Zaś seteczka po okolicy, czyli do Żor >> Mikołowa >> Gliwic i du dom :> Dzisio pogoda czadowo: wiosynno tympyraturka + jesiynno wichura hehe. Drogi mokre z rana, ale co zrobić, jak trza kilometry kryncić - musiołech se pogodzić z tym, że zaś trza bydzie koło wyglancować na połysk.


Trocha uwalone ehh © gustav

Wioło fest mocno z południa, wiync do Mikołowa fajnie zapierniczołech.

A sam zajembisto sytuacjo - cało wiślanka mo długość 67km, a yno sam w Łaziskach na odcinku 900m je zakaz dlo rowerów...
Czym tyn odcinek se różni od cołkiyj reszty? Jo niy mom pojyncio.

Wiślanka w Łaziskach G © gustav

Dojechołech do Gliwic, średnio 28 coś. Podjechołech na tanksztela odwiydzić znajomego, prawie godzina zeszło. No i trza było trocha popić, niy ma co hehe.


Pauza & tankowani © gustav

No i uwaga:

Tympyraturka 12 grudnia © gustav

Taki dialog nt. pogody:
-u nos 10', a w Suwałkach zaś na pewno mrozy
-no ja, tam to zawsze nojzimnij je
-to pewno przez tyn ruski luft
-na bank ruski luft. i choy.

:D:D

Noo a w drodze do Rybnika katorga. Direkt pod ta południowo wichura. Średnio 20km/h. Na prostyj 25 - świynto. Ale se doczołgołech...
Żymła i snickers pozwolyły na przijechani bez wyplompanio hehehe


Ooo i jeszcze zachód © gustav

I zaś seteczka do kolekcje ^^ I zaś niymalże tyn som dystans, co wczorej hehe. Dzisio jednak mynij wartościowy był obiod, wiync wiedziołech, że wczorejszego wyczynu niy pobija. Traska do Pszczyny, pod dalij wschodni wiater. Ale słońca dzisio trocha było i 6-7'.

Słonko napierniczo! © gustav


Pszczyna zamek © gustav

Dzisio testowołech grubszo kurtka, tako rychtyk na narty. W słońcu se przegrzywołech z leksza, ale już przi zachodzie (1-2') w zasadzie było perfecto!
Nazot z Pszczyny na Pawłowice. Po drodze kupiłech woda i 2 dupne ptysie - na bank wiedziołech, że bydom potrzebne :D

Robi se cima © gustav

Wiślanka wiadomo - poezja. W Żorach na przistanku zjodłech owe ptysie, bo coś se pusto powoli w basie robiło heheh a i tyż carbowyngle se skończyły w bidonach. Stykło pora minut, żeby odczuć napływ mocy :> W Rybniku zaś z 10km musiołech dokryncać do setki, a du dom przijechołech w lepszym stanie, niż wczorej - szło jeszcze robić małe sprinty.
By niy te ptysie, to je po mie :D Wyplompanie na 200% hehe


ooo Speed mo już 20000km przejechane :>

W końcu zrobiłech setka, uwaga! bez grama jedzynio na cołkim odcinku :> I to jeszcze w grudniowyj tympuraturce, kaj zapotrzebowani na jedzonko je niby wiynksze (mom recht?). Po zjedzyniu śniodanio kole 11, miołech zarozki wyjechać, ale musiołech niystety przesunyć wyjazd. Wiync poczekołech na obiod i wyjechołech po 14. Wziyłech 2 żymły z kyjzom, a w bidonach pomarańczowy carbomax <3 Był w tesco, to se kupiłech. 940g czystych wyngli za 2 dychy to se opłaco, a myśla na nowy rok zrobia wiynksze zamówiynie wszystkich koksów, to jeszcze tanij bydzie :> Ogólnie tympyraturka dzisio 3-4' !! Piyrw do Rud. Zauważyłech, że już niy ma tego porywistego wiatru, co ostatnio, wiync pyndalowało se glanc puc cycuc :D Potym na Racibórz. W Krzyżanowicach zatrzimała mie policjo... Pytali sie, czamu jada bez zadnij lampki. To padołech, że mom ja zaczepiono w kasku. I jak se okozało - niy widać jij, bo mojo pukeltasza jom zasłanio... Kuźwa dobrze, że miołech tona odblasków. Padali, że mom to jakoś umiejscowić, żeby było widać i tela. Jakoś ta lampka na opaska odblaskowo zaczepiłech, z tym, że ciut było pod kontym na wiyrch, ale było widać o! 
Już od Chałupek do Rybnika same hopki. Przeszło 70km zrobione i jak to zawsze bywo - już powiniynech coś wszamać skuli pojawiajoncego se głodu. A dzisio - nic a nic! baaa na tych hopkach mi se elegancko podjyżdżało. Koksy robiom swoje :D Z tym, że se już kończyły heheheh. We Wodzisławiu zostało mi góra 200ml i ze 15km do setki. A jednak wdupiłech se na tanksztela po 1,5l wody. Dobrze, że zatankowołech, bo na kolejnych km'ach se chciało pić jak pieron. Powiym tak: takigo rychtyk głodu niy było, ale tympo jednak ciut zmniejszyłech. Chyba wyngle se "wypolyły" :> Na prostyj ciynżko było 30+ utrzimać, ale dojechołech du dom bez jakigoś wyplompanio. I tyż od razu do lodówki jakoś niy ciulołech, jak to zazwyczaj bywo :D
Jutro tyż jakoś rajza myśla wpadnie, bo listopadowe km'y cza nadrobiać.

...Wrocław, Łódź, Kielce, gminy kole Tarnowa abo nawet Jaworzna City (do kierych mom nojbliżyj) - wyszło jak to ostatni czasy bywo - mizernie. Jo jak już zrobił moji cele na tyn rok - 1000 i 25% gmin - to już mie se nic niy chce. Chyba to skuli tego, że corozki zimnij za oknym i przekonani, że zaś trza do marca/kwiytnia czekać na ultrarajzy. A może se jeszcze zmotywuja?...

Wczoraj, dzisiej - pogoda BOMBON na pyndalowani; yno wiater doś niysłaby, zachodni. Udało mi se (wow!) siednyć na koło i ruszyć żić. Standardowo pyntelka gryfnym asfaltym bez Gliwice, Mikołów, Żory. Na trasa wziyłech 2 żymły, ale i one niy stykły na taki dystans, żeby przijechac du dom niywyplompany. Po ~85km już traciłech moc wyraźnie, a jeszcze jechołech pod wiater... Ale se dokulołech, jeszcze 3km musiołech dokryncać do setki. Tako gipciejszo rajza na koniec miesionca, udanego yno pod jednym wzglyndym. Wiadomo. 




Znalezione na necie. Uwielbiom tego typu artykuły - chodzi mi głównie o 3 kolumna :> "siada im psychika" dobre dobre :D Zawsze jak to czytom, to mi se poprawio humor :)

Tako spontaniczno rajza po szychcie hehe Prziszłech du dom po 17, zjodłech se obiod po lekku i taki tam inksze pierdoły, beztoż wyjechołech o 19:30. Pogoda bombon, nic yno pyndalować! Napisołech poru bajkerom, ale wszyscy już myślami przi piontku xD W ogóle jakoś chynci niy miołech z poczontku, ale po piyrwszych 3km wróciłech na dobre tory :> Troszka gipciejszo rajza, niż przeważnie heh
W nocy kole 14-15', już w Szczyrku na podjeździe gorołech, ale do Wisły trocha zmorzłech - tam było już yno 12'. Zjodłech w trasie uwaga! - 3 kołoczki i 2 średni żymły. Plus wyngle w bidonach i isoactive. Przijechołech o 2:45, niy wyplompany i bez głodu - czyli je już jakiś progres hehe. Salmopol obrócony w 7h 15min - chyba rekord :)

Salmopol w nocy © gustav

Kajś we Wiśle © gustav


Pokaż trasę GPS
ODDOM STARE BLOKI!! Trocha jeżdżone, już mi niy som potrzebne, a monyj komu se przidajom :)

Nowe bloczki © gustav

Musiołech se jakoś wyżyć po niewypalonyj rajzie z samego rana. Suport zrobiony, no to dystans 3-cyfrowy dzisio musioł padnyć. Z racji pogody yno w pobliżu, żeby w razie czego gipko ciulać na chata :P Były ciymne chmury, ale nic niy kropiło. Za to doś tak wioło z południa (beztoż miołech tako fajno średnio na Annaberg hehe - 67.8km w 2h 9min). Wpieprzyłech w trasie:
- 3 klapsznity 
- 11 bananów :D
- 4 jakiś kurduplowate wyroby piekarnicze z jagodami (3 taki to było jak 1 żymła)
- ze 3l wody bydzie

Od Gliwic już rychtyk wiater robił swoje, w Rybniku jakby osłob. Niy byłech głodny jak przijechołech, ale nogi już swoji nakrynciły. Chyba niy ma tako zło ta średnio, jak na moji sprinterski możliwości :)

Przed podjazdym bajsła mie osa kole lewego cyca, do tera czuć :D 

Taki tam, na wiyrchu :P © gustav


Sam żeh se bujoł :)) © gustav

Pokaż trasę GPS

100km solo w 2h 57min 50s. Jazda w godzinach 23:00-02:00 po rybnickij obwodnicy, majoncyj w sobie 3 ronda. Jedna tako pyntelka jakiś 3.3km, wiync trocha tych kółek zrobiłech hehe. Ale zależało mi na tym, żeby niy było skrziżowań świetlnych i wielkigo ruchu. Czas w zasadzie jakoś gorszy o minuta, może półtoryj, w porównaniu do poprzednij czasówki na 100, ale terozki ani razu sie niy zatrzimywołech. Wypiłech 1,2l wody z wynglami (trocha brakło pod koniec) i zjodłech uwaga - 1 banana! Przed wyruszyniym zjodłech ryż 2 torebki. Czyli jest nieźle hehe. Już przi 85-90km zaczynało brakować mocy ale doczołgołech se hehe. Przi setce już mie chycił głód :>

Ostatnio już zapoznawczo pyntelka maratonu, kiery już je w sobota! Ale tym razym nocno rajza. Ugodalimy se z Pawłym na nia i o 22:15 jakoś zaczylimy piyrwsze km'y. Z poczontku kole 12', ale potym corozki tragiczniyj hehe. Najmyni było 8'. Ogólnie idzie pedzieć miołech letni lonty, ale o dziwo yno mi zmorzły palce w szczewikach. Podczas jazdy nawet słabszym tympym niy było aż tak zima, jakby to miało przistać na 8' :) to je mój 1. Wpis z androida :D 

Plany na tyn ŁIKYND miały być fest ambitne. Ale jak ostatnio to bywo - momy zarombisto pogoda... Już w sobota rano, jak wstołech, to zaro widza sms od niyznajomego - oo som Funio z samego Jaworzna mi napisoł, czy niy chca z nim jechać do Pepików na Łyso Hołda yy Góra :D Jak nojbardzij byłech za. Yno skond on mo mój numer, raczyj w lays'ach niy znaloz :> Ale sie domyślom hehe. Jednak po podziwaniu se na wiyczorne prognozy trza było zrezygnować - w górach mo niby loć.. Som Karel z samego Andrychowa tyż chcioł jechać. Zaś by była okazjo do bajkstatowyj rajzy, w kieryj kulturka osobisto byłaby na piyrwszym planie :D :D Odbijymy syncy na Tour de Tatry i to w wiynkszyj ekipie :) Ale wieczorym dostołech tyż smsa od Janusza (Janekbike), że jadom tam kaj niby mo niy loć, czyli na zachód kajś, zaś do Mosznyj hehe. I tako opcja żeh wybroł. Rano ustawka o 9:00. Było nas yno i aż trzech! Zrezygnowalimy z poczontkowyj idey i postanowilimy robić pyntla radlińskigo maratonu. Dystans mniyjszy, ale za to fest dużo chopek.

Radlin rynek © gustav

Dojechalimy do Ustronia, średnio ponad 31. Na zjeździe na skrziżowaniu pod Tesco zauważyłech jakigoś kolorza na bioło-czerwonym kole i bez kasku - kuufaa niyyyy kogo jo widza, toż to som Funio! :D :D Kaj my sie to trefiyli hehe.

Tesco Ustroń słitaaaaśnie © gustav

Tesco Ustroń góry © gustav

Jakiś dobre 20min my stoli pod tym tesco. Funio był, to i niy obyło sie bez zjebków hehe. Jo se tyż kupił 3 ciymne żymły, liter wody i prinsa polo :> Zaro był tekst, czamu żeh chlyba krojonego niy kupił itp wtajymniczyni wiedzom :D Po degustacji Funio kajś tam ciuloł na Bielsko, a my dalij na Cieszyn. Tympyraturka idealno do jazdy, max 25'. Czasym zza chmur pojawiała se klara. Ale fest pierzińsko wioł wiater z północy :/ Taki mocny, że na prostyj 25km/h to był bombon normalnie.

Bombon - lubia te słowo :P

Ale na 140km już było czuć pomału odcinani i głód. średnio już poniżyj 31. Szłapy dowalone konkretnie! Beztoż zmniyjszylimy tympo. Jakoś jeszcze w trybie eko szło pyndalować, ale żeby myśleć o gipciejszyj jeździe, to trzaby było wszamać porzondny obiod! :>
W doma zjodłech talyrz nudelzupy i jakoś wiyncyj niy miołech ochoty jejść, ciykawe hmm.

Dzisio jechołech w tych starych spodynkach. Już po 50km miołech rychtyk dość! :D Już żeh je przizwyczajony do tych miynciutkich bajkstatowych. Terozki do mie dochodzi, że te 800km w tych spodynkach to był jednak wyczyn hehe. Te spodynku już som wyciepane do kosza. "Wkładka" (grubość 2mm jakigoś pieroństwa) już trzimała sie na poru szwach, a szyć mi sie tego niy chce :D No chyba, że kiery chce je odkupić za symboliczno cyna (abo moga nawet dać za darmo). Spodynki od t-800 to rzadki rzeczy na rynku :P

Pokaż trasę GPS

Wczorej po pozytywnych testach lemondki pierońsko chciołech dzisio zrobić jakoś setka na dobrym asfalcie :> Obejrzołech se pogoda, w kieryj godali, że w okolicach Rybnika do połednia mo być bez opadów, a potym to już mo prziść front z deszczym i burzami, a czasym mo wylyź słońce... Ustaliłech wiync, że pojada z rana standardowo pyntelka na Gliwice-Mikołów-Żory.
Faktycznie, z rana było sucho jak fandzolynie Strasburgera o gupotach na poczontku familiady :D Ale wioł dość konkretny wiater z południa, a to oznaczało powtórka z rozrywki - bo już jakiś czos tymu tyż jechołech tako pyntelka z południowym sztormym hehe.
Ogólnie postanowiłech dzisio jechać szybcij, ale niy sprintersko. Wiync tyn wpis niy dostanie kategorie "h" :>
W Gliwicach miołech średnio 33 z groszami, co przi tym wietrze je czymś normalnym. Potym na Mikołów już mi średnio powolutku spodała.

Wynzeł Sośnica © gustav

Kokpit Terminatora :D © gustav
W Mikołowie na parkingu od Auchana krótko pauza celym wszamocynio banana i kołoczka :D A potym droga na Żory to już rychtyk... no wioło w morda niyrzadko fest! W Żorach na zjeździe podpiyłech sie tira i w tunelu aero jechołech przez 4km, momyntami 70km/h hehe ale że te drogi w zasadzie znom na wylot, to było bez obaw. W Rybniku byłech kajś kole 14 i wszyndzie korki. A niech stojom te lynie spaszone w tych blaszokach, niy mój problym ^^

Terozki jak to pisza, jest godzina prawie 19-ta. Niebo z 30% ilościom chmur i fajnie słoneczko świyci. Kaj te burze, kaj te opady???