Niezniszczalny game'owy klasyk!


Trza było jakoś dobitnie zakończyć tyn mizernie kilometrowo maj, wiync że niedziela miała być zajefajnie pogodowo, no to ugodołech se z Panym Tomkiym, czyli xtnt, na jakiś niydalekie hopki :) Ugodalimy se na 8:00 w cyntrum podgórskigo biznesu, kasyn i salonów krewetek dr Oetkera, czyli w Kęty'ucky. Wyjechołech se o 4:45, ale pogoda do krycyno była fajno już, mimo tympyraturki 7-8'.

Na poczontek - zdiynci z dupy xD © gustav


Wschód na rondzie © gustav


Poranne mgiyłki, ale jedzie se przijymnie fest! © gustav


Obwodnica Pszczyny © gustav


Wzdłóż hopek ;] © gustav


Rzeka Soła - mało pauza © gustav


Prosto na Kęty'ucky © gustav

Przijyżdżom na rynek, a tam już Tom czekoł. Byłech jakoś o 7:40, czyli ani 3h brutto. Ponoć czekoł już doś długo :D co idzie poczytać u niego we wpisie. Pogodalimy no i trza było wymiynić w jego bulls'ie kloce. No i tyż call do Karela - inne plany, i do Funia - "dopiyro wyjyżdżomy z Jaworzna"... my, czyli z Lamą ;]


Serwis kloców © gustav

I potym szukalimy jakigo sklypu, bo żeh mioł głód :(( ale że od 9 otwarte, a była z 8:20, to trza było wytrzimać... Całe jedzynie (a pojejś se lubia :P), co zjodłech przed wyjazdym, stykło na 4h, to je porażka! I jak tu na maratonach mom uzyskać dobry czas, jak sztyjc byda okupowoł biedronka abo inksze lewiatany?


W drodze na Żar © gustav


Na bocznyj dróżce © gustav


Porąbka - zapora © gustav


Na zaporze ;] © gustav


Tankowanie. Tradycyjnie © gustav

Musiołech wrąbać cało ta dupno bagietka, 2 banany i ze 2 żymły, żeby se optymalnie pojejś... Koniec na temat jedzynio. A niiiyyy - nojlepsze potym :D :D


Na żarowym podjeździe © gustav


Panda w zadku tyż dowo rada :D © gustav

Ogólnie podjazd na spokojnie bez spiny :))

Na wiyrchu :) © gustav


Dwa przecinaki © gustav


Widowisko i taki tam © gustav


No to kamerujymy! © gustav


I se polecioł w... kajś tam :D © gustav


Tyż bych tak chcioł © gustav

Info od Funiastego, że okupujom stacja na dole Żaru, wiync jadymy ku nim. Ogólnie filmik mom na kamerce m.in. ze spotkaniym jaworzańskich przybyszów, ale tyż i z rana i innych pierdół.

Na tym postoju 43 stopnie w słońcu :D A podczas jazdy kole 26-28.

Kaj jo mioł rozum z nimi jechać? © gustav


Działo tyn szajs czy niy hmm © gustav

Lama chcioł, żebych nauczył go kupować wyngle. To tyż nagrołech :D Ale w tym sklepie ogólnie "pieczywowo" lipa - żymły ceglaste, czyli wczorajsze... Nic, kupiłech 4 batony i woda. Od Funia dostołech reprymynda, żebych mówił po polsku, a niy godoł po ślonsku, bo chopina nic niy kapuje (a miyszko w cyntrum ślonska :P). Ale co jo poradza hehe. A potym bez kolejne 10km jechoł som z przodku, monyj se na mie obraził abo co... ;]


Eeejjj Lama, jak smakowało kakao ze śledziami? :D © gustav


I zaro se zacznom ścianki :) © gustav


Ikspres Łej 69. Szkoda, że zakaz © gustav


Aparat już goroł :D © gustav


Idealny odcinek na nagranie zjazdu! :)) © gustav


Xtnt w akcji © gustav

Ekipa z Jaworzna odjyżdżała na kożdyj hopce, X z racji super terenowych opon i trasy przeszło 200km 2 dni tymu - to logiczne, że zostowoł ze zadku, ale na prostych czy na zjazdach trzimoł równe tympo, za co należy se ogromny szacunek!!!

Dojechalimy na szczyt Koniakowa, ale szczyt szczytów to była wspinaczka po betonowych płytach pod som nadajnik xD Yno jo se tego podjył, ale było warto, bo widoczki na Tatry extra! Na foto niy widać niystety :/


Tako droga dojazdowo, 20% lekko © gustav


Panoramka! © gustav


Koniaków na samym wiyrchu! © gustav

Zjazd ku kamratom w blasku fleszy hehe także lukać na blogi owych towarzyszy :> I nastympnie zaczylimy szukać jakijś miejscówki,żeby se pojejś. Bo m.in. jo zaś mioł głód.. dopiyro za trzecim razym znaleźlimy jakoś w miara pusto restauracja na obrzeżach miejscowości, bo kaj indzij w cyntrum to pół godziny czekanio, jak niy wiyncyj. Miołech dylemat jako zamówić pizza.. 30 abo 40cm. Wiadomo - cało do mie :P zaryzykowołech i padło na 30-ka. W miyndzyczasie polynio ciasta z kyjzom i inkszymi dodatkami - oczywiście zjebki, testy trampoliny, karnyłech se na bioło-czerwonym Ridleju... kurna Funio 4cm wyższy ody mie, a rama mo jak na gościa wyższego o 20cm.. :D
Ogólnie na nawrocie to musiołech se zatrzimać i "manualnie" nakryncić hehe



Wszystki biołe - przipadek? © gustav


Ostatnio wieczerza :D © gustav

Zjodłech cało na lajcie + 1 kawałek innyj i że tak ujmia - ta pizza 40cm byłaby do ogarnycio :D Ciut po godz. 15 opuszczomy ta sympatyczno miejscówka i ruszomy pod ostatni podjazd Kubalonka. Na zjeździe na równym asfalcie wydupiło mi bidon i urwoł se plastik od zakrywanio ustnika ehh. Ekipa mi odjechała i czekali na mie dopiyro na skrziżowaniu przed Skoczowem heh. Ale zjazd masakra - wioł wmordowind. Bez cało Wisła z wiatrym przejyżdżo se na lajcie 45-50km/h, a dzisio ledwo 30 miołech. I już załamka, że du dom bydzie walka :/


Kubalonka ;] © gustav


Skoczów most © gustav

Na owym moście kożdy pojechoł w swojo strona, a jo mp3 odpolyłech i jazda. Ruch na wiślance duży, a co za tym idzie - jest znacznie bezpiecznij, bo auta niy majom se jak rozpyndzić. I co mie ucieszyło - wiatr już niy wioł z przodu, a bardzij z boku, z zachodu, a dodatkowo jak sznur aut przejyżdżoł obok mie, to praktycznie tego wiatru niy czułech, co za tym idzie - 27-30km/h było bez przerwy :))

DK81 tego dnia miodzio :) © gustav

Dopiyro od Żor na Rybnik jechołech direkt pod wiatr, ale to juz na spokojnie. Na cyntrum jeszcze na super-relaxx :)))))

#jaworznotegoniymo

#jakośgodzinkaseodpoczywołech


Czas se legnyć :P © gustav

Ogólnie było ok. 19-yj i zaś pojawioł se głód... :((((( 30cm pizza stykła na 4h. Ida se powiesić.

Just RELAXX! © gustav

4km podjazdów... taaa... 2 tydnie tymu do Gorlic ponad 10km podjazdów... Góra Żar całkiym pominiynto...tyn gpsies coś ciulo, bikemap je już ciulaty, a do stravy bych potrzebowoł powerbanka, kierego chyba w tym tydniu już zamówia.
Ale wypad kurde rychtyk superowy! Maj zakończony godnie :) chocioż zrobiłech 400km mynij, niż planowołech.

Pytanie dlo zaglondajoncych sam ludzi - kto w Boże Ciało jedzie na Lyso Hora? :))

Pokaż trasę GPS

Filmik zrobia na dniach ;]

Km'y z tegoż że tydnia :> Szału niy ma, ale jutro odbija po okolicznych hopkach hehe

Mało, fest mało ostatnio czasu na pyndalowanie. Jedyno nadzieja na nadgoniynie - niedziela. Ciekawe, jako pogoda bydzie. Ogólnie to żeh zauważył, że już przez wiele wiele ostatnich tydni sztyjc niysłabo yno wieje i wieje... Już niy pamiyntom, kiedy były ze 3 kolejne dni, w kierych rychtyk było praktycznie bezwietrznie.

Tryb oświetlynio: punktowy. Balans bieli: najciymniejszy. By Xperia L. Idzie se pobawić :]

Zachód na Żorskiej © gustav

Weekend jak i cołki tydziyń mizerne kilometrowo. Wczoraj dyszcz, dzisio już sucho, ale wiynkszo rajza odpadła z racji braku otwartych sklepów. Postanowiłech pyknyć gipki szpil na dystansie 100km, żeby w końcu sprawdzić swojo forma i możliwości nowego koła. Wyjazd po obiedzie...

Pojejś i jechać :D © gustav

Zjodłech ta porcja i tak szczerze - niy byłech rychtyk najedzony, może tak w 80%... Wiync wziyłech w trasa małe ciastka, tak asekuracyjnie jakby chycił głód hehe. Tympyraturka 15' i pochmurno, wiync w zasadzie idealne warunki na ostry tryning. Ale wioł doś ciulaty wiater z NE. Także do Gliwic pod wiatr, do Mikołowa pod wiatr. W Mikołowie na wjeździe już na wiślanka miołech średnio 29.17, czyli opcja minimum (29) wykonano. Ale już na Żory jechało se z wiatrym w zasadzie :) 18km potrzebowołech, żeby średnio wzrosła o 1km/h. Po wjechaniu do Rybnika, po jakoś 80km, wbiłech gipko na tanksztela po woda, bo pusto już prawie w "zbiornikach". Co je warte zanotowanio - przeważnie po tyli km'ach już mój żołondek prosi se o jedzynie, a dzisio? Nic z tych rzeczy! Wcale niy odczuwołech głodu wow :> Widać taki obiod bardzij trzimie, niz nudle abo ryż hehe. W zasadzie ostatnie 15km to był najbardzij płaski odcinek. Zrobiłech 3 pyntle na obwodnicy miyndzy rondami i po chwili padła setka. Czas na liczniku 3h 17min, ALE że naliczyłech dobre 18 postojów np. na skrziżowaniach, kożde nabiło na liczniku 3s + drugie tyle rekompensaty za wytracono pryndkość + ponowne rozpyndzanie, to tak najbardzij optymalny czas na te 100km to je 3h 15min, co dowo średnio 30.77 :) ewentualnie 3h 14min i średnio 30.93. 5min żeh dochodził do siebie, bo szłap niy było czuć i puls ze 80tyś :D 15' a jo parowoł hehe. Reszta km'ów już relaksacyjnie du dom i wtedy właśnie poczułech głód :D Ale ciastek niy jodłech. Nowy rekord na mtb pobity o te 5-6min. Teraz bych rychtyk musioł zrobić czasówka właśnie na obwodnicy, te 30 ileś praktycznie płaskich kółeczek i porównać do zeszłorocznego wyniku na Speed'zie, wtedy było 2h 56min.

Strava trocha tego czasu niyźle nabiła... A różnica 1,3km to w zasadzie mało.
Pokaż trasę GPS
Doniczki posadzili przi fontannie, architekty yebane... :D :D

Najdłuższe wideo w historii heheh aż 35min i to jeszcze po skrócyniu. W sumie prawie 4gb materiału, ładowane na YT od 3-ij w nocy do 9-yj rano :D Som zapis projektu do pliku wideo trwoł ze 3h. Mój laptop już se krynci dobre 17h heh aż dziwne, że jeszcze niy zgoroł :D :D
Także wideo je już wciepane do sobotnij relacje, ale umicie se je obejrzeć tyż sam tukej


Brać popkorn abo inksze żarci i se dziwać, jak se w ogóle komu bydzie chciało hehehe ;D

Km'y z cołkigo tydnia. Ogólnie pochmurno, deszczowo i tyż nawet w dobryj aurze niy byłoby czasu na wiynksze pyndalowani.

Filmik z Ustronia już dodołech do odpowiednigo wpisu :) Abo sam cyknij, to tyż se podziwosz :))

Tu, jak wracołech nowo odkrytym skrótym du dom. Ustawiani najkrótszyj trasy w GPSie w tako pogoda to jednak zło idea.. ;D

Trocha błota © gustav


DK78 na cyntrum © gustav


DK78 na Wodzisław © gustav

Z zeszłyj soboty... :>

Grill i szłapa © gustav


Mom nadzieja, że to niy nowo ambasada ZUSu © gustav

Kolejno seria gminobrania i jednocześnie jedna z dwóch najbardzij hardkorowych, jeśli chodzi o plan zielonego, gminnego monolitu :) Hardkorowo, a w zasadzie w stylu "welcome to hell" - bo rajza po roz piyrwszy poprowadzono wszerz całyj Małopolski! - czyli w zasadzie same hopki (czasym ścianki, a czasym płaskie proste). No a drugo, jeszcze bardzij piekielno rajza po gminy to bydzie do Krynicy, a tam to już niy som w zasadzie hopki, a rychtyk góry... No dobra, tyn weekend padło na Gorlice. Miołech jechać już tam tydziyń tymu z kamratym Pawłym, ale coś pogoda niy była za pewno i prziszłech z roboty ledwo żywy :/ Tera pogoda już była piykno! Obiecołech Pawłowi, że pojadymy do tych Gorlic kiedy indzij, ale mijajoncy tydziyń był tak zawalony jak nigdy, że nawet niy miołech czasu ogarnyć inkszyj rajzy po gminy, np Kalisz czy Łódź.. Bo opisywanie wszystkich miejscowości, rysowanie śladu i zapamiyntywanie w google streetview ważnych punktów trwo lekko 2h. A Gorlice miołech już ogarnyte z zeszłego tydnia, wiync niy było wyjścia. Paweł - pojadymy jeszcze roz :)

Tak wiync w piontek prziszłech z roboty po 18-yj i niy byłech specjalnie wyplompany - co było fest istotne. Biedronka, szykowani koła, inksze pierdoły, jedzynie i wyruszyłech dopiyro o 22:45. Jako, że do Gorlic wg mapy było jakiś 250km, to wyjazd o północy to było maksimum. Wiadomo, zdobywać gminy w nocy to je problym. Noc zapowiadali bezchmurno i kole 2-3 stopni. Jeszcze idzie strzimać.

Brzeszcze-Wadowice:


Krynciło se wybornie, a jak tympyraturka spadła poniżyj 6 stopni, to dopiyro oblykłech ochraniacze na szczewiki. Za Kalwarią miołech skryncić w mały skrót na Myślenice, ale skrynciłech chyba z 10km pryndzyj... bo poczontek tego skrótu wyglondoł identycznie, jak planowany na streetview i to mie zmyliło ehh skrziżowanie ze strumyczkiym, ciulato nawierzchnia, wonskie podjazdy... No nic, jechołech. I wjechołech na super hopka!


I chyba niy żałuja tego objazdu, bo widoki KAPITALNE!!! A normalnie to bych jechoł kajś z 150-200m niżyj i nici z widoków. Ogólnie tyn part jak i wiynkszość z tyj rajzy mom uwiecznione na kamerce, ale wideo dopiyro zmontuja na dniach, tak wiync cierpliwości :)

Potym super zjazd i wyjechołech kurde nie wiym... Mapa samochodowo + gps i wtedy dopiyro se kapłech, że jada objazdym :D 10km gratis heh...

Ale mimo pewnych trudności, dokulołech se na wojewódzko, kiero prowadziła do DK7.




Bajka bajka bajka bajka x1000 !!!!!!!!!!!!!!!!!!!!!!!!!!!!!!!!!!!!!


Zarozki po zjeździe z DK7 pojawiyło se Jezioro Dobczyckie, kaj seblykłech połowa lontów, bo już hajcung powoli se robił. Widoki takie, że se szło zesrać normalnie! A najlepsze było dopiyro przedy mnom :P


No i zarozki po małym striptizie zaczyła se super hopka :) I po nij co chwila zjazdy i podjazdy. A i tyż pojawiyły se momyntami proste odcinki. Mniejwiyncyj w okolicach Gdowa. Akurat wtedy trocha moji morale se podnosły, bo myślołech, że prostych w tych okolicach to nic niy bydzie hehe.





Ogólnie dzisio wiyncyj fotek, jak opisu :P Bo jednak na tych zdjynciach wszystko widać co i jak :)) A jak jeszcze dojdzie film, to klynkejcie narody :D







Jakbych jechoł do Gorlic bez cało DK28, to właśnie równolegle bych pyndalowoł w tych że góreczkach heheh...


...ale to mie bydzie czekać w czasie rajzy do wspomnianyj Krynicy. Bo ta rajza miała tyż na celu przetestowanie alternatywnego śladu na wschód Małopolski :)

A oto Dunajec :))


Piyrwszy znak, kaj ukozały se Gorlice. Tu tyż nasmarowołech kieta, bo coś sucho w napyndzie powoli było ;]

Zakryntasy :>


I uwaga - jedyn z najgryfniejszych partów tyjże rajzy!! Sekwyncja 10%, 9% i 9% na odcinku hmm góra 2km Coś piyknego, widoki z wiyrchu ooooooo...










Piyrwszo zdobyto gmina, na liczniku równe 240km... :D


I po poru km'ach z naprzeciwka wyjechoł górski Tytan, WujekG! I jazda w kierunku gorlickigo rynku i potym po kolejne gminy :) Fotek chyba właduja rekordowo ilość, bo je na co se dziwać :))







Jedna z pauz w sklepie. Wojtek to jest kolejny Gość, kiery praktycznie nic niy spożywo w trakcie krycynio, np w niydownym tripie na 400km na Węgry, zjod (o ile dobrze zapamiyntołech): 5 batoników, 1 sznita (kanapka), może coś tam jeszcze drobnostkowego... To jo mom jednak problym... Bo co zjodłech na tyj rajzie, to naszkryflom na koniec :P










No i wciepna tera fotki Wojtka, co mi przesłoł :) Trocha tego je... :>













Piyrwszo symboliczno gmina z Podkarpacia! W końcu!
















W końcu jakiś fotki gustava w akcji hehe bo rzadko mom fotografa w rajzie :)) Na wszystkich podjazdach Wojtek mi odjyżdżoł, co je normalne :D On + koło - 80kg; jo + [załadowane] koło - prawie 100kg! :D Ale niy ma wymówek hehe. I w gminie Szerzyny wbilimy do sklepu. Kupiłech se rożka i woda. Wojtek po chwili jechoł w swojo strona. Dziynki wielkie za towarzystwo! Jo wbił po jeszcze 2 rożki. Jedyn tyn som, a drugi jakiś inkszy. Dołech 5zł, a babka wydała mi 10gr.. no kurfa ile ten drugi rożek kosztowoł, jak tyn piyrwszy był za 95gr??? Ale za choya już niy szło zwrócić nazot... Bo tyn rożek jakiś firmowy, zagraniczny...

Ruszyłech schłodzony i wnerwiony zleksza dalij heh..

Kaj niy zajada, tam Jaworzno... :D


Na ściance ponad 10% na Zalasową (prawie bych na nij wydupił.. :D)  spotkołech rowerzysty, z kierym jechołech aż do Tuchowa. Spoko luźne kryncynie itd. Pozdrawiom go, po pewno bydzie czytoł (dołech linka na bloga hehe). W Tuchowie wbilimy do sklepu i se my pożegnali. Jo jeszcze jechoł zadupiami po ostatnio gmina Pleśna.






I na tym skrziżowaniu odpolyłech gpsa, celym zobaczynio, ile du dom km'ów...


Miało być 530km a wychodziło lekko 570... ojojoj... Wszystko by było cacy, gdyby niy direkt zachodni wiater... :/ Ale jak zachodziło słońce, to wiater trocha osłob, a w nocy już praktycznie niy odczuwalny. W drodze na Bochnia dużo prostych o dziwo. Ale już na Kraków sztyjc góra-dół-góra-dół...


Powiym tak: miynśnie okej. W kolanach było czuć. Ale fest wkurw**ła mie termika. W bluzie za ciepło, bez - chłodnawo. Rynkawiczki zwykłe - chłodnawo, polarowe - za ciepło. Co chwila przerwy ma dostosowywanie. I jeszcze niy miołech ochoty jejść już tych prawie suchych żymł, kołoczków... Ale najgorsze dopiyro było przedy mnom. Przed Oświęcimiem zaczyło padać... Galoty na dyszcz miołech, ochraniacze tyż, ale kurtki brak. Wlozłech na przistanek i czekołech z 20min co dalij. Jeszcze to był tyn momynt, jak mie fest zamulało z niydospania ehh. Wpychołech te ostatni resztki jedzynio, kawa w bidonie zmiyszołech ale po 2 łykach wylołech - fuuuuj! i po chwili przestoło padać, wiync bez namysłu jechołech dalij. I już niy padało wiyncyj. Dziynkowołech Niebiosom, bo jakby loło godzina, dwie, to jo je pokonany. A była kaj 3 w nocy. I tyż powoli zachodni wiater se uruchamioł. Z kożdom godzinom corozki mocniejszy. Cały czas kulołech se aż du dom ze średniom hmm kole 16-17km/h. TRAGEDIA! mimo, że cały czas tympyratura niy spadała poniżyj 10 stopni, to mi było jakoś zima. Przed Żorami zaś przejściowo lekko padało, ale yno pora minut. W drodze do Żor pora razy tyż zasnyłech na lynsztandze (3-5s), jechołech slalomym (roz to nawet walnyłbych w wyprzedzajonce mie auto...).


Dopiyro w drodze do Rybnika coś se polepszyło. Relacja oczywiście na filmiku jest. Doczołgołech se du dom o 8:00, niewiele pojodłech, jak usnyłech o 9:00, to stanyłlech po 19-yj. Po 2godz. zas mie zmuliło i społech do 7-yj rano. Taki żywot w tym świecie heh. Ale rajza udano jak najbardzij :) z wyjontkiym ostatnich 100km.

Zjodłech: chlyb 500g, 8 rogalików, 6-7 bananów, 3 rożki, 8-10 (niy pamiyntom) kołoczków, 5 żymł, 2 prince pola xxl, yyy coś zapomniołech? + wody zwykłe i smakowe :) 

+14 nowych gmin
- rekord dystansu na mtb pobity o 51km
- czas brutto 33h 20min
- czas bez spanio 50h...
- >500km po roz trzeci po robocie
- >500km po roz trzeci w ostatnich 30 dniach

Film jak napisołech - zrobia na dniach i tu zamieszcza, wiync wypatrywać sam co jakiś czas :)


Nowy rekord na MTB! © gustav

Pokaż trasę GPS

Miały być w sobota ultra-hopki, czyli Gorlice. Ale prziszłech z roboty (z nadgodzinami..) wyplompany i niy było opcji, żeby zaro direkt co zjeść, poszykować i wyruszyć. Bo trocha pospać i wyjechać tak fort po gminy kole już nawet 4 nad ranym to je za niyskoro. W jedna strona prawie 250km po hopkach i wszystki gminy trza zdobyć przed zachodym słońca, bo późnij po tych wszystkich wioskach sie idzie potracić już. Ale drugo opcja to było dzisio rano z Pawłym - rajza na Pradziada. Ugodalimy se o 4. Mie budzik obudził o 2:45 ale nacisłech drzymka na 15min. Przinajmij tak mi se zdowało. Zaro coś zaczło dzwonić, a to niy budzik, a Paweł z zapytaniym. że kaj jo je, bo już po 4.. No kurfa mać! Wszystki przigotowania trwałyby z godzina, wiync musiołech zrezygnować z Pradziada :/ I kulłech se dalij spać, no bo co.. Wstołech o 9 i nadupczało słońcym. Po chwili czorne chmury i zaś słońce. Kalejdoskop normalnie. Obejrzoełch pogoda i już cały dziyń miało niy padać. Zamontowołech kamerka na amora - nowo miejscówka :D Pojodłech, po koło i wyjechołech. Cyl - Równica. Nadupczało słońcym do 1. kilometra, a potym coroz bardzij cima na niebie... zaczło lekko kropić, w dodatku wiater fest mocny z NW. Wiync krynciłech se po mieście dobro godzina z nadziejom, że se ustabilizuje. No i przestało padać, a chmury, te czorne, mi uciekały w kierunku SE, czyli tam kaj jo direkt jechoł. Bo z NW już widać było dużo przejaśniyń.






No ale od Skoczowa drogi wszystki mokre! W dodatku zaczło wioć z południa, czyli ledwo 20km/h se kulołech. Potym wg gpsa szukołech podjazdu i już wiym, że som 2 drogi dojazdowe do jednego głównego podjazdu hehe Som podjazd poszoł sprawnie. Trzeba pedzieć ważno rzecz- wiele razy byłech w Ustroniu i dopiyro dzisio se wjechołech po roz piyrwszy na ta hopka :> Ale tak kostka brukowo z jednyj strony je wkurw**** :D







Zjazd już inkszom stronom, wiyncyj asfaltu ;] Potym do biedrony po wyngle i jazda na Cieszyn. W zasadzie cały czas już wioł fest mocny wiater z NW, czyli miołech z nim styczność aż do chaty... :/ Normalnie pierdolca szło dostać, za Jastrzymbiym odpuściłech walka o średnio co najmij 25, no niy szło. Zajembiste zjazdy i problym jechać >35km/h..





Mom fol filmików z odcinka Rybnik - Równica, ale najpryndzyj we wtorek co z tego ulepia :]

Pokaż trasę GPS