Toszek.. W podstawówce byłech sam na wycieczce. Jedyno rzecz, jako pamiyntom z tego czasu - to jak my grali we fusbal na placu tego zamku i kumpel wydupił bala za mury, kajś w las, co my potym jij szukali trocha czasu hehehe No i dzisio postanowiłech tam podjechać, tak 4fun :) Przed Pyskowicami miołech na kole jakigoś gościa na szosie, kiery zaro zjechoł w jakoś boczno droga - jak sie okozało, mały skrót. Dogoniłech go kajś po 4km i trzimołech odległość 10m heheh Testowołech, wiela km'ów za nim pojada. Ale gościu niy szarżowoł ;]


Gonia, gonia ;] © gustav

W zasadzie już w Toszku se obrócił do zadku i mie zejrzoł :> Że niby mom forma, skoro go na tym mtb dogoniłech, tak padoł. Jechoł tyż pod som zamek. 

Na tym foto to jakiś inkszy, niedzielny rowerzysta :D

Zamek w Toszku © gustav


Zamek w Toszku © gustav


Zamek w Toszku © gustav

W Strzelcach wbiłech do lidla po woda i 4 bagietki :> I potym na jakoś ławeczka pojejść.

Tradycyjny obiod © gustav

Pogoda - super, gdyby niy tyn momyntami mocny wiater ze wschodu.

DK94 bajkowoo © gustav

Potym kierunek na opolsko hopka. Stety niystety - zamiast znalyźć sie na podjeździe od strony północnyj, to znalozłech sie od południowyj... A z tyjże strony niy chciało mi se podjyżdżać. Jechołech wg znaków, ale powinienech skryncić na kolejnym skrziżowaniu heh bywo, kiedy indzij poprawia ;]

Annaberg od północy © gustav

Du dom już w zasadzie pod wiatr, kiery od Kuźni wyraźnie osłob :) Jak se kiery przipatrzy na ślad w Strzelcach, to widać, jak poruszołech se po lidlu :D Zapomniołech zapauzować heheheh

Pokaż trasę GPS

Kolejno rajza z cyklu "superspontan" :D Wczoraj wieczorym obmyślołech jako trasa, żeby wykonać plan optimum, czyli 2200km w sumie. Padło na mekka ślonskigo kolarstwa, tak gynał mniejwiyncyj w rocznica. Co se dzioło rok tymu - sam lukać :DD

250g nudli i wyjazd o 10. Pogoda cacy, jak na ostatni dziyń lutego.


Na wiślance © gustav


Kajś przed Jaworznym © gustav

Dobrze, że obok szła równoległo droga... W przeciwnym razie strudzyni pielgrzymi na kołach musieliby robić 30km objazdu do tegoż że miasta.

Zakazy se zaczynajom © gustav

Taaaa.. ^^

Jaworzno wita! © gustav

Jeździć w tym mieście na kole to je katorga. Drugi Bełchatów - wszyndzi ścieżki. Lepsze, gorsze... Kole McDonadla zadzwoniłech do Funia, kiery se wybiyroł do roboty. Ugodalimy se na chwila kole tego ronda od licytacji z WOŚPu :> Teroz one se nazywo "rondo baniek mydlanych" Ale droga na miejsce spotkanio to istny hmm tor przeszkód o! :D Piyrw stołech 3-4min na skrziżowaniu w oczekiwaniu na zielone. Yno że jak na przejściu dlo pieszych zapolyło se zielone, to jo dalij mioł czerwone na tym przejeździe dlo rowerzystów.. Potym nastymnpne przejści. Ale już yno dlo pieszych. Ścieżka se kajś straciła.. I zaś ze 3 min zeszło. Wnerwiłech se. Do pewności odpolyłech gpsa. Jechołech bez jakiś ubite dróżki, błota, dżungle, aż w końcu trefiłech na asfalt. Wtedy to już jakoś szło. A wszystko równolegle do drogi DK79, jakiś 15m od nij hłe hłe. Bo na nij je zakaz dlo rowerzystów. Bez całe Jaworzno. Znalozłech Funia, kiery sympatycznie truchtoł do roboty z taszom na ramiyniu od Hello Kitty. Gadu gadu - spytołech se CO IDZIE ZWIYDZIĆ W JAWORZNIE? Dostołech odp.: jakiś kamieniołom w jakijś geosferze czy cuś hehe. Coś trza zwiydzić, niy ma to tamto ;] 


Rondo baniek mydlanych © gustav


Jaworzno - miasto kaj niy ma lekko © gustav

Za tom kiympkom na skrziżowaniu jakiś punto 1.0 stowo kole mie, a to Funio we środku hehe Godo mi, że cały czas prosto.

Jo jeszcze małe tankowani - 4 żymły wpierniczyłech, a jaki dobre! i tani!


Zajembiste żymły! © gustav


Jaworzno - miasto, kaj musisz mieć koło! © gustav

Jechołech sztyjc prosto, na rondzie prosto. I dalij nic. Popytołech ludzi - nazot. Na rondzie cza było zjechać.
No i dojechołech. Droga se skończyła, zostoł yno offroad. Noo te miejsce dupy niy urywo :D Chyba że Funio mioł co inkszego na myśli, może pora takich miejscówek LEPSZYCH jeszcze je kaj?


Że niby dojechołech do celu? © gustav


Zakaz! no niy wjada tam © gustav


Jakiś kamieniołom? © gustav


Jaworzno - miasto kaj zakopujom czołgi © gustav

No nic, jechołech nazot, na cyntrum zaś.


Panorama Jaworzna © gustav


Jaworzno - miasto kaj rośliny som zamazane © gustav


No i w cyntrum © gustav

Odpolyłech zaś gpsa i kierowołech se na Pszczyna, żeby była gryfno pyntelka. Pogoda dalij bombon, lekki wiater. Ogólnie super se krynciło - szłapy podowały elegancko. Widocznie 4 żymły to je dobry wyngiel hehe. W Pszczynie jeszcze zjodłech 2 kołoczki i wody dolołech. Dojechołech du dom i dalij był power - taki dystans na takim zestawie jedzynio - idzie ku dobrymu :) Jedyne, co mie bolało, to mojo żić.. Ale jak siedzisz na takij desce, to tak to je potym.

Tyj drogi na kamieniołom niy umia ogarnyć :DD
Pokaż trasę GPS

Plany były piykne - odwiydzić Remika z Poznania i potym extra odwiydzić znajomych w Kołobrzegu. Taki zimowy super spontan nad morze. No ale... Godzina przed  15. W miejscowości Ostrzeszów na dk11 na skrziżowaniu gościu ponoć mie nie widzioł i wymusił pierwszeństwo.. Mimo, że niy jechołech gipko, to niy było szans wyhamować. Wbiłech se w bok auta i salto na plecy..  nic mie nie bolało, teraz dopiyro trocha plecy. Ludzi se trocha zeszło, policja tyż naturalne. Sprawa wyjaśniono, ida do ubezpieczalni. Niestety stan roweru - uszkodzony. Widelec pynknyty, kółko przedni rozcentrowane i niykere nyple uwalone. No i inne odrapania. Teroz nocuja w hotelu, no i jutro du dom. Smutek. Wkur***nie. Długo czekołech na możliwość wyjazdu tego typu, kajś dalij na pora dni..

Gminy nowe? Może kilka. Zaktualizuja jutro z fotkami. Typmyratury od -6 rano do 8-11. Na postoju w słońcu 16.

AKTUALIZACJO: +3 nowe gminy... Sprawa już zgłoszono w ubezpieczalni, ciekawe wiela czasu to potrwo... Tera byda skozany na mtb, czyli powrót do przeszłości.

Obiecane fotki:

Mimo owyj tympyraturki pyndalowało se okej, nawet czasym na podjazdach se przegrzywołech. Doświadczynie z październikowyj rajzy do Łodzi se przidało :)

Wschód i -6st © gustav


Extremum lonts © gustav


Taki widoczki © gustav


Odbicie w brylach © gustav

No..

I prosto do celu © gustav


Jedna z wiynkszych hopek © gustav


Wietrzynie rynkawic © gustav


A jednak hehe © gustav

Tu nojlepsze: w TV był yno jedyn kanał, kiery na dodatek był kontrolowany przez kogoś, kto mioł dekoder w innyj izbie..

Nudy jak... dobrze, że wifi było © gustav

Dyszcz, mrozy, upały, wyplompanie, kontuzje, synność, inne kryzysy. Zawsze dojechołech do wyznaczonego celu. Nawet dekle z bidonów wydupiło.

Piyrwszo niyukończono rajza :( © gustav


W drodze powrotnyj na A1 - bonus © gustav

Czyli wypad do Bytomia do ciotki i ujka w byzuch. Obiecołech im to już przed nowym rokiym i po nowym roku, ale dopiyro dzisio se udało hehe ;) Wszamołech 250g nudlów (woga przed uważyniym) i w droga! A 250g ryżu już bych niy doł rady.. :P Ogólnie dzisio już trocha zima, 2-3*C, no i wschodni wiaterek, lekko odczuwalny. Do Bytomia postanowiłech zrobić 100km, wiync obrołech se droga bez te zadupia i ciulate drogi wojewódzkie..  Piyrw tragedia 922 do Kuźni, potym tragedia czynściowo 425 i na koniec oczywiście tragedia 408 do Gliwic (noo w czyńści Ślonskij trocha lepszy asfalt, ale rzici niy urywo, yyy znaczy coś tam tyż urywało). Do Bytomia przijechołech, 99km i niy byłech głodny! A skoro tak se już dzieje kieryś roz z kolei, tzn. że to już niy ma cufal! No i co - z zimnego dworu wlozłech do cieplutkigo domu, od razu na obiod, czyli sikorki. Ciekawo nazwa placków po ślonsku hehe. A potym zista mmm :>

Te zdjynci zisty je 10x bardzij wartościowe (i to dosłownie, wyngle ważno rzecz!), niż jakiś fotki, co bych mioł cykać dzisio w trasie :))


Wpierniczomy! © gustav

Kurde jaki jo mioł opór, żeby pyndalować nazot du dom... :D Sie kurde zasiedziołech, dobre 2h :P Po 10min. oblykanio mojigo zimowego skafandra podziynkowołech za ukochane wyngle i w droga! :> Aż du dom było sztyjc 1,5*C a mimo to było mi ciepło. No ale tyż jechołech w miara gipko. Radyjko ON i pyndalowało se rychtyk gryfnie! Mocy aż za tela, dodatkowo w bidonach tymbark i asekuracyjnie banan x1 :>


Odblaski moji szwarne © gustav

No i tyż dzisio ustanowiłech piyrwsze styczniowe 1000km w "karierze". Plan minimum wykonany :)

Pokaż trasę GPS

Piyrw jechołech do Żor na rynek, a potym 70km pyndalowołech po Rybniku... Nad zalyw, do cyntrum, na obwodnice, do cyntrum, nad zalyw, do cyntrum, na obwodnice, sam, tam, abo kaj indzij :P Dokładnie to samo, co w mojij rajzie na 800km, wtedy musiołech tela kryncić, a dzisio niy miołech ańfach pomysłu kaj se obrać jaki ambitniejszy cyl :> Ale fun był - bo przede wszystkim piyrwszo rajza Speedym w tym roku, kiery zostoł wyglancowany totalnie (ostatnio taki czysty był, jak żeh go kupowoł :D), no i tyż dzisio piykno pogoda - bezchmurnie i 9-7*C jak żeh jechoł akurat, yno dalij wiater mocny z połednia. Przed wyjazdym napchołech se corn flejksami, a w trasie yno jedyn lipny 80g kołoczyk, tyn taki zapeklowany z biedronki :D I uwaga: zero głodu i dużo sił jeszcze zostało!!! Co to sie dzieje?? heheheh a może przez to, że 70% tego dystansu było przejechane rychtyk 4fun?

Kilometry trza robić, niy ma lekko. Dzisio dalij fest wietrznie, w nocy coś tam padało, ale za to tympyraturka 4-5*C, beztoż momy mokre drogi, miejscami wryncz chlapaka :/ Dobrze, że mom błotniki, inakszy bych w doma siedzioł. Postanowiłech obalić jako setka. Ogólnie przed wyjazdym niy pojodłech tak jak powinienech (czyli wyngle do syta). Zjodłech yno 3 żymły z kyjzom, zgorane w tosterze. Ale za to 40g carbomaxa, nooo coś mocy musi być :D Na trasa 80g carbomaxa w bidonach + 2 banany :> Taki dokładne dane pisza, bo założyłech se specjalny zeszycik, w kierym szkryflom wszystko na tymat mojigo zapotrzebowanio na jedzynie w trakcie pyndalowanio i ogólnie formy :) 

Dobre, koniec fandzolynio. Wyruszyłech. Kierunek Żory i potym na Jastrzębie. Wiater w ciuuul szpetny, z połednia. Do Żor jeszcze fajnie se jechało, ale już gynał potym DK81 na południe tragedia! Aż mi sie Kraków wspomnioł we wilijo... Ale jak żeh zrobił 130km pod pierońsko wichura, no to na te poranoście km'ów pod wiater niy moga narzekać przeca :) Dojechołech do zjazdu na Jastrzębie "aa choy jada na Cieszyn, niy bydzie telo do dokryncanio do 100km" ^^ Czyli dobre 20km GRATIS pod direkt wiater heheh. W jednym miejscu taki wydupisty widok na góry, że masakra!! Kolory nieba fest spasowały do gór, kuźwa czamu żeh aparatu niy wziył?? Niystety, foto zrobione moim 2mpix'elowym szajs aparatym w telefonie to se idzie... Niy kończa. Prymitywno jakość. Ale jeszcze podjada w te miejsce niy roz. Z canonym :P Dojechołech do ronda, 2 banany zjodłech i roll out na północ! Ale żeh mioł w końcu gryfne tympo :)) Podjazd i bez problymu 30km/h. Uroki tyjże pogody. No i tak se dokulołech do Rybnika, jeszcze roz na cyntrum, bo brakłoby mi ze 5km. Ogólnie tak od 90-95km czułech powoli pustka w żołondku :P Czyli jednak progress mały je, jak na 3 żymły i 2 banany heheh. Ale dalij miołech moc, wiync wyngli dobrołech chyba idealno ilość :) Zaro to ida wpisać do zeszytu.

Pokaż trasę GPS

Wyjazd w doborowym towarzystwie na opolski widokowy rodzynek :) Wczorej dołech info na srejsbukowych grupach rowerowych i yno 2 osoby sie na to pisały. Wniosek: niy ma synsu już tam co szkryflać wiyncyj na prziszłość, bo rowerowo Rybnik to je miasto lyni o! Ugodywać se prywatnie ze sprawdzonom ekipom i no problym :> Start z rudy o 9. Paweł niystety musioł spasować, pojawiyli sie yno Irek i Łukasz (luk85). Po drodze zebralimy jeszcze jednego kompana - gościa z BBT.


Hawaje i te sprawy © gustav


Hot Pursuit © gustav


Pauza na szlabanach © gustav

Tympo ogólnie taki roz lajtowe, roz ponad norma hehe

Sie wdupczom na droga, kieckorze jedne...

Hej kolyndaaa kooolyndaaa! © gustav

Kajś tam krótko pauza musieli se zrobić, po nitro!

Kolejno pauza © gustav

Jo już to zaro wiedzioł, że na tym nie zajadom daleko. Wynglowe koksy z KFD + banany = to je żródło prawdziwyj mocy!

Z kożdym km'ym było widać, że Łukasza zaczyno odcinać.. Trocha my go motywowali, ale jak se potym okozało - zrezygnowoł direkt przed podjazdym na Annaberg. Nic na siła, trudno.


Cyl nacylowany :D © gustav


Widoki na podjeździe © gustav


Kajś po drodze © gustav

Ogólnie podjazd poszoł fest sprawnie. Oni se poszli zamówić obiod, jo se wbił do sklypu po wyngle - 5 dorodnych bananów i 2l napoju smakowego (bo jak je smakowy, tzn. że mo cukry, czyli dodatkowo porcja wyngli mmm :D). Ogólnie rano wdupiłech nudle do oporu, wiync do tyj pory niy byłech głodny jakoś o dziwo, ale coś na kolejne km'y trza było kupić.


Synonim słowa banan? Wyngle! © gustav


Dotankowani © gustav


Na życzyni © gustav

Zaro po zjeździe uwidzielimy kolorza na szosie, wiync próbowalimy go chycić... Zmiany z wachlarzami, supermoc...

Hot Pursuit 2: niy dogoniymy © gustav

...ale za szybki był.

Potym kajś w Kędzierzynie zaś postój chwilowy w barze (jo niy chcioł.. :P). I potym przez same zadupia aż w strona Rud. Musielimy przez pora km fest zwolnić, bo stracilimy kompana; chyba tyn obiod mu niy spasowoł hehe. Tu pragna zaznaczyć, że w tym czasie średnio spodła fest ale to fest pierońsko!


Fristajloo © gustav


Wszystki odblaski zapolone © gustav


Sie niy śpiychało © gustav


I jeszcze po lasach © gustav

Od Rud kamraty byli już raczyj wyplompani. A jo? Jeszcze miołech zapas mocy, żeby prowadzić naszo grupka. Z tym że wiater kiery rano wioł ze zachodu, to teroz wioł bardzij z południa. Walka z wiatrym była, ale mimo to dalij pyndalowało se o dziwo dobrze. Przijechołech du dom w dobrym stanie, myśla że z 10km bych mógł zrobić bez żodnego jedzynio jeszcze, potym by była odcinka totalno... Od razu zjodłech talyrz nudlów, potym waszpek szałotu i wiycie co? mom dalij głód...

Mapy niy wciepna, bo nazot my jechali przez taki zadupia, że ani bych tego śladu poprawnie niy zakryślił :D

Zaś seteczka po okolicy, czyli do Żor >> Mikołowa >> Gliwic i du dom :> Dzisio pogoda czadowo: wiosynno tympyraturka + jesiynno wichura hehe. Drogi mokre z rana, ale co zrobić, jak trza kilometry kryncić - musiołech se pogodzić z tym, że zaś trza bydzie koło wyglancować na połysk.


Trocha uwalone ehh © gustav

Wioło fest mocno z południa, wiync do Mikołowa fajnie zapierniczołech.

A sam zajembisto sytuacjo - cało wiślanka mo długość 67km, a yno sam w Łaziskach na odcinku 900m je zakaz dlo rowerów...
Czym tyn odcinek se różni od cołkiyj reszty? Jo niy mom pojyncio.

Wiślanka w Łaziskach G © gustav

Dojechołech do Gliwic, średnio 28 coś. Podjechołech na tanksztela odwiydzić znajomego, prawie godzina zeszło. No i trza było trocha popić, niy ma co hehe.


Pauza & tankowani © gustav

No i uwaga:

Tympyraturka 12 grudnia © gustav

Taki dialog nt. pogody:
-u nos 10', a w Suwałkach zaś na pewno mrozy
-no ja, tam to zawsze nojzimnij je
-to pewno przez tyn ruski luft
-na bank ruski luft. i choy.

:D:D

Noo a w drodze do Rybnika katorga. Direkt pod ta południowo wichura. Średnio 20km/h. Na prostyj 25 - świynto. Ale se doczołgołech...
Żymła i snickers pozwolyły na przijechani bez wyplompanio hehehe


Ooo i jeszcze zachód © gustav

I zaś seteczka do kolekcje ^^ I zaś niymalże tyn som dystans, co wczorej hehe. Dzisio jednak mynij wartościowy był obiod, wiync wiedziołech, że wczorejszego wyczynu niy pobija. Traska do Pszczyny, pod dalij wschodni wiater. Ale słońca dzisio trocha było i 6-7'.

Słonko napierniczo! © gustav


Pszczyna zamek © gustav

Dzisio testowołech grubszo kurtka, tako rychtyk na narty. W słońcu se przegrzywołech z leksza, ale już przi zachodzie (1-2') w zasadzie było perfecto!
Nazot z Pszczyny na Pawłowice. Po drodze kupiłech woda i 2 dupne ptysie - na bank wiedziołech, że bydom potrzebne :D

Robi se cima © gustav

Wiślanka wiadomo - poezja. W Żorach na przistanku zjodłech owe ptysie, bo coś se pusto powoli w basie robiło heheh a i tyż carbowyngle se skończyły w bidonach. Stykło pora minut, żeby odczuć napływ mocy :> W Rybniku zaś z 10km musiołech dokryncać do setki, a du dom przijechołech w lepszym stanie, niż wczorej - szło jeszcze robić małe sprinty.
By niy te ptysie, to je po mie :D Wyplompanie na 200% hehe


ooo Speed mo już 20000km przejechane :>

W końcu zrobiłech setka, uwaga! bez grama jedzynio na cołkim odcinku :> I to jeszcze w grudniowyj tympuraturce, kaj zapotrzebowani na jedzonko je niby wiynksze (mom recht?). Po zjedzyniu śniodanio kole 11, miołech zarozki wyjechać, ale musiołech niystety przesunyć wyjazd. Wiync poczekołech na obiod i wyjechołech po 14. Wziyłech 2 żymły z kyjzom, a w bidonach pomarańczowy carbomax <3 Był w tesco, to se kupiłech. 940g czystych wyngli za 2 dychy to se opłaco, a myśla na nowy rok zrobia wiynksze zamówiynie wszystkich koksów, to jeszcze tanij bydzie :> Ogólnie tympyraturka dzisio 3-4' !! Piyrw do Rud. Zauważyłech, że już niy ma tego porywistego wiatru, co ostatnio, wiync pyndalowało se glanc puc cycuc :D Potym na Racibórz. W Krzyżanowicach zatrzimała mie policjo... Pytali sie, czamu jada bez zadnij lampki. To padołech, że mom ja zaczepiono w kasku. I jak se okozało - niy widać jij, bo mojo pukeltasza jom zasłanio... Kuźwa dobrze, że miołech tona odblasków. Padali, że mom to jakoś umiejscowić, żeby było widać i tela. Jakoś ta lampka na opaska odblaskowo zaczepiłech, z tym, że ciut było pod kontym na wiyrch, ale było widać o! 
Już od Chałupek do Rybnika same hopki. Przeszło 70km zrobione i jak to zawsze bywo - już powiniynech coś wszamać skuli pojawiajoncego se głodu. A dzisio - nic a nic! baaa na tych hopkach mi se elegancko podjyżdżało. Koksy robiom swoje :D Z tym, że se już kończyły heheheh. We Wodzisławiu zostało mi góra 200ml i ze 15km do setki. A jednak wdupiłech se na tanksztela po 1,5l wody. Dobrze, że zatankowołech, bo na kolejnych km'ach se chciało pić jak pieron. Powiym tak: takigo rychtyk głodu niy było, ale tympo jednak ciut zmniejszyłech. Chyba wyngle se "wypolyły" :> Na prostyj ciynżko było 30+ utrzimać, ale dojechołech du dom bez jakigoś wyplompanio. I tyż od razu do lodówki jakoś niy ciulołech, jak to zazwyczaj bywo :D
Jutro tyż jakoś rajza myśla wpadnie, bo listopadowe km'y cza nadrobiać.