Weekend jak i cołki tydziyń mizerne kilometrowo. Wczoraj dyszcz, dzisio już sucho, ale wiynkszo rajza odpadła z racji braku otwartych sklepów. Postanowiłech pyknyć gipki szpil na dystansie 100km, żeby w końcu sprawdzić swojo forma i możliwości nowego koła. Wyjazd po obiedzie...

Pojejś i jechać :D © gustav

Zjodłech ta porcja i tak szczerze - niy byłech rychtyk najedzony, może tak w 80%... Wiync wziyłech w trasa małe ciastka, tak asekuracyjnie jakby chycił głód hehe. Tympyraturka 15' i pochmurno, wiync w zasadzie idealne warunki na ostry tryning. Ale wioł doś ciulaty wiater z NE. Także do Gliwic pod wiatr, do Mikołowa pod wiatr. W Mikołowie na wjeździe już na wiślanka miołech średnio 29.17, czyli opcja minimum (29) wykonano. Ale już na Żory jechało se z wiatrym w zasadzie :) 18km potrzebowołech, żeby średnio wzrosła o 1km/h. Po wjechaniu do Rybnika, po jakoś 80km, wbiłech gipko na tanksztela po woda, bo pusto już prawie w "zbiornikach". Co je warte zanotowanio - przeważnie po tyli km'ach już mój żołondek prosi se o jedzynie, a dzisio? Nic z tych rzeczy! Wcale niy odczuwołech głodu wow :> Widać taki obiod bardzij trzimie, niz nudle abo ryż hehe. W zasadzie ostatnie 15km to był najbardzij płaski odcinek. Zrobiłech 3 pyntle na obwodnicy miyndzy rondami i po chwili padła setka. Czas na liczniku 3h 17min, ALE że naliczyłech dobre 18 postojów np. na skrziżowaniach, kożde nabiło na liczniku 3s + drugie tyle rekompensaty za wytracono pryndkość + ponowne rozpyndzanie, to tak najbardzij optymalny czas na te 100km to je 3h 15min, co dowo średnio 30.77 :) ewentualnie 3h 14min i średnio 30.93. 5min żeh dochodził do siebie, bo szłap niy było czuć i puls ze 80tyś :D 15' a jo parowoł hehe. Reszta km'ów już relaksacyjnie du dom i wtedy właśnie poczułech głód :D Ale ciastek niy jodłech. Nowy rekord na mtb pobity o te 5-6min. Teraz bych rychtyk musioł zrobić czasówka właśnie na obwodnicy, te 30 ileś praktycznie płaskich kółeczek i porównać do zeszłorocznego wyniku na Speed'zie, wtedy było 2h 56min.

Strava trocha tego czasu niyźle nabiła... A różnica 1,3km to w zasadzie mało.
Pokaż trasę GPS
Doniczki posadzili przi fontannie, architekty yebane... :D :D

Miały być w sobota ultra-hopki, czyli Gorlice. Ale prziszłech z roboty (z nadgodzinami..) wyplompany i niy było opcji, żeby zaro direkt co zjeść, poszykować i wyruszyć. Bo trocha pospać i wyjechać tak fort po gminy kole już nawet 4 nad ranym to je za niyskoro. W jedna strona prawie 250km po hopkach i wszystki gminy trza zdobyć przed zachodym słońca, bo późnij po tych wszystkich wioskach sie idzie potracić już. Ale drugo opcja to było dzisio rano z Pawłym - rajza na Pradziada. Ugodalimy se o 4. Mie budzik obudził o 2:45 ale nacisłech drzymka na 15min. Przinajmij tak mi se zdowało. Zaro coś zaczło dzwonić, a to niy budzik, a Paweł z zapytaniym. że kaj jo je, bo już po 4.. No kurfa mać! Wszystki przigotowania trwałyby z godzina, wiync musiołech zrezygnować z Pradziada :/ I kulłech se dalij spać, no bo co.. Wstołech o 9 i nadupczało słońcym. Po chwili czorne chmury i zaś słońce. Kalejdoskop normalnie. Obejrzoełch pogoda i już cały dziyń miało niy padać. Zamontowołech kamerka na amora - nowo miejscówka :D Pojodłech, po koło i wyjechołech. Cyl - Równica. Nadupczało słońcym do 1. kilometra, a potym coroz bardzij cima na niebie... zaczło lekko kropić, w dodatku wiater fest mocny z NW. Wiync krynciłech se po mieście dobro godzina z nadziejom, że se ustabilizuje. No i przestało padać, a chmury, te czorne, mi uciekały w kierunku SE, czyli tam kaj jo direkt jechoł. Bo z NW już widać było dużo przejaśniyń.






No ale od Skoczowa drogi wszystki mokre! W dodatku zaczło wioć z południa, czyli ledwo 20km/h se kulołech. Potym wg gpsa szukołech podjazdu i już wiym, że som 2 drogi dojazdowe do jednego głównego podjazdu hehe Som podjazd poszoł sprawnie. Trzeba pedzieć ważno rzecz- wiele razy byłech w Ustroniu i dopiyro dzisio se wjechołech po roz piyrwszy na ta hopka :> Ale tak kostka brukowo z jednyj strony je wkurw**** :D







Zjazd już inkszom stronom, wiyncyj asfaltu ;] Potym do biedrony po wyngle i jazda na Cieszyn. W zasadzie cały czas już wioł fest mocny wiater z NW, czyli miołech z nim styczność aż do chaty... :/ Normalnie pierdolca szło dostać, za Jastrzymbiym odpuściłech walka o średnio co najmij 25, no niy szło. Zajembiste zjazdy i problym jechać >35km/h..





Mom fol filmików z odcinka Rybnik - Równica, ale najpryndzyj we wtorek co z tego ulepia :]

Pokaż trasę GPS

Prziszłech z roboty, pojodłech i od razu ma koło :> Pyntelka zaplanowano na jakiś 100km, bo kurde lipnie jakoś z tym kilometrażym. A jak w sobota bydzie padać abo bydom huragany, to popadna w depresja..

Co do tego foto - mom już super idea na filmik :)

Zachód w cyntrum © gustav


Politechnika Gliwice © gustav

Dzisiejszo rajza po ulubionyj pyntelce na tego typu dystansie. Do Żor (średnio prawie 31 no niyźle, ale monyj wiater trocha pomogoł). Potym Mikołów i zjazd na Gliwice (już odczułech rześkie powiewy.. ;)). Ale w Gliwicach średnio dalij ok. 30.6 czyli niy straciłech pod lekki wiatr. Wbiłech do znajomego pogodać na tanksztela i co pojejść.. :D


A cóż tooo? kołoczki! © gustav

Kupiłech se te kołoczki jeszcze w Żorach. Tanie, świyże i doś wielki! A pamiyntom zakupione kiedyś w żabce - droższe, mniyjsze suchsze :> 2szt wszamołech.


Dostawa minerałów © gustav

jaki bezsyns te foto... :D

Przi myjni © gustav

W drodze na Rybnik skrynciłech se na Rudy dlo odmiany - gryfnie se pyndalowało, tympyraturka 14' wiync super warunki :) Ale już bez napinki na średnio, niy chciało se hehe. Dziwno sprawa - wyprzedziłech dostawcze auto, kiere jechało max 25/h.. hmm niybezpiecznych pierdół raczyj niy przewoził. Dojechołech na most i se nagrołech filma :D palma odbijała hehehe No i wpierniczyłech se ostatnigo kołoczka :)


No ale na ostatnich km'ach lampka momentalnie traciła moc. Tryb max świycił jak tyn najsłabszy na naładowanym aku. A najsłabszy tryb - ledwo widoczny. 3:42 ida w końcu spać, za 6h do roboty ;]

Rajza testowo z Pawłym na tegorocznyj pyntli na naszym domowym maratonie :) No i tyż test koła na wiynkszyj trasie. W sklepie mi padali, że do 2 tydni abo po 200km moga prziść na serwis gwarancyjny, w zasadzie jutro już bych mógł :D

Wyjazd o 6 rano, ale było już z 10 stopni :) Trza było dojechać 18km do Mszany na start pyntli. A do zeszłego roku impreza była w Radlinie, kaj miołech 3km yno. Pyndalowało se spoko, nawet mi Paweł niy uciekoł na swojij szosie, ale chyba preferowoł jazda optymalnym tympym ;] Kulo se te koło niyźle, nawet idzie fajnie prziśpieszać :)


Jakiś tam z wiyrchu © gustav

Musza jednak wyciepać te odblaski  :> Psujom dizajn, mimo, że niybieski i pomarańcz idealnie do sia pasujom heh

Jakiś tam z boku © gustav

A samo deska rozdzielczo - bombon! Z poczontku se wydowała za szeroko, ale już żeh se przizwyczaił i niy mom zamiaru ucinać. Różnica 14cm wzglyndym poprzednij. Mógbych sam jeszcze wkomponować bez problymu lemondka :>

70cm placu na duperele :] © gustav


Przisypało aż z Egiptu :D © gustav


Zwiydzomy Sahara © gustav


Wioseczka tam kajś © gustav


Taki bardzij 3D hehe © gustav

Już niydaleko Raciborza uaktywnił se fest silny wiater z NW. Na prostyj pod wiatr ledwo 25km/h (nawet mi bryle wypadły bez te turbulyncje..), na podjeździe z wiatrym 35... W Raciborzu po jakoś 80km do Biedrony po wyngle - 2 mini-bagietki, kołoczyk i krepel, no i woda smakowo.
Trocha my pogodali o robocie Pawła, jak to montowoł monitoring u gościa u kierego straszyło ponoć. Że na wideo było widać, jak coś tam ot tak samoistnie se przewraco... po chwili moji koło se przewróciło. Tyż ot tak samoistnie... No kufa mać:D


BiedronkaOIL © gustav

Wiater niby w plecy, ale i tak przeszkadzoł... Se zdowało że wioł z kożdyj strony. Dojechalimy do mety i jaki wnioski? tegoroczno pyntla to je nic w porównaniu z tom, co była rok tymu. Fest mało konkretnych podjazdów i dużo w miara płaskich odcinków. Rok tymu było w zasadzie odwrotnie.

120km zrobione, a że Paweł chcioł min. 150, no to jechalimy jeszcze do Żor i potym na rybnickie hopki, a na koniec w miejsce, kaj woniało, jak w jakimś cyntrum odnowy biologicznyj :> Ogólnie do Żor jechalimy w miara dobrym tympym, a od Żor już spokojnym, bo i tyż było pod tyn pieroński wiater.


Jastrzębie obwodnica © gustav


I konsek dalij © gustav


Na wiyrchu na niby 11% © gustav


Tężnia solankowa w Radlinie © gustav

Pokaż trasę GPS

Do familije do Bytomia. Przinajmij była motywacjo na setka, bo ogólnie dzisio mioł być relaxx hehe. Jeszcze przed wyjazdym musiołech pokleić dyntka, co mi wczorej se przebiła. Piyrwszy roz użyłech tych samoprzilepnych łatek, co jeszcze w zeszłym roku kupiłech, no i luft trzimie cołki czos, wiync łatki zdały test. Wyjechołech o 15 i o tyj porze fest jeszcze wioło, z SW - wiync cało trasa do Bytomia miołech z wiatrym w plecy :> Po 1,5km se kapłech, że niy wziyłech lampki przednij, wiync nazot :D Odcinek dom-stół z jedzyniym na lajcie, w miara gipko :)

Wyngle uzupełniołech w przedziale 2,5h heheheh

Taki se, przi stole © gustav

Oczywiście po takij degustacji zaś było ciynżko pogodzić se z tym, że trza siednyć na koło i pyndalować nazot du dom xD
Tympyrturka wieczorym dość ciepło o dziwo :) No i wiater osłob fest zauważalnie! W drodze powrotnyj w ogóle go niy odczuwołech, idzie pedzieć - piyrwszo rajza z najlepszymi warunkami wietrznymi :> Już w Rybniku na tych hopkach - kożdo jechołech bez opierniczanio se! Chyba jaki segmynty porobia na stravie hehe Widać konkretnie zatankowołech wyngle na tym geburstagu hehehe Czasy przejazdu Rybnik-Bytom i Bytom-Rybnik w zasadzie identyczne :)

Pokaż trasę GPS

Toszek.. W podstawówce byłech sam na wycieczce. Jedyno rzecz, jako pamiyntom z tego czasu - to jak my grali we fusbal na placu tego zamku i kumpel wydupił bala za mury, kajś w las, co my potym jij szukali trocha czasu hehehe No i dzisio postanowiłech tam podjechać, tak 4fun :) Przed Pyskowicami miołech na kole jakigoś gościa na szosie, kiery zaro zjechoł w jakoś boczno droga - jak sie okozało, mały skrót. Dogoniłech go kajś po 4km i trzimołech odległość 10m heheh Testowołech, wiela km'ów za nim pojada. Ale gościu niy szarżowoł ;]


Gonia, gonia ;] © gustav

W zasadzie już w Toszku se obrócił do zadku i mie zejrzoł :> Że niby mom forma, skoro go na tym mtb dogoniłech, tak padoł. Jechoł tyż pod som zamek. 

Na tym foto to jakiś inkszy, niedzielny rowerzysta :D

Zamek w Toszku © gustav


Zamek w Toszku © gustav


Zamek w Toszku © gustav

W Strzelcach wbiłech do lidla po woda i 4 bagietki :> I potym na jakoś ławeczka pojejść.

Tradycyjny obiod © gustav

Pogoda - super, gdyby niy tyn momyntami mocny wiater ze wschodu.

DK94 bajkowoo © gustav

Potym kierunek na opolsko hopka. Stety niystety - zamiast znalyźć sie na podjeździe od strony północnyj, to znalozłech sie od południowyj... A z tyjże strony niy chciało mi se podjyżdżać. Jechołech wg znaków, ale powinienech skryncić na kolejnym skrziżowaniu heh bywo, kiedy indzij poprawia ;]

Annaberg od północy © gustav

Du dom już w zasadzie pod wiatr, kiery od Kuźni wyraźnie osłob :) Jak se kiery przipatrzy na ślad w Strzelcach, to widać, jak poruszołech se po lidlu :D Zapomniołech zapauzować heheheh

Pokaż trasę GPS

Kolejno rajza z cyklu "superspontan" :D Wczoraj wieczorym obmyślołech jako trasa, żeby wykonać plan optimum, czyli 2200km w sumie. Padło na mekka ślonskigo kolarstwa, tak gynał mniejwiyncyj w rocznica. Co se dzioło rok tymu - sam lukać :DD

250g nudli i wyjazd o 10. Pogoda cacy, jak na ostatni dziyń lutego.


Na wiślance © gustav


Kajś przed Jaworznym © gustav

Dobrze, że obok szła równoległo droga... W przeciwnym razie strudzyni pielgrzymi na kołach musieliby robić 30km objazdu do tegoż że miasta.

Zakazy se zaczynajom © gustav

Taaaa.. ^^

Jaworzno wita! © gustav

Jeździć w tym mieście na kole to je katorga. Drugi Bełchatów - wszyndzi ścieżki. Lepsze, gorsze... Kole McDonadla zadzwoniłech do Funia, kiery se wybiyroł do roboty. Ugodalimy se na chwila kole tego ronda od licytacji z WOŚPu :> Teroz one se nazywo "rondo baniek mydlanych" Ale droga na miejsce spotkanio to istny hmm tor przeszkód o! :D Piyrw stołech 3-4min na skrziżowaniu w oczekiwaniu na zielone. Yno że jak na przejściu dlo pieszych zapolyło se zielone, to jo dalij mioł czerwone na tym przejeździe dlo rowerzystów.. Potym nastymnpne przejści. Ale już yno dlo pieszych. Ścieżka se kajś straciła.. I zaś ze 3 min zeszło. Wnerwiłech se. Do pewności odpolyłech gpsa. Jechołech bez jakiś ubite dróżki, błota, dżungle, aż w końcu trefiłech na asfalt. Wtedy to już jakoś szło. A wszystko równolegle do drogi DK79, jakiś 15m od nij hłe hłe. Bo na nij je zakaz dlo rowerzystów. Bez całe Jaworzno. Znalozłech Funia, kiery sympatycznie truchtoł do roboty z taszom na ramiyniu od Hello Kitty. Gadu gadu - spytołech se CO IDZIE ZWIYDZIĆ W JAWORZNIE? Dostołech odp.: jakiś kamieniołom w jakijś geosferze czy cuś hehe. Coś trza zwiydzić, niy ma to tamto ;] 


Rondo baniek mydlanych © gustav


Jaworzno - miasto kaj niy ma lekko © gustav

Za tom kiympkom na skrziżowaniu jakiś punto 1.0 stowo kole mie, a to Funio we środku hehe Godo mi, że cały czas prosto.

Jo jeszcze małe tankowani - 4 żymły wpierniczyłech, a jaki dobre! i tani!


Zajembiste żymły! © gustav


Jaworzno - miasto, kaj musisz mieć koło! © gustav

Jechołech sztyjc prosto, na rondzie prosto. I dalij nic. Popytołech ludzi - nazot. Na rondzie cza było zjechać.
No i dojechołech. Droga se skończyła, zostoł yno offroad. Noo te miejsce dupy niy urywo :D Chyba że Funio mioł co inkszego na myśli, może pora takich miejscówek LEPSZYCH jeszcze je kaj?


Że niby dojechołech do celu? © gustav


Zakaz! no niy wjada tam © gustav


Jakiś kamieniołom? © gustav


Jaworzno - miasto kaj zakopujom czołgi © gustav

No nic, jechołech nazot, na cyntrum zaś.


Panorama Jaworzna © gustav


Jaworzno - miasto kaj rośliny som zamazane © gustav


No i w cyntrum © gustav

Odpolyłech zaś gpsa i kierowołech se na Pszczyna, żeby była gryfno pyntelka. Pogoda dalij bombon, lekki wiater. Ogólnie super se krynciło - szłapy podowały elegancko. Widocznie 4 żymły to je dobry wyngiel hehe. W Pszczynie jeszcze zjodłech 2 kołoczki i wody dolołech. Dojechołech du dom i dalij był power - taki dystans na takim zestawie jedzynio - idzie ku dobrymu :) Jedyne, co mie bolało, to mojo żić.. Ale jak siedzisz na takij desce, to tak to je potym.

Tyj drogi na kamieniołom niy umia ogarnyć :DD
Pokaż trasę GPS

Plany były piykne - odwiydzić Remika z Poznania i potym extra odwiydzić znajomych w Kołobrzegu. Taki zimowy super spontan nad morze. No ale... Godzina przed  15. W miejscowości Ostrzeszów na dk11 na skrziżowaniu gościu ponoć mie nie widzioł i wymusił pierwszeństwo.. Mimo, że niy jechołech gipko, to niy było szans wyhamować. Wbiłech se w bok auta i salto na plecy..  nic mie nie bolało, teraz dopiyro trocha plecy. Ludzi se trocha zeszło, policja tyż naturalne. Sprawa wyjaśniono, ida do ubezpieczalni. Niestety stan roweru - uszkodzony. Widelec pynknyty, kółko przedni rozcentrowane i niykere nyple uwalone. No i inne odrapania. Teroz nocuja w hotelu, no i jutro du dom. Smutek. Wkur***nie. Długo czekołech na możliwość wyjazdu tego typu, kajś dalij na pora dni..

Gminy nowe? Może kilka. Zaktualizuja jutro z fotkami. Typmyratury od -6 rano do 8-11. Na postoju w słońcu 16.

AKTUALIZACJO: +3 nowe gminy... Sprawa już zgłoszono w ubezpieczalni, ciekawe wiela czasu to potrwo... Tera byda skozany na mtb, czyli powrót do przeszłości.

Obiecane fotki:

Mimo owyj tympyraturki pyndalowało se okej, nawet czasym na podjazdach se przegrzywołech. Doświadczynie z październikowyj rajzy do Łodzi se przidało :)

Wschód i -6st © gustav


Extremum lonts © gustav


Taki widoczki © gustav


Odbicie w brylach © gustav

No..

I prosto do celu © gustav


Jedna z wiynkszych hopek © gustav


Wietrzynie rynkawic © gustav


A jednak hehe © gustav

Tu nojlepsze: w TV był yno jedyn kanał, kiery na dodatek był kontrolowany przez kogoś, kto mioł dekoder w innyj izbie..

Nudy jak... dobrze, że wifi było © gustav

Dyszcz, mrozy, upały, wyplompanie, kontuzje, synność, inne kryzysy. Zawsze dojechołech do wyznaczonego celu. Nawet dekle z bidonów wydupiło.

Piyrwszo niyukończono rajza :( © gustav


W drodze powrotnyj na A1 - bonus © gustav

Czyli wypad do Bytomia do ciotki i ujka w byzuch. Obiecołech im to już przed nowym rokiym i po nowym roku, ale dopiyro dzisio se udało hehe ;) Wszamołech 250g nudlów (woga przed uważyniym) i w droga! A 250g ryżu już bych niy doł rady.. :P Ogólnie dzisio już trocha zima, 2-3*C, no i wschodni wiaterek, lekko odczuwalny. Do Bytomia postanowiłech zrobić 100km, wiync obrołech se droga bez te zadupia i ciulate drogi wojewódzkie..  Piyrw tragedia 922 do Kuźni, potym tragedia czynściowo 425 i na koniec oczywiście tragedia 408 do Gliwic (noo w czyńści Ślonskij trocha lepszy asfalt, ale rzici niy urywo, yyy znaczy coś tam tyż urywało). Do Bytomia przijechołech, 99km i niy byłech głodny! A skoro tak se już dzieje kieryś roz z kolei, tzn. że to już niy ma cufal! No i co - z zimnego dworu wlozłech do cieplutkigo domu, od razu na obiod, czyli sikorki. Ciekawo nazwa placków po ślonsku hehe. A potym zista mmm :>

Te zdjynci zisty je 10x bardzij wartościowe (i to dosłownie, wyngle ważno rzecz!), niż jakiś fotki, co bych mioł cykać dzisio w trasie :))


Wpierniczomy! © gustav

Kurde jaki jo mioł opór, żeby pyndalować nazot du dom... :D Sie kurde zasiedziołech, dobre 2h :P Po 10min. oblykanio mojigo zimowego skafandra podziynkowołech za ukochane wyngle i w droga! :> Aż du dom było sztyjc 1,5*C a mimo to było mi ciepło. No ale tyż jechołech w miara gipko. Radyjko ON i pyndalowało se rychtyk gryfnie! Mocy aż za tela, dodatkowo w bidonach tymbark i asekuracyjnie banan x1 :>


Odblaski moji szwarne © gustav

No i tyż dzisio ustanowiłech piyrwsze styczniowe 1000km w "karierze". Plan minimum wykonany :)

Pokaż trasę GPS

Piyrw jechołech do Żor na rynek, a potym 70km pyndalowołech po Rybniku... Nad zalyw, do cyntrum, na obwodnice, do cyntrum, nad zalyw, do cyntrum, na obwodnice, sam, tam, abo kaj indzij :P Dokładnie to samo, co w mojij rajzie na 800km, wtedy musiołech tela kryncić, a dzisio niy miołech ańfach pomysłu kaj se obrać jaki ambitniejszy cyl :> Ale fun był - bo przede wszystkim piyrwszo rajza Speedym w tym roku, kiery zostoł wyglancowany totalnie (ostatnio taki czysty był, jak żeh go kupowoł :D), no i tyż dzisio piykno pogoda - bezchmurnie i 9-7*C jak żeh jechoł akurat, yno dalij wiater mocny z połednia. Przed wyjazdym napchołech se corn flejksami, a w trasie yno jedyn lipny 80g kołoczyk, tyn taki zapeklowany z biedronki :D I uwaga: zero głodu i dużo sił jeszcze zostało!!! Co to sie dzieje?? heheheh a może przez to, że 70% tego dystansu było przejechane rychtyk 4fun?