blog rowerowy

informacje

baton rowerowy bikestats.pl

Znajomi

wszyscy znajomi(95)

wykres roczny

Wykres roczny blog rowerowy gustav.bikestats.pl

linki

Wpisy archiwalne w miesiącu

Kwiecień, 2014

Dystans całkowity:1721.80 km (w terenie 0.00 km; 0.00%)
Czas w ruchu:68:50
Średnia prędkość:25.01 km/h
Maksymalna prędkość:67.00 km/h
Liczba aktywności:19
Średnio na aktywność:90.62 km i 3h 37m
Więcej statystyk

różne

Środa, 30 kwietnia 2014
Km: 25.00 Km teren: 0.00 Czas: 01:00 km/h: 25.00
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze

No i niy ma

Wtorek, 29 kwietnia 2014
Km: 22.10 Km teren: 0.00 Czas: 01:00 km/h: 22.10
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Odwiedziłech 4 najwiynksze rybnickie "siedziby" 2-kółek i w żodnyj niy majom lemondek.
W żodnyj.
Wedle opinii ludzi wkrynconych konkretnie w długie rajzy - lemondka rzecz fest przidatno. Tym bardzij na BBTour.
W moim przipadku - mogłoby sie to już przidać na dystansach 400+, kaj już wyraźnie czuć zmynczyni w rynkach od trzimanio lynsztangi. Raczyj jeżeh chyntny na taki "dodatek", a że w sklepach niy ma, to jeszcze je taki coś, jak internet hehe.

A to je specjalno bransoletka, kiero żeh se zamówiył :P Direkt od tego ultrakolarza, co nos mijoł na Tour de Babia w zeszłym roku (ci co byli, to wiedzom, o kogo chodzi). To je dopiyro TERMINATOR - terozki trynuje na Race Across America! I beztoż uruchomiył sprzedaż m.in. takich oto bransoletek! Bo każdy grosz sie liczy, żeby mieć szansa wziyncia udziału w najtrudniejszym maratonie świata.
Z tego, co jo słyszoł - jakoś 150tyś. złotych...

http://ultrakolarz.pl/ - sam idzie poczytać :)

Bransoletka
Bransoletka © gustav

Superofensywa na Opolskie: 100%

Niedziela, 27 kwietnia 2014 Kategoria d) Papa gore [500-699km]
Km: 500.00 Km teren: 0.00 Czas: 21:20 km/h: 23.44
Pr. maks.: 52.00 Temperatura: °C HRmax: HRavg
: kcal Podjazdy: m Sprzęt: Haibike Speed RC Aktywność: Jazda na rowerze
To jest jedyn ze songów, dziynki kierymu ta rajza doszła do planowanego skutku, czyli bariery half1000 :)
No i co by sam pedzieć na poczontku? Na Opolszczyźnie zostoło mi 12 gmin do 100% tego województwa i już jakiś czos tymu zrobiłech szkic trasy, żeby zebrać je wszystki za jedynym razym. Wyszło niycałe 500km. Na maj, jak już bydzie cieplij w nocy za oknym - idealnie. No ale że mi czasym odbijo, abo że już od 2 tydni niy jechołech dłuższyj rajzy, a pogoda na ta niedziela zapowiadali słoneczno... No cóż, fajnie by było ugrać 500-ka na koniec kwietnia, wiync musiołech podjonć te wyzwani! :>
W sobota od rana pogoda była ciulato, że to tak ujmia :P Padało. Bez połednie trocha przejaśniyń, nawet odpolyłech mojigo Ogara 200, ale coś musza go podregulować, bo gasnył na fol gazie :D Kole 15 zaś padało. Sztyjc oglondołech pogoda z nadziejom, że dzisio wyjada. Kole 19 już niy padało i wedle prognoz już niy miało w ogóle padać! Nooo to cacy - poszłech do sponsora polskich kopaczy bieganych po "paliwo" ^^
Przigotowania
Przigotowania © gustav

Te grziby w niebieskim kastliku to ich w trasa niy brołech :]
Z lontów to wziyłech: góra - jakla termo, koszulka kolarsko i kurtka na dyszcz, dół - spodynki kolarskie, nakolanniki i galoty taki do lotanio. Oblykłech jedna pora grubszych fuzekli, a 2 pory wziyłech w zapasie. Zjodłech ryż, wziyłech do taszy, co trza i w droga! Była 21:40.

Piyrwsze kilometry hyc normalnie! 13-14'... Miołech obleczone ochraniacze termo na szczewikach, rynkawiczki polarowe takie na zima i już po 5km musiołech to wszystko seblyc. Oblykłech rynkawiczki kolarskie normalne. Przed Raciborzym kapłech se, że zapomniołech mojij podryncznyj mapy, kaj miołech naszkryflane wszystki gminy do zdobycio... Miołech gps-a we fonie, ale niy pamiyntołech niekierych gmin. Zaro zadzwoniłech do brata, żeby mi je posłoł sms-ym :)
Ogólnie na ta dupno razja miołech tako taktyka - wiynkszo kadyncja, niż zazwyczaj; tympo spokojne, bez żodnyj nagonki na jak nojlepszo średnio.

Bez ŻODNYJ!

Tak, żeby spróbować przijechac du dom w dobrym stanie hehe.

Te lampki to Racibórz hehe
Te lampki to Racibórz hehe © gustav

O 23:30 opuściłech Ślonsk.
Widzymy sie za jakoś doba ^^
Widzymy sie za jakoś doba ^^ © gustav

W strona Prudnika jechołech samymi pustkowiami, kaj za dnio se nic niy dzieje, a co dopiyro w nocy.. Nic szczególnego.
W Nysie, Xtnt by padoł na to "atrakcja" - mgłyyy! :> Te teryny to skupiska zbiorników wodnych, ale tyż i w prognozach godali, że tyjże nocy majom być obfite mgły.
Mgła w Nysie
Mgła w Nysie © gustav

Tympyraturki
Tympyraturki © gustav

Nojniższo tympyratura była tako, jak na tym bildzie powyżyj. Ale czynsto czułech duchota normalnie. Na tankszteli kupiłech woda, była trocha zimno, ale piłech se jom, jakby było ze 30'. Co je warte uwagi - dalij jechołech w zwykłych rynkawiczkach i bez ochraniaczy i niy czułech zimna! Ciekawo sprawa...
 
Do S-W czyńści województwa dojechołech, tak jak se to zaplanowołech, czyli o świcie - po to, żeby zbiyrajonc nowe gminy (w tym przipadku Kamiennik), do kierych dojazd prowadzi jakimiś bocznym drogami, niy mieć problemów z orientacjom, niy zauważyniym znaków itp.

Trocha wyjechołech za daleko :D
Trocha wyjechołech za daleko :D © gustav

W strona Kamiennika
W strona Kamiennika © gustav

Porankowo
Porankowo © gustav

Mgły cołki czos trzimały, roz słabij, roz mocnij.

Iście gryfny widok!!!
Iście gryfny widok!!! © gustav

Sam niy trza komyntorza
Sam niy trza komyntorza © gustav

Te 2 fotki powyżyj uznowom za nojlepsze z całyj rajzy!! :))

Na jednyj z pauz zauważyłech żmija w moim kole :P
Ultegra-killer
Ultegra-killer © gustav

Kajś tam dalekoo
Kajś tam dalekoo © gustav

DW od Grodkowa kosmos!

Słitaśnieee musi być!
Słitaśnieee musi być! © gustav

W Brzegu pauza, małe zakupy, schowani zimowyj czopki. Była godzina 9. W zasadzie od tego miasta mgły ustompiły całkowicie i zaczyło ładnie świycić z nieba :>

Brzeg - pauza
Brzeg - pauza © gustav

Kajś tam dalij musiołech już seblyc kurtka, niy szło strzimać z tego grozcio.

Artystycznie :))
Artystycznie :)) © gustav

Im bliżyj połednia, tym wiynkszy hyc. Chciołech seblyc jeszcze koszulka termo i te galoty. Ale już miołech tak naładowane w taszy, że szok.. W ogóle je to mojo piyrwszo tako wielko rajza, w kieryj jada z taszom na plecach (poprzedni "rekord' 300km z groszami). No nic, niy chciołech docionżać pleców, wiync musiołech te pora godzin jakoś wytrzimać w "ograniczonyj wymianie termo". Ale że na liczniku było max 28', to jeszcze tragedii niy było.

Co to je rychtyk tragedia - wytłumacza potym :P

Do Kluczborka lajtowo jazda, w tym momyncie zbliżołech se już do granicy 300km. Ale już mie trocha żić bolała eehh. I czekoł mie skok niy po drodze. Po 2 gminy w N-E czyńści województwa. 20km w jedna strona. Fajne uczucie - być jednego dnia w dwóch przeciwległych rejonach województwa. Fakt, Opolskie to je atom w porównaniu z takim Mazowszym, ale zawsze coś :))

Kajś tam wbiłech do sklepu. Prziloz jakiś gościu do mie:
- Dziyń dobry, wiela to dziś kilometrów robicie?
- 500..
- O Jeezuuu

:D

Miołech fest wielkigo smaka na coś słodkigo, jaki kołoczki abo kreple. Były. Ale wczorajsze heh.. Ale był CHLYB KROJONY cebulowy, zapeklowany w oryginalnym opakowaniu, wiync teoretycznie powiniyn być świyży. Chyba wiedzieli w tym sklepie, kto ich dzisio chce odwiedzić xD

Krojony chlyb
Krojony chlyb © gustav

To już tyż z łepy!
To już tyż z łepy! © gustav

No to jeszcze zostoły 2 gminy. Come back do Kluczborka i lecim krajowom na Opole. Było czuć niysłaby wiater z południa ehh. Z jednyj strony troszyczka spowalnioł, z drugij (jako, że był chłodny) orzeźwioł. Cołki czos kisiłech se w tym hycu, ale pyndalowołech w niynagannym stanie. Zjazd z DK na Murów i już zaczyły sie piykne drogi... Dziury jedna na drugij, granulowatość nawierzchni itp. Rzadko kiedy idealnie równo. Dlo fanatyków MTB to bez znaczynio (baa mone i nawet frajda), ale dlo szosowców katorga.
Jak już wjechołech do Opola, to gotki o darymnych drogach niy było mowy. DK45 jakiś 80km aż do Raciborza! :)

Odra - Opole
Odra - Opole © gustav

Za Opolym mało pauza na przistanku. Miołech tam jeszcze jakiś banany i dużo chlebka. Ale pici sie kończyło. Sklepu żodnego przi drodze, dopiyro przi A4 na tankszteli mogłech se "ożyźwić" :> 4 litery już tak niy bolały, jak to bywało w okolicach np. Kluczborka. Już se przyzwyczaiły monyj hehe.

DK45 zachód
DK45 zachód © gustav

W zasadzie od Opola czułech już zmynczyni w szłapach, beztoż postanowiłech jak najczyńscij używać miyńśni 2-głowych. Cołki czos w miara wysoko kadyncja i luźne tympo. Średnio niy powalała, niestety z kożdym kilometrym spodała. Mniyj-wiyncyj od 430km zaczynało se kryncić tragicznie. 4-głowe tak mie napierniczały, że ledwo co na nich stołech :/ Dodatkowo zostoł mi tyn chlyb - jakoś połowa, banan, a o otwortych sklepach przi drodze mogełch zapomnieć. Musiołech zamiynić tryb Standard Eco na Critical Eco :( Wszystkigo miołech już dość! Chciołech już być jak najpryndzyj w momyncie otwiyrania drzwi z domu ze świadomościom zrobiynia 500km. Pojawioł sie powoli kryzys spanio. Co jakoś góra 20km pauza, żeby pojejść konsek chlybka. Niy umiołech już na niego sie dziwać, już nawet wyschnył i niy był taki dobry.. Droga do Raciborza i potym do Rybnika same chopki. Średnio grubo poniżyj 24. Jak był zjazd, to zaczyłech pyndalować dopiyro, jak pryndkość spadła poniżyj 10km\h. Na podjazdach przeważnie przełożyni 1/1. I jedyn z głównych czynników "dołujoncych" - pogoda. A raczyj niy potrafiynie sie do nij dostosować lontami. Zakłodomy tympyraturka niy wiyncyj jak 15'. Na jednyj pauzie już mi było dość zima, wiync ubrołech czopka, kurtka, polarowe rynkawiczki. W trakcie jazdy za to gorołech, szczególnie na podjazdach. Kurtka rozpiyłech wiela sie dało. Rynkawiczki schowołech do taszy. Po łepie tyż wrawo, ale jakbych ściepoł ta czopka, to na 100% bych chcioł jom nazot oblyc, jakbych był na jakimś konkretnym zjeździe. Musiołbych mieć najlepij kominiarka, kieryj niy wziyłech ze sobom. I co w tyj sytuacji zrobisz? Nic niy zrobisz.

To je właśnie tragedia. Trwało to aż do samego Rybnika.

W Rydułtowach drogi suche, ale już po wjechaniu na obszar Rybnika fest mokro i padało lekko. W tym momyncie miołech 485km i sztyjc wszystkigo dość. Postanowiłech, że zakończa tyn trip z jakimiś 490km na koncie, żeby jak najpryndzyj iść sie umyć/pojejść/spać. Z wielkim niedosytym, ale już o niczym innym niy myślołech. O dziwo - szłapy mie już jakoś niy bolały hyh...

Byłech pod domym. Lekko kropiło dalij. Se myślołech zaś: To niby mie nazywajom "rybnickim terminatorym", kiery z kołym wyprawio niystworzone cuda? To jo był w stanie dokryncać pieprzone 70km do pieprzonych 800km, a teraz niy umia dokryncić pieprzonych 10km?? O niyyy!!

Oblykłech ochraniacze na buty, odpolyłech mp3 i zapuściłech yno jedyn song, kiery bydzie mi sie powtarzoł, aż uzyskom half1000! Tyn song je na poczontku tego wpisu właśnie. Jechołech 5km w strona cyntrum i nazot. Wnerwiony fest, ale i jakoś zmotywowany. Ta muzyczka tyż robiła swoje. Wtedy wszelki kryzysy niy istniały w mym słowniku!
I dokrynciłech te pieprzone 10km do tych pieprzonych 500km!! I PAPA ZGORANO w tym momyncie!!!!!!!! Czelyndż wykonany. Z trudnościami, ale wykonany! Były może ze 3min. do północy.

Małe podsumowanko:
- +16 nowych gmin!
- Opolskie: 71\71 gmin! W ogóle niy przypuszczołech dodowajonc wpis w sylwestra, że byda mioł z końcym kwietnia 100% Opolszczyzny i 99,5% Ślonska. Planowołech tyn "wyczyn" na maj/czerwiec hehe :)
- Czas brutto: 26h 20min
- Mojo piyrwszo długo rajza, na kieryj 90% czasu jazdy jechoełch na małym blacie - 34z.
- Jedzonko: jakoś mało tego było, jak na owy kilometraż - niycały chlyb krojony, strucla truskawkowo, 4 żymły, góra 10 bananów i z 8 batoników. Kupiłech 4 abo 5 butelki wody po 1,5l.
- Tympyraturki w czasie jazdy: 14 >> 7 >> 28 >> 12
- Niy przijechołech odciynty :P
- Terozki jak to pisza: zmynczynie w szłapach porównywalne do zeszłotygodniowyj ustawki na Góra św. Anny (140km, śr. prawie 32). Zero bólu w kolanach.






Upragniony rekordzik!

Czwartek, 24 kwietnia 2014 Kategoria a) Szłapy rozgrzote [100-199km]
Km: 106.90 Km teren: 0.00 Czas: 03:19 km/h: 32.23
Pr. maks.: 63.00 Temperatura: 21.0°C HRmax: HRavg
: kcal Podjazdy: m Sprzęt: Haibike Speed RC Aktywność: Jazda na rowerze
Czyli w końcu zrobiłech czasówka SOLO na 100km poniżyj 3h! :> Tak rychtyk te 100km padło w czasie 2h 57min 45s, co dowało średnio 33.75, ALE że po drodze pora razy zwalniołech/stowołech skuli np. skrziżowań, to myśla, że ta setka by wyszła tak nojbardzij radykalnie w 2h 56min i to już wychodzi średnio 34.1 :) Jeżeh fest zadowolony!
Paliwo: przed wyjazdym ryż i 2 szolki kawy. W trasie 1,9l wody, 2 prince polo xxl, 1 taki fest ale to fest malutki wafelek, 2 rogaliki.
Pogoda: od 24' do 18'. Wiater ze wschodu (momyntami doś mocny..).
Trasa: >> Chałupki (średnio 36.2) >> Racibórz (35.8) >> Rudy (33.9; tam przi 70km gipkie zakupy, bo już mie prawie odcinało hehe). W Rybniku ustaliłech pyntla na obwodnicy zawierajonco w sobie 3 ronda, kiero miała 3.3km; takich pyntli zrobiłech 5, żeby dobić do 100km :)
Potym tympym ~18km/h na lajcie pyndalowołech se du dom te prawie 7km. O dziwo niy czułech sie słaby, głodny itp. To dobrze wróży, jak byda chcioł poprawić tyn czas hehe. Do 2h 50min już by było elegancko!

A sam zainstalowane nowe bidony z Decathlonu, 7zł za sztuka ;P Gryfnie se wkomponowały w te koło. W jednym bidonie z isostara już mi wieczko pynknyło, a w drugim zaczyno pynkać :D ale po poru latach to sie niy dziwia.


Sklep

Wtorek, 22 kwietnia 2014
Km: 18.70 Km teren: 0.00 Czas: 01:00 km/h: 18.70
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
W końcu wpodłech do nowo otwortego Decathlonu w Rybniku! (przinajmij niy musza teroz już pyndalować aż do samych Żor hehe). W planach miołech gipko kupić yno klocki, stopka i pyndale platformowe. A wyszło, że kupiłech dodatkowo 2 dość fajne i pod kolor bidony do mojij kolareczki, łyżki do dyntek i spodynki :D W sumie byłech tam dobro godzina hehe

Nad zalyw

Poniedziałek, 21 kwietnia 2014
Km: 27.50 Km teren: 0.00 Czas: 01:31 km/h: 18.13
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Taki tam popołudniowy, relaxx'owy wypadzik nad rybnicki akwyn :) Miały być dzisio góry, ale przez ta burzowo aura zapowiadano we pogodzie trza było zrezygnować :/ Jak sie okozało rychtyk - rano prawie bezchmurne niebo, w połednie trocha wiyncyj chmur, a w trakcie jazdy wszyndzi na horyzontach ciymniejsze chmury, ale niy padało wokół mie... W górach tyż niby niy padało... (!!!)
Ale dzisio niy miołech mocy jakoś, wczorajszo czasówka jeszcze w szłapach było czuć hehe
Jedne foto wiynksze (dlo porównanio), reszta wyjontkowo mniyjszo :P













Świynto Ana

Niedziela, 20 kwietnia 2014 Kategoria a) Szłapy rozgrzote [100-199km] Uczestnicy
Km: 139.90 Km teren: 0.00 Czas: 04:25 km/h: 31.68
Pr. maks.: 0.00 Temperatura: 20.0°C HRmax: HRavg
: kcal Podjazdy: m Sprzęt: Haibike Speed RC Aktywność: Jazda na rowerze
Czyli piyrwszy w tym roku mój poważny "wypad" w gronie szosowców :> Idea padła pora dni tymu, wiync od razu sie na to pisołech. Bo trza w te czasym dupne rajzy wkomponować coś innego, jakoś konkretno czasówka. Na śniodani, jak to we Wielkanoc - bez ryżu, czy makaronu.. Był chlyb, szinki, jajka i te sprawy. Chocioż napchołech sie tym doś fest, to miołech wizja, że na wiele km'ów mi to niy styknie.
Ustawka w Rybniku o 11-yj, stawiło sie 6 osób. I ruszyli my na destinejszyn :D Wiater doś nawet mocny ze wschodu, wiync jadonc na zachód to wiadomo - kole 40 na prostyj (a miało być świonteczne tympo hehehe). Jechali my z nadziejom, że kajś bydzie w dzisiejszy dziyń otworty sklyp (jo mioł w kapsach yno 2 banany!). Kajś po drodze dołonczył do nos jeszcze jedyn kolorz.
Mało pauza
Mało pauza © gustav

Tympo dalij ostre, ale przez to, że wiater jakoś niy wodził nom :) Przed podjazdym na opolski mount ventoux miołech średnio ~33. Na podjeździe gorołech, mimo jazdy w sponynkach i koszulce kolarskij. Dojechalimy na szczyt i zaro szukalimy punktu tankowanio :P Była kawiarynka z lodami, goframi i np. coca-colami. Za liter cole i kryncony lód dołech 9zł... Ale coś trza było wszamać hehe biznes tam majom pieroński :D Ogólnie miołech zrobione 70km i o dziwo czułech sie dobrze. Głodny jeszcze (!) niy byłech; widać, poświyncone składniki śniodania trzimiom bardzij, niż 2 torebki ryżu. Jak to w jeździe szosowyj bywo - zdjyncia idzie cykać, jak sie mo jakokolwiek pauza. Wiync dzisio bez rewelacji :P
Trowa i te sprawy
Trowa i te sprawy © gustav
Świynto Ana od strony schodów :D
Świynto Ana od strony schodów :D © gustav

Po konsumpcji prziszoł czos na ewakuacjo. Zjechali my innom stronom. Asfalt tragiczny. W bidonach miołech liter cole i woda, a w kaspie 1 banan (teoretycznie powinno styknyć). Tympo było dalij doś mocne, ale niy sprinterskie :> Dzisio mi sie udało pobić rekord na 100km - 3h i 6min :) Musza zyjść poniżyj 3h - tyż taki mały cyl na tyn rok. W okolicach Kuźnie Rac.:
- 3 towarzyszy pognało w strona Raciborza
- 1 towarzysz musioł zrobić pit-stop'a :/

Bez nastympne prawie 20km jechalimy zmianami doś żwawo, ale direkt pod pieroński, mocny wiater. W Rybniku już w zasadzie było tympo rekreacyjne - czuć było wyraźni, że na skromnym paliwie z Anaberg niy zajadymy du dom na 100% mocy. Ogólnie trip jak najbardzij udany, w mocnym towarzystwie :) W szłapach 140km takim tympym to porównywalnie jak jakiś 300km ze średniom ~25.

sklep

Piątek, 18 kwietnia 2014
Km: 13.00 Km teren: 0.00 Czas: 00:35 km/h: 22.29
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze

Północ już fertig!

Sobota, 12 kwietnia 2014 Kategoria c) Gryfny klank [300-499km]
Km: 330.80 Km teren: 0.00 Czas: 12:40 km/h: 26.12
Pr. maks.: 67.00 Temperatura: °C HRmax: HRavg
: kcal Podjazdy: m Sprzęt: Haibike Speed RC Aktywność: Jazda na rowerze
Poszłech spać kole północy, budzik miołech nasztelowany na 4:00. Obudziłech se i żeh był tak pierońsko niy wyspany, że szok. Ślypia mi se tak klejiły, chobych jechoł już ze 20h na kole i to nocnom porom... Obejrzołech bez okno, jako to tam pogoda wyglondo. Cima i zima pieruńskoooo! Na termometrze kole 1'... Stweirdziłech - chyba dzisio nici z "gminobranio" (rajza zaplanowano jakiś 300km) :\ Lygłech se nazot pod pierzina i leżołech i leżołech. I myślołech - zaś mom te wszystki zimowe mantle oblyc, a potym w trasie, jak se ociepli, wciepać je do tasze i tachać to poranoście godzin na puklu?? Jak jo tego niy lubia. Już prawie zasypiołech, ale z drugij strony szkoda mi było niby fajnyj pogody bez dziyń w ta sobota. Gminy se same niy zdobyndom! Ale dalij miołech wontpliwości. A wlozłech se na androidowy bajkstats i poczytołech se swoji abo od znajomych zimowe relacje. A tam teksty typu: gustav rybnicki terminator. Ale żeh se tym podbudowoł. Zrobiłech 800, a boja se jechać ze 3 godzinki w mrozie? Niy ma wymówek! Wstołech na nogi (już była kajś 5:00 heheh trocha mi to zetrwało)  i zaro do kuchnie poszłech warzić ryż! To oznaczało yno jedno - że wyruszom! :D Oblykłech se trocha cieplij, niż tydziyń tymu, no i wziyłech ochraniacze na szczewiki.
Wyjechołech 6:35
Na niebie niy za dużo chmur - to oznaczało fajno pogoda kole połednia. Tympyraturka z każdymi kilometrami maloła, ale pyndalowało se o dziwo fest dobrze :) No ale już przed Gliwicami było najzimnij.
Ojj zimaaa jeee
Ojj zimaaa jeee © gustav
Przed Gliwicami
Przed Gliwicami © gustav

Już przed 9:00 była cołkiym piykno pogoda! ^^ DW 907 - takij drogi na szczeblu wojewódzkim to ze świycom szukać. Standard co najmij jak u DK-ów.
DW 907 - bombon!
DW 907 - bombon! © gustav



:D :D

DW 907 - kajś indzij
DW 907 - kajś indzij © gustav

Cołki czos jechało se elegancko, no i corozki cieplij było :)) Wiatru tela, co nic. Średnio ponad 26.

Popów - czyli gmina na Ślonsku wysuniynto najbardzij na północ.
Popów, czyli sam żeh był
Popów, czyli sam żeh był © gustav

Jeśli chodzi o jedzynie - wzglyndym rajzy z zeszłego tydnia, to dzisio mi sie już niy chciało jakoś tak co chwila jeść. Może przez to, że jodłech systematycznie hmm
Wpierniczanko
Wpierniczanko © gustav

Po południu już dużo chmur se zebrało na niebie, momyntami dość chłodnawo na postojach, ale podczos jazdy optymalnie.

2  wschodnie gminy z Opolskiego zebrołech "po drodze" :D
Opolskie wita
Opolskie wita © gustav

I UWAGA, co jo zejrzoł :D
Ale te Opolski Jaworzno to je nicość. Tam som yno pola, drzewa i 3 chałpy na krziż. Prawdziwe Jaworzno je na Ślonsku, niydaleko Mysłowic!! Tam, kaj miyszkajom BS-owi krejzole; tam, kaj sie z nudów cyko słitaśne fotki na rondzie im. jakigoś metalowca :D (niy wiym, niy znom sie). Niywtajemniczonych zapraszom sam: Jaworzno i te sprawy
Ślonski Jaworzno - niy odwiedzisz, niy pojmiesz! :P
Jaworzno - miasto, kaj... :D
Jaworzno - miasto, kaj... :D © gustav

No i tak se po wsiach krynciłech, zbiyrołech kolejne gminy, a w miyndzyczasie słuchołech mjuziku i jodłech np. suche żymły (jedna to tak jodłech bez 5km hehe).
Potym zaś pogoda se poprawiyła! :)) I dalij jechało se dobrze, bez ŻODNYCH kryzysów :P
Szpan na polach
Szpan na polach © gustav
Jakoś dróżka
Jakoś dróżka © gustav
DK 11 - wiadukt
DK 11 - wiadukt © gustav
DK 11 - nic yno pyndalować!
DK 11 - nic yno pyndalować! © gustav
Zachód słońca
Zachód słońca © gustav
Słońce w brylach
Słońce w brylach © gustav
Przed Pyskowicami miołech jeszcze ponad litr wody smakowyj, 3 żymły i prinsa polo :> Teoretycznie powinno styknyć du dom, bo cołki czos mi se fajnie krynciło i niy byłech głodny. A tyż postanowiłech trocha obniżyć obroty. W Gliwicach już byłech pewny, że tympym ekonomicznym dojada w dobrym stanie hehe. Śpiychać se niy musiołech. A i zakupów miołech dość na dzisio - styknie, że kupiłech banany za prawie 7zł za kilo...
Już w Rybniku
Już w Rybniku © gustav
 Dojechołech du dom bez szwanku, Była 21:30 i kole 7' na licznku, a mimo to czułech czasym zaduch. Mone za fest pooblykany byłech :D Kryzysy? Boloł mie przez jakoś godzina, może dwie kark, jak jecholech nazot w strona Gliwic. A tak to wszystko cacy ^^

+12 nowych gmin

Jeśli chodzi o Ślonsk - do 100% zostoł mi YNO jedyn kurdupel w okolicach Żywca, gmina Koszarawa. Wstypmnie planuja podjechać tam w prziszły weekend, kto chce zy mnom świyntować zdobyci cołkigo województwa - zapraszom. Bydzie biesiadno kapela, 3 tiry z krojonym chlebkiym, 17 ton bananów z wysp Manganos i paleta wód w baniokach 5-litrowych :>


miasto

Piątek, 11 kwietnia 2014
Km: 16.50 Km teren: 0.00 Czas: 00:40 km/h: 24.75
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Plac Wolności
Plac Wolności © gustav

kategorie bloga

Moje rowery

Addict Blue 14656 km
Gravel Custom 5416 km
MTB Interceptor 5747 km
City Cadillac 1700 km
Avaine 8824 km
Giant TCR Advanced 2186 km
Custom 2.0 Essential 8839 km
FastBack 5.8 Custom 41880 km
XC Custom Evolution 18260 km
MTB Custom 15323 km
Haibike Speed RC 21452 km
Unibike Mirage 7536 km

szukaj

archiwum


Statystyki zbiorcze na stronę