Ostatni etap - najdłuższy, z nadal mocnym wiatrym (kiery ogólnie niy pomagoł...), z najzimniejszom tympyraturkom. W jednym słowie - HARDy!
Pobudka, pakowanie, niykończonce se rozmowy z gospodorzami przi śniodaniu ;] Ale trza było wyjechać, no niy ma lekko. Aura tako, że niy chce se w ogóle na dwór wyłazić... Wioło mocno direkt z kierunku mojigo domu, czyli z południowego-wschodu. Ale bardzij tak jednak ze wschodu hmm. Wiync trasa została naszkryflano tak, aby niy pyndalować pod tyn wiatr cyntralnie, obrołech wariant na Wrocław i potym Opole. DK11 w ogóle niy wchodziła w gra, mimo że to była najkrótszo opcja. A za to tyż na Wrocław wpadnie pora nowych gmin heh. Jeszcze roz chciołbych podziynkować Remikowi i jego żonie za możliwość przenocowanio i ogólnie za miłe przijyncie :)

Przymiarki do szosy ;] © gustav


Sztyjc korki © gustav

Wyjazd z Poznania moge być, bez tragedii.

Gryfne asfalty © gustav

Ale w okolicach Żabna jakoś, aż do Grabianowa, spokojnie na odcinku 5km taki bajer... Na budowie dróg se niy znom, ale wysypanie takigo... ciulstwa, to jest... aaah niy ma co godać. Pojedyncze odcinki były ciut utwardzone, a reszta jak na foto.

Ale bywało i tragicznie © gustav

Droga na Śrem - na tym odcinku odczuwołech najmocniejszy wiatr, cyntralny wmordowind, na prostyj 22-24km/h... Dopiyro od jakoś Dolsku na Gostyń - tam był taki odcinek na zachód - odpolyłech przełożyni 50/11 (!!!) i uzyskołech Vmax całego Tour'u - 57km/h. Zjazd niy jakoś fest nachylony, a szło se rozkulać ;]
Tymczasym po zakupach :P

Powrót chleba krojonego po dwóch latach! © gustav


Jakieś zjazdy © gustav


Elegancko se jechało. Jeszcze © gustav


Mega-wiatr! © gustav

W Rawiczu na tankszteli postanowiłech otworzyć prezynt :)) Fest dobre to było!

Full taca nudli w prezyncie :)) © gustav


Wbijom na S5, yyy znaczy na DK5 © gustav

A DK5 hmm tak jak DK11 (głównie Poznań - Koszalin) - te główne drogi tranzytowe jednak na prziszłość byda omijoł. Może bez niedziela tam je mniyjszy ruch, ale teraz było niykomfortowo. Ale chocioż czułech se jak naturalny fotoradar - w synsie - kożdy na mój widok musioł zwolniać hehe. A im bliżyj Trzebnicy, tym bardzij pod góra. Jedyn podjazd tam jest remontowany, wiync na liniach poziomych som poustawiane pachołki. W pewnym momyncie dogonił mie tir, a za nim zaplecze aut. I nie umieli mie wyprzedzić skuli tych pachołków. A mie naroz tela mocy przibyło, że podjyżdżołech prawie 30km/h lol ;D Tu już foto z samyj góry:

Wrocław widoczny z Trzebnicy/okolic © gustav

Poszukołech jakigoś spożywczego, tradycyjnie w dużym mieście średnio w dół ;> I jazda na Opole. I jak to w nocy bywo - przeważnie wiatr słabnie i tak tyż było tym razym ;] Szło se niyźle kulać, chocioż już chłodno se robiło...

Wrocław rynek © gustav

Do Opola dojechołech bez kryzysów, w miara fajnym tympym. Wbiłech do całodobowego po woda, 2 żymły i rogala. Stoł tam taki - jak som twierdził - bezdomny. I co mie zawsze w takij sytuacji wku***o - co chwila mie prosił o to, żebych mu kupił piwo. Gościu niy chcioł ciepłyj herbaty, czy jakigoś napoju, nawet jedzynio. Yno piwo to był jedyny priorytet. I sztyjc narzekoł, jaki to życie je złe... I jak tu być empatycznym?

Opole most © gustav

Natomiast droga do Raciborza, a przinajmij jij drugo połowa - źle byda wspominoł. Tympyratura już 4-5st., jedzyni zimne, picie zimne, stopy mocno schłodzone - musiołech mieć 2 pary fuzekli ale i tak specjalnie to niy pomogło... Miołech yno krótkie rynkawiczki, ale jak jechołech niyzłym tympym, to niy było o dziwo czuć zimna... 10km od Raciborza to już mega zimno katorga w szczewikach, ale przetrzimołech jakoś i wbiłech na piyrwszo tanksztela w tym mieście, żeby se ogrzoć i co pojeść. 1 zymła mi została, ale zmrożono beeee! Paluszki se kupiłech.

Śniadanie na tankszteli w Raciborzu © gustav

Zimno woda z bidonów wylołech i nalołech tyj cieplejszyj i w droga. W sumie prawie godzina se siedziołech w tym ciepełku ehehe... Już poniżyj 4st. A jo postanowił jechać w miara gipko, na dużym obcionżyniu, coby sie grzoć. Te ostatnie 23km przejechołech w prawie godzina brutto i zima mi niy było, ale pod domym...

Najniższo tympyratura od 2100km ehh © gustav

Ostatnio tako tympyraturka była w środku lata na naszym Tour de Tatry ;D

+14 gmin. W sumie już 900! I tym etapym ustanowiłech nowy rekord dystansu rocznego, a do końca roku jeszcze momy ponad 2,5msc ;) 20kkm byłoby fajnie rychtyk, zobaczymy czy pogoda pozwoli.
Pokaż trasę GPS
So... jest to coś piyknego, kiedy jedziesz kajś [dalij], odwiydzosz osoby znane ci z forum/z bikestats, oni w jakiś sposób ci pomogajom, oferujom nocleg, jakiś jedzyni, tak po prostu. Bez tych osób cało ta rajza byłaby... niczym w zasadzie, yno pustym nabijaniym kilometrów. A tak oto powstała kolejno historia, kolejne wspomniynia i to w 100%... GRYFNE! :))

Dziynki Wszystkim za wszystko!

Wczesnym popołudniym rundka na wschód Poznania celym zdobycio dwóch gmin. Niystety, to była katorga. Kaj se niy zejrzysz - tam plac budowy yyhh.. Dodatkowo był silny wschodni wiatr.

Istno tragedia © gustav


Ruły i te sprawy © gustav


Jakoś nowo gmina zarozki © gustav


A oto ścieżka rowerowo © gustav

Zrobiyni 20km jakoś zajyło mi dobre 1,5h... potym na cyntrum popyndalować. Remik wracoł na kole rzecz jasno z roboty, no to w tych koreczkach elegancko w strona mieszkanio na obiod.


Z Remikiem © gustav


Korki... znosz te pojynci na kole? Lewy pas i gaz! ;] © gustav

A po obiedzie wypad na miasto pozwiedzać to i owo ;]
Tu relacja od rmk


Jakiś zameczek © gustav


Dróżki na rynku © gustav


Ceglasto galeria handlowo © gustav


Kolejno galeria handlowo © gustav


Stok narciarski w środku Polski ;] © gustav

Objechalimy znane poznańskie jeziorko, dowiedziołech se, że w tymże mieście budowano jest kolejno, 10. już galeria handlowo [ponoć najwiynkszo w Polsce...], pytani dlo władz miasta, inwestorów i innych ważnych "krawaciarzy" - na co to komu?

Po powrocie bych padoł uroczysto kolacja, a w zasadzie niykończonce se hamburgery ;> na kieryj pojawiył se tyż kolejny BSowicz - Jurek

Tak wiync czas kulać se w strona południa. Wstołech, poszłech do sklepu i kupiłech żymły i kołoczki na śniadanie, bo wyjontkowo niy chciało mi se już warzyć nudli. Fanie było, gdyby niy ochłodzynie na dniach, to z 1-2 dni monyj bych jeszcze zostoł.

Sam żeh nocowoł © gustav

Pensjonat Adelante - moga jak najbardzij polecić kożdymu, kto se wybiyro do tego zacnego miasta i niy potrzebuje wanny z hydromasażym, 50-cio calowego TV i szefa kuchni przi lodówce ;]

A z rana pełno mgieł i ok. 13st.

Kaj tam Ślonsk © gustav


Wiatraczki © gustav

3km zjazdu po gmina eheh...

Mielno... se jeździło ^^ © gustav

W zasadzie jechać po linijce chocioż kilometr to było niymożliwe

Fest pagórkowaty teryn! © gustav


Kto by pomyśloł © gustav


I do góry bez pola © gustav


I taki widoczki © gustav

I kajś przed Szczecinkiem podziwołech se do zadku iii... kaj je mojo lampka??? Normalnie cały korpus dioda+baterie mi wywaliło... Od lutego miołech ta lampka - dziury, kostki i git trzimało. A wywaliło na równym asfalcie... No nic, dojechołech do Szczecinka i wbiłech do napotkanego rowerowego po nowo lampka, kupiłech za 10zł.
Potym do spożywczego zatankować i jazda dalij. Prawie co wyjechołech z samego cyntrum iii... jeeeeeb!

Walnyto szprycha po roz piyrwszy w życiu © gustav

I dupło na równym asfalcie hmm... 60kkm jakoś już za życia przejechane i i jo se doczekołech. Bych padoł - ch***wo ale stabilnie, abo szczyńści w niyszczyńściu, gdyż kilometr w strona cyntrum był serwis rowerowy. A co jakby ta szprycha dupła 10km dalij? o.0
Wymiynili mi to od razu, chocioż mogłech se to som naprawić, ale czy to wypado? ;] 20zł zapłaciłech i jazda dalij. W końcu. Ogólnie w tym mieście straciłech prawie 1,5h :/ Na prziszłość, jak byda kupowoł/skłodoł kółka, to z takim mocowaniym szprych do piasty, jak w poprzednich Aksiumach, bo teraz szprycha dupła od strony kasety i trza było jom ściepać, aby wymiynić.. a kto wozi klucz 24 bodajże i ta tako łańcuchowo blokada na kaseta?

Do pewności obkleiłech taśmom nowo lampka xD Jak na 10zł, to świyci extra. Ciekawe, ile wytrzimie.

I nowo lampka © gustav

Szczecinek to je takie miasto "graniczne" jeśli chodzi o profil terynu. Do niego jechołech pagórkami, a od niego na Poznań zauważalnie fest dużo prostych odcinków jest.
Niy wiym, skond wioł wiatr, ale na pewno niy z południa. Bardzij z zachodu, ewentualnie północnego zachodu. Jechało se okej. Średnio ponad 28 łoooł!

Obwodnica Piły bodajże © gustav


Ostatni tankowanie © gustav

Kajś w okolicach miasta Rogoźno z naprzeciwka wyjechoł mi Remik - kolejny BSowicz, kierego miołech zaszczyt poznać ;] I tak oto już spokojniejszym bardzij tympym udalimy se w strona jego mieszkania, kaj mogłech przenocować.
Dziwne to, że on pyndalujonc w mojo strona twierdził, że jechoł z wiatrym, bo średnio mioł jakoś 33km/h...

Tym razym nic niy kupowołech hehe © gustav

+20 gmin Pokaż trasę GPS

Dzisiejszego dnia postanowiłech zrobić rundka po okolicy celym zebranio kilku gmin - żeby w tym terynie było symbolicznie ciut zielono :)) Nazbiyrało se w sumie ich 6. Pogoda bombon, yno mocny wiatr z zachodu i nawet trocha z południa...

DW105 z Gryfic © gustav


DK6 jeszcze fajno © gustav

...bo potym pobocze było zleksza zedrzyte...

Chyba xtnt mie uprzedzoł o tym... rzep uwalony

I stała se rzecz tragiczno! © gustav

Potym jeszcze wbiłech do Białogardu po miejsko gmina hehe. A do Kołobrzegu wróciłech o zachodzie.

Zachód i koło © gustav


Zachód i statek © gustav


Panoramka na falochronie © gustav

Pokaż trasę GPS

A na kolacjo...

Top szef warzy nudle © gustav

I meczyk ;D

Derby Madrytu ;] © gustav

So... jutro wyjazd już bliżyj domu... Bo prognozy niyoptimistyczne, tzn. znaczne ochłodzynie i jakiś przelotne deszcze na południu już yhm.

Zarombisto pogoda trwo w nojlepsze ;] Dzisiej po 2 latach zaś odwiydza morze nasze gryfne Bałtyckie. No chyba, że ta przestrzyń wodno przi Trójmieście to niy ma rychtyk morze, a zatoka...

Jakiś pierdoły w TV ;] © gustav


Typowe śniadani © gustav

Ogólnie całe piyntro yno dlo mnie! Tak wyglondoł mój apartamynt:

Gryfno izba © gustav


Izba gryfno © gustav

Za 35zeta za doba momy wszystko, co potrzeba. Ogólnie mojo izba była z ''widokiym'' na morze; szkoda yno, że do tego morza niy było 200m, a 1700m ;D

Za to do samego portu było ze 4,5km

Latarnia morsko © gustav

Tym statkiym płynyłech, jak tu byłech na wycieczce szkolnyj w 3. klasie podstawówki.

Statek Pirat © gustav

A z tego statku miołech model do posklejanio, kiery już se rozpieprzył w połowie sklejanio... ;D

Statek Viking © gustav


Na Falochronie © gustav


I zaś jakoś latarnia © gustav


Ptoki na Continentalach ^^ © gustav

Łikend, w słońcu dobre 30st. i tak to potym je ;]

Ludzi pierońsko dużo © gustav


Jakiś wystawy © gustav


Ze czijści stopnia było, panie © gustav


Fast ent Baltic © gustav


Taki wypoczynek © gustav

Ogólnie fest relaksacyjnie po tymże mieście, kupiłech w rowerowym nowe bloki...

Wykończone bloki i nowe © gustav

Obudziłech se, rundka na cyntrum do Galaxy co pokupić, co pojejść... za 10zeta taki jedzonko;]

Obiod w realu © gustav


Galaxy w środku © gustav

Po powrocie do schroniska pakowanie, inne pierdoły i wyjazd, równo o 13. Pogoda od wyjazdu z domu aż do dzisiej bajeczno! Praktycznie kożdego dnia niebo wyczyszczone!
Przeprawa bez cyntrum jakoś se udała niyźle, a potym to już na 3 pasach w jedna strona do granic miasta ze średniom ponad 30 ;] W końcu wiater niy przeszkadzoł, w końcu szło poczuć fun!

Wyjazd ze Szczecina © gustav


Ścieżka aż do Stargardu © gustav


To tyż jest ścieżka! © gustav

W Stargardzie jednak trza było wspomóc se gps-ym, ogólnie dużo ścieżek tam było, średnia spadała i w ogóle.. ;]
Ale zaś na DK20 dźwigłech tympo. Wiater nadal pomagoł, pyndalowało se gryfnie!

Tu już na DW.

Kajś na polach © gustav

Małe tankowanie, m.in. pizzunia

Dlo odmiany ;) © gustav

#pojodbyś

To kaj je drugie pół?? © gustav

Po wykresie na mapie widać, że środkowy przedział etapu to najwiynksze hopki - i tak tyż było.

Standardowe widoczki © gustav

No a na prostych ogiyyyń! Tyn wiatr rychtyk musioł wioć z południowego-zachodu. No bo jak inaczyj wytłumaczyć, że jada se na lajcie na prostyj 35, średnio pod 30...

Ponad 30 to niy był problym © gustav

Ostatnie 40km to w zasadzie jazda w dół hehe No normalnie jechołech prawie czasówka, widać pizza dodała mocy fest ;>

2 lata tymu przejechołech cało szósteczka z prziczepkom, cały zestaw to było 30kg, teraz yno jakoś 17kg :)

2013's memories © gustav

Mega nastrój aura zafundowała... ;]

Wiatraki o zachodzie © gustav


Mgły już o tyj porze © gustav


Drzewka o zachodzie © gustav

9st. było po dojechaniu do Kołobrzegu, czyli niynajgorzyj. W ośrodku/pensjonacie zameldowołech se niyco po 19:30. Czyli etap obrócony w 6,5h brutto, no niyźle :)

+10 gmin
Pokaż trasę GPS

W tym dniu Lenek zaproponowoł krótki szpil po niymieckich asfaltach, wiync nie było se co zastanowiać, yno wpieprzyłech 3 tony jedzynio, naszykowołech koło i reszta pierdół i o 15:20 czekołech na niego u wrot schroniska na monte cassino.
Tu od razu relacja Lenka: klikej

Wiyncyj ludzi se niy dało skołować, no bywo. A w Szczecinie trocha tych BSowiczów przeca je. Niy to co w Rybniku...

Czekomy na zielone © gustav

Tyn góral wożył tela, co mojo szosa... I to na tym sprzyncie Lenek postanowił jechać w ta trasa dzisiejszo. No a karbonowy Focus na pełnym Redzie.. mmm :>
Trzi cytryny... znaczy maszyny © gustav

Jazda po tych niymieckich płytach to po prostu coś niysamowitego! Wibracje jakiś? Nic z tych rzeczy. A co ciekawe - som ułożone na/przi polu, tak po prostu.. ;]

Płyty równe jak stół © gustav

Ale tradycyjnie w tych miasteczkach kostka zamiast asfaltu...

Jadymy do Locknitz © gustav

...beztoż po prostu musiołech przetestować te mtb! Tyn Giant, a mój Giant - to jak Isostar a zwykło kranówka..

Na tym sprzyncie - bajkaaaa © gustav

..ale kuźwa porównanie :D :D Niy no - jak w moim wymiynia opony ze semi-slicków na jakiś tyż terynowe, to bydzie już lepij hehe


Zachodnie asfalty © gustav

I kajś już w tym mniyjwiyncyj momyncie pojawiył se problym, a mianowicie prawy szczewik niy chcioł se trzimać w pyndali... Wiync dokrynciłech fedra w pyndali na max, ale nic niy pomogło. Podziwołech se na blok i kurde niy wiym, co je grane. Jechać szło poprzez naciskanie tyj pyndali w dół, tak jak w np. adidasach. Ale niy szło już ciongnyć ku wiyrchu. I na jakijś drodze trefilimy jakoś ustawka hehe, no to za nimi. Poranoście km'ów z nimi aż do granic Szczecina. A potym Lenek mi pokozoł podjazd od jeziora chyba Głymbokie :P tak ze 2km o nachylyniu 6% To na tym podjeździe trynujom zazwyczaj okoliczni siłacze ;] Wiync i my se podjechali, jo tak bardzij "na czas". Kiedy już chyba dojechołech na som szczyt, to se oblykłech (po zachodzie to trocha już zima), bo Lenek se na lajcie podjyżdżoł, ale jak przijechoł ku mie to padoł, że tyn podjazd se jeszcze niy skończył... ;D Chyba jeszcze ze 300m asfaltu było do pokonanio hehe


Napotkano grupa bikerów © gustav

Naturalnie trocha szpanu na tle aut w cyntrum.. ;>

Wspólne foto © gustav

No i poszukać jakijś miejscówki, coby pojejść co dobrego. Niby najwiynkszo porcja, a joo... po zjedzyniu jeszcze bych co pojod :((

We fast-foodzie © gustav

Rajza fest udano:) spod tego fast-fooda kożdy w swojo strona. A siedzioł tam taki gość bezdomny, wiync coś z nim pogodołech. A tyn jak se rozgodoł, to niy było końca - normalnie kabareciorz!!  Ogólnie kiedyś był wojskowym, wiync padoł pora historyjek. A to, jak jechoł czołgiym i moździerzym rozdupczył brama :D A to, jak schowoł z kompanami ze 20 akumulatorów do auta i wywiózł na wieś sprzedać za skrzinki z napojami %%... No normalnie jo tam zejscany był, polyw na maxa :D Chcioł jaki piniondz na jedzyni, to dołech mu 5zeta. Na co rychtyk przeznaczył? Niy wiym, ale za te historie mu se należało :>


A to już typowy posiłek w schronisku ;D © gustav

...bo talyrzy niy było ;>

U Michussa tego dnia mieli pojawić się goście z rodziny na pora dni, wiync mi było dane zmiynić nocleg - udołech sie do schroniska młodzieżowego. 3 noclegi u tegoż mega-zakrynconego rowerzysty to i tak wiyncyj, niż zakłodołech, beztoż dziynki wielkie za ugoszczynie ;] Wyjechalimy rankiym po 7yj, po drodze jeszcze do jego ulubionyj cukierni, celym zakupu kołoczków, żymł, krepli - jednego dostołech nawet gratis - no bo jo je "w dalekij rajzie" :))

Przejście nad DK10 © gustav


Mglisty poranek © gustav


Mglisto cd © gustav


Wszystko zakryte © gustav


Moji koło ehm © gustav


Ponownie Trasa Zamkowa © gustav


Słońce powoli wychodzi © gustav


Kilku wyndkorzy tam było © gustav


Who we are and why we are here... © gustav


Gryfno lampka © gustav


Ławka end koło © gustav

Tyn pokój był wolny yno, jak żeh se tam wprowadził... Poszłech se na spacer po cyntrum, a kiedy wróciłech - to już se tam aklimatyzowoł jakiś duńczyk. Potym wbił se studynt polityki z Niymiec. A na koniec jeszcze jakiś krejzol z Anglie... :D Kufa ale towarzystwo heh. Ale szło se dogodać jakoś. Pytali, czy kajś trynuja kolarstwo, a jo, że se jeżdża dlo siebie pod 1200km. Bez spanio of kors. Szczyny im opadły, zresztom mało kto w ogóle mo mie za normalnego hehe. Tyn typ z Niymiec usnył w trybie: plecy na łóżku, a szłapy na podłodze :D jo go próbowoł obudzić, to niy szło, dopiyro Anglik go obudził kajś po przeszło godzinie, jak mu prawie ryknył do ucha heheheh
Pokój w schronisku © gustav

Rano ponownie samotno rajza z racji tego, że Michuss pracuje w te dni akurat niystety 12h. Wybrołech se po 3 okoliczne gminy, a przi okazji pojawiyła sie piyrwszo w życiu okazjo na przetestowanie tych zachwalanych fest niymieckich asfaltów.
Piyrwszo gmina w zasadzie jakoś 2km od mieszkanio, w las.. ;D

Do lasu po gmina hehe © gustav

A potym nawrót w strona granicy, bocznymi i DK10.

Trza było przemyć kieta ;] © gustav


Szczecin z daleka © gustav


Cieplutko ;] © gustav

Lubieszyn:

Nowo ultra-gmina do kolekcje ^^ © gustav


Trasa bez Grambow, Krackow, Tantow...

Jakiś tam koło © gustav


Nimieckie ścieżki © gustav


Kontrastowo © gustav


Wiatraczki © gustav


Chciałoby se wbić na autobahn © gustav

Dało se zauważyć - ich asfalt mo, bynajmij na tym odcinku - inkszo struktura, jest po prostu gładszy.

Gryfnie, szwarnie! © gustav

Zjedzyni tego chleba zajyło mi dokładnie 4,7km :D

Gdy głód czujesz... ;D © gustav


No i na wiadukcie w PL już © gustav


Polskie ścieżki tyż OK © gustav

Wieczorym ponownie z Michussym wypad na cyntrum ;]

Popatrz uważnie :P © gustav


Urząd Miasta © gustav


Jakiś pomnik © gustav


Deptak przi Odrze © gustav


Bajeczno Trasa Zamkowa © gustav

A wiyncyj opisu u BSowego towarzysza tukej ;]

Z rana wypad w północne rejony tyj giga-aglomeracje - plan był do Nowego Warpna... Jazda bez Szczecin hmm jak to w dupnym mieście - niyco kłopotliwo, ale ujdzie ;> Bynajmij z Prawobrzeża (tak se to chyba nazywo hehe) na cyntrum se zajembiście popylo na szosie ze średniom ~40km/h, mimo że obok ścieżka. No ale 3 pasy w jedna strona.. grzech niy skorzystać ;D

Z wiaduktu © gustav


Jakiś ponton © gustav


Stocznia Szczecin © gustav

Z cyntrum Szczecina do Polic - najbardzij nachylony podjazd dotychczas ;]

Tam było z 10%! © gustav


Kościółek jakiś © gustav


Bez miasteczka © gustav


Nowe Warpno taaa © gustav

Kiedy gryfny asfalt zamiynio se w taki kostki... Byłech jakiś 10km od N.W., ale na tym niy szło po prostu jechać! Ujechołech poboczym - po trowie, piosku, gruzie - ze 300m i miołech doś. I zrezygnowołech... Chocioż gmina jest do kolekcje hehe

I koniec rajzy © gustav

Ale w Trzebieży było najbliżyj do zalywu ;]

Trzebieżowe płoty © gustav


Jakiś łódki © gustav


I czorno perła © gustav


Jacht za milJon dolcuf © gustav


W otchłań zalywu © gustav


Bikestatsowo © gustav

A potym do znajomych na byzuch do Polic, niymniyj jednak najważniejsze było uzupełniynie wyngli hehe

Nudle, czyli wyngle © gustav

A nastympnie Szczecin o zachodzie...

Niy wiym, co to je © gustav


Taki nowoczesny skatepark ;] © gustav


Prawie jak w Casino Los Angeles © gustav


Szczeciński gigant © gustav



Cyntrum se buduje © gustav


Galaxy Szczecin © gustav


Tramwaje, ronda © gustav

I tu ważno i ciekawo rzecz - żodyn niy wiy, kaj je rychtyk cyntrum w tymże mieście :> Bo wyznacznikiym cyntrum je przeważnie rynek, a tu go niy ma hyhy


Kajś w cyntrum © gustav


Kaskada Szczecin © gustav


Ksiynżyc i DK10 © gustav

No i powrót na miyszkanie, Michuss powrócił z roboty i wraz z współlokatorym, udalimy se na jeziorko Miedwie ;]

Lemon Stettin Cycling Team © gustav


Michuss fotograf © gustav


Pełnia nawalo ostro © gustav


I lampiony jakiś ;] © gustav


Bikestats Team - to je to! © gustav

Tyż już było kole 6-7st. ale szło przeżyć. Michuss chyba odporny na zimno, jo już niy bardzo... ;D
Jego relacja tukej ;]