Coś sam wypado opisać dlo ogólnyj informacje hehe :>

Tak wiync tyn rok zaś był przełomowy i bardzij hardkorowy, niż poprzedni - co roku w zasadzie tak godom ^^ - no ale apetyt rośnie w miara pyndalowanio. Wracajonc do wpisu sylwestrowego z zeszłego roku, zrealizowołech wszystki cele, z wyj. udziału w BBT..

Bez fandzolynio, to sam by było tak:

Kilometry: 16671 (689h, śr. 24.2kmh)
 -Speed: 11900 (471h, śr. 25.3kmh)
 -MTB: 4749 (217h, śr. 21.9kmh)
 -Inksze koła: 22 (1h :D)

Gminy:
  +238 (407 >> 645)
  +9.6% (16.42% >> 26.02%)






Defekty w kołach:
 - w MTB chyba ze 2x pana dostołech

Best foto:

Bezapelacyjnie TOP ONE: Jaworzno...


I potym już inksze :P

























A jeśli chodzi o plany na rok 2015:

Tyn rok bydzie pod nazwom ''UltimateYear'' - czyli bydzie jeszcze bardzij hardkorowy pod kożdym wzglyndym, niż tyn 2014. Mom zamiar wyzwolić sie od ciongle trzimajoncyj sie mie obsesje, mom zamiar przeprowadzić taki ''operacje'', kiere spowodujom, że rok 2016 bydzie mioł yno jedyn cyl: pyndalowani rychtyk 4fun! :))

Tym razym szczegółowych planów niy byda sam szkryfloł - bydom one rozwijane w odpowiednim czasie :) A niech je ta atmosfera wyczekiwanio heheh.

...czyli ostatnio rajza w tymże roku 2014. Pomysł zaproponowoł luk85 z BSa, jo jeszcze napisoł na fejsie na dwóch rybnickich grupach rowerowych (w sumie przeszło 600 osób) ...iii AŻ DWIE osoby zgłosiły chynć!!! Systym rozdupczony! Ugodalimy se na Rudzie o 10.30.


Ekipa se powoli zbiyro © gustav

Niyyy, tyn typek na skłodaku niy jechoł z nami :D

Od lewyj: Carrefour, mojo szpetno morda, Paweł, Michał, Łukasz.

Yno i aż cztyrech! © gustav

Cel dzisiejszy: cało niybiesko pyntla dookoła zalywu. Jo jom ostatnio cało przejechoł pod koniec gimnazjum, w 2008r. :D


Zamarznyte jeziorko © gustav


Jakiś mostek © gustav


Choineczki © gustav

Tympo było iście ostrożne ^^ Jo jako że miołech zestaw SPD, to wiedziołech, że to bydzie kwestio czasu, aż na jakiyjś niyrówności sie wydupia na zol skuli niy wypiyncio pyndala :D
Tak sie tyż stało, ale yno roz heheheh.

Ale niy yno jo mioł okazje na total fail :>

Jest kurde moc! © gustav


Niebieskiyj pyntli teryny © gustav

Cało trasa zmarznyto na amyn, mie już rynce odpodały... skuli braku amortyzacje eeehhh.


Jadymy jadymy © gustav


Niy dzwoń tera, bo jada w Tour de France! © gustav


Zimowe scenerie © gustav


Pomidor hehe © gustav


Krejzole na tamie © gustav

Trip był zacny! Szkoda, że wiyncyj ludzi niy było. W Rybniku w takich warunkach pogodowych ciynżko na koło kogokolwiek wyciongnyć... Ale jutro tyż momy zrobić w tym składzie jaki noworoczny trip hehe.

Jak wszyscy wciepujom zimowe foty, to tyż co wciepna =) Jako, że dzisio sie ciut "ociypliło" - czyli kole -2st. - postanowiłech co popyndalować [w końcu...]. Ogólnie chciołbych oznajmić, że do 17kkm niy dobija w tym roku :( Jak jeszcze 2 dni tymu było -8st., wczorej -5st., to już pogodziłech se z tym, że dalszych rajz niy zrobia. W tyj tympyraturze robić 100-150km to widocznie jeszcze niy mojo liga. A przinajmij taki jeżdżynie na hama to już żodyn fun.

Żodyn.

Bo to wszystko bez tyn rewiyr 8-dniowy, kiery miołech w listopadzie. A potym jeszcze familijo w byzuch na tydziyń przijechała. No niy pojeździsz za pierona w tyn czos...

Dzisio do decathlonu i potym nad zalyw. Musiołech tyż oddać do reklamacje mojo xperia L, bo fotki wychodziły niyostre od jakigoś czasu... Beztoż te fotki zrobione starym, poczciwym canonym a580.


Kajś na ściyżce © gustav


Makro śniyg © gustav


Sztorm fest © gustav


Lodowisko.eu © gustav


Makro jeziorko © gustav


Nowe bryle z decathlonu © gustav


Kuwa, Slenderman! © gustav

Slender jak uwidzioł terminatora na kole, to ani myśloł zaatakować :D :D :D

Ogólnie ze 2h byłech dzisio na owym mrozie i kolejnyj godziny bych raczyj niy strzimoł. Miołech 2 pory zimowych fuzekli, adidasy noo i zima cholernie! Jo niy wiym, jak taki Mors je w stanie wytrzimać tam ze 200km w jeszcze wiynkszym mrozie, tyż w adidasach...

Ogólnie 3 takowe wyjazdy na miasto w tymże wpisie. Dzisio jak byłech, to masakrycznie dużo ludzi w okolicach rynku i bazyliki. Zrobiłech 40km, bo na wiyncyj już niy pozwoliło odmrożynie w szczewikach, mimo 2 por fuzekli zimowych! W sumie chciołech jechać dookoła zalywu ściyżkami, ale były one jeszcze mokre i jazda niy mioła jakoś synsu... Wiync se pyndalowołech wszyndzi i nikaj, tak rychtyk urlopowym tympym 4fun :P


Rybnicki rynek © gustav


Świycidełka © gustav


Przi bazylice © gustav

No na amyn. Amyn. No yno. Bo inakszy tego pedzieć niy idzie. Jako pogoda je - kożdy wiy, ale z takimi szatańskimi mocami jeszcze styczności niy miołech o!

No wiync prziszoł czos na chyba ostatnio wiynkszo rajza w tym roku, no bo 10' o tyj porze to je wryncz abstrakcjo. Wiatrym sie niy przejmowołech, ważne, że ciepło i ciepło i bez dyszczu, no i ciepło :)) Ale kurde jednak były wontpliwości, czy wyruszyć hehe. W zasadzie decyzjo zapadła wczorej po połedniu, jak byłech w markecie i w moim polu widzynio pojawiył se m.in. chlyb (ale niy krojony :P). Prziszłech du dom i wszystko trza było przigotować tak ale fest gipko - szkoda czasu. Jak zwykle zeszło mi to rychtyk gipko - przeszło 2h :D Przigotowołech 2 chlybki do żarcio na rajza i jeszcze jakiś rogale. 22:35 wyjechołech. Oczywiście jako, że lada dziyń miała być wilijo - zostołech przez domowników wyzwany od gupka, chorego etc. Piyrwszo koncepcjo to miało być bez Opole i Jasno Góra, ale to jechołech niy downo, wiync padło na Kraków. W nocy hajcung totalny! Kurde wiynkszo hopka, a jo se przegrzywoł! Na liczniku 8-9'! To sie nazywo BOMBON tympyratura:> Wioło masakrycznie fest ze zachodu. Jo se jechoł na lajcie i średnio 28. Dojechołech do Zatoru, krótko pauza na jedzyni i stwierdziłech: tak nadupczo tyn wiater, że lepij wracać 80km pod wiater, niż 120km. No nic, jechołech nazot. Ale po 2km zaś stwierdziłech, że tyn wiater niy ma [jeszcze] taki tragiczny. I co? Jeżeh już blisko Krakowa i mom ciulać nazot? Hehehe i zaś jechołech na 'destynejszyn' :P


Momynt rezygnacje © gustav

Do granic Krakowa dojechołech jakoś w 5h. I dalij hajcung...

24 grudzień Kraków - tympyratura w nocy © gustav

I jechołech wg znaków na cyntrum. Potym te znaki se kajś potraciły, abo jo przeoczył. I dostołech se na zakopianka (równoległo droga do tyj, co przijechołech hehe). Na tankszteli musiołech ogarnyć lokalizacja. Zamiast na północ, to na południe pyndalowołech. No. Potym jechołech na rynek. O ile tam trefiłech, to nazot, na droga dw780 już był problym! Istny labirynt, masa podobnych uliczek. A że jo sformatowoł fona i niy wgrołech gps'a... wiadomo. Pozostało se pytać taksówkorzy :>


Speed & Kościół © gustav


Jo & Kościół © gustav

No i jak zaczłech jechać nazot (czyli cały pobyt w owym mieście zajył kole 2h...), na wschód, to se zaczyła katorga. Wiater ani myśloł zmiynić kategoria na lżejszo hehe. No normalnie pryndkość na prostyj 15-20. I do tego jeszcze multum hopek. Kurde mogłech w Zatorze jednak jechać nazot... Do Oświęcimia doczołgołech se po wschodzie słońca.


W tymże mieście zakupiłech woda i 7 bananów.

Suche wody, krojone banany © gustav

Wiater jak wioł, tak wioł. A dopiyro połowa katorgi przejechane.. Mało tego - od Brzeszczy jeszcze mocnij wioł. 12-15 na prostyj. Czad. Jo już z tekstami: Yno na tela cie stać? :D :D Ale powoli se jechołech, bo cóż inkszego mogłech zrobić? Chocioż czułech se, jakbych w normalnych warunkach jechoł 30km/h. A jakbych chcioł prziśpieszyć, to dużym nakładym sił jechołbych hmm 2-3km/h gipcji. Niy kalało se to mi. Równo pod chata cołki czos jechołech pod sztorm. Jakiś 130km wyszło. Idzie pedzieć - rekord :> Przijechołech o 12:50. Czyli dobre 7h drogi powrotnyj. Niy wyplompany (banany, chyb i koksy robiom swoje jednak), ale zleksza ospały, no i w kolanach czuć ta rajza. Jakbych tyj rajzy niy zrobił, to już mógbych na bank zapomnieć o 17kkm, a tak jak pogoda bydzie ok, to se dokończy plan hehe.

Pokaż trasę GPS

I fajer po wsze czasy...
Tympyratura gryfno, sztorm trzimie dalij... A 17kkm już tak blisko. Bo 17 lepij brzmi, jak 16 abo 18. Nostympny levyl to je dopiyro magiczne 20 :)) Ewentualnie 19, ale to tak zleksza pod siara podchodzi hehehe

Eny kłeszczyns? :> żeby niy było - owo tympyraturka ''w ciyniu'' :P

Idzie wiosna © gustav


Pusto chata © gustav


Jakiś tam pola © gustav

By niy zaś tyn sztorm z połednia i ciymne (pewno dyszczowe) chmury, to jakoś traska wiynkszo by wpodła.

Byłech dzisio w końcu zrobić taki gyneralny serwis Speed'a. Roz na 20000km trza :P Głównie to konkretne wycentrowani kółek, regulacja pyndali i inksze drobne regulacje :)

Czyli spontaniczny wypad ze ślimokami na hopki, hołdy, kiympki. Jak zwoł tak zwoł. No. Ogólnie jeszcze wczoraj miołech plany, żeby dzisio pyknyć ze 150km, no ale jedyn ślimok mi napisoł smsa, że jedzie do drugigo ślimoka, no to żeh se chamsko dołonczył do tripu. Musieli strzimać moji towarzystwo. Z góry chciołbych przeprosić, że pod sklepami musieli czekać, aż wpierdziela żymły, banany, woda i dodatkowo sie ubiera do porzondku moji 80-warstwowe wdzianko. Ale po kolei hehe. Ogólnie od ostatnigo tripu miołech uwalone koło cołki. Kurde wczoraj se niy zmotywowołech na pucowani, wiync zostoło dzisiej. No bo przi niedzieli jeździć zmazanym kołym? Niy bardzo. Tak wiync dzisio fest z rana, jak ludzie przeszli kole mojij chaty do kościoła na mszo na 6 rano, wylozłech na dwór i czyściłech koło. Chciołech piyrw karczerym, ale monyj bych domowników tyż obudził abo co... Szmatka i jechane. Potym ryż, szykowani se i o 8.15 wyjazd na zbiórka do Kęt na 11:30. 5' na trasie, pyndalowało se elegancko. Wiater już ustoł w zasadzie, niy to co 2 dni tymu. Przijechołech na miejsce przed czasym (i tyż przed Funiym :D sie zawsze guzdro na tym kole). A na ławce już se opoloł Karel. I jego #glancpuccycuc nowo szosa!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! Kajś po 10min przijechoł... wiadomo kto.

Ekipa, co niy chce przijechać do Rybnika © gustav


Rynek w Kętach © gustav

I potym do sklypu po wyngle (banany, żymły ajs ti) i zaro prosto na Żar. Po drodze słuchołech jednego ślimoka, co godoł drugimu ślimokowi, że jak mo szosa już, to mo koniecznie startować w Tour de Rajcza Road Trophy i inkszych vueltach. Mniejwiyncyj do tego momyntu na foto:

Już na kiympce © gustav

...tymat zostoł zmiyniony na m.in. fejsbukowe, bajkstatowe pierdoły. Jo yno słuchoł. A już mi to wypominali, czamu nic niy godom.

#wciszyrodzisiemoc :D :D

Jakby Funio był faroszym, to swoje msze by musioł odprawiać we Watykanie. Chop mo godane fest. Chocioż czy by we Watykanie stykło placu dlo tych wszystkich ludzi? :> Z resztom jak niy Watykan, to jeszcze przeca som znane wszystkim pola w terynie zabudowanym w Jaworznie.

Zabudowanym??

Podjazd na wiyrch bez problymów.

Karelinio w akcji © gustav


Se pyndalujom © gustav

Chocioż podziwiom Karela, że wjechoł na 34-25. Niby nowo kaseta, ale na hopki średnio chyba :>


By było - na wiyrchu © gustav


Sie wdupił w kadr © gustav


"Kuźwa, czamu sie tak na mie gapi?" © gustav


Speed piyrwszy roz w śniygu! © gustav


Taki hajcung, taki © gustav


Że niby joooo © gustav

Po degustacji śniygu - jego nanostruktury, słit fociach i ogólnych zjebkach (przi ludziach..) - trza było zwijać se. Zjazd o dziwo w ciepłyj atmosferze. Mom na myśli wysoko tympyratura 8-9', a niy nasze dialogi :D

Po drodze zebralimy kompana od Karela i jechalimy na jakoś mało hopka. 30km kurde lekkigo podjazdu, żeby potym bez 1km mieć jakoś ścianka...

Jakoś przełyncz © gustav

I w dół. I do San Andrychowa. Po wyngle. I już du dom. Wiedziołech, że przidzie jakiś deszczyk z zachodu, a mimo to dołech se namówić na odcinek z Funiym prawie pod El Jaworznorado. A czamu aż tak naokoło? Bo zajembisto pogoda i szansa na ostatni 300km w tym roku o! Po drodze jeszcze dociepołech fuzekla do buta, bo zima se robiło. I ogólnie jechało se konkretnie okej. W Chełmku ostatni tankowani w żabce, pożegnani se i kożdy w swojo strona. 175km i zaczyło powoli kropić... 200km to już w zasadzie mały dyszczyk. I tak aż do Żor. Na tankszteli kupiłech woda z lodówki, bo takij niy z lodówki niy było. A pić trzeba. Żić, szłapy - all przemoczone. Ochraniacz doł rada tyż tak do Żor - potym już miołech powoli basyn w szczewiku. Ogólnie wiślankom, czy nawet jeszcze pryndzyj na dwupasie DK44 - jechołech czynsto prawie środkiym pasa (bo bardzij sucho i brak np. kolein), a mimo to kierowcy niy sprawiali "problymów". Widzieli boroka w dyszczu na kole, to omijali hehe. Już w Rybniku zaczyło brakować mocy, ale mimo 3 bananów w zanadrzu - niy jodłech ich. Trza było zapierniczać, żeby sie grzoć jakoś. Zima już mi było od stóp do pasa, ale co zrobić... 
O 20 w doma.

Straty:
- 1 banan
- niebiesko opaska odblaskowo

Skutki dyszczu © gustav


Wszystko upierd***** © gustav

Ale tympyraturka niy schodziła poniżyj 5'! Hyc momy w grudniu :)) No i tera to moga rychtyk wyglancować moji koło!

Pokaż trasę GPS

Zaś seteczka po okolicy, czyli do Żor >> Mikołowa >> Gliwic i du dom :> Dzisio pogoda czadowo: wiosynno tympyraturka + jesiynno wichura hehe. Drogi mokre z rana, ale co zrobić, jak trza kilometry kryncić - musiołech se pogodzić z tym, że zaś trza bydzie koło wyglancować na połysk.


Trocha uwalone ehh © gustav

Wioło fest mocno z południa, wiync do Mikołowa fajnie zapierniczołech.

A sam zajembisto sytuacjo - cało wiślanka mo długość 67km, a yno sam w Łaziskach na odcinku 900m je zakaz dlo rowerów...
Czym tyn odcinek se różni od cołkiyj reszty? Jo niy mom pojyncio.

Wiślanka w Łaziskach G © gustav

Dojechołech do Gliwic, średnio 28 coś. Podjechołech na tanksztela odwiydzić znajomego, prawie godzina zeszło. No i trza było trocha popić, niy ma co hehe.


Pauza & tankowani © gustav

No i uwaga:

Tympyraturka 12 grudnia © gustav

Taki dialog nt. pogody:
-u nos 10', a w Suwałkach zaś na pewno mrozy
-no ja, tam to zawsze nojzimnij je
-to pewno przez tyn ruski luft
-na bank ruski luft. i choy.

:D:D

Noo a w drodze do Rybnika katorga. Direkt pod ta południowo wichura. Średnio 20km/h. Na prostyj 25 - świynto. Ale se doczołgołech...
Żymła i snickers pozwolyły na przijechani bez wyplompanio hehehe


Ooo i jeszcze zachód © gustav