Rajza do Jaworza (niydaleko B-B), żeby odwiedzić szwagra przebywajoncego w ośrodku rehabilitacyjnym - mioł niydowno ciynżki wypadek eehh :/ Ale już corozki lepij z nim. W zasadzie niy mom co sam szczególnego opisywać; gryfno pogoda i cołki czos jechało sie elegancko :) Zero kryzysów i zero nowych gmin hehe :D

Czyli wszystki gminy tyj dupnyj, ślonskij aglomeracje już mom zdobyte! Brakowały mi 4 "sztunie" do 100%, wiync dzisio postanowiłech je "zazielynić" :P Wyjechołech po 12-yj, kiedy już mgły znikły i słonko wylazło na niebieski niebo. Jako, że trasa miała mieć jakiś 150km, to miołech zamiar trocha gipcij dzisio popyndalować, żeby uzyskać średnio chocioż te 28. Jechało sie gryfnie, chocioż trocha wioło ze strony N-E, temperaturka jakiś 17-18' max. W Katowicach zakupy. Tam wjechołech na krajówka (momyntami 5 pasów w jedna strona! :D), kaj był zakaz dlo kołów, ale co jo poradza - już miołech trasa obczajono co i kaj i niy bardzo były możliwości korekty... W strona Bierunia zaś znalozłech sie w tym samym miejscu, kaj jakiś miesionc tymu w trasie do Jaworzna - tam kaj DW 934 leci bez... ekspresówka ^^ Ale miołech dżipiesa we fonie i ogarnyłech sprawa, kaj jechać :P W Imielinie zaś zakupy i ze 10min pauzy na przistanku.



Potym direkt do DK44, kierom leciołech na Mikołów. A że jechołech z wiatrym, to ponizyj 30 na godzina było YNO na wznosach terynu :> Normalnie BOMBON sie jechało!! W Tychach hmm góra bez 3km, udało mi sie jechać za tirym, co skutkowało uzyskaniym vmaxu w całyj dzisiejszyj rajzie (średnio tyż trocha podskoczyła hehe). W drodze do Żor już mie powoli odcinało z głodu, musiołech ograniczyć obroty. Ale udało mi se trefić na przidrożny spożywczok niydaleko Rybnika - dziynki 3 bananom już niy czułech tak głodu i udało se bez wiynkszych problymów przejechać ostatni 15km :)

HDR by Xperia L:


Udało mi sie uzyskać zakłodanio średnio :)  Ale dzisiejszo trasa była przejechano fest ekonomicznie pod wzglyndym jedzynio: (pomijając to, co zjodłech w doma) 3,5l płynów, 3 banany, mały rogal, szekolada i 5 jabków. Zarozki po przijechaniu du dom od razu do kuchnie co pojejść.. niy pojodłech dużo, bo jakoś brzuch mie zaczył boleć eehh Już niy moga tak jeździć na głodzie.

+4 gminy

Terozki zostały yno ataki na te północne gminy, ale już niy ma ich dużo :))

No i mojo srebrno piynkność mo już przejechane ponad 10kkm od nowości ^^

Pokaż trasę GPS

Po robocie; piyrwszo poważno czasówka w tym roku i od razu na rybnicki "góry" - tam, kaj jest zarozki po kolei 7 i 11%. Na pyntli w sumie 3 skrziżowania ze światłami, wiync czasym musiołech przihamować. Tympyraturka najniższo na liczniku: 6', ale jechało sie optymalnie :)

Dokładnij: 51,93km w 1h42m10s. Jak na chopki, po robocie i bez wprawy, to jeżeh zadowolony hehe.

Pyntelka x5:

Pokaż trasę GPS

Czyli wypad do restauracje podziwać se na wielkim tv zawodowców na trasie Milano-Sanremo. Pomysł zainicjowany przez samego szefa Tour de Rybnik, kierego mogłech poznać osobiście ;] W sumie było nas AŻ 4, chocioż na forum ta idea wspólnego oglondanio poparło sporo wiyncyj osób... a tyż w tym dniu była deszczowo aura, wiync dziwne, że żodyn wiyncyj niy prziszoł pooglondać. Jo tyż mioł dylemat, jako sie dostać to tyj miejscówki w deszczu (żeby sie nie umarasić za fest) i jedyno opcja to było zajechać powoli kołym, co tyż uczyniłech :> Niycałe 5km jechołech ponad 20min chodnikami hehe, ale w miara czysty udało se dojechać ;] To niy była jakoś tanio knajpa, yno konkretno restauracja! A że mie suszyło, to musiołech wydać 6zł za 0,2l Sprite'a!