech w szpitalu na oddziale neurologii... Z tym że miołech problymy z oddychaniym dodatkowo, tu teraz było spokojnij. Leża dobre 15min na materacu w aucie i powoli przechodzi. Postój planowany na max 30min trwo 1h 20min. Jaki wniosek - nigdy nie ładuj niedobrego jedzynio do oporu. No nic trzeba jechać dalij. Ustalomy kolejne spotkanie w Mińsku Maz. - niech se chopy trocha wyśpiom. No i co - wiatr przibiyro na sile, momyntami fajnie zawiywo, pojawio sie u mie kryzys termiki ciała, tzn. oblykom bluza i kominiarka, to po chwili jazdy za ciepło. Seblykom tyn zestaw - to za zima. I w ciongu hmm niycałych 2h tako sekwyncjo oblyc sie - seblyc sie jest w ilości 3-4 razy... Naturalnie dużo cynnego czasu na to zeszło... Tyn czas to jest po ulywie zeszłyj nocy, najgorszy. Morale na niskim poziomie. Coś idzie nie tak... Pojawio sie wontpliwość, czy dom rada, czy cokolwiek nadrobia w tyj nocy, baaa - cudym raczyj bydzie, jak straca max 1-1,5h...
Wbijom ponownie na DK50 ale z drugij strony stolicy. Na krajowyj zawsze morale idom ciut do góry, jakoś tak, z przizwyczajynio. I na tyj drodze aż do wschodu trwo okres, w kierym siły wyższe chyba czuwajom nady mnom... Z powodu niydospanio dzieje się bardzo źle. Mimo wiekich chynci ciynżko o kocentracja. W liczbach: ponad 10x wjyżdżom na przeciwległe pobocze. 1x zajyżdżom auto dostawcze, 1x zajyżdżom osobówka, 1x unikom kontaktu z najdeżdżajoncym tirym z przodu - byłech chyba 2m od niego... Chca sie koncentrować na tym aby trzimać sie swojigo toru jazdy, ale po 1-2min zaś myśla o czym innym i robia "slalom". Kilka razy stowom na poboczu, żeby sie ogarnyć, strzelić w pysk, poloć wodom z bidona... wiatr wieje średni, kolano roz boli, roz ni...
W Mińsku już słońce powoli wychodzi, info do ekipy, żeby stowali i mie gonili. Spotykomy sie kajś na przidrożnyj stacji. Bardzo duży ruch, szczególnie dużo tirów. Piyrwszy roz mom dość DK i marzy mi się jazda nawet średnij jakości DW.
2 doby już jadymy
2 doby już jadymy © gustav

Niy ma lekko
Niy ma lekko © gustav

Średnia już bliżyj 22, niż 23. Wiatr dalij trocha przeszkadzo, ale najbardzij spowalnio właśnie to prawe kolano. Lewe kolano praktycznie nic, to samo miyńśnie, mimo ponad 800km w nogach. Gdyby niy to kolano, to byłbych znacznie dalij...

Od Warki i dalij na południe - upał, pod wiatr, dużo hopek, w zasadzie piekło. 20 średnio na prostyj, jak kolano niy bolalo, to może 25.
Każdy las to było...
Wyzwolynie
Wyzwolynie © gustav

Chyba z 1,5km po długości było ;]
A to ci dopiyro
A to ci dopiyro © gustav

Białobrzegi, przy biedronce.
Upalnie, dobre 40' w słońcu
Upalnie, dobre 40' w słońcu © gustav

Z tym panym godom chyba z 10min. padoł, że jak jeździ 15 lot, tak takigo typa jak jo, to niy spotkoł jeszcze ;> Dowo mi batona i to jest piyrwszo słodko rzecz, jako jym od 3 dni heh.
Spotkany sakwiarz
Spotkany sakwiarz © gustav

A w Końskiem już czeko tyn godowski pieron hehe W cyntrum tego miasta ekipa już zamawio obiod.
I znów Paweł w towarzystwie
I znów Paweł w towarzystwie © gustav

Ostatnio wieczerza
Ostatnio wieczerza © gustav

Pozdrawiomy BBT
Pozdrawiomy BBT © gustav

Sympatyczny widoczek
Sympatyczny widoczek © gustav

Nudzi Ci sie? Obejrz se film :)
Nudzi Ci sie? Obejrz se film :) © gustav

Ostatni zachód, w końcu
Ostatni zachód, w końcu © gustav

No i zadupiami (w tym chyba 3-4km odcinek po zerwanym asfalcie) do Włoszczowej. Na rynku kolejne spotkani z supportym.
Włoszczowa na rynku
Włoszczowa na rynku © gustav

Potym to już Paweł prowadzi aż ku DK78. Powiym tak: brak chynci spania, aż jest to dlo mnie dziwne. Być może organizm sie już przyzwyczaił... Ale bardzo optymistycznie to wyglondo. Wiadomo - trocha w łepie sie "gotuje", no ale niy ma typowych objawów zmynczynio, oczy sie niy zamykajom, niy ziywom itp.
Jadymy tymi lokalnymi dróżkami, wiatr sie uaktywnio... dużo podjazdów, może nawet jakiś prawie ścianki? A jo... znów koncentracjo sie pogarszo. Znów momyntami jazda slalomym. Paweł mi co chwila ucieko. Dalij kolano boli. Roz wjechołech na przeciwległy pas a tu nagle auto przedy mnom, kiere zjyżdżo ostro na pobocze i tito na mie... typek tam pewno ostro wkur***ny... ja pierdziele co jo robia... Na szczyńsci mie niy gonił. Abo np. widza Pawła obok siebie kiery sie zatrzimuje, no to jo tyż stowom. A tu sie okazuje że go niy ma, yno je ze 300m przedy mnom, bo widza po kamizelce odblaskowyj.. wtf? Im bliżyj DK78, tym mocniejszy wiatr. Pod górka z 5km/h, z górki może 20... kilkakrotno jazda bokiym heh. A jakoś im bliżyj Zawiercia, tym jakby tyn wiatr słabnył. Ale niestety wjyżdżom w krawynżnik... i jeeb na trowa z kołym... Małe odarcie na nodze, sprzynt na szczyńscie cały. Puls naturalnie wzrósł, wiync chwilowo zero zmynczynio. Paweł odbijo DW w kierunku Katowic, Mikołowa, a jo jada za Zawiercie, kaj czeko na mie ekipa.
Zawiercie ostatni tankowanie
Zawiercie ostatni tankowanie © gustav

Spec od uzupełnianio bidonów ;]
Spec od uzupełnianio bidonów ;] © gustav

W tym momyncie mom prawie 1150km, a morale na niezłym poziomie. Oblykom se jeszcze cieplij, jym już cokolwiek, bo na tych ostatnich 50km już mi nic niy zaszkodzi. Ekipa tyż już zmynczono, taki życie, taki wyczyn;] Ustalomy meta za 50km i jada! 3:20 bodajże jest. Wiatr jakby słabnie, nie odczuwom go, żeby przeszkadzoł. Kryzysów synnych juz niy ma tak dużo, robi sie coroz jaśnij, jest przepiykny wschód słońca, normalnie Red Sky! Dojyżdżom na stacja przi skrziżowaniu 78 z 94, musza jeszcze 7km dokryncić! ;D
1200km pokazuje sie o godz. 7, czyli o jakiś 8-9h za późno, niż planowołech. No ale ulywa i przeczekanie, ból w kolanie przez ostatnie dobre 800km, upał, trudno sytuacja po zjedzyniu makaronu, za dużo przerw spowodowanych niydospaniym, 600km pod wiatr - sie nazbiyrało. Ale to jo wygrywom ta wojna, nic z tych rzeczy mie nie zniszczyło! 40min dodatkowo na kożde 100km to fest dużo, dlatego ciesza sie, że mój organizm pozwolił mi przetrwać 3. cało noc, bo tyj sie obawiołech cholernie.
Wszyscy my :)
Wszyscy my :) © gustav

W końcu du dom!
W końcu du dom! © gustav

Victoryyyy!
Victoryyyy! © gustav

Netto: Optymalnie 54h40
Brutto: 69h30
Całkowity czas bez snu: 76h

Na filmie widać, jak sie czułech - jak po przejechaniu 50km, dosłownie! Mogłech spokojnie dokryncić do 1300km, ale stwierdziłech, że niech se kolano już odpocznie ;] Najważniejsze jest to, że moja forma na dziyń dzisijeszy pozwalo mi przejechać o wiele wiyncyj, niż zakłodołech przed wyjazdym. Skoro wiym, że 3. noc można przejechać też bez snu, to ograniczynie czasowe niy wynosi już 65h, a ok. 75.
Przez tyle napotkanych przeciwności zaś zebrołech gigantyczne doświadczynie. I kolejny roz jest nieodsyt, tak jak i rok tymu. To jest już mojo choroba. Nadal niy poznołech swojigo limitu możliwości. I zaś mi to niy bydzie dować spokoju... ;] Dlatego jeśli byda podejmowoł kolejno próba bicia swojigo personal record, to w gra bydzie wchodziła bariera 1350-1400km. Bo teoretycznie byda kiedyś mioł jeszcze lepszo wytrzimałość. Z kożdym rokiym czuja ciut lepszo forma. Ale żeby tego dokonać, to już potrzebny bydzie i wiynkszy busik i ekipa najlepij 4-osobowo. I może jakiś sponsor ;) Jak w RAAM.

RAAM oraz RAA... pomarzyć można :) Ale MRDP za 2 lata to na pewno!
Niyoficjalnie: czyżby to już był najdłuższy ultramaraton tego typu w naszym kraju? Czy zostoł ustanowiony jakiś nowy rekord?

1200km non-stop solo u-23
1200km non-stop solo u-23 © gustav

+73 nowe gminy. Czyli yno lubelskie to je województwo, w kierym niy mom jeszcze żodnyj gminy w kolekcji ^^
I pamiontkowy filmik :))


Taki tam

Poniedziałek, 14 września 2015
Km: 40.50 Km teren: 0.00 Czas: 01:50 km/h: 22.09
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: FastBack 5.8 Custom Aktywność: Jazda na rowerze

Z tydnia mtb

Niedziela, 13 września 2015
Km: 73.00 Km teren: 0.00 Czas: 04:00 km/h: 18.25
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: XC Custom Evolution Aktywność: Jazda na rowerze

kategorie bloga

Moje rowery

Addict Blue 14656 km
Gravel Custom 5416 km
MTB Interceptor 5747 km
City Cadillac 1700 km
Avaine 8824 km
Giant TCR Advanced 2186 km
Custom 2.0 Essential 8839 km
FastBack 5.8 Custom 41880 km
XC Custom Evolution 18260 km
MTB Custom 15323 km
Haibike Speed RC 21452 km
Unibike Mirage 7536 km

szukaj

archiwum


Statystyki zbiorcze na stronę