Spontan jak cholera hehe Ugodołech se z Pawłym, kaj by w ta niedziela pokryncić i zdecydowalimy se na Jura i Maczuga Herkulesa, no bo jeszcze żodyn z nas tam niy był... normalnie wstyd ;] Ugodalimy se o 5 rano na start. O tyj godzinie było już 17st i wyczyszczone niebo...


Przijazd Pawła © gustav


W drodze do Pszczyny © gustav


Ciulato droga 931 na Bieruń © gustav

Mało pauza na tankszteli i co tam majom gryfnego... :D

200% wyngli! © gustav


Kajś na DK79 © gustav

W Krzeszowicach krótki przemyślynia, że jak som my blisko Krakowa, to monyj tam podjechać se polansować itd? :D

Jadymy na Kraków, ja? © gustav

Ale piyrw przez Ojcowski Park Narodowy na słynno Maczuga :)

Jakiś widoczki © gustav


Przez taki las © gustav


Piyrwsze skałki © gustav


Poważny trip - poważny strój ;] a niy jak ostatnio © gustav


I coś takigo © gustav


Znany winkiel © gustav


I jeszcze takie © gustav


Aaahh te zakryntasy :)) © gustav

Ogólnie tak wyglondo ta droga z perspektywy znanego MotoVlogera :)) Jest po prostu KOSMOS!!


Paweł i maszina © gustav


W sumie to główny cyl ;] © gustav


I z drugij strony © gustav


Zajembiście!!! © gustav

I moji krótkie wideo :) Dzisio kamerki niy wziyłech, ale kiedy indzij jeszcze roz sam przijada w celu nagranio tych wszystkich cudnych okolic :)


I padołech Pawłowi, ze chciołbych se kupić owo chusta, direkt na krakowskim rynku :D Yno ze 30km, no to jadymy! Bo na te upały dobro rzecz hehe.


Boczne dróżki © gustav

A cyl Pawła to był zakup krymu do opolanio xD

Paweł już swój cyl osiongnył hehe © gustav


Przed Krakowem © gustav


Zoooooooom © gustav

Dojazd do rynku to tradycyjnie kurde labirynty same... Mosz znak na Stare Miasto na jakimś skrziżowaniu, a na nastympnym skrziżowaniu już żodnego takigo znaku.. Ale jakoś my trefili.

Standardzik © gustav


Ludzi w cholera © gustav


Czysty spontan! © gustav


W poszukiwniu chusty © gustav


I se kupiłech ta chusta ;] © gustav

Nazot DW780 pod wiatr. Ale niy zaś taki mocny. Jak żeh sam ostatnio był we Wigilio, to tyż wracołech pod wiatr, a w zasadzie pod sztorm..


Wyjazd z Krakowa 780 © gustav

Ostatni wiynksze zakupy w biedronce iii:

46st w słońcu o godz. 15:00 © gustav

Ciekawe wiela było w południe... Ale mimo tyj tympyratury, mie se jechało i podjyżdżało jakoś za dobrze ;]

Droga powrotno to w zasadzie idzie pedzieć yno polepszanie średnij, w zasadzie jazda na czas. W zasadzie 2/3 drogi jechołech na kole, czasym Paweł jechoł za mnom, ale wtedy to se rychtyk odpoczywoł, relaxowoł :D Czyli jo cały czas na 90%, a Paweł mioł interwały hehe.

I tu fest fest ważno rzecz: dzisio Siły Wyższe chyba se zlitowały nady mnom i niy miołech takigo apetytu na jedzynie ;D Cało trasa w 15h "pochłonyła": rano ryż, i potym 5 bagietek małych z biedrony, 5 kołoczków, 3 małe i 2 wiynksze batony, zmrożono śnieżka i hektolitry wód :> A do porównanio trip tydziyń tymu i 200km: jedzynio 2x tela :> już o tyj całyj pizzy niy godom.. :D

Przijechalimy do Rybnika a jo dalij mocy niy wiym skond tela 0.o Jeszcze jechołech odprowadzić Pawła, żeby dokryncić do 300, i ostatnie 1,5km to była jazda do góry, a my se tam normalnie ścigali :D Mom nadzieja, że w synsie jedzynio - to to niy ma taki jednorazowy progres hehe chocioż wontpia... :> Aha - dokoryncony wczorej suport ani trocha dzisio niy skrzipioł :)) Super trip. REKORD średnij na mtb na 300km!! Na liczniku miołech czas 11:20, ale profilaktycznie minus 10min za te wszystki pauzy i chodzynie obok koła :> U Pawła na liczniku było 27.3 jakoś, bo ponoć niy naliczo jazdy poniżyj 3km/h hehe

Mapa i nowe gminy zaktualizuja, jak Paweł mi podeśle ślad, bo jo niy ogarniom tych jurajskich labiryntów :>

EDIT: +3 gminy. I tako mapka:

https://connect.garmin.com/modern/activity/797263589


Zachód przi El Stadium Rybnik © gustav

Od Pawła z balkonu hehe

Zachód taki se ;] © gustav

Musiołech se zmotywować na jakiś dalsze km'y. Ale fest mi se niy chciało. Ale musiołech. Ostatnie wolne dni, bo od 1 kwietnia zaczynom nowo robota. Miało być jakiś 200 coś na Koniaków, jednak stwierdziłech, że im pryndzyj skończa gminny plan, tym lepij dlo mojigo samopoczucia. Bez wyjścio - jada po 3 gminy w okolice Rabki Zdrój. 
Wyjazd 4:20. Jeszcze niykiere roślinki zmrożone. Ale do czasu :) Wiatr prawie niyodczuwalny.

Wschód słońca © gustav

Do Makowa mogłech jechać w miara płaskimi, lekko pagórkowatymi terynami przez Pszczyna, Wadowice, ale na dziyń dzisiejszy już rzigom tym odcinkiym.. ostatnio co chwila tam przejyżdżom. Musiołech zrobić alternatywa przez BB-Żywiec. A tam jak wiadomo, hopek w trzi dupy... ;> Przed BB postój na seblyczyni lontów - kurtka, nakolanniki, galotki, ochraniacze, czopka - out! Jedyn nakolannik mi wpod do jakijś rzeczki, abo gnojok to był? W gruncie rzeczy niy za czysto papka :D 7 rano, a jo już w spodynkach hehehe w słońcu spokojnie ponad 10'. No i już w BB zauważalnie zaczło wioć z S, SW :/

BB na ścieżce © gustav

Przed Przegibkiym wbijom do sklypu po woda i 4 kołoczki (a jaki tani i smaczne!!).

Podjazd na Przegibek © gustav


Żar standardowo © gustav

Kapitalny widok! Szkoda, że przejrzystość lufu średnio hehe

Wielko hołda na horyzoncie (zoom) © gustav

Jak wspomniołech, odcinek z Żywca sztyjc góra-dół. Ale przinajmij wspomna se downo niyprzejyżdżany asfalt :) A ostatnie 8-10km do Suchej to w zasadzie jazda w dół :)) W tymże mieście kupuja woda i już 5 kołoczków ;D świyże, piyknie woniajonce, miodzio po prostu.
I potym to już ekspansja po gminy na DK28 - obok DK81, mojo ulubiono krajówka :> Szkoda, że tak daleko do nij mom...

Chyba Jordanów © gustav

W miasteczku Naprawa skryncom po 2 gminy. Z SW wioło momyntami fest mocno... Jak żeh rozłożył mojo mapa, to mi jom prawie roztargało...

DK7 dzisio pusto © gustav

I prosto po ostatnio gmina - Niedźwiedź. Jechołech po nia dzisio, bo przi nastympnym gminobraniu byda mioł już lepij logistycznie rozłożono trasa. I dobrze, że dzisio...
Na mojij mapie niy było przejazdu z Olszówki do Niedźwiedzia, za to już w gps'ie był 1 czy 2 warianty, oczywiście rowerowe warianty. No to jechołech.

Rzeczka Raba © gustav

Cołki czos wg śladu...

W poszukiwaniu... Niedźwiedzia © gustav


Taki teryny! © gustav

Ścianki momyntami dobre 15% hehe. No ale prziszoł kres, asfalt se skończył...

Kaj jo kufa je??? © gustav

Od tego momyntu w zasadzie zaczyłech bawić se w kolarstwo terynowe.. Wiyncyj cisłech te koło, niż pyndalowolech.
Jakiś fajny piesek se pojawił z niydalekich gospodarstw :)

Kompan na szlaku © gustav

Po dobryj pół godzinie dotarłech na szczyt kurde!

No wyżyj już niy szło wylyźć :D © gustav

Do tego miejscja moji morale były [jeszcze] w miara dobrym poziomie.

Jakoś miejscówka © gustav

Wg śladu gps - miołech iść w strona, kaj wszyndzi był śniyg i pełno roślinności. Kolcowatyj roślinności, istotnie. Owo droga była zasypano, rzecz jasno, wiync chodziłech tam, kaj go było wizualnie najmynij. Czasym zjyżdżołech. Roz mie coś stopło, wiync sie wkomponowołech w cołki tyn bioły puch. Dobrze, że było to zmrożone jeszcze, a niy taki błoto czy coś. Szczewiki, fuzekle - mokre.
Skóra odczuła kontakt z tymi wszystkimi roślinkami. W 2 miejscach to nawet krew se pojawiyła ehh.. Noo i już moji morale spodły maksymalnie.

Śniyg, kłujonce haszcze © gustav

Na widok asfaltu i chałupek od razu se polepszyło.

Cywilizacjo!! © gustav

Ostatni roz zdobywom w tyn sposób gmina. Jechołbych objazdym, ale i asfaltym - to bych i tak zaoszczyndził monyj nawet godzina. W Mszanie do sklypu po tym razym 5 chałek słodkawych i woda. I prosto na Wadowice bez kombinowanio. Pod wiater, kiery dalij zacnie wioł..

Suszing fuzekli © gustav


Uroki DK28 :) © gustav


Most w Suchej Beskidzkiej © gustav

Zadzwoniłech do Karela, że chyntnie wprosiłbych se na jakiś jedzonko, wszak ostatnio som to zaproponowoł hehe. Przed Wadowicami jeszcze ubrołech se i kupiłech jeszcze jedno woda.

Taki jedzonko w takij rajzie bardzo pomogo. Musza prziznać - nudle po andrychowsku to je już coś! :> Trza bydzie czyńścij tam jeździć hehehe W sumie cało pauza trwała prawie godzinka. Wyjechołech jakoś o 20:30 i kierowołech se na tymczasowo znienawidzony odcinek przez Pszczyna. Dobrze, że noc była, jakoś mi te kilometry w miara gipko zeszły. Wiater od Pszczyny w zasadzie już niyodczuwalny. W doma o 0:30. Moc była w szłapach konkretno, ale zaś mały deficyt posiłkowy na ostatnich kilometrach. Kurtki niy miołech oblyczonyj, yno koszulka termo + kolarsko i było optymalnie.

Wyżerka u Karela ;] © gustav

Dobrze, że te gminobrani mom już za sobom. Zostały 3 mega wyjazdy po >500km w cylu zdobycio 100% gmin tego województwa.
Czas i piesze kilometry (góra 2) - wliczone do statystyk. Także średnio z trasy pod 23 bydzie myśla.

Pokaż trasę GPS

Relaxx ;]

Tak wiync, piyrwsze gminobranie z cyklu "SuperMonolit" przeszło do historie :> "SuperMonolit" - czyli wszystko zielone na mapie gmin, w gryfnyj oprawce, w promiyniu 150km, jak niy dalij hehe. Dzisio padło na pusto przestrzyń wokół Myślenic. Fajno pogoda, kilometry trza walić - łaj not? Pisołech do grona potencjalnych typów, kierzy mogliby tyż popyndalować. Yno Ludwik (tlenek) zgłosił chynć, reszta abo choro, abo pieron wiy co. Dziyn wcześnij wciepołech do mojigo prawie 15kg czołga pyndale spd (żeby wycisnyć z niego maximum) i nowy łańcuch ug51, bo pozostałe som aktualnie "umarte". 
Poszłech spać o 23, budzik nasztelowany na 3:00. Usnyłech przed 2:00... cacy normalnie. 

Talyrza by pewno brakło hehe

Śniadanko - nudle © gustav

Wyjechołech 4:05. Pogoda elegancko. 

Żory - wyjazd © gustav


Ciekawe chmurki © gustav


Była kajś 7:30 i musiołech se poseblykać, bo normalnie hajcung se robił powoli. Kurtka, galoty z dresa, ochraniacze na szczewiki - out! No i tyż dołech znać Tlenkowi, że już nadjyżdżom :)

Przed Wadowicami © gustav

W Wadowicach szukołech sklypu, bo powoli se głód pojawioł. Wszystko pozamykane o tyj porze... Ale na szczyńscie żabka była otwarto. NIy ciyrpia tego sklypu, bo tam przeważnie w ciul drogo. 3 średni kołoczki, woda i 2 banany - 8 zeta prawie... ale co zrobisz, nic niy zrobisz. A pół kilometra dalij było tesco i jeszcze konsek dalij lidl...

Wadowice cyntrum © gustav

DK28 - niywontpliwie czołówka, jeśli chodzi o atrakcyjność dlo rowerzystów - pikne widoczki, dużo hopek, serpentyny :) Yno że teroz momy przedwiośnie, czyli pora "najgorszo widokowo" - bo wszystko wokół je taki pustawe, rośliny gołe od liści itp. W lato je zielono, w zima (przeważnie) bioło, bez jesiyń kolorowo.

Prerie na DK28 © gustav

1,5km zjazdu z DK28 po piyrwszo gmina :) Ogólnie fajnie se krynciło, na spokojnie, yno południowy wiater ciut przeszkadzoł. Ale to dobrze wróżyło w droga powrotno.

Zjazd po gmina © gustav

W Makowie spotkołech towarszysza, kiery zaprosił mie na jedzonko :) Dobre pół godziny zeszło, potym po takim tankowaniu był problym zaś siednyć na koło hehe xD

Uzupełniani wyngli u Tlenka © gustav

I jazda po kolejne "zielonki" :) W spd znacznie znacznie lepij se podjyżdżo, niz w zwykłych adidasach. 

Podjazd od Wieprzca © gustav

Piknie, gryfnie, szwarnie!

I na zjeździe © gustav

Minyła nas grupka chyba 7 kolorzy lokalnyj "grupki". Cześć cześć, ale jakoś niy mieli ochoty mieć nas w ogonie. Wielcy kufa PRO... Tym bardzij, że po 5min. odjechali nom na jakiś 300m monyj. Dojechali do ronda i nazot... Ale mi fun normalnie... niylepij jakoś pyntelka, jak my?

Se pyndalujymy © gustav


Wzdłuż S7. Gryfnie! © gustav

Kajś tam wbilimy do sklypu. Ale takigo "domowego". Woda i 3 banany - 7zł! Jpdl...

Kasina Wielka - hopka © gustav


Kasina Wielka - tam jadymy © gustav


Na tle Kasiny © gustav


Serpentynki © gustav
Tam kajś na zjeździe prawie 70km/h. Jo yno myśloł o jednym - czy mi coś w tym kole zaroz niy wydupi? :D

W drodze na Raciechowice © gustav

Wszystki podjazdy mi dzisio fajnie podchodziły. I to tym załadowanym czołgiym na oponach 1.75 :>

Kołoczyk hehe © gustav

I super dodatek! 4km jazdy w dół po 2m poboczu, na super asfalcie, z takimi widoczkami!!!

DK7 po prostu BOMBON! © gustav

I potym zjazd na DK52. Asfalt już znacznie gorszyj jakości, dużo kolein, na dodatek fest duży ruch wokoło...

W Kalwarii pauza. Tlenek przipasowoł se mojigo repack'a, bo tyż chce se kupić ta gryfno tasza. Słońce zachodziło - zauważalny spadek tympyraturki. Póki co - oblykłech grubsze rynkawiczki i czopka.

Kalwaria - pauza © gustav


Zachód - Stryszów © gustav

Na rozwidlyniu dróg kożdy z nas jechoł w swojo strona. Jeszcze telefon do Karela, że byda przejyżdżoł bez San Andrychowo, no ale chopina choro siedziała w doma (chyba :D).
Na przistanku oblykłech galoty i ochraniacze. Kurtki jeszcze niy. 
Dojechołech do Wadowic, szukołech jakigoś sklypu w cyntrum na nocne żarci, ale lipa. Do żabki niy ma mowy :D I tak by tam nic świyżego niy było. Niby biedronki na obwodnicy, ale darowołech to se. Było tesco, ale niy miołeh kaj tam koła zaparkować, żeby mieć je na oku, a jeszcze jakiś menele i dresy se krynciły :> Nic, Karel godoł, że w 3 dupy sklepów je w jego mieścinie. Tam wbiłech do tesco, koło pod okno i pewno kamera, wiync widziołech je ze środka. 5 dorodnych bananów, 7 abo 8 świyżutkich żymłów, woda - 10zł. I to je biznes! Zadzwoniłech jeszcze do Jakubiszona, żeby spytać o warunki na... Salmopolu! :D Taki power miołech aktualnie po jakoś 270km, że kurde no niy wiym! 400km na tym mtb w marcu? łaj not! :))

W ogóle ludzie se dziwnie na mie gapili hehe

Okupacja działu CHLYB w tesco xD © gustav

Droga do Bielska - sztyjc same (niykończonce se) hopki. Ale dowołech rada. W tymże mieście dopiyro oblykłech kurtka, było kole 22-ij. Widziołech znak na Szczyrk, Żywiec itd. na światłach, no to skrynciłech w ta strona. I kurde patrza znak - droga expresowo :D ale by były jaja, jakbych tego niy zejrzoł hehe. Im bliżyj Szczyrku, tym mocniejsze podmuchy. Ale jak to na wspinaczce - trocha se przegrzywołech. Na direkt podjeździe to już tyż fajnie wioło... Drogi w miara suche, a po bokach meter śniygu. Som podjazd na spokojnie, było czuć przebyte km'y, ale bez kryzysów.


Salmopol w śniygu © gustav

Zjazd ostrożny, w totalnyj pizgawie. Trza było przetrzimać, niy ma lekko. Jak już se "wypłaszczało" to odrazu obroty na max, by se zagrzoć. Dojechołech do tankszteli, a tam pauza techniczno. Cza było czekać jakoś 5-7min. No ale panowie policjanci to hot-dogi w środku wpierdzielać mogli... Musiołech woda jeszcze dokupić. I były tam stoliczki przi grzejniczku, to se odpoczywołech. Z pół godziny zeszło. Zjodłech pozostałe żymły, a 2 banany zostały na reszta trasy. I tak jak przipuszczołech, aż do Żor, przez 50km jechołech z wiatrym w plecy, co w tym momyncie było aż nadto potrzebne. Ksiynżyc piknie oświytloł droga! Na całyj wiślance niy musiłech uzywać przednij lampki. Stykło dziwać se 2m przed siebie i kontrolować odległość kółka od bocznego pasa :) Na tyj drodze idzie se na to pozwolić. Powiedzmy ostani 30km jechołech już ekonomicznie. Bo w przeciwnym razie bych se gipko wyplompoł. Dojechołech du dom o 3:50 i zaczynołech mieć głód powoli - czyli te żarci kupione w Andrychowie wyliczyłech co do kilometra hehe. Ogólnie byłech w dobrym stanie psycho-fizycznym. Mimo, że w trasie ani razu niy chciało mi se spać, to usnyłech po 2min :)

+15 nowych gmin 
- rekord na tym kole (poprzedni 400km)
- rekord na takich oponach (poprzedni 305km)

Panie Karel, teraz widzisz potyncjał tego "złomka"?? :D

Ciekawe wiela było rychtyk przewyższyń hmm..
Pokaż trasę GPS

Klasyk! A i w rajzie se piyknie słucho :>

Co se odwlecze, to niy uciecze czy jakoś tak hehe. Niydowno miołech 3 dni fajeru + gryfno pogoda, ale zdrowie niy pozwolyło. Tera zaś mom trocha fajeru i zaś je w miara spoko pogoda, wiync niy odpuściłech! Hardkorowe ~500km pod koniec października, koniecznie kajś dalij? Yno Łódź. Do Kielc w prziszłym roku, dlo zasady. W synsie - żeby mieć stolice województw w CV :) 
Terozki momy iście gryfno pogoda za dnia, ale w nocy już doś piździ. Mimo to podjyłech czelyndź o! Wiedziołech, że bydzie cholernie niykomfortowo, no ale jakby to było łatwe, to nici ze satysfakcje :)
Wyruszyłech zarozki po 7-myj. Na termometrze kole zera stopni. Obleczone miołech: czopka + kominiarka + buff, bluza termo + koszulka BS + kurtka, nakolanniki + spodynki BS + galoty dresowe, pora zimowych fuzekli, rynkawiczki na koło i polarowe. No i jechało se piyrwsze km'y okej. 

No to zaczynomy party! © gustav

Za Rybnikiem musiołech se oblyc dodatkowo pora fuzekli, bo jednak 5' to dalij za zima..
Pyndalowołech z wiatrym lekkim, wiync spoko. Po drodze nic ciykawego. Po 100km seblykłech kurtka, polary i czopka. W Częstochowie ze 2km DK1 pod zakaz, ale co zrobisz? Nic niy zrobisz hehe a chodnikami to dej se spokój...

Częstochowa © gustav

Na termometrze max 15', ale i tak musiołech mieć np. kominiarka, bo po łepie piździało. W Radomsku pauza pod sklepym i shooping. Ogólnie pyndalowało se cołki czos elegancko :)


Łódzkie proste © gustav

Przed Bełchatowem na poboczu trocha fociłech i jakiś litwin tirym stanył za mnom i se pytoł kaj je jakoś miejscowość. A że jo niy tutejszy hehe... musioł se kogo innego poradzić. Niy mioł gpsa??




Już niydaleko Bełchatowa © gustav

A w samym wspomnianym mieście, co zaro przikuło uwaga (prócz korków hehe) - obojyntnie na kiero droga se wdupisz - tam ścieżka dlo rowerów. Ale jo se je darowoł.


Zachód bleble © gustav

Już nawet przed zachodym se zrobiło zimnij, wiync wszystki lonty zaś oblykłech. Było kole 5-7' zaś. W Pabianicach shopping. No i tyż w szczewikach piździało, wiync zrobiłech kombos: fuzekla - worek na śmieci - fuzekla - worek na śmieci - fuzekla. Jako fest amatorski sposób na chłód. No i coś to pomogło.


Łódź - oficjalnie! © gustav

Cyl już osiongnyty, po 11h brutto. Średnio miołech 27 coś. To chyba skuli tego, że z wiatrym niby i w strona cyntrum PL, czyli w dół.
A sama Łódź hmm przed wyjazdym sprawdzołech, co w tym mieście je ciekawego, jakiś monyj rynek itp. Niystety - nic z tych rzeczy. Wedle opinii, z czym se kojarzy to miasto - odpowiedzi niy były zbytnio pozytywne.. Jo jechoł głównom drogom bez cyntrum i w zasadzie tym se idzie pochwolić eehh


Jakoś oświetlono chata © gustav


Jakiś kościółek © gustav


Jakiś przistanek © gustav

No nic, trza ciulać nazot. Bez rewelacji ogólnie, ale chocioż trocha gmin wpadnie hehe. Kajś za Pabianicami do biedronki, po jedzyni na noc. W sumie miołech 3 bagietki czosnkowe, mały chlebek, pora batonów i wcześnij kupony coś a'la kołocz. Najgorsze było to, że średnio miołech ochota se dziwać na te jedzyni... I jeszcze w tyj tympyraturze.


Że niby kolacjo © gustav

Trza było oblyc special-protect :D

Dobre, koniec zabawy © gustav

W zasadze po godzinie musiołech seblyc jedno pora fuzekli, bo hajcung niymożliwy. Grunt, że niy piździało!

A ogólnie co do mojich lontów na ta pogoda: jak jechołech stałym tympym, to tak optymalnie. Yno musza se zaopatrzyć na jeszcze lepszo ochrona gymby; chocioż buff, kragiel z kurtki i kominiarka niyźle chroniły gardło. Ale jak zrobiłech pauza ciut wiynkszo, to zaro zaczło być zima. I zaś trza było ze 5 do nawet 10min kryncić, żeby se zagrzoć. Myślołech, że bydzie znacznie gorzyj.
Pić se chciało cholernie! Nawet pici schłodzonyj zawartości w bidonach niy robiło dlo mnie problymu. Problymym było to, że po drodze niy było kaj "zatankować"... Żodnyj porzondnyj tanksztele. Uroki dróg wojewódzkich w nocnych rajzach...

hehe

I zaś zawrzyte © gustav

30km przed Cz-wą sie jakoś tanksztela dopiyto pojawiyła, a do picia do wyboru abo cola, abo tymbark. Cyny wiadomo, niyhurtowe. Ale kupiłech mało butelka tymbarka. Do miasta powinno styknyć. Za już Cz-wą wiedziołech, że jest kolejno tanksztela. Tam se kupi pici. Podjechołech i co? Zawarte... I w tym momyncie zostołech zmuszony włonczyć tryb superkuźwaECO :/ 3/4 bidona mi zostoło... I jeszcze chciało mi se trocha jejść, ale na te jedzyni niy szło se dziwać. Było taki zimne i w ogóle.. suche. Ale jodłech na hama, minimalizujonc popijanie. Jakiś 10km dalij była kolejno tanksztela. I zaś tako wieśniacko. Musiołech pukać, żeby gościa z obsługi obudzić LOL! "Z picia to yno z lodówki". No choy by to strzelył! Niy kupiłech. Na całe szczyńści niydaleko w jakimś miasteczku był sklep 24h. Na jedzyni dalij niy umiołech patrzeć. Ogólnie z kożdym kilometrym słobłech, średnio tyż. Czamu? Bo mało jodłech, a wynglami se prawie niy wspomogołech. Banany, batony, nawet ulubione kołoczki z budyniym - fuj! 
Nadchodził świt, tympyratura dalij w przedziale -2 do 1 stopnia... Zmulało mie nawet doś konkretnie z tego niydospanio. Kulołech se dalij w ECO. 10km przez Tarnowskimi Górami pauza w barze na tankszteli. Ciepło, sucho - nic yno legnyć se, aż do połednia. Aż bydzie kaj z 10'...


Jedyno ciepło czynść rajzy © gustav

Ale nic z tego. Jodłech na hama te zimne, suche wyroby piekarnicze. Kupiłech wrawo herbatka. Prawie godzina se odpoczywołech. Prawie momyntami zasypiołech. Tak to już je. Z wielkom niychynciom opuszczołech tyn lokal. Na liczniku -3'. Łaaał... Do Gliwic fest spokojnie. Na tankszteli krótko pauza u znajomego i wszamani jednyj bagietki. Do Rybnika dalij spokojnie. W zasadzie se czołgołech. Marzyłech o jednym - być już w doma, zjeść co normalnego i iść spać. A droga z Gliwic do mie du dom to stos chopek eheheh... Gehenna. Niby tympyraturka kole 8-10 już, ale jedynie mogłech se pozwolić na sebleczynie ochraniaczy ze szczewików i podwinyncie rynkowów z kurtki i bluzy.

#achtenpaździernik

W doma byłech przed 11-tom. Pierwotnie miołech plan na 5 z przodu, ale niy w tym jednak stanie :/ Dokryncołbych te 15km w dobro godzina..

#umrzyty

Ale 17 gmin wpodło :> No i zaś zebrołech pewne doświadczyni, co było fest dlo mnie istotne. A pół dnia w tympyraturce max 3' - spoko hehe.

Pokaż trasę GPS

Nooo w końcu po jakichś pół roku opierdzielanio sie prziszło mi sie zmotywować i postawić kropka nad 'i' w rodzimym województwie - jak kożdy i żodyn wiy - czyli uzyskanie 100% poprzez wdupczyni se na kole na teryn Koszarawy :D Z pomocom prziszli: Karel from Andrychowo City, Jakubiszon from San Bielsko-Biała iii... no właśnie nie wiym co sam mom terozki wstawić za sekwyncjo słów... po prostu Funio z jaworzańskich terynów zabudowanych na polach sie wymigoł i woloł spotkać nas kajś dalij na trasie :P

Wstołech o 3:20. Ryż i te sprawy. Wyjechołech o 4:45. Cima, zima, ale moji dobrane lonty tworzyły optymalno tympyraturka przi pyndalowaniu. Chocioż upału niy było...

Tympyraturka w nocy © gustav

Ogólnie zapomniołech se kupić baterie do "nocnyj "lampki, ale wziyłech se jom ze sobom, jakbych mioł wracać nazot po zachodzie. No i musiołech se asekurować tym pozycyjnym światełkiym z tesco za 9.99. Mogłech se na tako akcjo pozwolić yno skuli tego, że jechołech DK81 - czyli super dwupasym z poboczym, z fajnie widocznymi liniami. Bo po innych drogach, szczególnie wojewódzkich - niy ma mowy. Ksiynżyc dodatkowo coś tam oświytloł, wiync kulołech se aż miło :) 

Mgły na wiślance © gustav

Dojechołech do Strumienia i se już zaczynało powoli przejaśniać. Ale jak już wjechołech w lasy, to ani lampka niy była potrzebno - czyli idealnie dobrołech czas wschodu przez napotkany teryn do braku lampki :D

mmm :>

W drodze do B-B © gustav


W drodze do B-B, trocha wyżyj hehe © gustav

Nim dokulołech se do Jaworza (niy do Jaworzna - to je subtelno różnica :P) - to w jakiś pół godziny tympuraturka z jakoś 5' dźwigła se do ponad 12' łooooł! Jo normalnie goroł, musiołech zwiynkszyć cooling :> Ale zaś im bliżyj B-B, tym zimnij. Dołech cynk Kubie, że nadjyżdżom. Czekołech w miejscu, kiere wg googlemaps twierdziło, że to właśnie tam je hotel 80-cio gwiazdkowy Magura. Kuba czekoł kaj indzij... tyż niby pod tym hotelym hehehe


Taki tam z nudów :P © gustav

"Gustav. Polska Partia Niewyspanych. Miejsce 54. Liczy se gryfny asfalt, chlyb krojony i przedewszystkim kilometry!" :D :D 



Dobre, trefilimy se kajś na skrziżowaniu i już na start było pora zjebków hehe głównie, że jak to je możliwe, żeby w październiku ładować na bajkstata wpisy z maja... xD

epic!

Przed Żywcem © gustav

W Żywcu spotykomy Karela. Jo już połowa lontów seblykł, bo hajcung jak cholera, a niby 9 rano hehe. I zarozki na shopping.


Prawie jak maszynki z gillette :D © gustav

Info od Funia, że nie przijedzie do Żywca, yno kajś z drugij strony... zaspoł czy jaki pierun?

To je rychtyk jedzyni, a ni jakiś tam żelki haribo i tani batony :>
Moji drugi śniadanie © gustav

Oczywiście zjeby pod marketym - normalka :D Momyntami sie szło z tego śmiychu rychtyk zesrać hłe hłe

No i wyruszylimy se na KOSZARAWA! Tympo lajtowe, godani o pierdołach itp.

TO



JUŻ



JE



POWOLI



TYN



MOMYNT



JUŻ



ZARO



!!! 



Striptiz tego tam po lewyj © gustav

JAAAAAAAA!!!!

Cieszynka musi być © gustav

Drugi PEŁNE województwo do KOMPLETU :)))))))))))))


Hłe hłe hłe © gustav

Nie było szampana, bo trza było ciulać gipko na punkt spotkanio z wiadomo KIM hehe Czekalimy na tankszteli. Dziwomy se i jedzie jakiś farosz na kole. Kolynda w październiku wtf??? Uff na szczyńsci to był Funio :> Od razu z automata kolejne zjebki :D W tym towarzystwie niy ma po prostu inkszyj opcje.

Zaro myśl kaj by sam jechać. Padło na Przysłop i Krowiarki hehe.

Babia przed nami! © gustav

Pogoda totalny BOMBON. Krótki spodynki i koszulka, a dalij było czuć gorani, szczególnie na hopkach.

Se jadymy © gustav


I powoli do przodu! © gustav

Mało pauza na tankowani.

Smażing w knajpie © gustav


Piwo moji paliwo :D © gustav

Funio tak zapierdzieloł, tak asfalt zrywoł, że aż mu szprycha wydupiło :> Ale naprawiył!


Podjazd na Krowiarki © gustav



Na wiyrchu © gustav


Dolary i te sprawy © gustav


"Może dostana co gratis?" © gustav

Po chwilowym opolaniu se prziszoł czas na kolejno decyzjo "kaj by sam zaś jechać, bo nazot to odpado" :>
Choy, jadymy na Słowacjo hehe  I zaś Tour de Babia do kolekcje bydzie :]

Widzisz te TATRY?:)) Jednak mojo xperia el dowo rada hehe

I jadymy w doooł! © gustav

Nawet zima nie było, a pamiyntom w lato jak sam byłech, to pizgało w cholera!


Karel.com.pl :D © gustav

W tyn czos był pieruńsko fest mocny wiater z połednia... Sztorm wryncz... Na prostyj max 20. W zasadzie od podjazdu na Babio se dowoł we znaki ehhh


Noo i troszka gryfniejszy widoczek! Esyncjo! © gustav



Potym było szukani sklepu na kolejny tank. Dopyro pora km'ów przed granicom był otworty. Suche żymły, banany i woda kupiłech. Żodnych słodkości typu kołoczki z budyniym... :((

Żodnych. 

Sie zy mie śmioli, czamu i jak jo taki rzeczy umia wpieprzać. I w takich ilościach... Zjebki bez przerwy

W drodze na Słowacjo dalij walka z wiatrym, aż do zmiany kierunku na Korbielów. Powoli odżywialimy!


Na granicy © gustav


Lewe interesy, łapówki itd © gustav

Ponoć specjolnie dlo kolorzy zrobili stolik i ławeczka. 2min my tam posiedzieli, aż sie tam staro baba ze swoimi krauzami z miodym niy wpierdzielyła. Potym zaczła robić lekcjo nt. ich wartości zdrowotnych. Zjebki - normalka :D


Miodowy biznes © gustav


Krejzole.eu © gustav

Trocha żeh se oblykł, bo powoli zaczło se zimnij robić, kole 16:30 było. I dobre 20km w dół aż do Żywca :))
Musielimy se niestety rozdzielić. A tak zajembiście było. Prawdopodobnie to była ostatnio tako okazjo na wspólno rajza w tym roku, chocioż kto wiy... Jakubiszon i jo do B-B, a Funio i Karel kajś w strona inkszych zadupiów :D :D


Przerobiony Golf © gustav

Na krajowyj korki masakra, no ale od czego se mo koło? :P W B-B pauza w biedronce. Zrobiłech tank i kupiłech baterie do lampki.
Potym Kuba wpod na chata po coś tam :> Jo se trocha zaś oblykł. I jechalimy aż do Jaworza (niy mylić z Jaworznym, bo to je subtelno różnica). :D :D

Padalimy se "cześć", Kuba jechoł w swojo strona, a jo w swojo. Była 19:10. Co lesze - aż do Żor z wiatrym! W Strumieniu przi wiślance 9min. pauza na jedzonko. Byłech tam o 19:57. W Żorach na zjeździe do Rybnika o 20:38. Czułech hopki w szłapach, ale średnio na poziomie 30 utrzymywołech. W doma o 21:26. Byłech niy wyplompany, niy głodny, ale hmm chyba wyngli brakło na ostatnich 10km hehe. Bo już se niy chciało. Tympyraturka 14'.

Trip jajcarski jak zwykle! :D Szkoda, że ostatni na tle Tatr w tym roku. Abo sie myla co? Mom nadzieja, że ja :P

Ponad 300km i +1 gmina do kolekcje, ale JAKO! :D

Wpisy krejzoli:

http://k4r3l.bikestats.pl/1241651,Babia-Gora-na-ok...

http://jakubiszon.bikestats.pl/1241006,Tour-de-Bab...

http://funio.bikestats.pl/1240817,Tour-the-Babia.h...


Kieryś zachwaloł portal GPSies, a na nim Krowiarki na 300 mnpm... wtf? zaś musiołech se wspomóc bikemap'ym.




Pokaż trasę GPS

Czyli spontaniczno rajza do Czynstochowy, ale trocha okrynżnom drogom - bo bez Opole :D Spontaniczno - bo jeszcze przed szychtom byłech ugodany na niedziela rano popyndalować z kolorzami z okolic. Ale jak już oblykołech se du dom, to coś mie nachodziło, w synsie dupnyć jakigoś hardkora, jakoś 3-setka, direkt po przijściu. Dodatkowo kieryś mi padoł, że jo tego niy zrobia - no to se zmotywowołech i heja. Wbiłech do tesco po jedzyni, czyli chlyb. W sumie jakiś 700g w takich malutkich kraiczkach. Dlo odmiany - niy na sucho :D :D


No i wyjechołech o 23:58. Moji lonty dobrołech idealnie. Pyndalowało se rychtyk cacy hehe. Na Racibórz wiadomo - drogi ciulate, ale było bez ruchu, wiync jakoś poszło. Miołech stare baterie w lampce i to był jednak abfal... Jeszcze do Opola było droga w miara widać...


Na jakijś tankszteli w Krapkowicach, jak wpierdzielołech chlyb, podjechała kole mie audica, otworła se szyba i gościu z pytaniym, kaj jada itp. No i życzył mi szczynśliwyj drogi. Kurde fajno sprawa :) No nic, ruszyłech. Było corozki zimnij.


Noo jo na liczniku mioł najmynij 6,5'. ALE w szczewikach o dziwo czułech ciepło. I mojo kominiarka jako tako dowała rada, chocioż myśla, że poniżyj 8' to już czopka [np. zimowo] by była okej.
Jeszcze po drodze zrównało se zy mnom zaś jakiś auto, zaś otworli szyba i zaś z tekstami kaj jada hehe Gościu mi padoł, że jo jak tak jeżdża, to jeżeh... fachowiec w tyj dziedzinie.
Jedyn z lepszych tekstów, jaki żeh usłyszoł w ostatnich czasach :)

Sam już w Opolu.


No i już po porunastu km'ach w strona Jasnyj Hołdy odczuwołech kryzys. Kurde tak mi moc spodła, że jo piernicza. To, że teryn szoł na wiyrch, to tam kij, ale tak mi se ciynżko pyndalowało, no że niy wiym... A średnio do tyj pory miołech prawie 27. Czyli nic specjalnego po jakiś 120km. Dodatkowo mojo lampka to już ledwo dychała. By niy biołe linie na drodze, to byłbych w żici. Ale jakoś se kulołech. 



Nojwiynkszy paradoks tyj rajzy - zaczyło mie se robić zima w szczewikach dopiyro, jak zaczyło se robić jasno. Ciykawe.
Mniyjwiyncyj 30km od cylu zaś mie sie gryfnie pyndalowało. Niy wiym, czy to zasługa świyntości tego placu, czy dopiyro od tyj pory zaczyły działać moji sproszkowane koksy :D



Już du dom trasa była w zasadzie pod wiater. A chyba wioło tak z S-E. A jo? Pyndalowoł pierońsko leciutko :D Moce z Niebios + koksy i idzie jechać w kożdych warunkach hehehe.



W Gliwicach jeszcze na tanksztela odwiydzić znajomego. W sumie ze pół godziny minyło. Powiym tak, niy byłech głodny, ale że du dom jeszcze było 30km, no to wolołech coś wpierdzielić, bo odetnycie może prziś w kożdyj chwili heh. Tymbardzij, że te 30km to same chopki. Kupiłech w "promocji" (łosz ciuuul) 2 snickersy średni za 5zł. No ale co zrobisz? Nic niy zrobisz.



Ruszyłech z nadziejom, że dojada bez wyplompanio :D No bo moce z Niebios + koksy + co by niy pedzieć, snickersy... :D

Noo i dojechołech w dobrym stanie, ale fest zmynczony, bo to już ze 30h bez spanio. Oczy i morda czerwone, jak lonty z bikestata :P
W doma byłech o 14:25 jakoś.
Zjodłech te chlybki, banana, mało pizza, 2 snickersy i 2 prince pola. Chyba bez tragedie hehe.
Pokaż trasę GPS

Downo żeh niy wciepoł jakiyjś nutki, beztoż tera wciepuja :P Klasyk, kiery zarombiście sie słucho w rajzie. 

Dobre. 

Słaby tyn siyrpiyń kilometrowo. Dzisio miołech wolne, wiync postanowiłech postawić wszystko na jedno karta i zrobić rajza w dyszczu. Żeby wiedzieć direkt, co i jak se oblyc w takowych warunkach i sie jakoś przigotować już trocha na UltraLoop. Moji ochraniacze na szczewiki przeciekajom... czaicie? Ida z reklamacjom! Beztoż w gra wloz stary sposób - worki na śmieci :>

Wczoraj prziszłech z roboty po 15. Potym jeszcze 2h społech. Obudziłech se 20:30 i se myślołech: iśc do biedronki po chlyb i jechać po bliższe gminy, czy se darować i dalij spać? ja niy ja niy ja niy JA! :D
Kupiłech 2 chlybki, ogranyłech streetvievera, popisołech punkty rajzy, pojodłech, przigotowołech koło i dopiyro o 23:45 wyjechołech... 
Niy padało jeszcze, ale była leko mżawka i drogi mokre. Oblyczone miołech: koszulka termo + kurtka, spodynki kolarski + nakolanniki + galoty na dyszcz, kominiarka pod kask i polarowy tyn tyn na kark :D (zapomniołech nazwa hehe).
I pyndalowało se elegancko :)

Pszczyna obwodnica © gustav

To żeh je jo hehe © gustav

W Bieruniu na przistanku pauza na jedzynie hehe.

Chlyb krojony Z CZYMŚ! © gustav

Jak widać, chlyb krojony tradycyjny zostoł zaktualizowany do nowszyj wersje. Aktualizacjo zawiero m.in.:
-masło
-keczup
-szinka
-szałot

W okolicach Chrzanowa zaczyło już padać na tela, że musiołech wsadzić worki do szczewików :D Jeszcze kapuca na łeb i idzie jechać. Tam kupiłech jeszcze kołoczka i woda. Ale w cyntrum oznaczynia były jakiś ciulate abo co i zrobiłech pyntelka. Niy wiydziołech kaj jo je! musiołech wspomóc se gpsym. A to było możliwe yno kajś pod przistankiym, bo coroz bardzij padało, ale ulywa to to niy była.

Krajowo 79-ka fest rano © gustav

Patynt na worki zdowoł egzamin - dalij mie sie elegancko pyndalowało :) A tympyratura najniższo: 11,2'.

W Krakowie coś zaś pociulołech... I zas gpsie wspomóż mie..

Sam to je burdel :D © gustav

Ogarnyłech. Rozpoczyłech atak na piyrwszo gmina:

W drodze do Zielonek © gustav

średnio spadła doś ostro na tym kilometrze...

Kraków - masa hopek z kożdyj strony.

Z kożdyj.

Typowe widoczki © gustav

Kajś kupiłech chałka tako dupno i 3 kołoczki.

Momyntami nawet słońce prześwitało i niy padało, ale to jednak rzadkość była.

Karel-focia :P © gustav

I tak se pykołech po tych zadupiach. A te boczne drogi przeważnie z marasu upierd*** uwalone :D I tyż powoli jecholech. I zaś średnio w dół.

W drodze do Igołomii © gustav

Najdolszo dzisiejszo gmina © gustav

Czy Chajzer tymu podoło?? ;] © gustav

Bo som Vizir to może niy styknyć :D © gustav

I potym już krajowom do Krakowa. W tym że mieście drogi som fatalne! Ale co zrobić. Na rynek niy jechołech. Średnio padało, tympyraturka 14' z ułamkiym w połednie... Dalij zy mnom okej :)

A sam zaś miejscowe wydarzyni :D

Papiyż wybrany! © gustav

Trocha dalij © gustav

Kajś już w Chrzanowie przestowało padać. Kajś tam jeszcze jedne zakupy. Piyrw seblykłech kominiarka, pora km'ów potym kurtka i zas trocha dalij wymieniłech fuzekle na suchawe. Dalij jakoś bez kryzysów, yno było czuć pewno wilgoć w szczewikach, to normalne. W tako pogoda nic niy chciało wyschnyć. Max tympyratura 19', kiero zaś zmalała do 15 w Pszczynie, ale za to trocha słońca było widać. Pełyn relax już od Żor. Ale kieta mi tak trzeszczała, bo niy wziyłech smaru - myślołech że bydzie padać cały czos :D Ale co poranoście km oblywołech jom wodom z bidonów hehe

Przijechołech w bardzo dobrym stanie myśla (niy liczonc wizualnego mojigo i od koła hehe). Yno już spani sie dowoło we znaki. Tera kończa pisać i ida spać, jutro na rano do roboty :D

Kurde - mało zjodłech w rajzie tyj :P Poł chleba ciymnego, 6 kołoczków, chałka dupno. 

Piyrwszo 3setka od 4 miysiyncy :D :D

+10 gmin i dobranoc.
 

Pokaż trasę GPS

2 dni wolnego, to trza korzystać :D Oblukołech se pogoda i u nos w poniedziałek miało być 31', pora chmurek. Za to w okolicach Zakopanego ze 26' i trocha wiyncyj chmurek. Ale bez opadów. Wiync postanowiłech jechać do Bukowiny i zebrać pora zaś gmin hehe.
Po niedzielnyj 12h szychcie prziszłech du dom kole 21 i zaczyłech przigotowania. Poszłech spać kole północy, wstołech o 3:30, wyjechołech o 4:50. Ojj bydzie mie zmulać w drodze powrotnyj... :D 

Już za Żywcem © gustav

Jak już widać na powyższym foto - chmury na niebie. To dobrze, bo jo sie nastawioł na podjazdy w pierońskim hycu rzyndu 40-45'. A tak idzie pedzieć - idealno pogoda na pyndalowani. Na liczniku kole połednia miołech max 32' jakoś.

Stryszawa © gustav

Droga bez Stryszawa - fajno hopka :D im wyżyj, tym bardzij nachylono hehe


W drodze na Krowiarki © gustav

Tego mi trza było! :>

Lejymy woda © gustav

Na krowiarkach parking zawalony.. :D ale niy fociłech - wszyscy owe miejsce znajom.

Po ta gmina musiołech zjechać z trasy jakiś 5km monyj :P

Zaś jedna wiyncyj © gustav

I potym aż do Nowego Torgu (:D) prosto i jakoś nudno. Tatry fest przikryte ciymnymi chmurami.. zaczyło mi se to niy podobać.

Sam już w drodze direkt na południe. Chmury w oddali ehh... Zakłodołech teza "z wielkij chmury mały dyszcz" 8<

Czorne chmury już widać © gustav

Jo już zakłodoł wariant, że byda musioł popytać o nocleg (dobrze, że 2 dni wolnego). Co te prezyntery godali we TV - iście letnio aura...
Ale jechołech na ryzyko, bo drugi roz sam jechać niy byda!

W Poroninie © gustav

Ujowo, ale stabilnie (jeszcze) :D

Do Bukowiny droga tyż fajno ścianka, widoczki na Tatry klasa! Ale dalij były jeszcze lepsze :)

Bukowina taki se © gustav


Bukowina Hotel © gustav

BEAUTY OF POLAND!

Czarna Góra © gustav

Do Trybszu jeszcze konkretniejszo ścianka, porównywalno z tom w Stryszawie, ~15% myśla bydzie (jak ktoś umi to sprawdzić, to byda wdziynczny:))


Na ściance © gustav

To tela jeśli chodzi o focynie - od południowego-zachodu czorne chmury nadciongały... wiync musiołech spierdzielać jak najdalij na północ. Normalnie siwo, dupno mgła! W tyj adrenalinie szłapy dostały boosta normalnie, jo sie nic niy oszczyndzoł. Ale chmury i tak były gipciejsze i dostołech sie w "objyncia" dyszczu. To było kurde niyuniknione. Niy sipiało, ale tyż niy była to ulywa. Ale przi 21' jeszcze momyntami sie przegrzywołech hehe. Dojechołech do Rabki i tam krótko pauza pod paryzolami. Zgodołech sie z Karelym z San Andrychowo City, że jak bydzie dalij loło i byda przemoczony, to wbija do niego po zestaw anti-dyszcz :D Wbiłech do knajpki po 5 worków - jedyn dołech se pod kask, reszta po 2 do szczewików (stary sposób). W takim oto zestawie amatora jechołech dalij w dyszczu. I tyn zestaw działoł w japoński sposób, czyli Jako Tako :D :D Ale w miara było okej.
Pierwotny plan zakłodoł jazda z Rabki DK7 do Jabłonki celym zebranio 2 kolejnych gmin. No ale niy mogłech jechać direkt w czorne chmury... Kiedy indzij tam podjada.

W okolicach Makowa już przestoło padać, drogi schnyły. Jechało sie zarombiście. Szłapy podowały jak ta lala :D
Jeśli chodzi o jedzynie - pora bananów, 4 żymły i głównie same kołoczki :> Tak mi dzisio smakowały, jak nigdy indzij :P
W Wadowicach wbijom do sklepu po ostatni zakupy. Była godzina 20:30 jakoś. Prawie 90km du dom jeszcze, wiync dokupiłech 5 kołoczków jeszcze - to powinno styknyć. Zadzwoniłech jeszcze roz do Karela, a w miyndzyczasie jakiś typek z piwym w rynce mi pierdzieli, kaj chca jechać, kieryndy powinienech jechać itp Jo godom bez mobilnoka, a tyn dalij swoje, noo kufa maać. Odpoliłech mobilnego gps'a, full głos i do kapsy. Z Brzeszczy do Wadowic tymi skrótami zajada bez problymu, ale odwrotnie jeszcze nigdy niy jechołech (tym bardzij w nocy), a tam oznakowani trocha średni. Ale gps zrobił swojo robota należycie :) I potym już ze 60km prosto du dom. ALE zamulani sie zaczyło... Brak snu sie uwydatnioł. Kurde tragedia. Zaś jazda na granicy wypadku. To je drugi najgorszy kryzys. Piyrwszy to je, jak mosz dość dziwanio sie na jedzynie. Dopiyro w Żorach na oświetlonych drogach trocha mi przeszło. A baterie przednij lampy tyż musza wymiynić - już 4. wielko rajza i 4. pełno noc majom za sobom.

M.in. taki rzeczy momy na rybnickich rondach :D

Fotka z Alojzym © gustav

Te prawie 90km zrobiłech na 3 kołoczkach i litrze wody. W Rybniku już jechołech relaksacyjnie. Zaś niy wyplompany, yno śpioncy :D W nogach nic niy czuja po tyj rajzie. Kontuzja w kolanie już mi chyba przeszła, bo cało trasa jechołech w systemie "korbowania": góra-dół. Czterogłowe se mogły w końcu odpocznyć momyntami.

400km i 5 nowych gmin...


Pokaż trasę GPS

Czyli mój piyrwszy udział w życiu w poważnyj imprezie kolarskij z cyklu "UltraRajza" (czyli direkt coś dlo mnie hehe). W końcu miołech okazjo porównać swojo forma z rychtyk Tytanami w tyjże dziedzinie. Obrołech dystans 450km, bo:
- 150 i 300 to żodno satysfakcjo dlo mnie (chyba żebych cufalym zahoczył o podium.. dobry wic..)
- 600 w 24h jeszcze niy mojo liga (chyba, że za tirym hehe). Tyn dystans yno/aż 7 twardzieli ukończyło! Respekt!

Przed wyjazdym do Radlina (3km od chaty) obejrzołech se pogoda i tak: słonko w burzowyj atmosferze (czyli pierońskie wiatry z południa i dyszcz w różnorakij odmianie jak najbardzij bydom na miejscu ehh). Ale że niby szansa na opady była max. 10%, no to za cholera niy mo prawa być ulywy! Beztoż jo lontów anti-dyszcz nie broł żodnych.

Żodnych.

Wziyłech yno na noc sprawdzony zestaw: nakolanniki, chusta, kominiarka i bluza termo. Ryzyko dość ostre..
No i tyż niy jodełch obiodu. Yno wszamołech 5 ciastków, 2 kawy i tam mone coś jeszcze :>
Na start przijechołech 15:40. Ludzi masa - kole 150. Ze znajomych z BS'a byli: Funio, Janekbike, Tadzik1963 i Raptor8999 - z nim ugodołech sie na wspólne co najmij piyrwsze 2 pyntle spokojnym tympym. 

Fest było spokojnie...

Jo z racji mojij koszulki BS może byłech rozpoznany przez niekierych, ale jo innych prócz Waxmunda już niy kojarzył hehe.

Ogólnie to bydzie mój piyrwszy wpis z długij rajzy yno z jednym zdjynciym mojigo autorstwa (bo na maratonie każdo sekunda sie liczy! wiync kaj tam myśli o knipsowaniu):


Tela fotografów robiło nom foty przed startym, na trasie i nic fajnego niy umia znolyźć :/
Ale od czego jest np. Mroczny45 :))

Po symbolicznym kółeczku po Radlinie zostoło naszyj grupie ze 20min, wiync z racji, że wolołech mieć żołondek trocha zapełniony, to z Pawłym jechalimy do spożywczego.

Niy po cigarety abo % czy jakiś leconce w kulki emenememsy :D

Jo se kupił 2 bagietki i 4 kołoczki jakoś. Czego niy zjodłech - zostawiłech w mercedesie Pawła, żeby mieć jakiś zapas po skończonyj pyntli, jakby na punkcie było za mało owego jedzynio :P
Czorne chmury nadchodziły. Wszyscy już chyba mieli nasrane w galotach. Jo tyż :D Czamu niy wziyłech chocioż kurtki?! :D Ojj bydzie sie działo.
Taktyka - moga już te słowo wyciepać z mojigo słownika, jeśli chodzi o maratony. Jo mioł w planach piyrwsze 2 pyntle właśnie na spokojnie (średnio góra 26), a na ostatnij - otworci DRS'a i pyndalować wiela sie do! ^^ W końcu przeca w pagórkowatym terynie czasówki na takim dystansie jeszcze niy jechołech. Jechołech co prowda dwukrotnie ta pyntla i przi średnij 30 było czuć te hopki w szłapach.

17:40 wystartowała naszo 3. grupa. Za Wodzisławiym już średnio ze 33 :D ojojojoj Jedni gonili 2. grupa. Inni z Januszym na czele (w końcu koszulka BS zobowionzuje do czegoś hehe) tyż ostro pyndalowali. My z Pawłym troszyczka spokojnij. Noo i kajś w Pawłowicach już my ich dogonili.

"Janusz, kaj to tak gipko zadupczocie?!" :D

Odcinek na wiślance to był JEDYNY odcinek, kaj jo jechoł w rychtyk grupie, gipko, za kimś - na kole.
W Skoczowie dogoniła nos wiynkszość 4. grupy. Ja piernicze - przepisy godajom 15 ludzi max., a naszo grupa liczyła łohohoho 20-25 hahah. Pora km przed Ustroniym Paweł zwolnił, jo na niego poczekoł - w końcu mielimy swój plan: na spokojnie.
Na punkcie trza se było zadowolić żymłami, kołoczkiym i batonym. No i była tyż woda, izotony, kawa czy herbata? :D

Po opuszczyniu punktu kajś se stracił Paweł. Jechołech do 2. ronda 10km/h i go niy widziołech. Na światłach czekołech i dalij go niy było. No nic - jechołech z nadziejom, że mie dogoni. Przed Cieszynym mijo mie grupka na 300km. Na rondzie w Cieszynie chytom aero za tirym i direkt pod tyn podjazd zapierniczom hehe. No ale trocha tyn tir se rozpyndził i niy mioło synsu dalij zapierniczać na maxa. Ale dogoniłech ta grupka na 300km hehe i z nimi jechołech. W Zebrzydowicach na punkcie dogonił mie Paweł. Tam do jedzynio yno baton i banan. Wyruszylimy dalij z dwoma innymi.

hahahaha


Next punkt w Tworkowie. Tam już nic do jedzynio, yno woda... Ubrołech wszystko prócz kominiarki. Było ze 18'. W Radlinie meldujymy sie po 6h brutto. Średnio 29 jakoś, ale dobrze sie czułech. Do jedzynio gorki bogracz z żymłami. Jo sie tym napchoł dość fest hehe. Ubrołech kominiarka, bo już po łepie było czuć pot/wilgoć, a tympytarutka spodła 14'.
Kilometer od odjazdu jo se wspomnioł, że szło zabrać banany. Ja pierniczeeeee!!! Musiołech zajechać na tym do Ustronia ehh

Trocha o pogodzie: momyntami mikroskopijne kropelki, kaj-niekaj mokro droga, wiatr w miara spokojny (na poczontku na wiślance). Tympyraturka kole 3 w nocy uwaga - 21' !!
Już dojyżdżajonc do Ustronia zaczyło fajnie wioć... Już na drodze do Cieszyna momyntami sztorm heh. Ale na tyle "ciepły", że musiołech zdyjmnyć kominiarka, bo sie przegrzywołech. Yno jo to robił w czasie pyndalowanio i ani niy wiym kiedy - wypadła mi Niy było synsu jij szukać, trudno. Z nami od Radlina zabroł se jedyn starszy gościu. Mioł trekkinga, niy mioł pyndali SPD - jechoł równo z nami cołki czos - wielki szacun dlo niego, siła mo pierońsko! W Zebrzydowicach dalij trwoł karnawał :D By nie tyn maraton... :D
Mniejwiyncyj w okolicach Cieszyna odnowiła sie mojo kontuzja prawego kolana... Jo wiedzioł, że to może sie stać, kwestia była yno: na kierym kilometrze i jak bardzo dotkliwe to bydzie? Przez te kolano całkowicie miołech wyłonczony systym "ciongnycio korby na wiyrch", a tym samym niy było możliwości rozkładu sił na dwu- i czworogłowe. A pyndalowani w trybie: lewo szłapa ku wiyrchu - prawo na dół, niy było za wygodne. Ale z każdym kolejnym kilometrym tyn ból sie niy powiynkszoł, na szczyńści. Mogłech jechać niezłym tympym.
W okolicach Łazisk Paweł trocha sie zaczył oszczyndzać. Jo tyż (i kolano se odpocznie), gościu na trekkingu systematycznie sie oddaloł. Jak my wjyżdżali na punkt do Tworkowa, to on wyjyżdżoł. Jo żeh sie czuł o dziwo bardzo dobrze! Paweł już ponoć średnio. Beztoż postanowiłech, że zaryzykuja i pojada SOLO POŚCIG! Czyli matematycznie - 180km do mety. Żeby nie było, to je istotne - z Pawłym i tyż za kimkolwiek innym niy stosowołech jazdy "na kole" od czasu wiślanki na piyrwszyj pyntli. Była jazda 3-5m za kimś abo obok siebie.
No nic, była jakoś 5:20 i zaczyłech "czelyndż". Piyrwszy do złapanio - trekkingowiec. Jo do Radlina zapierniczoł ostro, średnio 30 jak nic. Już mi sie pojawiył na horyzoncie przed Radlinym. Chyciłech go direkt 200m od punktu, bo pomylił drogi :D Gipko odbić dyskietka, zostawiłech na tym punkcie "nocne lonty", wpompowołech izotoniki w siebie, zjodłech co sie doło, banany do kapsów i w droga! Średnio: 27.9. Niy umia stwierdzić, czy kogoś udało mi sie dodatkowo przegonić na tym punkcie, kilku kolorzy siedziało przi swoich kołach. Niy patrzołech na ich numery. Przed Jastrzymbiym wyprzedziłech kolejnych 3. Jo jechoł tak zmotywowany, tak "wypoczynty" że nie byłech w stanie zrozumieć: "skond wy mie je jeszcze tako moc?". Na wiślance zaś mocny wiater ehh.. tak jak uwielbiom ta droga, tak tego dnia jij niy ciyrpiołech. Ale przegoniłech jednego. W Skoczowie na Orlynie zaś kombo x3 do "kolekcje" - robili se pauza pod paryzolym hehe. Dojechołech do Ustronia na punkt, tam zaś 2 było. Od tego momyntu na widok słodkigo jedzynio... moji oczy niy chciały tego widzieć. Ale jejśc trza było, innyj rady brak. Gumy do żucio w pewny sposób neutralizowały tyn "niesmak".
Samopoczucie jeszcze w miara okej, o dziwo. Cieszyłech sie, że już jada na kolejny punkt, bo sie zaczyły hopki, a mie już żić bolała od tego "plastikowego" zica. Jednak Selle Royal Freccia to je na długich rajzach konkretno i wygodno kanapa! :> kominiarka znalozłech - leżała przi drodze haha. W Zebrzydowicach trafiom na punkcie jeszcze jednego gościa. On to mioł machina konkretno - 6,5kg czasowo lalunia na 10cm stożkach i elektronice. Ale już złapoł ze 3 pany. I żeh mu użyczył dyntki. Sportowe opony - niby szybsze, ale i podatniejsze na "laczki". Moji Durano - prawie 6kkm i jeszcze niy zawiodły :) Wziyłech se sobom 2 banany i 2 batony i na tym miołech przijechać aż do Radlina. W Tworkowie doganio mie jedyn zawodnik. Zrobił krótszy pitstop o minuta wiync zaś musiołech gonić. Słońce grzoło dość mocno, na liczniku 35'... Oblywani sie to był standard heh. Ale dogoniłech i przegoniłech. W Syrynii na ściance było kosmicznie hardkorowo, ale dołech rada! Potym już do Radlina w zasadzie prosto droga. Te ostatni 10km to już czułech braki w żołondku. Myśla, jakby było ze 5-10km wiyncyj, to odcinka gwarantowano.
Ale dojechołech! Piyrw co zrobiłech na mecie, to niy gipki lecynie odbić dyskietka, yno cało woda z bidonów na siebie wlołech :D Jeszcze z kimś krótko pogodołech. Straciłech góra 2min, ale w ostatecznym rozrachunku i tak do osoby przedy mnom traciłech 8min, wiync luzik :) By niy było hycu, to pewno miołbych ochota dokryncić do 500km heh. Pościg zakończony sukcesym - przegoniłech 11 osób :)) Średnio utrzimano z drugij pyntle!

Potym o 20:00 było rozdani dyplomów, pucharków, jakiś filmik itp. Moji piyrwsze, rowerowe nagrody hehe.

Dystans 450km+ (przewyższynia ok. 3800m) ukończyło niby 75 osób, jo z moim czasym uzyskołech 26. miejsce! Jak na piyrwszy maraton i w zasadzie jazda SOLO - bombon! :)

Plany były na tyn tydziyń w pierony ambitne. Piyrw pyntla 1200km, potym inno na 800km, a wyszło finalnie - niydalekie od Rybnika chopki :> Plan rajzy zaproponowoł Ludwik (tlenek), czyli jakoś tam pyntelka w jego okolicach. W tyn dziyń miało przelotnie padać, to bych mioł okazjo trocha oswoić se z deszczym.
Wstołech po niycałych 3h spanio, o 1:30. Obrzyndy przigotowawcze - jak zwykle mi na nich zeszło czasu, ale wyjechołech planowo, o 3:05. Oblykłech strój BS + nakolanniki + bluza termo. Przi ok. 14' jeszcze szło strzimać, tymbardzij, że jechołech z wiatrym.

Jeszcze w Rybniku © gustav
W cyntrum Rybnika podpiyłech se tira, kiery tyż jechoł do Pszczyny :D :D Piyrwszy roz byłech w Pszczynie po godzinie jazdy hehe średnio 40 z groszami. Nowy asfalt, to szło pyndalować ^^

Kajś już na chopkach © gustav

Krajowo 28 © gustav
W Makowie byłech pora min. przed 8. Tam spotkołech Tlenka. Zapożyczył mi szmyra do kiety, bo moji coś a'la WD40 po 120km już niy spełniało swojij role. I tak oto (czasym :D) lajtowym tympym kierowalimy se na Krowiarki.

Babia w chmurach © gustav

Na podjeździe © gustav
Im wyżyj, tym zimnij. Tympyraturka już kole 11-12'. Dookoła pełno chmur, ale dalij niy padało.

Zjazd to momyntami lodówka :D Ale czasym musiołech sie zatrzimać na foto - bo w doma tego niy ma hehe

Na zjeździe © gustav
Czasami słońce przenikało bez chmury.

Panorama kajś tam © gustav

Babia w oddali © gustav
W Czornym Dunajcu pauza w piekarni. Kurna wiela tam było ludzi... Było kole połednia, a dalij wiyncyj jak 15' to nie było :/

Jakiś tam jeziorko © gustav
Kajś tam zaczyły sie chopki i uwaga, słońce troszka dowało o sobie znać :> że normalnie musiołech seblyć nakolanniki i koszulka termo.

Wysokokokoko © gustav
Krościenko nad Dunajcym - kolejno wiynkszo pauza przi sklepie. Tam mi fest, ale to już fest spodły morale, jak sie dowiedziołech, że Tlenek roz na trasie 150km zjod yno batona i zapiekanka...
I zadecydowalimy, że zrobiymy mały odskok po 1 gmina, skoro my już byli w pobliżu :D

+1 gmina do kolekcje :D © gustav
Symboliczne 10m po nowyj gminie i nazot :D
W zasadzie od tych okolic zaczył sie fest powolny wznos terynu. Przed Lubomierzym trocha wiynkszy podjazd. Czyli w sumie ze 40km jazdy do góry hehe.

W drodze do Mszany © gustav
Przed wjazdym na Dk28 musiołech se zaś oblyc bluza, dalij zima było ehh. Ale już po kierymś km'ie na tyj krajowyj zaczyło sie pojawiac słońce :)) W końcu!

Tlenek w akcji © gustav

Piyrwsze foto w słońcu! © gustav
Sztyjc było góra - dół - góra - dół. Jo jo przejechanych 300km czułech sie zarombiście!!! Zero kryzysów! Chyba przez prawie idealno tympyraturka do jazdy.

Słitaśnie musi być! © gustav

W strona Makowa © gustav
Mie wszystki podjazdy dzisio wchodziły tak lekko, jak nigdy, niy wiym czamu.. Ale było gites :)
W Makowie najazd na zapiekanki :))

Kolacyjka mmm © gustav
Tam dzwoniłech do Karela, że niydługo byda przejeżdżoł bez Andrychów i że mo okazja mie eskortować pora km'ów. Ale tyn mi odpisoł, że wlywo kolejne % do basa i niy do rady :D Piontek wieczór - moga mu wybaczyć hehe.
Potym ostatni zakupy w Tesco. 7 żymłów, chlyb krojony (!), 4 banany, oshee i woda smakowo.

Zatankowany na noc hehe © gustav
Ta tasza pod zic mo dużo plusów heh ;)
Pożegnalimy sie i wyruszyłech w samotno rajza. Fest podobno sytuacjo do zeszłorocznego Tour de Babia - tyż Babia dzisio w roli głównyj, tyż dużo chopek, tyż widok na Tatry, tyż zakupy na nocne kryncynie :)
Przed Wadowicami yno mikroskopijnie kropiyło. To było yno tela z zapowiadanych opadów na dzisio...

Zachód DK28 © gustav

Zachód DK28 dwa © gustav
Ogólnie miołech w planach robić 500km. Bo dalij elegancko mi se krynciło. No ale nic nie trwo wiecznie...
W okolicach Andrychowa już oblykłech se kurtka, bo sie zima powoli robiło, ze 13'. Głównie mi po karku było chłodnawo, a ta kurtka mo wysoki kragiel, wiync dobro ochrona idzie pedzieć. Po prostu zapomniołech zabrać mojo specjalno, polarowo "chusta" na kark. Ale że tyn kragiel był mało komfortowy w pochyłyj jeździe, to musiołech zacznyć kombinować. Seblykłech bluza termo i użyłech jij jako szal. Po łepie tyż było zima, to kapuca z kurki pod kask. Owe sposoby tymczasowo se sprawdziły :> Dojechołech do Skoczowa i było corozki gorzyj. Tam zjodłech reszta co miołech, prócz chlyba. Na włosach czuć było pot/wilgoć, wiync już efekt "grzocio" powoli zanikoł... :/ Sama kurtka chroniła na klacie przed wiatrym, ale zimno sie dostowało rynkowami, od spodu. W tym momencie posiadani jeszcze jednyj bluzy z długim rynkowym bardzo by pomogło. Po szłapach w ogóle mi niy było zima. Natomiast rynkawiczki jakiś cieplejsze by sie tyż przidały. Morale mi fest spodły. Jo już wiedzioł, że jak podjada pod dom, to byda mioł ~460km i tych 40km za pierona niy byda mioł ochoty dokryncać. Niy byłech o dziwo wyplompany po tych górach, szłapy fajnie podowały, yno jakiś miyńsiyń przi kolanie mie trocha boloł (jak sie ciongnie korba na wiyrch). Byłech po prostu wyziombiony, źle oblyczony :/ Na wiślance pojawiył sie mega-kryzys. Kryzys spanio. Tragedia. Porównywalny z tym z mojij trasy Gdynia - Rybnik (drugo noc). Zaś miołech zwidy przed oczami. Jakieś tiry w jeziorze widziołech, jakieś czołgi (?) na poboczu drogi i inne niysamowite "obrozki". Aż do Żor jakoś 5x bych sie otorł o wypadek - zasypiołech i abo bych wjechoł w barierka oddzielajonco kierunki jazdy, abo bych sie wdupił poza pobocze, kajs do rowu... Jo nie wiym, jak udało mi sie tego uniknyć. Trocha w Rybniku już jakby mi to przeszło. Zima dalij było, 11'. Dojechołech urlopowym tympym du dom (pora minut przed 3.) i już niy dokryncołech. Szłapy okej, bez wyplompanio/wycieńczynio, ale "schłodzony" i ospały. Jedyny plus to taki, że zaś zebrołech trocha doświadczynio na czerwcowe, nocne rajzy. Musi być w nocy min. 15', żeby kryncić bez kryzysów.

Zjodłech: pół zasobów piekarni, 1/3 działu pieczywa w Tesco, czekolada i poranoście bananów.

+8 gmin
Wiela jo mógł zrobić przewyższyń na tyj trasie? Na danych z tyj mapki mom 18,5km wzniesiynia terynu.
Pokaż trasę GPS