blog rowerowy

informacje

baton rowerowy bikestats.pl

Znajomi

wszyscy znajomi(95)

wykres roczny

Wykres roczny blog rowerowy gustav.bikestats.pl

linki

Wpisy archiwalne w miesiącu

Luty, 2015

Dystans całkowity:1128.27 km (w terenie 0.00 km; 0.00%)
Czas w ruchu:52:44
Średnia prędkość:21.40 km/h
Maksymalna prędkość:24.00 km/h
Liczba aktywności:19
Średnio na aktywność:59.38 km i 2h 46m
Więcej statystyk

Jaworzno... rok późniij ;]

Sobota, 28 lutego 2015 Kategoria a) Szłapy rozgrzote [100-199km]
Km: 167.48 Km teren: 0.00 Czas: 07:03 km/h: 23.76
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Kolejno rajza z cyklu "superspontan" :D Wczoraj wieczorym obmyślołech jako trasa, żeby wykonać plan optimum, czyli 2200km w sumie. Padło na mekka ślonskigo kolarstwa, tak gynał mniejwiyncyj w rocznica. Co se dzioło rok tymu - sam lukać :DD

250g nudli i wyjazd o 10. Pogoda cacy, jak na ostatni dziyń lutego.

Na wiślance
Na wiślance © gustav

Kajś przed Jaworznym
Kajś przed Jaworznym © gustav

Dobrze, że obok szła równoległo droga... W przeciwnym razie strudzyni pielgrzymi na kołach musieliby robić 30km objazdu do tegoż że miasta.
Zakazy se zaczynajom
Zakazy se zaczynajom © gustav

Taaaa.. ^^
Jaworzno wita!
Jaworzno wita! © gustav

Jeździć w tym mieście na kole to je katorga. Drugi Bełchatów - wszyndzi ścieżki. Lepsze, gorsze... Kole McDonadla zadzwoniłech do Funia, kiery se wybiyroł do roboty. Ugodalimy se na chwila kole tego ronda od licytacji z WOŚPu :> Teroz one se nazywo "rondo baniek mydlanych" Ale droga na miejsce spotkanio to istny hmm tor przeszkód o! :D Piyrw stołech 3-4min na skrziżowaniu w oczekiwaniu na zielone. Yno że jak na przejściu dlo pieszych zapolyło se zielone, to jo dalij mioł czerwone na tym przejeździe dlo rowerzystów.. Potym nastymnpne przejści. Ale już yno dlo pieszych. Ścieżka se kajś straciła.. I zaś ze 3 min zeszło. Wnerwiłech se. Do pewności odpolyłech gpsa. Jechołech bez jakiś ubite dróżki, błota, dżungle, aż w końcu trefiłech na asfalt. Wtedy to już jakoś szło. A wszystko równolegle do drogi DK79, jakiś 15m od nij hłe hłe. Bo na nij je zakaz dlo rowerzystów. Bez całe Jaworzno. Znalozłech Funia, kiery sympatycznie truchtoł do roboty z taszom na ramiyniu od Hello Kitty. Gadu gadu - spytołech se CO IDZIE ZWIYDZIĆ W JAWORZNIE? Dostołech odp.: jakiś kamieniołom w jakijś geosferze czy cuś hehe. Coś trza zwiydzić, niy ma to tamto ;] 

Rondo baniek mydlanych
Rondo baniek mydlanych © gustav

Jaworzno - miasto kaj niy ma lekko
Jaworzno - miasto kaj niy ma lekko © gustav

Za tom kiympkom na skrziżowaniu jakiś punto 1.0 stowo kole mie, a to Funio we środku hehe Godo mi, że cały czas prosto.

Jo jeszcze małe tankowani - 4 żymły wpierniczyłech, a jaki dobre! i tani!

Zajembiste żymły!
Zajembiste żymły! © gustav

Jaworzno - miasto, kaj musisz mieć koło!
Jaworzno - miasto, kaj musisz mieć koło! © gustav

Jechołech sztyjc prosto, na rondzie prosto. I dalij nic. Popytołech ludzi - nazot. Na rondzie cza było zjechać.
No i dojechołech. Droga se skończyła, zostoł yno offroad. Noo te miejsce dupy niy urywo :D Chyba że Funio mioł co inkszego na myśli, może pora takich miejscówek LEPSZYCH jeszcze je kaj?

Że niby dojechołech do celu?
Że niby dojechołech do celu? © gustav

Zakaz! no niy wjada tam
Zakaz! no niy wjada tam © gustav

Jakiś kamieniołom?
Jakiś kamieniołom? © gustav

Jaworzno - miasto kaj zakopujom czołgi
Jaworzno - miasto kaj zakopujom czołgi © gustav

No nic, jechołech nazot, na cyntrum zaś.

Panorama Jaworzna
Panorama Jaworzna © gustav

Jaworzno - miasto kaj rośliny som zamazane
Jaworzno - miasto kaj rośliny som zamazane © gustav

No i w cyntrum
No i w cyntrum © gustav

Odpolyłech zaś gpsa i kierowołech se na Pszczyna, żeby była gryfno pyntelka. Pogoda dalij bombon, lekki wiater. Ogólnie super se krynciło - szłapy podowały elegancko. Widocznie 4 żymły to je dobry wyngiel hehe. W Pszczynie jeszcze zjodłech 2 kołoczki i wody dolołech. Dojechołech du dom i dalij był power - taki dystans na takim zestawie jedzynio - idzie ku dobrymu :) Jedyne, co mie bolało, to mojo żić.. Ale jak siedzisz na takij desce, to tak to je potym.

Tyj drogi na kamieniołom niy umia ogarnyć :DD

Inakszy ;]

Piątek, 27 lutego 2015
Km: 60.52 Km teren: 0.00 Czas: 02:55 km/h: 20.75
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
A czamu inakszy? Bo żeh dźwignył lynksztanga o jakiś 3-4cm ku wiyrchu przi okazji regulacji i smarowanio tych zajembistych, klasycznych sterów.. ^^ Piyrwszy, ewentualnie drugi roz (se jakoś niy umia spomnieć kiedy jeszcze ostatnio) od trzech lot istniynio tegoż że koła :P
Ogólnie to trocha te koło żeh dzisio przeonaczył karczerym i wd-40, beztoż niy bydzie gańby pyndalować bez rybnicki rynek :D

To je fota załadowano direkt bez BS:


A to je zlinkowano z PBS:
Jadymy z tym koksym!
Jadymy z tym koksym! © gustav

Jakiś różnice?

No i obowionzkowo - musiołech se karnyć celym przetestowanio :> Ogólnie jakoś tak bardzij turystycznie żeh se czuł, ale w sumie spoko :) Yno musza jeszcze ciut ciut poluzowć te stery, bo lekki opór wyczuwom :> Jak jo by sam wonaczył amory na ahead'ach... Zaro +800 do dizajnu.


Wyjechołech dzisio po 20, przijechołech nazot 3 dni tymu po 17 :D :D Czasorozpierd***tor normalnie heheh


2k

Środa, 25 lutego 2015
Km: 55.85 Km teren: 0.00 Czas: 02:37 km/h: 21.34
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Czyli kilometrażowy plan minimum na piyrwsze 2 miesionce wykonany. Dzisio sentymentalno pyntelka bez Szymocice i Rudy :) Wioło trocha z NW, ale szło se kulać jakoś :P Spotkanych rowerzystów w ilości: 1szt. Ostatni 20km już coroz mocnij kropiło, beztoż np. 100km to już niy było w opcji.

Droga do Szymocic
Droga do Szymocic © gustav

Droga do Szymocic
Droga do Szymocic © gustav

Zgłosić do kuchynnych rewolucji hehe
Zgłosić do kuchynnych rewolucji hehe © gustav

Ruiny twierdzy Ryszarda Lwie Serce
Ruiny twierdzy Ryszarda Lwie Serce © gustav

No i we środku
No i we środku © gustav

Ostatni tryning przed dzisiejszym meczym Champions League :>
Miga Liszczów
Miga Liszczów © gustav

Miga Liszczów
Miga Liszczów © gustav

Tera se pomyślcie - pełno takich chat na kilometrze kwadratowym...
Domowo elektrownia
Domowo elektrownia © gustav

Relaxx

Wtorek, 24 lutego 2015
Km: 36.88 Km teren: 0.00 Czas: 02:03 km/h: 17.99
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze

Relaxx

Poniedziałek, 23 lutego 2015
Km: 50.34 Km teren: 0.00 Czas: 02:55 km/h: 17.26
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Tradycyjnie, urlopowym tympym po okolicy :> Po tyj górskij rajzie coś mie boli w plecach, i kolano jeszcze trocha... 
Na dniach tyn most zostanie otwarty, bo jeszcze jakiś techniczne pierdoły trza popodpisywać... ;] z 8msc go przerobiali heheh
Ogólnie dzisio już fest ciepło, jak na koniec lutego :)

Nowy most Rybnik
Nowy most Rybnik © gustav

Noo może być hehe
Noo może być hehe © gustav

Trzi cytryny :>

Sobota, 21 lutego 2015 Kategoria b) Zaczynomy party [200-299km]
Km: 211.10 Km teren: 0.00 Czas: 09:02 km/h: 23.37
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Wczoraj kole 22 siedziołech se przi lapku na googlemaps i se na ni dziwołech. I dziwołech. I dziwołech. I se myślołech, kaj by w ta słoneczno sobota popyndalować. Pszczyna o! Abo w sumie kaj pod Brzeszcze. Kurde dyć zaro poblisku jo Kocierz, może tam? :> Ja! Tako górsko pyntelka. Popisołech smsy komu szło i yno Karelowi spasowało. Jakubiszon by se tyż mono pisoł, yno szoł na jakoś próba, jakiś alkohol, niy wiym, niy wnikom.
Wyjechołech o 9. Pogoda bombon! Prognozowali silny wiater z połednia, a tu nic, bezwietrznie idzie pedzieć :) Niy przypuszczołech, że na tym mtb jeszcze kiedykolwiek byda robił trasa kole 200km hehe. Ostatni roz to było na Jasno Góra w październiku 2012 :D No ale co zrobić, jak to tera je jedyne koło, co mom. Kilometry trza dupać, niy ma lekko. Pyndalowało se elegancko, do San Andrychowa dojechołech w 3h, ze średniom 26 coś. Tam już przi sklepie czekoł andrychowski wojownik :> Jo jeszcze zatankowoł woda, 2 żymły i 3 banany. I prosto na Kocierz.

Przed Kętami
Przed Kętami © gustav

Po drodze spotkalimy Jakubiszona... 15min dialogUF o dupie maryny.. :P I potym jechoł kajś tam..
Jakubiszon se przipałyntoł
Jakubiszon se przipałyntoł © gustav

Hopki przed nami
Hopki przed nami © gustav

Jadymy na Kocierz
Jadymy na Kocierz © gustav

Na podjeździe
Na podjeździe © gustav

Jakiś widoczek
Jakiś widoczek © gustav

Już prawie prawie
Już prawie prawie © gustav

Karel w akcji
Karel w akcji © gustav

Ogólnie fest źle mi se podjyżdżało. Czamu? Może przez brak spd? Może niy miołech dnia, ale tyż hajcung fest był, leciało zy mie choby było ze 30st.

Jakiś piesek
Jakiś piesek © gustav

Widoki na niziny
Widoki na niziny © gustav

Hotel Royal
Hotel Royal © gustav

Narty, dupoloty
Narty, dupoloty © gustav

Że niby wieś
Że niby wieś © gustav

Już na zjeździe
Już na zjeździe © gustav

I potym decyzjo, że jadymy na Żar :)

Zapora w Tresnej
Zapora w Tresnej © gustav

Końcówka podjazdu na Żar
Końcówka podjazdu na Żar © gustav

Już na wiyrchu samo chlapaka i śniyg. Na som szczyt droga zasypano. Na ta hopka już mi se lepij podjyżdżało jakoś.

Dalij niy jadymy
Dalij niy jadymy © gustav

Ale wioło niysamowicie z południa! Huragan jakiś, fest zimny. Na zjeździe mie przistopowało do 25/h, kaj normalnie se jedzie 40+.
Na dole już ciut cieplij, ale trza było wlyź na przistanek, żeby se oblyc.

Sztorm fest!
Sztorm fest! © gustav

I potym już w strona B-B przez Przegibek. Karel jechoł zy mnom aż na szczyt i potym se wracoł. Ogólnie jeśli chodzi o podjazdy, to przegrołech z nim 0:3 hehe Na ściankach zawsze byłech słaby :/

Pożegnani na Przegibku
Pożegnani na Przegibku © gustav

Elegancyjne!
Elegancyjne! © gustav

Na zjeździe wbiłech do sklepu po 3 żymły (kiere zaro zjodłech, bo już powoli był głód), 4 banany i woda. Prziszoł do mie jakiś ciul po 20gr. Bo niy mioł na piwo... No kurfa mać, takigo to bez pysk szczelić i tela. Ta sprzedawczyni tyz wku****no na niego fest była. Zamontowołech lampka, mp3 i w droga. Z BB do Jaworza dalij fest wioło z boku, momyntami jechołech pod kontym :D Ale jak już zjechołech na droga na Strumień, to od razu średnio poszła na wiyrch :) Aż do Żor z wiatrym. Ale w Strumieniu tyn wiater już osłob, w Żorach to już ledwo wioło. Niystety, coś mie bolało w prawym kolanie od wewnontrz (jakiś miynsiyń abo co) i musiołech pyndalować w miara ostrożnie :/ Ale przijechołech du dom niy głodny, niy wyplompany, picia stykło mi na knap :D Szłapy rychtyk gryfnie podowały aż do końca. Jest jakiś progres myśla :) średnio jak na te koło i hopki, to fajno :)

Bikemap niy działo, jak powiniyn. GPSies niy pokazuje wzniesiyń. Widać yno podjazd na Przegibek....




W byzuch

Piątek, 20 lutego 2015
Km: 67.25 Km teren: 0.00 Czas: 03:10 km/h: 21.24
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Do Żernicy, a potym po Rybniku. Co do Speed'a - przebywo już w serwisie. Rama tyż je pynknyto przi główce... I lemondka skrziwiono zleksza. We wtorek mo se pojawić rzeczoznawca. 

Dookoła zalywu

Wtorek, 17 lutego 2015
Km: 39.70 Km teren: 0.00 Czas: 02:10 km/h: 18.32
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
...bo już downo tyj pyntli niy jechołech. Po drodze do serwisu uzgodnić termin prześwietlynio Speeda ;) Czyli w czwortek. Ogólnie dziwnie se dzisio pyndalowało, jakoś tak za fest ostrożnie..

Zno ktoś jakoś alternatywa dlo photobikestats? Bo denerwuje mie to, że po wciepaniu sam na bloga fotek, som one w pogorszonyj jakości..

Kajś na ścieżce
Kajś na ścieżce © gustav

Stodoły stawy
Stodoły stawy © gustav

Panorama na zaporze
Panorama na zaporze © gustav


Taki fajne ujyncie :> © gustav

North Coast
North Coast © gustav

Życie przi elektrowni
Życie przi elektrowni © gustav

Rybnik Plaza
Rybnik Plaza © gustav

Wypadek... Zaktualizowane

Niedziela, 15 lutego 2015 Kategoria a) Szłapy rozgrzote [100-199km]
Km: 192.30 Km teren: 0.00 Czas: 07:24 km/h: 25.99
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: Haibike Speed RC Aktywność: Jazda na rowerze
Plany były piykne - odwiydzić Remika z Poznania i potym extra odwiydzić znajomych w Kołobrzegu. Taki zimowy super spontan nad morze. No ale... Godzina przed  15. W miejscowości Ostrzeszów na dk11 na skrziżowaniu gościu ponoć mie nie widzioł i wymusił pierwszeństwo.. Mimo, że niy jechołech gipko, to niy było szans wyhamować. Wbiłech se w bok auta i salto na plecy..  nic mie nie bolało, teraz dopiyro trocha plecy. Ludzi se trocha zeszło, policja tyż naturalne. Sprawa wyjaśniono, ida do ubezpieczalni. Niestety stan roweru - uszkodzony. Widelec pynknyty, kółko przedni rozcentrowane i niykere nyple uwalone. No i inne odrapania. Teroz nocuja w hotelu, no i jutro du dom. Smutek. Wkur***nie. Długo czekołech na możliwość wyjazdu tego typu, kajś dalij na pora dni..

Gminy nowe? Może kilka. Zaktualizuja jutro z fotkami. Typmyratury od -6 rano do 8-11. Na postoju w słońcu 16.

AKTUALIZACJO: +3 nowe gminy... Sprawa już zgłoszono w ubezpieczalni, ciekawe wiela czasu to potrwo... Tera byda skozany na mtb, czyli powrót do przeszłości.

Obiecane fotki:

Mimo owyj tympyraturki pyndalowało se okej, nawet czasym na podjazdach se przegrzywołech. Doświadczynie z październikowyj rajzy do Łodzi se przidało :)
Wschód i -6st
Wschód i -6st © gustav

Extremum lonts
Extremum lonts © gustav

Taki widoczki
Taki widoczki © gustav

Odbicie w brylach
Odbicie w brylach © gustav

No..
I prosto do celu
I prosto do celu © gustav

Jedna z wiynkszych hopek
Jedna z wiynkszych hopek © gustav

Wietrzynie rynkawic
Wietrzynie rynkawic © gustav

A jednak hehe
A jednak hehe © gustav

Tu nojlepsze: w TV był yno jedyn kanał, kiery na dodatek był kontrolowany przez kogoś, kto mioł dekoder w innyj izbie..
Nudy jak... dobrze, że wifi było
Nudy jak... dobrze, że wifi było © gustav

Dyszcz, mrozy, upały, wyplompanie, kontuzje, synność, inne kryzysy. Zawsze dojechołech do wyznaczonego celu. Nawet dekle z bidonów wydupiło.
Piyrwszo niyukończono rajza :(
Piyrwszo niyukończono rajza :( © gustav

W drodze powrotnyj na A1 - bonus
W drodze powrotnyj na A1 - bonus © gustav


Zakupy

Sobota, 14 lutego 2015
Km: 11.93 Km teren: 0.00 Czas: 00:35 km/h: 20.45
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
+ niyprzyjymne spotkani kostki brukowyj i prawyj czyńści mojij łepy.. Zdradziecko, mało pozostałość po odwilży.. Rogi i zic obdarte. Na szczyńści mojo nowo kurtka jest okej. Noo i zy mnom tyż okej.

kategorie bloga

Moje rowery

Addict Blue 14656 km
Gravel Custom 5416 km
MTB Interceptor 5747 km
City Cadillac 1700 km
Avaine 8824 km
Giant TCR Advanced 2186 km
Custom 2.0 Essential 8839 km
FastBack 5.8 Custom 41880 km
XC Custom Evolution 18260 km
MTB Custom 15323 km
Haibike Speed RC 21452 km
Unibike Mirage 7536 km

szukaj

archiwum


Statystyki zbiorcze na stronę