blog rowerowy

informacje

baton rowerowy bikestats.pl

Znajomi

wszyscy znajomi(95)

wykres roczny

Wykres roczny blog rowerowy gustav.bikestats.pl

linki

Wpisy archiwalne w miesiącu

Marzec, 2015

Dystans całkowity:2024.47 km (w terenie 0.00 km; 0.00%)
Czas w ruchu:90:17
Średnia prędkość:22.42 km/h
Maksymalna prędkość:70.00 km/h
Liczba aktywności:23
Średnio na aktywność:88.02 km i 3h 55m
Więcej statystyk

Taaaa...

Wtorek, 31 marca 2015
Km: 22.77 Km teren: 0.00 Czas: 01:04 km/h: 21.35
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Czas na zabawa z wymiarym sprawiedliwości. Nasze kochane ubezpieczalnie wiedzom, jak wk***ić ludzi.
Zanim siedna na szosa, to nastanie jesiyń... O ile sprawa wyjdzie na plus.

I ogólnie dzisio dostołech przesyłka z nowom oponom - ta, kiero reklamowołech. Od razu se lepij pyndaluje, jakoś tak ciszyj i ciut gipcij. Bo ta tymczasowo staro oponka miała zauważalnie wiynksze opory toczynio. Także wieczorkiym teścik na miasto :)



Noo a w tym aucie leżakujom stróże prawa - miejscy...



WOJNA TOTAL!

Poniedziałek, 30 marca 2015
Km: 57.28 Km teren: 0.00 Czas: 02:07 km/h: 27.06
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Cyl na dzisio, abo ewentualnie na jutro - 56km, żeby w tym marcu wyonaczyć 2kkm. Jako, że pogody ciulate zapowiadajom, a i dziyń dzisiejszy tyż mioł być ciulaty pogodowo, no to z racje, że trza chytać okazje - wyruszyłech w południe, kiedy [jeszcze] niy padało, baaa - nawet trocha słońca bez momynt w chmurach se pokozało o! Ale w tych szarościach to była rzadkość. Wioło z zachodu, jak skur... :D

No. Opcje były taki:
-zacznie padać i zawróca nazot
-zacznie padać i byda napie***loł aż do 56km :D
-bydzie pic jak cholera, czyli z wielkij chmury mały/zerowy dyszcz i zrobia na lajcie owe 56km
Jadymy na wojna!
Jadymy na wojna! © gustav

Po 8km zaczło kropić. A razym z silnym wiatrym zaczło mi trocha piździeć po łepie, mimo, że miołech kominiarka. Nic - seblykłech moji rynkawiczki polarowe i wkomponowołech je pod kominiarka. Pomogło.

Po 10km - bez zmian
Po 10km - bez zmian © gustav 

Po chwili przestało kropić i te chwile radochy trwały aż do cyntrum Żor. Potym to już niy kropiło, a normalnie padało. No i jechołech pod pieroński sztorm! Na 2 skrziżowaniach łapłech se tir-a, ale w sumie 1km yno ugrołech w "tunelu aero". W pewnym monyncie zaczło nadupczać śniegiym i gradym... Masakra jakoś, lonty przemoczone, w szczewikach powoli basynik se robił. A że było 6-7 stopni, to wiadomo, jak to wyniszczo organizm. Od razu na BP na chwilka se ogrzoć. Palce już zmrożone fest z braku rynkawiczek. Te w szczewikach jeszcze po japońsku - jako-tako hehe.. Prosza obsługa o 2 worki. Jedyn żeby zawinyć telefon, drugi pod kask. Dołbych jeszcze do szczewików, ale jak se niy mo galotów przeciwdyszczowych, a tym bardzij już je prawie basyn, to to nic niy do.

W sumie fajnie se ludzie na mie gapili hehe

Na tankszteli
Na tankszteli © gustav

Śniyg, grad
Śniyg, grad © gustav

Z "uśmiychym" na gymbie ruszyłech dalij. Władowołech se w ta prawie ulywa z nadziejom, że jakoś te ostatni 17km przepyndaluja "w gazie". Nic z tego - po 3km już niy czułech palców, zahamować to był wyczyn. Wbiłech na kolejno tanksztela i po poru minutach wyszło słońce... Wyciongłech rynkawiczki spod kominiarki i jazda dalij. 2km od domu brakowało mi jeszcze 7km, wiync ruszyłech na Radlin, specjalnie na 7/11% żeby cołki czos se dogrzywać. W cyntrum Radlina jak zaś ciulło gradym, to yno roz, a konkretnie. Aż dziwne, że w brylach szkiełka som w całości :D To je nojbardzij niynormalno 50-tka, jako zrobiłech w życiu. Ale wojna z deszczym wygrołech i rowerowy plan wykonany!

Po pół godzinie od przijazdu:
Zmiynno aura FEST!
Zmiynno aura FEST! © gustav

Potym zaś masa chmur. I tak w kółko dzisio.
Kawa abo tyj? I to i to :P + nutella i gorki chlyb tostowy hehehe Po takij rajzie trza :P
Smakowicie ;]
Smakowicie ;] © gustav

Te 6 zdiynć ładowołech dobre 20min :>

Relaxx

Niedziela, 29 marca 2015
Km: 67.30 Km teren: 0.00 Czas: 03:07 km/h: 21.59
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Sumina - Racibórz - Rudy - i po mieście ;] Doś tak wioło z SW, ale se kulołech hehe ostatnie kilometry w małym deszczyku.

Hołda tam dalekoo
Hołda tam dalekoo © gustav

Jakiś ślady na polu
Jakiś ślady na polu © gustav

Relaxx

Sobota, 28 marca 2015
Km: 34.75 Km teren: 0.00 Czas: 01:50 km/h: 18.95
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze

Rybniko-Marketo

Czwartek, 26 marca 2015
Km: 20.45 Km teren: 0.00 Czas: 01:05 km/h: 18.88
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
W cyntrum Rybnika przebudowa niydowno otwartego skrziżowanio... I pomyśleć, jacy debile robili tyn projekt. Pewno magistry inżyniery.. Zachciało im se wysepki spowalniajoncyj, żeby poprawić bezpieczyństwo, a w rezultacie autobusy musiały hamować do 3km/h, żeby niy uszkodzić podwozia...

http://www.rybnik.com.pl/fotogaleria,ruszyl-remont...

Noo i trwo budowa już CZWORTEGO lidla. Choy, że na przeciw już je tesco, 2km dalij aldi, 3km dalij biedronka, 4km dalij kolejno biedronka i zaś lidl...

Niedźwiedź... nigdy wiyncyj.

Wtorek, 24 marca 2015 Kategoria c) Gryfny klank [300-499km]
Km: 349.24 Km teren: 0.00 Czas: 15:45 km/h: 22.17
Pr. maks.: 68.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze

Musiołech se zmotywować na jakiś dalsze km'y. Ale fest mi se niy chciało. Ale musiołech. Ostatnie wolne dni, bo od 1 kwietnia zaczynom nowo robota. Miało być jakiś 200 coś na Koniaków, jednak stwierdziłech, że im pryndzyj skończa gminny plan, tym lepij dlo mojigo samopoczucia. Bez wyjścio - jada po 3 gminy w okolice Rabki Zdrój. 
Wyjazd 4:20. Jeszcze niykiere roślinki zmrożone. Ale do czasu :) Wiatr prawie niyodczuwalny.
Wschód słońca
Wschód słońca © gustav

Do Makowa mogłech jechać w miara płaskimi, lekko pagórkowatymi terynami przez Pszczyna, Wadowice, ale na dziyń dzisiejszy już rzigom tym odcinkiym.. ostatnio co chwila tam przejyżdżom. Musiołech zrobić alternatywa przez BB-Żywiec. A tam jak wiadomo, hopek w trzi dupy... ;> Przed BB postój na seblyczyni lontów - kurtka, nakolanniki, galotki, ochraniacze, czopka - out! Jedyn nakolannik mi wpod do jakijś rzeczki, abo gnojok to był? W gruncie rzeczy niy za czysto papka :D 7 rano, a jo już w spodynkach hehehe w słońcu spokojnie ponad 10'. No i już w BB zauważalnie zaczło wioć z S, SW :/
BB na ścieżce
BB na ścieżce © gustav

Przed Przegibkiym wbijom do sklypu po woda i 4 kołoczki (a jaki tani i smaczne!!).
Podjazd na Przegibek
Podjazd na Przegibek © gustav

Żar standardowo
Żar standardowo © gustav

Kapitalny widok! Szkoda, że przejrzystość lufu średnio hehe
Wielko hołda na horyzoncie (zoom)
Wielko hołda na horyzoncie (zoom) © gustav

Jak wspomniołech, odcinek z Żywca sztyjc góra-dół. Ale przinajmij wspomna se downo niyprzejyżdżany asfalt :) A ostatnie 8-10km do Suchej to w zasadzie jazda w dół :)) W tymże mieście kupuja woda i już 5 kołoczków ;D świyże, piyknie woniajonce, miodzio po prostu.
I potym to już ekspansja po gminy na DK28 - obok DK81, mojo ulubiono krajówka :> Szkoda, że tak daleko do nij mom...
Chyba Jordanów
Chyba Jordanów © gustav

W miasteczku Naprawa skryncom po 2 gminy. Z SW wioło momyntami fest mocno... Jak żeh rozłożył mojo mapa, to mi jom prawie roztargało...
DK7 dzisio pusto
DK7 dzisio pusto © gustav

I prosto po ostatnio gmina - Niedźwiedź. Jechołech po nia dzisio, bo przi nastympnym gminobraniu byda mioł już lepij logistycznie rozłożono trasa. I dobrze, że dzisio...
Na mojij mapie niy było przejazdu z Olszówki do Niedźwiedzia, za to już w gps'ie był 1 czy 2 warianty, oczywiście rowerowe warianty. No to jechołech.
Rzeczka Raba
Rzeczka Raba © gustav

Cołki czos wg śladu...
W poszukiwaniu... Niedźwiedzia
W poszukiwaniu... Niedźwiedzia © gustav

Taki teryny!
Taki teryny! © gustav

Ścianki momyntami dobre 15% hehe. No ale prziszoł kres, asfalt se skończył...
Kaj jo kufa je???
Kaj jo kufa je??? © gustav

Od tego momyntu w zasadzie zaczyłech bawić se w kolarstwo terynowe.. Wiyncyj cisłech te koło, niż pyndalowolech.
Jakiś fajny piesek se pojawił z niydalekich gospodarstw :)
Kompan na szlaku
Kompan na szlaku © gustav

Po dobryj pół godzinie dotarłech na szczyt kurde!
No wyżyj już niy szło wylyźć :D
No wyżyj już niy szło wylyźć :D © gustav

Do tego miejscja moji morale były [jeszcze] w miara dobrym poziomie.
Jakoś miejscówka
Jakoś miejscówka © gustav

Wg śladu gps - miołech iść w strona, kaj wszyndzi był śniyg i pełno roślinności. Kolcowatyj roślinności, istotnie. Owo droga była zasypano, rzecz jasno, wiync chodziłech tam, kaj go było wizualnie najmynij. Czasym zjyżdżołech. Roz mie coś stopło, wiync sie wkomponowołech w cołki tyn bioły puch. Dobrze, że było to zmrożone jeszcze, a niy taki błoto czy coś. Szczewiki, fuzekle - mokre.
Skóra odczuła kontakt z tymi wszystkimi roślinkami. W 2 miejscach to nawet krew se pojawiyła ehh.. Noo i już moji morale spodły maksymalnie.
Śniyg, kłujonce haszcze
Śniyg, kłujonce haszcze © gustav

Na widok asfaltu i chałupek od razu se polepszyło.
Cywilizacjo!!
Cywilizacjo!! © gustav

Ostatni roz zdobywom w tyn sposób gmina. Jechołbych objazdym, ale i asfaltym - to bych i tak zaoszczyndził monyj nawet godzina. W Mszanie do sklypu po tym razym 5 chałek słodkawych i woda. I prosto na Wadowice bez kombinowanio. Pod wiater, kiery dalij zacnie wioł..
Suszing fuzekli
Suszing fuzekli © gustav

Uroki DK28 :)
Uroki DK28 :) © gustav

Most w Suchej Beskidzkiej
Most w Suchej Beskidzkiej © gustav

Zadzwoniłech do Karela, że chyntnie wprosiłbych se na jakiś jedzonko, wszak ostatnio som to zaproponowoł hehe. Przed Wadowicami jeszcze ubrołech se i kupiłech jeszcze jedno woda.

Taki jedzonko w takij rajzie bardzo pomogo. Musza prziznać - nudle po andrychowsku to je już coś! :> Trza bydzie czyńścij tam jeździć hehehe W sumie cało pauza trwała prawie godzinka. Wyjechołech jakoś o 20:30 i kierowołech se na tymczasowo znienawidzony odcinek przez Pszczyna. Dobrze, że noc była, jakoś mi te kilometry w miara gipko zeszły. Wiater od Pszczyny w zasadzie już niyodczuwalny. W doma o 0:30. Moc była w szłapach konkretno, ale zaś mały deficyt posiłkowy na ostatnich kilometrach. Kurtki niy miołech oblyczonyj, yno koszulka termo + kolarsko i było optymalnie.
Wyżerka u Karela ;]
Wyżerka u Karela ;] © gustav

Dobrze, że te gminobrani mom już za sobom. Zostały 3 mega wyjazdy po >500km w cylu zdobycio 100% gmin tego województwa.
Czas i piesze kilometry (góra 2) - wliczone do statystyk. Także średnio z trasy pod 23 bydzie myśla.

Relaxx...

Poniedziałek, 23 marca 2015
Km: 28.00 Km teren: 0.00 Czas: 01:30 km/h: 18.67
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
0,000001mb/s (a może kb/s?) do końca miesionca... Ważne, że tanij, że som pozorne oszczyndności, kiere i tak som przewalone na nic ambitnego. To yno jedyn przikład. Jeżeh bezradny na idee pewnych ludzi. Niyrowerowe przemyślynia, ale istotne w kontekście m.in. tego bloga. Z dzisiejszyj przejażdżki mom trocha gryfnych fotek, ale dom yno taki. Wciepywani reszty trwałoby z godzina...

Mojo oaza spokoju.


Sprawy

Poniedziałek, 23 marca 2015
Km: 22.05 Km teren: 0.00 Czas: 01:03 km/h: 21.00
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Rześkooo z rana :>

Na gyburstag

Sobota, 21 marca 2015 Kategoria a) Szłapy rozgrzote [100-199km]
Km: 111.13 Km teren: 0.00 Czas: 04:03 km/h: 27.44
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
Do familije do Bytomia. Przinajmij była motywacjo na setka, bo ogólnie dzisio mioł być relaxx hehe. Jeszcze przed wyjazdym musiołech pokleić dyntka, co mi wczorej se przebiła. Piyrwszy roz użyłech tych samoprzilepnych łatek, co jeszcze w zeszłym roku kupiłech, no i luft trzimie cołki czos, wiync łatki zdały test. Wyjechołech o 15 i o tyj porze fest jeszcze wioło, z SW - wiync cało trasa do Bytomia miołech z wiatrym w plecy :> Po 1,5km se kapłech, że niy wziyłech lampki przednij, wiync nazot :D Odcinek dom-stół z jedzyniym na lajcie, w miara gipko :)

Wyngle uzupełniołech w przedziale 2,5h heheheh
Taki se, przi stole
Taki se, przi stole © gustav

Oczywiście po takij degustacji zaś było ciynżko pogodzić se z tym, że trza siednyć na koło i pyndalować nazot du dom xD
Tympyrturka wieczorym dość ciepło o dziwo :) No i wiater osłob fest zauważalnie! W drodze powrotnyj w ogóle go niy odczuwołech, idzie pedzieć - piyrwszo rajza z najlepszymi warunkami wietrznymi :> Już w Rybniku na tych hopkach - kożdo jechołech bez opierniczanio se! Chyba jaki segmynty porobia na stravie hehe Widać konkretnie zatankowołech wyngle na tym geburstagu hehehe Czasy przejazdu Rybnik-Bytom i Bytom-Rybnik w zasadzie identyczne :)

To była kwestia czasu

Piątek, 20 marca 2015
Km: 14.24 Km teren: 0.00 Czas: 00:45 km/h: 18.99
Pr. maks.: 0.00 Temperatura: °C HRmax: HRavg
: kcal Podjazdy: m Sprzęt: MTB Custom Aktywność: Jazda na rowerze
...aż w moim zadnim kole w pewnym momyncie ilość luftu osiongnie wartość równo minimalnyj xD A to wszystko za sprawom tymczasowyj opony, kiero mo już z 10 lot, je doś wytarto, a pojynci warstwa antyprzebiciowo - niy istnieje. Dobrze chocioż, że musiołech se zrobić spacyr du dom yno 1km, a niy z 10... bo "aptyczki" niy wziyłech heheh Czekom na ponowno przesyłka pancernego schwalbe, kierego wysłołech na reklamacjo.

kategorie bloga

Moje rowery

Addict Blue 15836 km
Gravel Custom 5579 km
MTB Interceptor 5931 km
City Cadillac 1700 km
Avaine 8824 km
Giant TCR Advanced 2186 km
Custom 2.0 Essential 8839 km
FastBack 5.8 Custom 41880 km
XC Custom Evolution 18260 km
MTB Custom 15323 km
Haibike Speed RC 21452 km
Unibike Mirage 7536 km

szukaj

archiwum


Statystyki zbiorcze na stronę