Gminobranie skuli sztormowyj aury w sobota niy wyszło, beztoż trza było pojeździć dzisio po okolicy i sprawdzić, jak nowo maszina sprawuje se na ścianeczkach :> Yno Karelowi spasowało, wiync ugodalimy se w Żywcu o 9. Potyncjalni goście-towarszysze dali za przeproszyniym dupy. Funio abo odlecioł na Marsa abo robi już 24 nadgodziny abo pojechoł na Zagłymbie i niy było mu dane już wrócić [*]. Jakubiszon tradycyjnie... :D A reszta pieron wiy co.

Po degustacji nudli z dżymym (po kierych już mi se rzigać chciało...) wyjechołech o 5:45. Drogi mokre, 15' i momyntami kropiło leko. Ale se poprawiało :)

Jo gonia chmury deszczowe © gustav


A niebieskie niebo goni mie ;] © gustav


DK1 na południe © gustav

Przijechołech o dziwo przed czasym, o 8:45. Karel skuli niedostatecznyj ilości wyngli był chyba ze 10km od Żywca. Niby szłapa niy podowała ja ja ja :D

W Żywcu na moście © gustav

Jako że żodyn inkszy se niy pojawił, no to obralimy kierunek Istebna i Salmopol.

Pogoda kosmos! © gustav


Taki asfalty © gustav

I potym szpan słitfociowy przi S69

Że niby jo w akcji © gustav


Chcioł profilowo to mo :D © gustav


Trowa, barierki © gustav


No dobra, niech bydzie © gustav


Gryfnie razy Miljart © gustav


O! fajnusieeee © gustav

Cisza, spokój, równy asfalt, przedupniaste widoczki..

Alternatywny podjazd na Kubalonka © gustav


Nabijo kilometry © gustav


Zjazd do Wisły © gustav

W cyntrum Wisły tankowanie w euro-sklepie. Na rondzie ogiyń! :D

"Ludzie ludziom zgotowali ten los"

Burdel na kółkach :D :D © gustav


Pacz wiela zabawek © gustav

Podjazd na Salmopol... Aż pod skocznia na remontowanyj drodze. Korki w ciul i jeszcze trocha. Ale policja cwaniaki to se na sygnale przejechali. Burdel jeszcze wiynkszy niż na rondzie. A na ściance walczyłech dzielnie. Baa nawet szef andrychowskich podjazdów był ze 20m ze zadku. Ale coś se stało niyteges. Słabłech. Puls 8000. I mie przegonił. Niy dziwne, bo tyn typ co wciepie wpis na bikestats, to tryning Kocierz dwajścia razy ;D Dojechołech monyj 2-3min późnij. Zjazd spoko. W Szczyrku zaś zaje**ne turystami tak, że mi średnio spadała. Bocznymi dróżkami na główno droga do BB. Karel już zdychoł, aż mi synka było żol :P Tak to je, jak se robi tripa konkretnego bez konkretnego jedzynio (czytej: +/- tona jedzynio). Ale po drodze cukiernia, wiync morale wzrosły.

Poprosza: 3 kołoczki, 2 żymły i paczka cigaret. I koksy od Froome'a © gustav

Relaxxym pod Orlen na skrziżowaniu na Przegibek i kożdy w swojo strona. Co do wiatru - wioło dzisio chyba z kożdyj strony a mimo to krynciło se elegancko. Na wyjeździe z BB już pod wiatr, w strona Strumienia to już boczny był. Do Rybnika z Żor niby tyż pod wiatr, chocioż na prostyj bujołech se prawie 40km/h. W Rybniku powoli chytoł głód, ale jeszcze krótko runda nad zalyw. Próbowołech zrobić segmenta, ale po 10s mocnego kryncynio odcinało hehe.

No i co - test po hopkach pozytywny. W końcu na ściankach jakoś idzie kryncić normalnie, a niy wlyc sie na pancernym mtb ;] A zapewniom Ci panie Karel - kiedyś na jakijś hopce se odegrom hehe.

ps. powoli ogarniom segmynt: zjazd z Koniakowa na S69. Ale niy tyn obok S69, yno NA :D

ps2. zaś mi se chrzani aparat - widać na środkach fotek słabo ostrość...
Pokaż trasę GPS

Wymyśliłech se rajza na jakoś hołda, coby se podziwać na wschód i Paweł zgłosił gotowość. Wyjazd 23:20 sobota wieczór.
Ogólnie pogoda konkret, za dnia hyc totalny, wiync i noc ciepło.

"Kiery idiota jeździ po górach o 3 w nocy"- padoł Paweł ;D

W B-B przi galerii piyrwszo mało pauza.

Bielsko cyntrum © gustav

Joł! :D #trochawalijużnałeb

Domek przi galerii handlowyj © gustav

No i potym już prawie gipki szpil na Przegibek i Żar, bo coś niebezpiecznie se zaczyło robić jasno xD I tu rzecz warto odnotowanio - oba te podjazdy w tymże tripie podjechołech chyba rekordowym tympym! Noo jak nigdy, zero kryzysu czy demotywacji! :))
No i na górze było gryfnie, szwarnie, ale jednak czystego wschodu niy szło nagrać. Cały relaxx trwoł aż 1,5h - po to my tu przijechali ;]
Jo se zjod 4 małe bagietki z biedrony po 99gr. - taki śniadanie hehe.

Wideo jest zajebiste, jeśli chodzi o podkład do jakijś chilloutowyj muzyczki ;]

Coś se nagrywo tam © gustav


Tradycyjnie, a jednak inakszy © gustav


EastON © gustav


EastON wersja 2 © gustav


Jo już drzymoł eeehhh :)) © gustav

Jeśli chodzi o tympyraturki - w nocy kole 17-19. Na Żarze 19, na podjeździe na Przegibek tyż. Yno zjazd z Przegibka to była chłodnia, przipuszczom ze 13 było.


Na żarowym moście © gustav

I foty zrobione kamerkom: uwaga - 12mpix. A jakość porównywalno do aparatów 2-3mpix w telefonach...

Sj4000 foto test1 © gustav


Sj4000 foto test2 © gustav


Sj4000 foto test3 © gustav

Po drodze jeszcze na tanksztela po woda i 2 batony. W doma o 9:40. Trip fest udany, szłapy dowalone :))

W drodze do Brzeszczy, z tyłu © gustav

I wideo z testu lampki:



Pokaż trasę GPS

Taaa w sumie Boże Ciało to jak niedziela, a i że miołech opalynizna, z kieryj se ludzie śmiejom, to postanowiłech tymu jakoś zaradzić i se trocha "prziciymnyć" :> Kij z tym, że aktualnie jest jeszcze gorzyj... :D Czyli oblykłech se luzacki spodynki i tako podkoszuleczka - cały zestaw made in decathlon ^^ Ale po kolei. Ultras Paweł zaproponowoł Lyso Hora, potym Karel coś se tyż zapisoł z ekypom, Janek z pobliża, no i tyż Daniel, Ventoux, nawet dwóch przedstawicieli team'u "Długi Szłapy PRO Cycling Jaworzno"... Ugodalimy se na 11 w Cieszynie. Pojechołech po Pawła do Godowa, potym do Gołkowic na granica, kaj czekoł Janek. 23km w 45min trza było zrobić, żeby przijechać direkt na czas, także jechalimy bez Karvina, bez w miara płaski odcinki sprintym w zasadzie, 32-40 po prostych ;] Przijechalimy na rynek puntkualnie, a tam już pora typów czekało :D a jeszcze ktoś mioł se zjawić hehe w sumie uzbiyrało se nos uwaga: 11! Istny spontan :> Od razu bardzo niykulturalne teksty, że jak jo mom czelność se tak oblyc na taki poważny trip. Że jadymy ostro trynować i polić szłapy, a niy kompać se nad jeziorko etc... ;D


Sprint do Cieszyna © gustav


Cieszyński rynek jako miejsce spotkanio © gustav


Chowaj ten aparat!! Mam zejść?? :D © gustav


Peletonik :)) © gustav

Peletonik se podzielił na szosowych wyjadaczy i "bodygardów" wachujoncych przestrzyń na zadku hehe W tyj piyrwszyj grupie był m.in Daniel z Cieszyna na MTB i terynowych oponach, czyli już nic niy godom... ;] a w tyj drugij NATURALNIE musioł se znalyźć kto? Oczywiście tyn o niedzielnym nastawiyniu na kryncynie :D czyli jo ehehehe. Miło, że czasym znolazła se gromadka osób, kierym odpowiadało moji tympo :P


Czeskie widoczki © gustav

Daniel pokierowoł nos bez jakiś boczne zakryntasy, ale myśla, że dlo tego widoku było warto :))

Zbiorowy postój na foto - Łysa w tle © gustav


Mojo szkoła, mojo!! :D © gustav


W sumie foto z nowymi brylami z rossmana za 39zł hehe © gustav


Kożdy focił ;D © gustav

Na liczniku 80.3km i średnio 27. Krótkoo pauza na wyngle etc. :>

Ostatni dychnycie se przed głównym podjazdym © gustav


Obelix - czeski wyngle © gustav

A som podjazd na Lyso Hora to już zaliczo se do tych prawie prawie extrem ;] Żar, Salmopol to je gówno w porównaniu. Poczontek podjazdu szoł sprawnie z Pawłym, kole 5-6 lokaty hehe. Odpolyłech Jorge Quintero i We Can Make The World Stop no i zaroz lepij se podjyżdżało. Ale zaroz dogonili nos Karel, Ventoux, Lama i w zasadzie przegonili :P Także ostatecznie wjechalimy na równo na 8 i 9 miejscu heheh Ostatni byli ci, co na dole wlywali do basa Obelixy :D :D Ciulate te czeski wyngle :D

Pora typków już kurteczki oblykło, bo niby 15 stopni było, a niedzielny w krótkim rynkowku podziwioł widoczki :>


Niedzielny rowerzysta zdobył szczyt :D © gustav


Skoda - napyndzo Tour de Czechy © gustav

Zamówiłech se spagietti, bo gryfnie woniało, a i tyż musiołech wydać moji korony z zeszłego roku :D Odebrołech te jedzyni, zaczyłech jejś i co one taki zimne??? AAA sam je tyż kyjza posiykano :D :D

45 koron za talyrz nudli z kyjzom i keczupym, czyli jakiś 7zł, może 8. Fest tanio. Na górze św. Anny za tela momy litrowo cola ehhh..

Łysy obiod © gustav


Forever Alone © gustav


Beer Ultimate © gustav

No i sprzynt od gościa z Wodzisławia. Gościu autym podjechoł 80km pod zaczynajoncy se podjazd, wyciongnył te koło, wjechoł se bez grama wysiłku na 1324m i potym se zjechoł i du dom zaś autym... Jaki to mo syns?...

Elektryczny szajs © gustav


Cało ekipa: 10 Pro i 1 plażowicz © gustav

Sam zamieszczom osobny filmik ze zjazdu, bo o dziwo rano gipko se władowoł na youtube, a cało wideorelacja postarom se jak najszybcij zrobić :)


Po drodze jeszcze do azjatów na sklep po woda i 2 batony po 100g. Korony pozbyte hehehe.

W drodze powrotnyj. Pogoda BOMBON!! © gustav


Zjazd do Cieszyna © gustav

W Cieszynie kożdy w swojo strona, a jo z Ventoux'ym na Pawłowice i Żory, żeby trocha nabić km'ów.

Taki tam, na tankszteli © gustav

Po rybnickim city, nad zalyw, do siostry i szwagra na chwila w byzuch i dokrynciłech do dwusetki :)) A te opolani to kurde chyba trza iś na solarium abo jaki jeziorko, ewentualnie na plac kole garażu heheh Rynce wyrównane, to zaś plecy tragedia :D Trip zarombisty!!! Jak najwiyncyj takich :))

I dupa z opolanio :/ © gustav


W sumie to jeszcze gorzyj... ;] © gustav

Pokaż trasę GPS

Niezniszczalny game'owy klasyk!


Trza było jakoś dobitnie zakończyć tyn mizernie kilometrowo maj, wiync że niedziela miała być zajefajnie pogodowo, no to ugodołech se z Panym Tomkiym, czyli xtnt, na jakiś niydalekie hopki :) Ugodalimy se na 8:00 w cyntrum podgórskigo biznesu, kasyn i salonów krewetek dr Oetkera, czyli w Kęty'ucky. Wyjechołech se o 4:45, ale pogoda do krycyno była fajno już, mimo tympyraturki 7-8'.

Na poczontek - zdiynci z dupy xD © gustav


Wschód na rondzie © gustav


Poranne mgiyłki, ale jedzie se przijymnie fest! © gustav


Obwodnica Pszczyny © gustav


Wzdłóż hopek ;] © gustav


Rzeka Soła - mało pauza © gustav


Prosto na Kęty'ucky © gustav

Przijyżdżom na rynek, a tam już Tom czekoł. Byłech jakoś o 7:40, czyli ani 3h brutto. Ponoć czekoł już doś długo :D co idzie poczytać u niego we wpisie. Pogodalimy no i trza było wymiynić w jego bulls'ie kloce. No i tyż call do Karela - inne plany, i do Funia - "dopiyro wyjyżdżomy z Jaworzna"... my, czyli z Lamą ;]


Serwis kloców © gustav

I potym szukalimy jakigo sklypu, bo żeh mioł głód :(( ale że od 9 otwarte, a była z 8:20, to trza było wytrzimać... Całe jedzynie (a pojejś se lubia :P), co zjodłech przed wyjazdym, stykło na 4h, to je porażka! I jak tu na maratonach mom uzyskać dobry czas, jak sztyjc byda okupowoł biedronka abo inksze lewiatany?


W drodze na Żar © gustav


Na bocznyj dróżce © gustav


Porąbka - zapora © gustav


Na zaporze ;] © gustav


Tankowanie. Tradycyjnie © gustav

Musiołech wrąbać cało ta dupno bagietka, 2 banany i ze 2 żymły, żeby se optymalnie pojejś... Koniec na temat jedzynio. A niiiyyy - nojlepsze potym :D :D


Na żarowym podjeździe © gustav


Panda w zadku tyż dowo rada :D © gustav

Ogólnie podjazd na spokojnie bez spiny :))

Na wiyrchu :) © gustav


Dwa przecinaki © gustav


Widowisko i taki tam © gustav


No to kamerujymy! © gustav


I se polecioł w... kajś tam :D © gustav


Tyż bych tak chcioł © gustav

Info od Funiastego, że okupujom stacja na dole Żaru, wiync jadymy ku nim. Ogólnie filmik mom na kamerce m.in. ze spotkaniym jaworzańskich przybyszów, ale tyż i z rana i innych pierdół.

Na tym postoju 43 stopnie w słońcu :D A podczas jazdy kole 26-28.

Kaj jo mioł rozum z nimi jechać? © gustav


Działo tyn szajs czy niy hmm © gustav

Lama chcioł, żebych nauczył go kupować wyngle. To tyż nagrołech :D Ale w tym sklepie ogólnie "pieczywowo" lipa - żymły ceglaste, czyli wczorajsze... Nic, kupiłech 4 batony i woda. Od Funia dostołech reprymynda, żebych mówił po polsku, a niy godoł po ślonsku, bo chopina nic niy kapuje (a miyszko w cyntrum ślonska :P). Ale co jo poradza hehe. A potym bez kolejne 10km jechoł som z przodku, monyj se na mie obraził abo co... ;]


Eeejjj Lama, jak smakowało kakao ze śledziami? :D © gustav


I zaro se zacznom ścianki :) © gustav


Ikspres Łej 69. Szkoda, że zakaz © gustav


Aparat już goroł :D © gustav


Idealny odcinek na nagranie zjazdu! :)) © gustav


Xtnt w akcji © gustav

Ekipa z Jaworzna odjyżdżała na kożdyj hopce, X z racji super terenowych opon i trasy przeszło 200km 2 dni tymu - to logiczne, że zostowoł ze zadku, ale na prostych czy na zjazdach trzimoł równe tympo, za co należy se ogromny szacunek!!!

Dojechalimy na szczyt Koniakowa, ale szczyt szczytów to była wspinaczka po betonowych płytach pod som nadajnik xD Yno jo se tego podjył, ale było warto, bo widoczki na Tatry extra! Na foto niy widać niystety :/


Tako droga dojazdowo, 20% lekko © gustav


Panoramka! © gustav


Koniaków na samym wiyrchu! © gustav

Zjazd ku kamratom w blasku fleszy hehe także lukać na blogi owych towarzyszy :> I nastympnie zaczylimy szukać jakijś miejscówki,żeby se pojejś. Bo m.in. jo zaś mioł głód.. dopiyro za trzecim razym znaleźlimy jakoś w miara pusto restauracja na obrzeżach miejscowości, bo kaj indzij w cyntrum to pół godziny czekanio, jak niy wiyncyj. Miołech dylemat jako zamówić pizza.. 30 abo 40cm. Wiadomo - cało do mie :P zaryzykowołech i padło na 30-ka. W miyndzyczasie polynio ciasta z kyjzom i inkszymi dodatkami - oczywiście zjebki, testy trampoliny, karnyłech se na bioło-czerwonym Ridleju... kurna Funio 4cm wyższy ody mie, a rama mo jak na gościa wyższego o 20cm.. :D
Ogólnie na nawrocie to musiołech se zatrzimać i "manualnie" nakryncić hehe



Wszystki biołe - przipadek? © gustav


Ostatnio wieczerza :D © gustav

Zjodłech cało na lajcie + 1 kawałek innyj i że tak ujmia - ta pizza 40cm byłaby do ogarnycio :D Ciut po godz. 15 opuszczomy ta sympatyczno miejscówka i ruszomy pod ostatni podjazd Kubalonka. Na zjeździe na równym asfalcie wydupiło mi bidon i urwoł se plastik od zakrywanio ustnika ehh. Ekipa mi odjechała i czekali na mie dopiyro na skrziżowaniu przed Skoczowem heh. Ale zjazd masakra - wioł wmordowind. Bez cało Wisła z wiatrym przejyżdżo se na lajcie 45-50km/h, a dzisio ledwo 30 miołech. I już załamka, że du dom bydzie walka :/


Kubalonka ;] © gustav


Skoczów most © gustav

Na owym moście kożdy pojechoł w swojo strona, a jo mp3 odpolyłech i jazda. Ruch na wiślance duży, a co za tym idzie - jest znacznie bezpiecznij, bo auta niy majom se jak rozpyndzić. I co mie ucieszyło - wiatr już niy wioł z przodu, a bardzij z boku, z zachodu, a dodatkowo jak sznur aut przejyżdżoł obok mie, to praktycznie tego wiatru niy czułech, co za tym idzie - 27-30km/h było bez przerwy :))

DK81 tego dnia miodzio :) © gustav

Dopiyro od Żor na Rybnik jechołech direkt pod wiatr, ale to juz na spokojnie. Na cyntrum jeszcze na super-relaxx :)))))

#jaworznotegoniymo

#jakośgodzinkaseodpoczywołech


Czas se legnyć :P © gustav

Ogólnie było ok. 19-yj i zaś pojawioł se głód... :((((( 30cm pizza stykła na 4h. Ida se powiesić.

Just RELAXX! © gustav

4km podjazdów... taaa... 2 tydnie tymu do Gorlic ponad 10km podjazdów... Góra Żar całkiym pominiynto...tyn gpsies coś ciulo, bikemap je już ciulaty, a do stravy bych potrzebowoł powerbanka, kierego chyba w tym tydniu już zamówia.
Ale wypad kurde rychtyk superowy! Maj zakończony godnie :) chocioż zrobiłech 400km mynij, niż planowołech.

Pytanie dlo zaglondajoncych sam ludzi - kto w Boże Ciało jedzie na Lyso Hora? :))

Pokaż trasę GPS

Filmik zrobia na dniach ;]

W sumie miało być dzisio konkretne gminobrani, ale pieroński sztorm ze wschodu to uniymożliwiył.. No i tyż po czyńści chłodnawo aura. Beztoż ugodalimy se na krótko rajza na linii Bieruń-Olkusz, odwiydzić jakiś zamki i ogólnie popyndalować po tamtejszych hopkach. Pobudka 4:30 i wyjazd o 6:00. Kole zera stopni, piyrwsze kilometry na tle wschodzoncego, czerwonego słońca :) Bajka po prostu. Słabo wioło, se myślołech - noo bydom super warunki do jeżdżynio. Ale po dojeździe do Żor już pieroński wiatrzysko se objawiło i dupa :/ Dojechołech na most w Chełmku chyba równo o 9:00 - czyli na planowano godzina. Tam już czekoł Tomek, czyli xtnt ;] Seblykłech ochraniacze, kurtka i w droga.


Most na granicy województw © gustav

Po drodze do sklepu po paliwo :D Rzadki widok: biedronka i lidl direkt obok siebie. I kurde dylemat kaj iść hehe Wybrołech biedrona, bo tam czynścij som tańsze banany :D Ale dzisio akurat niy były.. 4 banany, 4 małe bagietki i ice tea. Krótko degustacjo i kierunek na Babice.


Zamek w Babicach © gustav

Podjazd ogólnie hardkor, masa liści, stromo, kamiynie. Trza było normalnie nasze koła wciongać, bo ze 40% nachylynio :>


Zamek w Babicach © gustav

Potym to jo jż se zdowoł na Tomka, bo on mioł te teryny i ta trasa obcykano :) Dalsze asfalty to już same podjazdo-zjazdy.

Xtnt w akcji © gustav

Słoneczko momyntami fajnie przigrzywało. Ale wiater zimny zleksza :/

Rudno widoczki © gustav

I tamtejszy zamek

Nastympny zamek © gustav

Zaro na zjeździe osiongnyłech nowy rekord tym mtb - 70! I żodno tajla niy wydupiła! czyli wszystko gryfnie poskryncane :D


W drodze na Olkusz © gustav


Gryfne asfalty © gustav


Kajś na wiyrchu hehe © gustav

Niekiere hopki były zacne ^^ Ale tympo na spokojnie, w końcu śpieszyć se niy trza było, a i jechalimy pod wiatr aż do Olkusza.

Paryż po drodze © gustav


Olkusz z wiyrchu © gustav

W tymże mieście szukalimy jakigoś fastfoda. Ale był lipton, trza se było pytać kaj tako miejscówa je... Po długich poszukiwaniach znaleźlimy. X se wziył najdupniejszego kebsa, a jo 2 zapiekanki hehe i potym kaj na piyrwszo lepszo ławka celym degustacji. Padło na osiedle  :D

2 zapiekany zjodłech na lajcie w 4-5min, trzecio bych tyż zjod jeszcze. Czworto byłby problym ;D

Obiod na placu zabaw :D © gustav

Kurde ale coroz chłodnij se robiło. Na niebie zauważalnie wiyncyj chmur. Letni rynkawiczki wymieniłech na zimowe. Wiela.. ze 3h w nich jechłech yno hehe. No i czopka tyż nazot na łeb :> 
No i jeszcze do biedrony po 3 banany i woda. I heja prosto na JAWORZNO!!!!!!!!!!!!!!!!!!!!!!!!!!!!!!!!!!!!!!!!!!!!!!!

No chyba w sumie ze 20km prostych heheheh

Słynne Bukowskie proste © gustav

I dojechalimy... Poza w stylu: żyć i niy umiyrać :D

Jaworzno... meet again © gustav

Jak widać na foto - w jaworznickim.. jaworzańskim.. jaworznowskim... aquapark'u przi kamieniołomach - taki tłumy, że niy ma kaj ryncznika posadzić :P


Wzdłuż S1 © gustav


Taki z ukrycio © gustav

Dojechalimy do Tych, (a jeszcze 2km pryndzyj do sklepu po bananasy hehe a miołech takigo smaka na kołoczki jaki, to kurde z pieczywa yno chlyb zostoł...) jeszcze dobre 10min godanio i tela no :) Dziynki za towarzystwo i pewnie - do za niedługo :) Tomek jechoł nazot w swojo strona, a jo tyż w swojo. Rajza genialno, co wiyncyj godać :) Ogólnie w towarzystwie, głównie jak som góry abo taki mniyjsze hopki, jak te dzisiejsze, to zawsze je super, zawsze multum fotek itp. same pozytywy. A samymu jeździć to tako monotonia hehehe

No nic, od razu po wjechaniu na DK44, dostołech jakigoś boosta. Wiater już wioł w strona Rybnika, co mie fest cieszyło. Przed Mikołowem jeszcze odpolyłech mp3. 3 banany i liter wody - do Żor musi styknyć! Zjazd z DK44 na DK81 poezja:)) No i już na wiślance jechołech ciut gipcij, niż normalnie. Taki power jak nigdy! Tak se lekko pyndalowało! Jak uważosz, że ptasie mlyczko z wedla je fest lekki, to mojo jazda do Żor była jeszcze bardzij lekszo! :> Niby było 5-6 stopni, a mie w koszulce termo + kolarskij w ogóle niy było zima. Na wjeździe do Rybnika powoli odczuwołech już mały deficyt na żołondku heheh ale miołech jeszcze pół bidona zalote. I co najlepsze - mocy z wyngli było w nadmiarze. Kożdo hopka podjyżdżołech na lajcie, szłapy podowały jak ta lala :D no ale niy było full sprintu właśnie z powodu małego głodu. W doma zaroz po 20-yj. Jakbych w Żorach pojod co konkretnie, hmm ze 3 kołoczki, to du dom przijechołbych w stanie nienaruszonym :) A tak musiołech zrobić wiynksze jedzynie :P Ciekawe, co by Hardkorowy Koksu padoł na ta "kanapeczka" heheheheh


Hardkorowo kanapeczka © gustav

Uwaga: +2 nowe gminy :))
Pokaż trasę GPS

Wczoraj kole 22 siedziołech se przi lapku na googlemaps i se na ni dziwołech. I dziwołech. I dziwołech. I se myślołech, kaj by w ta słoneczno sobota popyndalować. Pszczyna o! Abo w sumie kaj pod Brzeszcze. Kurde dyć zaro poblisku jo Kocierz, może tam? :> Ja! Tako górsko pyntelka. Popisołech smsy komu szło i yno Karelowi spasowało. Jakubiszon by se tyż mono pisoł, yno szoł na jakoś próba, jakiś alkohol, niy wiym, niy wnikom.
Wyjechołech o 9. Pogoda bombon! Prognozowali silny wiater z połednia, a tu nic, bezwietrznie idzie pedzieć :) Niy przypuszczołech, że na tym mtb jeszcze kiedykolwiek byda robił trasa kole 200km hehe. Ostatni roz to było na Jasno Góra w październiku 2012 :D No ale co zrobić, jak to tera je jedyne koło, co mom. Kilometry trza dupać, niy ma lekko. Pyndalowało se elegancko, do San Andrychowa dojechołech w 3h, ze średniom 26 coś. Tam już przi sklepie czekoł andrychowski wojownik :> Jo jeszcze zatankowoł woda, 2 żymły i 3 banany. I prosto na Kocierz.


Przed Kętami © gustav

Po drodze spotkalimy Jakubiszona... 15min dialogUF o dupie maryny.. :P I potym jechoł kajś tam..

Jakubiszon se przipałyntoł © gustav


Hopki przed nami © gustav


Jadymy na Kocierz © gustav


Na podjeździe © gustav


Jakiś widoczek © gustav


Już prawie prawie © gustav


Karel w akcji © gustav

Ogólnie fest źle mi se podjyżdżało. Czamu? Może przez brak spd? Może niy miołech dnia, ale tyż hajcung fest był, leciało zy mie choby było ze 30st.


Jakiś piesek © gustav


Widoki na niziny © gustav


Hotel Royal © gustav


Narty, dupoloty © gustav


Że niby wieś © gustav


Już na zjeździe © gustav

I potym decyzjo, że jadymy na Żar :)


Zapora w Tresnej © gustav


Końcówka podjazdu na Żar © gustav

Już na wiyrchu samo chlapaka i śniyg. Na som szczyt droga zasypano. Na ta hopka już mi se lepij podjyżdżało jakoś.


Dalij niy jadymy © gustav

Ale wioło niysamowicie z południa! Huragan jakiś, fest zimny. Na zjeździe mie przistopowało do 25/h, kaj normalnie se jedzie 40+.
Na dole już ciut cieplij, ale trza było wlyź na przistanek, żeby se oblyc.


Sztorm fest! © gustav

I potym już w strona B-B przez Przegibek. Karel jechoł zy mnom aż na szczyt i potym se wracoł. Ogólnie jeśli chodzi o podjazdy, to przegrołech z nim 0:3 hehe Na ściankach zawsze byłech słaby :/


Pożegnani na Przegibku © gustav


Elegancyjne! © gustav

Na zjeździe wbiłech do sklepu po 3 żymły (kiere zaro zjodłech, bo już powoli był głód), 4 banany i woda. Prziszoł do mie jakiś ciul po 20gr. Bo niy mioł na piwo... No kurfa mać, takigo to bez pysk szczelić i tela. Ta sprzedawczyni tyz wku****no na niego fest była. Zamontowołech lampka, mp3 i w droga. Z BB do Jaworza dalij fest wioło z boku, momyntami jechołech pod kontym :D Ale jak już zjechołech na droga na Strumień, to od razu średnio poszła na wiyrch :) Aż do Żor z wiatrym. Ale w Strumieniu tyn wiater już osłob, w Żorach to już ledwo wioło. Niystety, coś mie bolało w prawym kolanie od wewnontrz (jakiś miynsiyń abo co) i musiołech pyndalować w miara ostrożnie :/ Ale przijechołech du dom niy głodny, niy wyplompany, picia stykło mi na knap :D Szłapy rychtyk gryfnie podowały aż do końca. Jest jakiś progres myśla :) średnio jak na te koło i hopki, to fajno :)

Bikemap niy działo, jak powiniyn. GPSies niy pokazuje wzniesiyń. Widać yno podjazd na Przegibek....

Pokaż trasę GPS

Obejrzołech se wczora pogoda i dzisio tak do połednia, abo ciut dłużyj - mo jeszcze niy padać. No i tyż jak na wiosna przistało - już bez mrozów za dnia. Musiołech se wyżyć wiync na jakijś wiynkszyj rajzie! Wstołech o 3:30, po 3h spanio... Ryż i te sprawy; apropo ryżu: skoro jo wdupił 1 worek i tak 2/3 drugigo worka, to abo zy mnom je coś niy tak, abo ta instrukcjo je jakoś z kosmosu wziynto... 1 worek dlo 2 ludzi??? 0.o



Oblykłech se na styczniowo, poranno aura i wyjechołech. I po 1km nazot! Normalnie hyc pieroński! Jo se jeszcze niy rozgrzoł, a już żeh se musioł rozpinać powoli :> Rynkawiczki zimowe zamieniłech na zwykłe polarowe. Kurtka w ogóle wyciepołech, tak samo jak ochraniacze na szczewiki i galoty dresowe. Miołech nakolanniki + galotki taki do lotanio, 1 pora fuzekli grubszych, koszulka termo + kolarsko, czopka i kominiarka, no i tzw. komin + asekuracyjnie bluza na kark hehe Taki zestaw to mom przeważnie rychtyk na wiosna już, jak je z 10*C... 5:45 ostateczny wyjazd :P I jak se okozało - bombon zestawiynie! Ani za zima ani za ciepło :) 

Pora wschodów, bo normalnie coś piyknego!






Tako tympyraturka o!


Annaberg, opolski rodzynek:


Do Opola dojechołech w 3,5h netto, średnio 28 z groszami. Wiater taki średni, z zachodu mniyjwiyncyj. Póki co: 2 bidony wyngli + banan. Kupiłech w piekarni JEDNEGO kołoczka i JEDNA żymła za 3zł 10gr... Żeh to od razu zjod, ale jeszcze w inkszym sklepie dokupiłech woda i 3 kołoczki, a raczyj kołoczyczki.. ;> Ogólnie tego sklepu spożywczego doś trocha szukołech, kajś w okolicach cyntrum, a jeszcze zamiast asfaltu to kostka... i średnio mi spadła o jakiś 0,8km/h :( I tak jak przijechołech DK45, tak nazot postanowiłech wracać równolegle DW423.







Droga wylotowo - porażka. Piyrwsze 30km od Opola - asfalt bajka o dziwo. A potym dalij urok dróg wojewódzkich, sztyjc jakiś połatane dziury, koleiny itp. Ale kurde tak mi se gryfnie pyndalowało, że niy wiym! :D Bo ogólnie wiater mi niy przeszkadzoł ani trocha, a tyż ta DW w porównaniu do DK45 była znacznie bardzij płasko. Mało kiedy mi licznik pokazywoł mynij jak 30km/h. 

Krótko pauza na jedzyni :P Piyrwszo pauza.




Drugo pauza to miołech w Kędzierzynie na światłach, a trzecio w Rudach w sklepie (aż mi żol było se zatrzimywać, bo tak se spektakularnie krynciło, no ale tankować trza) ;> Kupiłech woda smakowo i 3 banany. 180km, średnio rekordowo, a jo dalij naładowany jak nigdy! Skond ta moc, tymbardzij, że niyspecjalnie dużo jodłech (jak na mie hehe). Czworto pauza zaś na światłach heheheh. Ostatni 10km to już pora wzniesiyń, ale walczyłech! Ani głodny, wyngli pod dostatkiym (juz miołech myśli se oblywać, bo tak mi hyc było! 8*C eheh..), ale w miynśniach było czuć już. Dowiozłech znakomito średnio (godz. 13:30, czyli ani 8h!), kiero je nowym rekordym solo na tymże dystansie. W doma ani mi se jejść obiodu niy chciało i w zasadzie mógłbych kryncić dalij (spokojniejszym tympym wiadomo :)) Wniosek - je postymp! Optymistycznie se tyn rok zaczyno :) 

Pokaż trasę GPS

Musza se zacznyć bawić jeszcze dzisio w poprawki mojigo bloga, póki co dalij wersjo stock'owo :)

No na amyn. Amyn. No yno. Bo inakszy tego pedzieć niy idzie. Jako pogoda je - kożdy wiy, ale z takimi szatańskimi mocami jeszcze styczności niy miołech o!

No wiync prziszoł czos na chyba ostatnio wiynkszo rajza w tym roku, no bo 10' o tyj porze to je wryncz abstrakcjo. Wiatrym sie niy przejmowołech, ważne, że ciepło i ciepło i bez dyszczu, no i ciepło :)) Ale kurde jednak były wontpliwości, czy wyruszyć hehe. W zasadzie decyzjo zapadła wczorej po połedniu, jak byłech w markecie i w moim polu widzynio pojawiył se m.in. chlyb (ale niy krojony :P). Prziszłech du dom i wszystko trza było przigotować tak ale fest gipko - szkoda czasu. Jak zwykle zeszło mi to rychtyk gipko - przeszło 2h :D Przigotowołech 2 chlybki do żarcio na rajza i jeszcze jakiś rogale. 22:35 wyjechołech. Oczywiście jako, że lada dziyń miała być wilijo - zostołech przez domowników wyzwany od gupka, chorego etc. Piyrwszo koncepcjo to miało być bez Opole i Jasno Góra, ale to jechołech niy downo, wiync padło na Kraków. W nocy hajcung totalny! Kurde wiynkszo hopka, a jo se przegrzywoł! Na liczniku 8-9'! To sie nazywo BOMBON tympyratura:> Wioło masakrycznie fest ze zachodu. Jo se jechoł na lajcie i średnio 28. Dojechołech do Zatoru, krótko pauza na jedzyni i stwierdziłech: tak nadupczo tyn wiater, że lepij wracać 80km pod wiater, niż 120km. No nic, jechołech nazot. Ale po 2km zaś stwierdziłech, że tyn wiater niy ma [jeszcze] taki tragiczny. I co? Jeżeh już blisko Krakowa i mom ciulać nazot? Hehehe i zaś jechołech na 'destynejszyn' :P


Momynt rezygnacje © gustav

Do granic Krakowa dojechołech jakoś w 5h. I dalij hajcung...

24 grudzień Kraków - tympyratura w nocy © gustav

I jechołech wg znaków na cyntrum. Potym te znaki se kajś potraciły, abo jo przeoczył. I dostołech se na zakopianka (równoległo droga do tyj, co przijechołech hehe). Na tankszteli musiołech ogarnyć lokalizacja. Zamiast na północ, to na południe pyndalowołech. No. Potym jechołech na rynek. O ile tam trefiłech, to nazot, na droga dw780 już był problym! Istny labirynt, masa podobnych uliczek. A że jo sformatowoł fona i niy wgrołech gps'a... wiadomo. Pozostało se pytać taksówkorzy :>


Speed & Kościół © gustav


Jo & Kościół © gustav

No i jak zaczłech jechać nazot (czyli cały pobyt w owym mieście zajył kole 2h...), na wschód, to se zaczyła katorga. Wiater ani myśloł zmiynić kategoria na lżejszo hehe. No normalnie pryndkość na prostyj 15-20. I do tego jeszcze multum hopek. Kurde mogłech w Zatorze jednak jechać nazot... Do Oświęcimia doczołgołech se po wschodzie słońca.


W tymże mieście zakupiłech woda i 7 bananów.

Suche wody, krojone banany © gustav

Wiater jak wioł, tak wioł. A dopiyro połowa katorgi przejechane.. Mało tego - od Brzeszczy jeszcze mocnij wioł. 12-15 na prostyj. Czad. Jo już z tekstami: Yno na tela cie stać? :D :D Ale powoli se jechołech, bo cóż inkszego mogłech zrobić? Chocioż czułech se, jakbych w normalnych warunkach jechoł 30km/h. A jakbych chcioł prziśpieszyć, to dużym nakładym sił jechołbych hmm 2-3km/h gipcji. Niy kalało se to mi. Równo pod chata cołki czos jechołech pod sztorm. Jakiś 130km wyszło. Idzie pedzieć - rekord :> Przijechołech o 12:50. Czyli dobre 7h drogi powrotnyj. Niy wyplompany (banany, chyb i koksy robiom swoje jednak), ale zleksza ospały, no i w kolanach czuć ta rajza. Jakbych tyj rajzy niy zrobił, to już mógbych na bank zapomnieć o 17kkm, a tak jak pogoda bydzie ok, to se dokończy plan hehe.

Pokaż trasę GPS

Czyli spontaniczny wypad ze ślimokami na hopki, hołdy, kiympki. Jak zwoł tak zwoł. No. Ogólnie jeszcze wczoraj miołech plany, żeby dzisio pyknyć ze 150km, no ale jedyn ślimok mi napisoł smsa, że jedzie do drugigo ślimoka, no to żeh se chamsko dołonczył do tripu. Musieli strzimać moji towarzystwo. Z góry chciołbych przeprosić, że pod sklepami musieli czekać, aż wpierdziela żymły, banany, woda i dodatkowo sie ubiera do porzondku moji 80-warstwowe wdzianko. Ale po kolei hehe. Ogólnie od ostatnigo tripu miołech uwalone koło cołki. Kurde wczoraj se niy zmotywowołech na pucowani, wiync zostoło dzisiej. No bo przi niedzieli jeździć zmazanym kołym? Niy bardzo. Tak wiync dzisio fest z rana, jak ludzie przeszli kole mojij chaty do kościoła na mszo na 6 rano, wylozłech na dwór i czyściłech koło. Chciołech piyrw karczerym, ale monyj bych domowników tyż obudził abo co... Szmatka i jechane. Potym ryż, szykowani se i o 8.15 wyjazd na zbiórka do Kęt na 11:30. 5' na trasie, pyndalowało se elegancko. Wiater już ustoł w zasadzie, niy to co 2 dni tymu. Przijechołech na miejsce przed czasym (i tyż przed Funiym :D sie zawsze guzdro na tym kole). A na ławce już se opoloł Karel. I jego #glancpuccycuc nowo szosa!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! Kajś po 10min przijechoł... wiadomo kto.

Ekipa, co niy chce przijechać do Rybnika © gustav


Rynek w Kętach © gustav

I potym do sklypu po wyngle (banany, żymły ajs ti) i zaro prosto na Żar. Po drodze słuchołech jednego ślimoka, co godoł drugimu ślimokowi, że jak mo szosa już, to mo koniecznie startować w Tour de Rajcza Road Trophy i inkszych vueltach. Mniejwiyncyj do tego momyntu na foto:

Już na kiympce © gustav

...tymat zostoł zmiyniony na m.in. fejsbukowe, bajkstatowe pierdoły. Jo yno słuchoł. A już mi to wypominali, czamu nic niy godom.

#wciszyrodzisiemoc :D :D

Jakby Funio był faroszym, to swoje msze by musioł odprawiać we Watykanie. Chop mo godane fest. Chocioż czy by we Watykanie stykło placu dlo tych wszystkich ludzi? :> Z resztom jak niy Watykan, to jeszcze przeca som znane wszystkim pola w terynie zabudowanym w Jaworznie.

Zabudowanym??

Podjazd na wiyrch bez problymów.

Karelinio w akcji © gustav


Se pyndalujom © gustav

Chocioż podziwiom Karela, że wjechoł na 34-25. Niby nowo kaseta, ale na hopki średnio chyba :>


By było - na wiyrchu © gustav


Sie wdupił w kadr © gustav


"Kuźwa, czamu sie tak na mie gapi?" © gustav


Speed piyrwszy roz w śniygu! © gustav


Taki hajcung, taki © gustav


Że niby joooo © gustav

Po degustacji śniygu - jego nanostruktury, słit fociach i ogólnych zjebkach (przi ludziach..) - trza było zwijać se. Zjazd o dziwo w ciepłyj atmosferze. Mom na myśli wysoko tympyratura 8-9', a niy nasze dialogi :D

Po drodze zebralimy kompana od Karela i jechalimy na jakoś mało hopka. 30km kurde lekkigo podjazdu, żeby potym bez 1km mieć jakoś ścianka...

Jakoś przełyncz © gustav

I w dół. I do San Andrychowa. Po wyngle. I już du dom. Wiedziołech, że przidzie jakiś deszczyk z zachodu, a mimo to dołech se namówić na odcinek z Funiym prawie pod El Jaworznorado. A czamu aż tak naokoło? Bo zajembisto pogoda i szansa na ostatni 300km w tym roku o! Po drodze jeszcze dociepołech fuzekla do buta, bo zima se robiło. I ogólnie jechało se konkretnie okej. W Chełmku ostatni tankowani w żabce, pożegnani se i kożdy w swojo strona. 175km i zaczyło powoli kropić... 200km to już w zasadzie mały dyszczyk. I tak aż do Żor. Na tankszteli kupiłech woda z lodówki, bo takij niy z lodówki niy było. A pić trzeba. Żić, szłapy - all przemoczone. Ochraniacz doł rada tyż tak do Żor - potym już miołech powoli basyn w szczewiku. Ogólnie wiślankom, czy nawet jeszcze pryndzyj na dwupasie DK44 - jechołech czynsto prawie środkiym pasa (bo bardzij sucho i brak np. kolein), a mimo to kierowcy niy sprawiali "problymów". Widzieli boroka w dyszczu na kole, to omijali hehe. Już w Rybniku zaczyło brakować mocy, ale mimo 3 bananów w zanadrzu - niy jodłech ich. Trza było zapierniczać, żeby sie grzoć jakoś. Zima już mi było od stóp do pasa, ale co zrobić... 
O 20 w doma.

Straty:
- 1 banan
- niebiesko opaska odblaskowo

Skutki dyszczu © gustav


Wszystko upierd***** © gustav

Ale tympyraturka niy schodziła poniżyj 5'! Hyc momy w grudniu :)) No i tera to moga rychtyk wyglancować moji koło!

Pokaż trasę GPS

Niy siadło tydziyń tymu - siadło dzisio! Lysa Hora fajno hopka, to trza było w końcu wjechać hehe. Trocha znajomyj ekipy se zebroło, ale dopiyro wszyscy razym spotkalimy se na samym szczycie. Piyrw miołech jechać z Januszem (janekbike) z Radlina o 9-yj. Ale Tomek (funio) tyż chcioł se zebrać z nami, wiync jo jednak jechoł se z nim spotkać na tankszteli w Strumiyniu na 9, żeby chop se niy zdołowoł samymu pyndalujonc tako trasa hehe. Tyż Tadek (tadzik1963) sie wybiyroł ponoć, ale ze swojom ekipom. Wiync sie uformowały 3 grupki atakujonce Lyso Hora :> Pogoda od rana kosmos, leki yno wiaterek z S-E.

Żorskie obwodnice © gustav
Wjechołech na tanksztela gynał o 9-yj i go niy było. Zaro sie patrza w strona sklypu, a tyn przi koszach na śmieci sie chowo ^^ No i ruszyli my w strona Ustronia. Funio widać od rana już mioł powera w szłapach, jo jednak starołech se ciut zwolniać tympo (wiadomo - cyl ponad 1300mnpm w hycu i ogólnie traska ponad 200km, to niy wolno szarpać). Kajś tam przed Ustroniym trefilimy kobitka na szosie (świynto normalnie!), kiero robiła tryning 90km, wiync sie do nos podłonczyła. Na granicy mało pauza na tankowani. Jo se kupił fajny makowiec hehe i woda.

Pauza na granicy © gustav

Zamiast chlyba © gustav
Pół tego zjodłech i w droga :) Ogólnie fol hopek wszyndzi. Kajś tam w Czechach już bajkerka Kasia majonc zrobione 45km musiała se zawrócić. Bywo, tryning to tryning.

Tam kajś pyndalujymy © gustav
Haibike > Ridley ?? :D :D Zawsze mu coś w tym moim kole przikuje uwaga hehe

Co z nim jada, to podziwio mój sprzynt © gustav
Dojechalimy już w okolice tego main-podjazdu. Na niebie żodnych chmur.

Żodnych!

I hyc pieroński sie robił powoli. Kajś na poczontkach owego podjazdu zauważyłech 4 kolorzy, 1 z nich mioł spodynki 1008km. Jo już zaro wiedzioł, kto to musi być - Tadek :) W tym towarzystwie tyż zaś była bajkerka na kolarce. Jo tak od 2010r (czyli ponad 30tyś km.) spotkoł w trasie może z 5 pań na kolarkach, dzisio spotkołech aż 2! hehe

Funio i Tadzik © gustav
Poczontek podjazdu bez ciynższych ścianek i wszyndzi dookoła drzewka, wiync podjyżdżało sie elygancko, lajtowym tympym. Czasym czekołech na Funia, bo samymu mi se niy chciało podjyżdżać.

Widoczki corozki szwarniejsze ^^ © gustav

"wjada czy niy wjada.." © gustav
Dopiyro potym kajś w połowie - wjechalimy na otworto przestrzyń. Funio trocha spowolniył. Jo se pomyśloł "skoro mom jechać BBT, to musza wjechać bez czekanio i bez żodnych postojów!" Ujechołech jakiś 2km i już musiołech stanyć ehhh... Słaby zy mie góral, no co poradzić; założynio niy wykonołech. Ale dużo ludzi tam piekty obok koła właziło. W MTB na przełożyniach 1/1 to wjyżdżali chyba ze 3km/h. Na samym liczniku 33' jakoś, direkt w słońcu dobre 40'. Zaczyły sie idzie pedzieć ścianki. Jo tam normalnie goroł. I trocha mi se w łepie onaczyło, noo krynciło choby. Ze 2min postoju w ciyniu.

Krótko pauza © gustav
Na tym bildzie widać niby płasko, ale spokojnie z 8-10% było. Jakoś se czołgołech.

Już prawie prawie © gustav

Cyl zdobyty! © gustav
16km od pewnego, "płaskigo" skrziżowanio systematycznie teryn szoł w góra, z czego ostatni 8,5km to już tyn rychtyk podjazd! Góra Żar tyż mo jakiś 8km podjazdu, ale chyba je łatwiejszo. Na wiyrchu spotkołech Janusza i jego kamrata.

Widoczki roz © gustav

Janekbike i Funio © gustav

Słup Majów © gustav

Panorama roz © gustav

Se siedza no :D © gustav


Se siedza no :D © gustav

Widoczki dwa © gustav

Widoczki trzi © gustav

Funio sie w-onaczył w kadr © gustav

Niycało ekipa © gustav
Potym już na dole szukalimy sklypu. Ale dopiyro kajś przed Trzyńcym my go dopiyro znaleźli.. Jo kupił snickersa, 4 małe bagietki i woda. Pod tym sklepym tyż my sie rozdzielili. Jo z Funiym nazot tom samom trasom. W Ustroniu zaś do sklepu na tanksztela, bo był powoli głód. Kupiłech woda, 7dejsa i 3 batony. Z NADZIEJOM, że na tym zajada chocioż do Żor. Tympo od razu kosmos! Jechalimy z lekkim wiatrym w plecy, teryn sie powoli obniżoł, wiync poniżyj 35km/h to my schodzili yno na podjazdach na wiaduktach! Ogiyń w szłapach. Jo se czuł, chobych wcale dzisio po górach niy pyndalowoł hehe Funio całe 15km aż do Strumiynia mi jechoł na kole. Ale że chop mo daleko do Jaworzna, to mogłech prowadzić. W Strumiyniu rozdzielylimy se. Ale na tyj tankszteli było 2 bajkerów, co jechali do Piekar, to je se z nimi zabroł aż do Żor. Ruch niysamowity. W Żorach korek dobre 1,5-2km. Pierzińskie lynie w blaszokach!

Korki w Żorach © gustav
Dopiyro w Rybniku czułech powoli głód. A direkt 1km od chaty już żołondek sie domagoł jedzynio hehe. Ale w końcu zrobiłech wiynkszo rajza na w miara małym jedzyniu! Progres je hehehe. I tak z 3 grupek se zebrało w sumie 8 ludzi! Nawet fajno średnio wyszła :)

Funio padoł, że wciepie pełno zdjyńć, wiync obserwujscie se jego blog :> jak to wciepnie, to sam dom tyż odnośnik :)

POPRAWIONO MAPKA (wg tyj od Tadka hehe)

Pokaż trasę GPS