Koniec laby, trza wracać :(( Idzie pedzieć - czas w tych górach przepracowany solidnie. Stwierdzenie "wypoczywać na urlopie" jest tu nie na miejscu :) Z wyj. dojazdu - pogoda dopisała. Start po 11-yj. I przi mym apartamyncie czeko już 3 rowerzystów, na mie... Ahh tyn srejsbuk :>

Start w obstawie © gustav

Potym jeszcze wiyncyj ludzi! W Rybniku nic nie umia zorganizować, a 2 województwa dalij tela ludzi chce zy mną jeździć; wtf? :D

Taki taki peleton! © gustav

Ale w sumie po 10km już jechołech som.. Ale w Kamiennej Górze wyjyżdżo z naprzeciwka jedyn szosowiec.. a w Wałbrzychu poznowom kolejnych dwóch :) No i jeszcze piesek :>

I kolejni towarzysze © gustav


Kaj jedziesz? Na Wałbrzych! © gustav


Czworte śniodani © gustav


Szczawno Zdrój © gustav


Zamek po drodze © gustav

Od zamku jada już som, wiatr ogólnie nie przeszkadzo :)

Prosto na Wrocek © gustav

Good bye, Sudety.

W pełnyj okazałości © gustav


Wrocław cyntrum © gustav

Szukom mojij ulubionyj jadłodajni :> Kiedyś dorwołech tu mega obiod za pół ceny hehe

Stacja Fenix © gustav


Rynek wieczorym © gustav

Wyjazd z miasta standard na Opole. Generalnie jedzie se super. Nawet przez piyrwszo godzina średnio prawie 30! Ale jak temperatura spado poniżyj 10st. no to trza se oblyc zimowy ekwipunek ;) W Opolu pauza na tankszteli... Głód woło "gustav, kaj je chlyb jaki???" ;D

Kolejno porcja © gustav

Krapkowice - najwiynkszo tanksztela w regionie chyba.

Wśród swoich ;) © gustav

Ogólnie od Opola po prawie som Racibórz mgły pierońskie. Widoczność czasami i 20m.

Mgły jak c... pieron! © gustav

Tak wiync w doma po 5yj nad ranym, z Wrocławia w 9h brutto, z czego 1h na przerwy. Przijyżdżom w ogólnie dobrym stanie, także to na plus hehe. Co by tu dodać... co do jazdy z prziczepką, nagrołech wideo ze swoją opinią:


Pokaż trasę GPS

Od razu z rana jada po zakupy do lokalnego sklepu, bo moji zapasy se wyzerowały :((

Kołoczyk, taki większy © gustav


Metoda na głoda - nie u gustava © gustav

A to na obiod, bo zaro trza jechać na jako krótszo rajza :)

Standard hehe © gustav

Tako popołudniowo, relaxxxxxowo rundka po okolicy, celym uzupełniynio kilku gmin na rejonie hehe. No i wizyty w 2 sklepach, no bo gustav sztyjc głodny jest... Dzisio miała być docelowo runda na wschód, za Wałbrzych, tyż ok. 150km, ale moji szłapy już za fest odczuwały te tysiące metrów w pionie ;) A jutro trza przeca wracać..

Jedzenie cd © gustav


Tako informacyjo © gustav


Kolejne zakupy © gustav


Charakterystyczne hopki w okolicy © gustav


Zachód © gustav

Pokaż trasę GPS

Sooo.. dzisiej wyruszom na ponoć fest gryfno pętla karkonosko ;)

No to pobudka! © gustav

Idzie już rzec: klasycznie - w strona przełęczy Okraj. Na przejściu granicznym spotykom... Panią od 29'era, z kierą to wczorej godołech na przełęczy karkonoskiej :> Zjyżdżomy zatym na som dół do skrziżowania. Ogólnie fest chłodno mimo słońca, ale trza strzimać te ponad 10km zjazdu ;D Na samym dole szanowno rowerzystka jedzie w strona Modre Sedlo, kaj jo był 2 dni tymu. A jo dalij na południe, ku drodze nr 14.

Znowu ta pani; może jaki agynt? © gustav

Zaczyno se odcinek na kolejno przełęcz. Słońca i ciepła coroz więcej.

Górski klimaty © gustav


Droga 297 © gustav


Cd.. gryfnie je! © gustav


Wbijom na główno droga nr 14 © gustav

Po Czechach lepij nie ryzykować mandatów xD

To jeszcze ujdzie © gustav


Przed siebie! © gustav

I zaczyno se widokowy spektakl! Bajka! Tak jak w moim gminobraniu rok tymu do Krynicy. Z jednyj strony strome ściany z drzewami, z drugij rzeczka :)) I pełno zakrętów.

Prawie jak DW971 © gustav


Hardkorowo © gustav


Dej se pozor! © gustav

Prawie Bałtyk - ostatnio prosto ^^

W końcu znak na Szczecin uff :) © gustav

Nie umiołech trefić pod samo skocznia..

Harrachov skocznia © gustav

Ale asfalt je kosmos! I ruch mimo środka tygodnia - znikomy.

Prawie granica © gustav


Jakuszyce granica © gustav


Taki tam.. przi stopie © gustav


Ładuja wyngle © gustav


Jedzie cug olololo © gustav


Hołdy, hołdeczki © gustav

Szklarska Poręba - zjyżdżom na DW358, celym zobaczynio atrakcji turystycznyj... Powiym szczerze - dupy nie urywo. Winkiel 180stopni. jakich w górach multum.

Zakręt śmierci © gustav


I na zjeździe © gustav
 Jelenia Góra - miasto ładne, ale o dziwo jakoś płaskie o.0 Robia pauza na jedzynie w restauracji chińskij.

Jelenia Góra © gustav

Powrót do "bazy" z górami na horyzoncie :)

Na ścieżce © gustav


Nastrojowo © gustav


Dobranoc, światuuu © gustav


Pokaż trasę GPS

Zatym dzisiejszego dnia plan je taki: wjechać na najbardzij dowalony podjazd w Polsce wg niekierych portali. Karkonoska. Ale piyrw odwiedzić Karpacz.

Bajeczny poranek © gustav


Droga do Karpacza © gustav


Karpacz cyntrum © gustav


Ciuchcia © gustav


Wodospadzik © gustav


Przi skoczni © gustav


Co jo sam robia? © gustav

Wbijom do sklepu po jedzonko, jakieś mini-pizze, żymły etc. standard :> I już kierunek na ścianka..

Zbiornik Sosnówka © gustav


Przesieka - kajś przed podjazdym © gustav


I zaczynomy zabawa! © gustav


Na żywo z Karkonoskiej dla Eurosport - Gustav ;) © gustav


Coś dupło tukej © gustav


Trocha tego je © gustav


Różnoraki napisy © gustav


No to dojechołech © gustav

Co moga pedzieć o tym podjeździe? Od rogatki na samym dole do skrziżowania, kaj był przistanek, ławeczki - było niezłe nachylenie. Potym już konkretne nachylenie, ok. 1,5km "wypłaszczynia" i do samego szczytu zaś mocno ściana. Gdyby nie to wypłaszczynie - podjazd byłby fest hardkorowy, a tak to szło se odpocząć. Wczorajsze Modre Sedlo to jest dużo trudniejszy podjazd.

Wyngiel prosto z JSW © gustav


Nietuzinkowo © gustav

Nadeszły chmury deszczowe - idzie pedzieć, wyrobiłech se z podjazdym na czas :v

Zaczyno padać © gustav

W środku ciepło, wifi, jedzonko. Jeżeh tu doś długo, aż przestało padać.

Czekom na zupka © gustav


Jakiś koła © gustav


Truskawki hehe © gustav

Ahh te 29'ery..

Towarzystwo z restauracje © gustav

Teże osobniki jadą ze mną do wspomnianego przistanku z podjazdu. Som zjazd mega ostrożny, zaś 95% na hamulcach.

Czorne chmury © gustav

Na dole zaś kropiło..

Padze deszczym zaś © gustav

Przejazd przez Jelenią Hołdę bez zwiedzanio - czas mie goni. Ale mom w planach tu jeszcze wrócić na dniach.

Wyjazd z Jeleniej Góry DW365 © gustav


Ciąg dalszy © gustav


Do przodu! © gustav


DW328 kajś tam © gustav

 A w Kamiennej Górze czeko na mie kompan Łukasz. Zapraszo na kawa, ciastko. Chwilowe pogaduchy i postanawio mie odprowadzić kawałek. Po drodze oczywiście do biedrony - musza uzupełnić zapasy. Miyszkom na takim zadupiu, że tam je yno jedyn chyba sklep, w dodatku otwarty niby do 17 ehe.. Deszczowy dziyń, słoneczny dziyń, podjazdowy dziyń - wszystkigo po trochu ;)

Tankowanie © gustav


Towarzysz Łukasz © gustav


Pokaż trasę GPS

No to pobudka i czas startnyć piyrwszy dziyń w górach :) Mojo izba - zwykło, skromno, ale wiyncyj nie potrzebuja. Widoki zza okna pikne, cisza, spokój, natura...

Budzisz se i widzisz góry... Może kiedyś ;) © gustav


Los burdelos! © gustav


Mokre fuzekle © gustav

A na stole wiadomo... chlyb, koksy... ;D 40zł za tako izba na doba. Mało? Dużo? Ujdzie, tym bardzij że lokalizacja obiektu chyba najlepszo z możliwych - bo w zasadzie wszystki moji zaplanowane trasy w kożdo strona na wyciągnięcie ręki :)

Moji łoże królewskie © gustav


Hrabstwo Jarkowice © gustav

W tym dniu planuja "relaxx" czyli chyba najbliższy kurs po okolicy. Bo wczorajszy przijazd mie wykończył prawie doszczętnie. To je cud, że żeh niy ma przeziębiony. Na śniadanie nudle, resztki chleba, tankuja bidony i jazda na tutejszo ściana płaczu. Modre Sedlo: http://www.altimetr.pl/gora-modresedlo.html   Czeski gigant! Pogoda jak na koniec września w górach - prawidłowo ;) Ale z rana jeszcze zima zleksza. Mój apartamynt je w zasadzie poraset metrów od startu głównego podjazdu na Okraj abo drogi do Kowar. Generalnie jest łagodny. Czuja se jak taki K4r3l z bikestats - on tyż miyszko u stóp przełęczy Kocierz hehe.

No to w lewo na wiyrch! © gustav


Gustav i hołdy © gustav

Bezapelacyjnie najgryfniejszy winkiel okolicy ;)

Widok winkla © gustav


FastBack i hołdy © gustav

"A mogłech siedzieć w doma" ;D

Przełęcz Okraj © gustav


Już w Czechach © gustav

Zaczyno sie fajnie... ;)

Pikne drogi © gustav

Som zjazd bardzo długi, ale tyż łagodny. Obok drogi rzeczka, wszędzie lasy iglaste (chyba ;P), asfalt bombon. No gitara!

Prawie jak Alpy? ;) © gustav


Domki, rzeczki © gustav


Pec cyntrum ;) © gustav


Pec cd © gustav

Sooo... można rzec z samego cyntrum zaczyno se główny podjazd. Ściana tako, że od razu uruchamiom gear 34x28 czyli 1/1. I to trwo i trwo kolejne kilkaset metrów. Fota jedna, kiero w ogóle nie oddowo tego zabójczego nachylynio. Zrobić foto z telefonu to był w ogóle cud! Asfalt roz równy, roz połatany. Dużo rynien, jak na tym foto. Ruch znikomy.

Już na ścianie © gustav

Kajś po środku jest yno jedyn króciutki zjaździk, może z 200m. Idzie odpocząć, ale jo jada dalij. A im dalij, tym na pewno nie łatwij ;) W pewnym momyncie próbuje wyprzedzić mie auto, a że je mega-wąsko, no to musza se zatrzimać. Auto stanyło w miejscu i chyba po 10s rolowanio i polynio sprzęgła, ruszo mozolnie do góry ;D Jo zaś tyż mom problym ruszyć, wiadomo: 400% nachylynio i pedały spd.. ;) ale cudym se udowo! (je to na filmiku, jeszcze nie zapisanym).
Tu już fotka 100m od końca. Zaś trza było zlyźć z koła..

Weź pan... © gustav

Vyrovka - jo pacza w prawo i dalij idzie se wspinać, no to jedziem!

Vyrovka - jeszcze nie koniec © gustav


Jedziem dalej! © gustav

BAJECZNIE!!!!!

Jedziem wyżyj! © gustav


Na szczycie! © gustav


Pełno hołd ;) © gustav

Jedyn z lepszych widoków dnia..

Śnieżka w chmurach ojaaaa © gustav


Niby niziny © gustav


I am FastBack Custom © gustav

Ulalala

No to powrót © gustav


Rewelacyjnie! © gustav

Zjazd w 95% na hamulcach. Zapomij se rozpędzić. Niy ma szans. Przinajmij na szosie. Dociyrom na dół, do cyntrum, do... piekarnii :))
Powrót tyż tym samym śladym.

Tankowanie © gustav

Ledwo co zaczynom se ''wspinać'' na Okraj, odczuwom miękkość w tylnim kole... taaa. Jako że fest powoli ucieko luft, dopompowywuja yno i próbuja jechać. I to se udowo. Dojyżdżom do bazy, cudym bez ponownego pompowanio. Kolacjo, sauna, wymiana dętki - bo nie chce mi se kleić tyj obecnyj. Dobranoc w zasadzie. Co moga pedzieć o Modre Sedlo? Najbardzij dowalony podjazd, jaki jechołech w życiu. Prawie 7km mega ściany, z lekkim chwilowym zjazdym. Momentami 4km/h!! Na drugie miejsce spado zatym czesko Lysa Hora (piyrwszo góra, na kiero nie wjechołech, 2 lata tymu). Prawie 2km więcej asfaltu, ale bez takich nachyleń.

Taki tam skałki © gustav


Pokaż trasę GPS

Po miesiącu piyrwszy wpis dopiyro - wiync kolejny rekord hehehe. Zatym wybrołech se tydziyń urlopu w celu takim, żeby w końcu objechać pora hopek w Sudetach, tudzież Karkonoszach - toż to był jedyn z celów na tyn rok :> Chyba ze 2 lata tymu robiłech pyntla po kotlinie kłodzkiej. Tela mie tam widziano ;) Start zaplanowany w poniedziałek o ok. 2:00 w nocy, coby do celu przijechać za dnia. Wiadomo - prziczepa spowalnio fest, a i 2. połowa trasy to już góry... Wyjazd w dobrych warunkach pogodowych. Klasycznie na Racibórz, DK45 pod Kędzierzyn i na Nysa. Szło skrótym DW417 (-12km jakoś), ale tam jechać po tych zadupiach w nocy samymu to kuźwa prawie jak samobójstwo xD Już ok. 80km za mną i zaczyno se mżawka leciutko... Ale idzie jechać. Co było np. w Prudniku - nie pamiyntom :P W Nysie zakup wody na tankszteli.


W Otmuchowie nad jeziorkiym piyrwszo wiynkszo pauza na żarcie.



Potym to już warunki znacznie se pogorszyły :/ Kombinowanie z workami, bo ochraniaczy brak. Zafundowołech se niezło przeprawa...


Przed Kłodzkiym już zaczyły se najwiynksze podjazdy. A z prziczepką to już znacznie trudnij se wspinało. Cały zestaw jakoś 28kg.


No i roz dyszcz, roz mżawka, rzadko było sucho...


Od Kłodzka rozpoczynom eksploracja nowych dróg, gmin ;P W kontekście MRDP za rok - rozpoznanie terynu tutejszego jest ogromnym plusym :)



Owszem, jest dużo podjazdów, "płaskich wspinaczek", ale niy ma typowych ścian. Jak z prziczepą do se wjechać bez problymów, to na pusto tym bardzij ;)


Jo już od wielu godzin marzył o dotarciu do celu brrr...


Chyba ostatnio serpentyna przed Chełmskiem Śląskim uff..


W zasadzie ostatnie kilometry - ostatnio sztajfa. Wbijom jeszcze do sklepu po jedzynie na tyn dziyń, na kolacjo, na jutro na śniadanie..


Jarkowice - dojechołech do celu! Kufa, było hard, ale zaś dużo punktów zdobytych do doświadczynio :) Generalnie - musza ogarnyć ochrona stóp przed zimnym deszczym, jakiś rynkawiczki i w zasadzie cało garderoba mom skompletowano. Kurtka w kieryj jechołech - silvini mj248 - bardzo dobrze sie spisała :) Wbijom do pokoju - może być. Rozpakowanie, wrawy prysznic - tako sauna :)) jedzynie i spać. Jutro zaczynom zwiedzanie!


Pokaż trasę GPS