Pieczywo jest to moja inspiracja. Widza je dziyń w dziyń w szafce kuchynnyj w rozmaityj formie. Jako chlyb zwykły, krojony, tostowy, wieloziarnisty, a i tyż jako żymły i rogale. Dzisio rano wpompowołech w siebie pół opakowania chleba tostowego, podpieczonego, z kyjzom = 10szt. Czasym dodom jako szinka, tomata i je bombon!

Tyj nocy coś nadupczało za oknym - biołe pociski z nieba. Rano był niyspodziewany powrót zimy. 31. stycznia 0_o
Ale że słońce świycioło, to po obiedzie drogi główne już były suche. A że mrs. K. tyż jeździła, no to ugodalimy se na mieście i pojechalimy na Żory, A81 na Pawłowice i potym w teryny JSW ;> Dzisio testowołech ułożynie kamerki przi liczniku. Zrobiłech pokazowy filmik :)
No i 2st. zimnij, niż wczorej, wiatr za to minimalnie słabszy, ale jechało se szwarnie ogólnie.
Udało se przekroczyć 500km w styczniu - na pyndzyji to dobry wynik! ;D



Żory obwodnica zachód © gustav


Testy kamery © gustav


Na Wiślance © gustav


Zjazd na JSW :] © gustav


Na wiadukcie © gustav


Prawie jak selfi:D © gustav


Tu już obwodnica JSW:] © gustav


No i /gruba/ © gustav


Bidon od Lenka © gustav

Piyrwszo rajza w tym roku na szosie. Megaultra mocny wiater z południa wyrywoł prawie drzewa... były chwile zwątpiynio, ale Paweł doł cynk, że jedzie, no to ruszyłech bardzo leniwie 4 litery ;]
50km my przejechali, potym wbiłech na chata zatankować, bo był głód, no i jeszcze 35km relaxx'u ;] niby 6,5-7st. ale o dziwo było mi momyntami za ciepło.  Foty na stravie:
Pokaż trasę GPS

Tyn po lewyj: 25zł za 100ml. Tyn po prawyj: 15zł (a jeszcze pod koniec 2014r za 10zł) za 125ml.
Mój styl jazdy - głównie asfalty w sucho pogoda, tak wiync:
Tyn po lewyj: całkowite dno! napynd cały czorny już nawet po 100-150km, nawet po wytrzyniu kiety do sucha. Kilka smarów już używołech i niy pamiyntom, żeby kieryś z nich tak mocno zasyfioł napynd. Plusy? może opakowanie...
Tyn po prawyj: bardzo dobro jakość (i ilość) co do ceny! Tyn na pewno już tak niy syfi. No i nawet długo zachowuje swoji właściwości, na +/- 300km w suchych warunkach. No ale opakowanie to jedyny minus - tego smaru niy zabierymy na rajza, bo niy ma tu zatyczki na gwint, beztoż smar bydzie wyciekoł... Dlatego to je bdb smar do używania w doma. A na rajza mom zazwyczaj mało buteleczka finishline'a :)

a dzisio...

Wiosna 30 styczeń 12st w cieniu © gustav

Kilometry z tygodnia. Może dzisio zrobia runda na szosie, ale kurde tyn wiatr wyrywo drzewa... :(

Dzisio zauważalne ocieplynie, beztoż zaroz po przijechaniu z roboty wkrynciłech szosowe pyndale do Fasta i ruszyłech na myjka wyglancować napynd i reszta tajli z piosku i inkszego marasu. Miołech zrobić piyrwszo runda po mieście, ale już odczuwom skutki dzisiejszego niydospania... ida spać, bo już ledwo kontaktuja. Ale przinajmij sprzynt naszykowany na jutro czy kiedyś tam ;))
28 listopada - wtedy ostatnio se tym kołym kulołech. Po takim czasie zaś poczułech plusy małyj wogi i ciynkich kółeczek :>

...i jak odwiyzłech te koło do szwagra, no to truchtym na miasto, pod stadion, wyszło mone z 2km. A potym spacer do kauflandu i du dom, tu już wyszło prawie 8km hyhy nooo od czasu do czasu taki wiynksze ''butowani'' tudzież nordik wolking, tyż idzie przeprowadzić :) ale przi słuchaniu muzyki gipko zleciało.

Nadchodzi kontynentalne ocieplynie!

300km w tym roku już je xD

6:55


7:45

Postanowiłech dzisio zaś zawitać na stadion, kaj se miała o 18:30 ugodać rybnicko grupa biegowo - RGB. Dopiyro o 18:25 zaczyły piyrwsze osoby se pojawiać... A jo już tam pora kółek zrobiłech. Uzbiyrało se z 15 osób, znaczno wiynkszość przijechała w ogrzanych autkach... Ale niy chciało mi se z nimi robić rozgrzewki, bo po co ;] Potym kajś polecieli za stadion, a jo se dalij lotoł som. W miyndzyczasie 5 pań se uzbiyrało i se lotały, jakiś gościu do nich se prziłonczył, jo se tyż do nich podbił i tak my se lotali. Spytołech, kto z tego zacnego towarzystwa jedzie na igrzyska do Rio, to kożdy niby jedzie, aly niy walczyć o medale, a na karnawał i dancing hehe.
Niydługo potym powrócili zza światów przedstawiciele RGB, nie było ich w sumie 35min... czyli w takich śniegowych warunkach (bo mocno nadupczało z niebios ;]) mogli zrobić 5-6km. I tak jak ostatnio - zabawy na koniec w jakiś mini-biegi, podskoki, jakiś ciuchcie, przeplatanki. Jo otwarcie padoł, kiery leci zy mnom na miasto nabić kilometrów. Żodyn niy mioł chynci... widać, mieli "ostry" tryning i woleli odpocznyć...

Kuźwa - przijyżdżać autym po to, żeby polotać te nieco ponad pół godziny... LOL


Śniygu w pierony © gustav

trza było dać tryb automatyczny... ;D

Ajj se rozmazało © gustav

Pokaż trasę GPS
Takie z rana.. ;)
Koreczki, korunie... ;] © gustav

Kolejny atak zimy. Kolejne wieści, że ludki od odśnieżanio zaskoczyni. I kolejny roz z moim Custom'ym 2.0 walcza o kożdy kilometr na rybnickich drogach. Ujowo, ale stabilitat! ;) (a wczoraj se wyebołech przi 10km/h pod leciutki podjazd xD takiii lodowiskooooo)
Dzisio w robocie dostołech prawie depresji, bo od rana w pewnyj lokalnyj stacji nadowali co pół godziny o Dniu Dłużnika, czy coś, normalnie sztyjc jedno i to samo. Dobrze, że dało rada wychwycić chyba rmf fm.
A najlepij to w ogóle, jakby zamiast tego radia przez 8h napierniczoł bass'y jaki DJ, i najlepij charytatywnie :))
I rzecz niydorzeczno: czamu w pobliskij biedronce niy ma już chleba z rodzynkami?? Jak sytuacion w waszych biedronkach, ludzie, co sam zaglondocie? ;] A tak miołech dzisio smaka na tyn chlyb...

Miało być dobre tympo, ale od poczontku lewo łydka tak jakby strzeliła focha.. :l także pozostało na spokojnie symboliczne 5km zrobić :) a potym... :) pozdrowienia dla widzów z monitoringu i ludzi na stadionie hehe