blog rowerowy

informacje

baton rowerowy bikestats.pl

Znajomi

wszyscy znajomi(95)

wykres roczny

Wykres roczny blog rowerowy gustav.bikestats.pl

linki

Wpisy archiwalne w miesiącu

Maj, 2014

Dystans całkowity:1411.90 km (w terenie 0.00 km; 0.00%)
Czas w ruchu:55:42
Średnia prędkość:25.35 km/h
Maksymalna prędkość:48.00 km/h
Liczba aktywności:16
Średnio na aktywność:88.24 km i 3h 28m
Więcej statystyk

różne

Piątek, 30 maja 2014
Km: 28.70 Km teren: 0.00 Czas: 01:10 km/h: 24.60
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Z ciekowszych rzeczy - dzisio kupiłech se w lidlu (prócz 2 pizzuf i 7 wrawych żymłów) te taki wkładki do szczewików hehe terozki byda mioł tak zminimalizowane straty w przekozywaniu energie, że klynkejcie narody :D

Liczników niy mieli, beztoż musza jakiś nojzwyklejszy znojść na necie dlo mojigo Road MTB, bo już mi se niy chce robić śladów w google maps.

Weekend mo być gryfny w pogodzie u nos :) Yno ciekawe, czamu u Karela w Beskidach mo loć... :D

WrocLove

Poniedziałek, 26 maja 2014 Kategoria c) Gryfny klank [300-499km]
Km: 473.90 Km teren: 0.00 Czas: 18:40 km/h: 25.39
Pr. maks.: 48.00 Temperatura: °C HRmax: HRavg
: kcal Podjazdy: m Sprzęt: Haibike Speed RC Aktywność: Jazda na rowerze
W sobota miała być Koszarawa - ale pogoda ciulato i niy kożdymu pasowało. W niedziela zaś atak na Słowacjo - Paweł w ostatniyj chwili padoł, że jednak niy jedzie. Jo mioł obsesjo na dłuższyj rajzie max. 500km to roz, bo cołki tydziyń niy jeździłech Speedym, a dwa - padołech, że w maju musza zrobić owe 500km. Kuba z B-B mi to wypomnioł już :P No nic, pogoda na poniedziałek miała być wporzo. Postanowiłech "wypyłnić" wnynka gminno w okolicach Wrocławia ^^ Bo tak to szpetnie wyglondało na mapce hehe
Zrobiłech se zapasy na nocno trasa, bo jak wiadomo - w nocy żymłów, kołoczków, chlybów (krojonych; przyp. red.) niy kupisz za pierona. 5 bagietek 170g i 2 czekolady.
Zatankowany :D
Zatankowany :D © gustav

Jako że noc miała być już całkiym całkiym, to prócz stroju BS wziyłech yno bluza termoactiv i ochraniocz przed luftym na kark. Wyjechołech jakoś ~23:45. Ogólnie miołech plan zrobić 500 w 24h. Za miesionc maraton Sokoła w Radlinie, kaj byda musiol zrobić 450km w 24h (kwalifikacjo na BBT), wiync byda mioł tako terozki forma sprawdzianu formy.

W nocy nic ciekawego; tympyraturka nojmniyjszo to było 11,4'. Ale jechało sie gites, chcocioż te 3' wiyncyj by mogło być. W sumie był spad terynu, a że niy było "w-gymbo-luftu", to krynciło sie elegancko.
Poranne mgiełki
Poranne mgiełki © gustav

W Oławie zjechołech na droga wojewódzko, żeby pozbiyrać nowe gminy :P DW455 - w 70% TRAGEDIA!!! Jedzynio mi stykło na cało noc. O 5 rano już był otworty lewiatan i tam kupiłech woda. Ogólnie starołech se jejść w czasie pyndalowanio - to tako jedna bagietka 170g zaczyłech jejść np. w Oławie, a skończyłech dopiyro kajś w okolicach Jelcza :D We Wrocławiu byłech przed 8:00 jakoś. Dziyń dobry po dwóch latach - po roz drugi! :) Tam kajś przi drodze w parku musiołech seblyc koszulka termo, bo chyc już było pierońsko. Musza prziznać - w tym mieście je fest dużo rowerzystów! I to już tak wczas rano! kaj sie nie pozaglondołech - to kieryś pyndalowoł. W np. Rybniku to zapomnij o takim czymś... W ogóle infrastruktura dlo rowerzystów na fest wysokim poziomie. Ale żeby bez te miasto przejechać, to trza minyć piyrw 20 tysiyncy skrziżowań ze światłami. Wielki miasta tak to już majom heh.
Most Grunwaldzki
Most Grunwaldzki © gustav
I widok z tego mostu
I widok z tego mostu © gustav
Wroclove part1
Wroclove part1 © gustav
Wroclove part2
Wroclove part2 © gustav
Wroclove part3
Wroclove part3 © gustav
Wroclove part4
Wroclove part4 © gustav

Przed Wrocławiym średnio miołech prawie 27. Ale dziynki jeżdżyniu 10km/h po rynku, zwalnianiu co chwila na światłach, to średnio systematycznie spodała hehe. Już na samym wyjeździe trocha droga popierniczyłech, a że było chyba z 6-8 pasów, to sie zaczyła fajno komiedio :D :D musiołech sie dostać na drugo strona haha dobrze że były wysepki co 2 pasy. Jakoś te przeskakiwani mi sie udało :>
Jeszcze gipko na tanksztela po woda i wyjazd po nowe gminy! Z jedzynio dalij nic nie kupowołech, ale w takim hycu to średnio sie chciało jejść. 
W strona S8
W strona S8 © gustav

Od południa już ciymne chmurki było widać hyh...
Z racji, że droga do pewnyj gminy to była ponoć sama kostka bez 3km, to musiołech zmiynić plan. Postanowiłech bez nerwów jechać prosto do Zawoni. Czyli zamiast planowanych 9 nowych gmin bydzie o jedna mynij.
Zaczyły sie podjazdy.
W drodze do Zawonii
W drodze do Zawonii © gustav

Drogi wojewódzkie do samego Namysłowa tyż niy ma co godać... Porażka. Mało kiedy równy asfalt. Dopiyro już od Namysłowa zaczła sie krajowo. Wiadomo, co to oznaczo dlo komfortu podróży :) Ogólnie podczos cołkij tyj rajzy niy było jakigoś fest wielkigo ruchu. I tyż ani razu niy zaobserwowołech negatywnych zachowań ze strony kierowców. Tirowcy jak zwykle niy śpieszyli sie z wyprzedzaniym. Szacuneczek :)
Ot tak wymyśliłech nowe zastosowani dlo mojij lemondki:
Lemondka - same pozytywy!
Lemondka - same pozytywy! © gustav

Wciepać jeszcze to butelki jako wielko słomka i szafa gro :D To je ostatnie foto, bo potym nie wiym czamu, ale mój smartfon sie prawie całkowicie rozładowoł, może żeh do końca gps-a niy wyłączył abo co... fotek już niy szło cykać :/

Po jakimś postoju zaczyło mie boleć troszka lewe kolano :/ Czy był to efekt braku jazdy na wysokij kadyncji? Po jakiś 300km kolana majom prawo już czuć zmynczyni. Ale pyndalowołech na zmiana, używajonc w miara równomiernie wszystkich miyńśni w szłapach. A tyż super twardyj kadyncji niy stosowołech - wielki blat z góra 5. "nojlżejszom" koronkom. Chyba chynć uzyskanio nojlepszego czasu tych planowanych 500km mie przistopowała... :/ Zwiynkszyłech kadyncjo i coś kolano już niy bolało tak fest.
Terozki coś o jedzyniu - już po 300-350km miołech dość dziwanio sie na nie. Już nawet banany mi sie zbrzidły. Cokolwiek słodkigo i już mi sie niy dobrze robiło... A jakoś niy miołech ochoty jejść suchych żymłów abo chleba. Ale trza było ciś na hama, bo bez jedzynio nie pojedziesz. Pizza tako mało udało mi sie kupić, dobrze że niy była słodko... Gumy do żucia i dużo wody - to jakoś tak neutralizowało "górny" układ pokarmowy. W Tarnowskich Górach było widać ciymne chmury od południa. W Gliwicach jak już byłech przi A4, to sie tak blyskało, że ja piernicze. Choby z jakigo filmu katastroficznego. Zaczyło padać, wiync jo pod przistanek. Ale se myśla, że jak bydzie konkret ulywa, to taki malutki przistanek nic niy do. Corozki mocnij padało, wiync wziyłech koło i zapierniczołech nazot w strona cyntrum na piyrwszo napotkano tanksztela. Tam był taki starszy, spoko gościu z dozoru technicznego, od nalywanio paliwa itp. Dużo  my bez tyn czos pogodali. Nawet dostołech gratis herbata hehe Bo tak to bych musioł ze 5zł zabulić na pewno :> Byłech tam prawie godzina. Już przestoło sie fest blyskać, yno lekko kropiło, wiync po co czekać - po wszamaniu pozostałyj 1 pizzy ruszyłech. Fajnie wyglondało, jak drogi parowały na tle drogowego oświetlynio :) Jakoś zajechołech na tyj pizzy, chocioż już od ostatnich 10km brzuch se domagoł jedzynio hehe. Przijechołech tyż jakoś o 23:45, czyli równe 24h brutto. Musiołbych zjeść coś porzondnego, żeby myśleć o dokryncaniu do 500km. Bo nogi zmynczonie niy były i innych kryzysów tyż niy było. Chocioż jak poszłech spać, to chyba po 2min już usnyłech heh.

Spokojnie mógłbych odejmnyć z 10 do 15min od czasu, głównie "pobyt" we Wrocławiu i inne przerwy. Ze średnij jeżeh zadowolony. Ale za fest szarpołech na piyrwszych 200km, co sie potym źle odbiło.

+8 gmin


różne

Niedziela, 25 maja 2014
Km: 44.40 Km teren: 0.00 Czas: 02:00 km/h: 22.20
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
zbiyranina z 3 dni hehe
Zalyw panorama

miasto

Czwartek, 22 maja 2014
Km: 19.00 Km teren: 0.00 Czas: 00:45 km/h: 25.33
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze

miasto

Poniedziałek, 19 maja 2014
Km: 25.30 Km teren: 0.00 Czas: 01:07 km/h: 22.66
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze

Hołda Żar

Niedziela, 18 maja 2014 Kategoria b) Zaczynomy party [200-299km]
Km: 209.50 Km teren: 0.00 Czas: 07:57 km/h: 26.35
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: Haibike Speed RC Aktywność: Jazda na rowerze
Tak wiync po powrocie z zajembistego rajdu rowerowego (poprzedni wpis) szykowołech plan na górsko rajza. Próbowołech sie zgodać z paroma wkrynconymi krejzolami, ale niystety - żodymu abo niy pasowało, abo już kaj kryncili po wsiach hehe. No nic, jako że miołech ochota na konkretne podjazdy i traska 150-200km, to postanowiłech jechać na góra yyy znaczy hołda Żar! :> Wszamołech obiod i o 13:45 wyruszyłech w strona B-B. Pogoda - fest wielki zachmurzyni i momyntami doś odczuwalny wiater z południa. Kole 15-17'.
Sam na granicy Żor :) Już widać chopki.
Na Wiślance
Na Wiślance © gustav
Do Bielska dojechołech bez problymów. Yno już rozglondołech sie za jakim sklepym, bo wiadomo - bez tanku niy ma gangu hehe. Jo zamiast jechać na droga krajowo na Żywiec, to skrynciłech na wojewódzko na Szczyrk. I potym se zaczło... Coś mi kurde niy pasowało, kaj je znak na Międzybrodzie hmm... Musiołech se podratować gps-ym. I jakoś bocznymi dróżkami dojechołech na krajowo.
Rzeczka w B-B
Rzeczka w B-B © gustav
Yno jo zapomnioł ustawić trasy gps'a na pojazdy samochodowe; miołech ustawione na koło. I tak oto dojechołech kajś tam do Wilkowic. I musiołech skryncić direkt w górki już. Tam był znak, że jada na Magurka.. :> Nic, zmiyniłech ustawiynia gps'a i nazot do Bielska hehe. Na przegibek. Kajś tam kupiyłech w końcu woda, 2 banany i 2 żymły (wczorejsze...). Zaro to zjodłech. Podjazd ogólnie niy za ciynżki, pryndkość cołki czos 15-17km/h. Już w Międzybrodziu kolejne zakupy - 3 lewiatanowski 7 dejsy i coś tam jeszcze, woda chyba. I potym szturm na Żar. Most był zamknyty i musiołech robić ze 5km objazdu eehh. Ale już na podjeździe powoli słońce sie pokazywało, raptym tydziyń go niy widziołech :D Chopka konkretno, ale wjechoelch bez kryzysów :)
Na hołdzie Żar roz :D
Na hołdzie Żar roz :D © gustav
Na hołdzie Żar dwa
Na hołdzie Żar dwa © gustav
Chyntnie bych tam dłużyj posiedzioł ale już było po 19-yj :/ Widoki z tyj hołdy rychtyk szwarne! :))
A sam na zaporze
A sam na zaporze © gustav
I mojo morda hehe
I mojo morda hehe © gustav
Mie yno dziwi, czamu tyn dupny akwyn wodny je w odciyniu bronz-żółć... Mie sie zaro nasuwo myśl, czy może mieć to zwionzek z jaworzańskimi rzyczkami, kiere tyż majom fest podobny odciyń hmm... :P
Kajś tam zas wbiłech do sklepu, kupiłech 6 bananów, woda i 3 wczorejsze kreple. 2 kreple i 2 banany zarozki zjodłech, reszta do kapsów hehe. tyn pozostały krepel mi se niy zmieścił, musiołech go dać do worka i prziwionzać do ramy :D O godz. 20:03 wyruszyłech zaś na przegibek.
Kolacyjka i te sprawy
Kolacyjka i te sprawy © gustav
Podjazd tyż bez tragedie, ale już 12-14km/h. Zmynczyni?
W B-B powoli cima
W B-B powoli cima © gustav
Już za Jaworzym, jak sie teryn zaczył wypłaszczać, to aż do Strumiynia pyndalowołech 30km/h. Ległech se na lemondka, drogi puste, mp3 w uszach - klasa! :)) Tympyraturka w jeździe idealno (jakiś 13'), yno na postojach trocha zimnawo.
Zresztom na Wiślance tyż jechołech podobnie. Dopiyro jak se zaczył Rybnik, to trocha zwolniłech, już rychtyk było czuć pojawiajonco se pustka w żołondku... A to je najgorsze, co może być. Ale jeśli chodzi o zapas wyngli - czułech moc! W doma byłech o 23:45, czyli równe 10h brutto. Fajny trip, yno szkoda, że som :/ Pogoda sie robi corozki lepszo, jak tako bydzie w weekend, to bych wpadnył do Koszarawy po ostatnio gmina, ale to musi być wiynkszo ekipa :> kiery sie pisze? ;P



Jakiś Rajd...

Niedziela, 18 maja 2014
Km: 32.50 Km teren: 0.00 Czas: 01:45 km/h: 18.57
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Znalozłech przipadkiym na necie jakiś bild, na kierym było info dot. rajdu na kołach, od cyntrym Rybnika aż nad zalyw - do Stodół. Se myśla - bydzie dużo ludzi, może pozno se rychtyk jakich zapalyńców (np. długodystansowych hehe), bydzie co cykać, bydzie fajno relacja. Przijechołech na miejsce startu na 10:00, a tam poranoście osób (jak żeh późnij naliczył - aż 15), jo bych wrynczy padoł - emerytów... Wiek od 40 do 70 lot... Żodnyj modyj gymby, kufa co jo sam robia??? kaj jo przijechoł??? Ani z kim pogodać ani nic. Same typki na trekkingach, głównie z sakwami. Jo już zaro zmiynił plan A na plan B - czyli pyndalować z nimi max. najdalij do Stodół właśnie na "meta" zejrzeć, czy mone tam sie wiyncyj ludzi uzbiyro abo co- a jak niy - to ciulać nazot ^^ A z racji tego, że sie wypogodzało, to już miołech wstympne plany na dalszo traska po obiedzie. No nic, jechalimy se i jechalimy se... Jo na końcu, jako obserwator hehe. Tympo było taki, że na prostyj musiołech hamować; 15km/h w porywach do 20 :D No ale że to był rajd, to rozumiołech. Pod górka, co jo godom, leciutki wzniesyinie - 10km/h. Jedna baba tam roz padała "jaki ciynżki podjazd, ledwo żeh wjechała..." Chciołbych jom usłyszeć, jakby miała wjyżdżać na popielowskie 11%... Prziwlyklimy se na owo meta, nic tam nie było yno jakiś boisko, a jo jak zaplanowołech - zaro nawrót :D Ściyżkami bez cyntrum du dom. Drogi już w miara suche, wiync yno czekołech na obiod :D

Nad zalywym
Nad zalywym © gustav

różne

Piątek, 16 maja 2014
Km: 25.50 Km teren: 0.00 Czas: 01:00 km/h: 25.50
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze

Filmik z gór

Środa, 14 maja 2014
Km: 0.00 Km teren: 0.00 Czas: km/h:
Pr. maks.: 0.00 Temperatura: °C HRmax: HRavg
: kcal Podjazdy: m Aktywność: Jazda na rowerze
Filmik z kilkunastu part'ów z kamerki Pawła ;) W sumie było ponad 20gb :D A jo to musioł zmieścić w 15min i 100mb hehe przez to jakość tako średniawo..





Musiołech

Wtorek, 13 maja 2014
Km: 61.40 Km teren: 0.00 Czas: 02:03 km/h: 29.95
Pr. maks.: 0.00 Temperatura: 9.0°C HRmax: HRavg
: kcal Podjazdy: m Sprzęt: Haibike Speed RC Aktywność: Jazda na rowerze
...kajś popyndalować, bo wedle prognoz do końca tydnia bez te nadchodzonce ulywy mo na południu PL być już powódź! I tak długo to bez koła niy strzimia! :P Jeszcze sie zastanawiołech, czy pooglondać se mecz biedronkowców z germanami, ale stwierdziłech - byda chcioł obejrzeć komedio, to se puszcza kiedy rychtyk komedio, abo świat wg kiepskich :) A kiedy drogi bydom zaś suche, tego żodyn niy wiy... A jo dopiyro na dniach byda kombinowoł nad zakupym lontów i dodatków "anti-dyszcz". Chca już wlyź na wyższy poziom, kaj opady w jeżdżyniu to je coś normalnego już :> W sumie rano yno było słońce, potym już corozki gorzyj. Konkretny dyszczyk tyż sie pojawiył coś po połedniu. Pod wieczór już bez opadów. Ale wszyndzi na niebie ciymniejsze chmury. Z chaty wylozłech dopiyro przed 21:00 :D Pojechołech w strona JSW, bo już downo tam niy przejyżdżołech. Jedyno nowość to odremontowano droga przi tym dupnym wiadukcie. Kajś za Jastrzymbiym
Kajś za Jastrzymbiym © gustav
 W Pawłowicach
W Pawłowicach © gustav
Mimo, że niy byłech głodny, to zaś brakowało pod koniec mocy. Jakbych w Żorach zjod kilo bananów, to monyj bych zrobiył nowy rekord czasu przejazdu ze zjazdu z wiślanki aż du dom :> Amatorka piyrwszo klasa hehe
Amatorka piyrwszo klasa hehe © gustav

Dzisio - znaczy środa :D

Prziszła mi lemondka! Ta samo, co żeh testowoł :)) Jo sie zastanawioł, jako umieścić w jij obecności lampka w rozsondnym miejscu, najlepij na środku kajś. Ale od czego sie mo specjalne podkładki na mniyjszo średnica lynsztangi :P Udało sie obrócić lampka na mocowaniu o 90' i wszystko je cacy terozki! :>



I tak to już bydzie!
I tak to już bydzie! © gustav

kategorie bloga

Moje rowery

Addict Blue 14656 km
Gravel Custom 5416 km
MTB Interceptor 5747 km
City Cadillac 1700 km
Avaine 8824 km
Giant TCR Advanced 2186 km
Custom 2.0 Essential 8839 km
FastBack 5.8 Custom 41880 km
XC Custom Evolution 18260 km
MTB Custom 15323 km
Haibike Speed RC 21452 km
Unibike Mirage 7536 km

szukaj

archiwum


Statystyki zbiorcze na stronę