Stowom se rano poprzez opcja budzika, bo mom zamiar dzisio w tyj ponoć gryfnyj aurze machnyć relaxxxxxowe 70-80km.
Se tak szykuja koło, aż tu nagle Daniel pisze smsa, że o 11 bydzie w Raciborzu. No okej, pasuje. Ida ładować wyngle w postaci 2 torebek ryżu, koksy do bidonów i jazda. W Rydułtowach na światłach stoi jakiś kolorz, jo godom "siemanoooo" a to se okazuje jakiś pan kole 60-70 lot. Od razu poprawiom na "witom witom" hehe. Jak se chop rozgodoł o kolarstwie, to końca nie było. Już mie chcioł "przebranżowić" z ultra na typowe kolarstwo, bo jeszcze niby mom szansa ścigać se na tour de france... ale jo pozostoł przi swoim ;)
Mijo z 8-10min jego wykładu i pozostaje z pół godziny na dojechanie na miejsce spotkanio. Czyli prawie TT.

Se schowoł za murym i szukej takigo hehe


Daniel mo jakiś plan rajzy w tych okolicach, mie je wszystko egal kaj, wiync "prowadź szef!" Wyjazd DK45 z wiatrym, piyrwsze kilometry tyjże drogi to moje ulubione; fajne widoczki, zjazdy podjazdy i lekkie "serpentynki"


Momy te same galoty z lidla :D


Lewy pas i gaz!




Max dzisio na liczniku 16,5C



Z Danielem mom okazjo po roz piyrwszy pozwiedzać to miasto. Nie licza okupacji Kauflandu i innych spożywczych hehe




Potym na Fort Rondel






Nastympnie Kaufland.
7 kołoczków i 3x oshee do podziału + taki placek drożdżowy, kiery właśnie konsumuja ;)


Jak znocie chytro baba z Radomia (hit internetu), to dzisio przilazła ku nom chyba jij krewno. Ale w ciymniejszym odciyniu skóry. Rumunka jako abo pieron wiy co. "Panie ja powróżę... 92 lata będziesz żył blabla, w szczęściu, pomyślności blabla... to teraz daj pan 5zł na jedzenie. Albo to coś kupił".
Choy, dowom jednego kołoczka i zaro słysza "to jeszcze drugiego, albo te większe coś kupił" I tak kuźwa przez 5min...
Niy i dowidzynia!
Odchodzi raczyj wku****no i ani słowa dziękuje czy coś... A zaro nastympnych na parkingu zaczepioła. A na cigarety miała...
W kolejnyj takij sytuacji bydzie z moji strony, obiecuja tu i teraz: wyp******** pier****** nierobie!

Tu pauza widokowo w Ujeździe




Chyba czyńścij byda przerobioł foty; efekt bombonowy!!!

A potym to już w strona Rud, głównie pod wiatr.



Do Rybnika dojyżdżomy o zmroku; gdybych mioł lampka przednio, to bych potowarszyszył Danielowi jeszcze z 5km, a tak trza było gipko du dom zwijać se. Ostatnie 3km w zasadzie na odciynciu - ahh tyn głód :> no ale 140km na samym ryżu do oporu i 3 kołoczkach w trasie - niyźle :)
Pokaż trasę GPS

Xtnt doł info, że zaś robi grubo rajza bez Rybnik, a że jo jak najpryndzyj chca być na pyndzyji... mimo wcześniejszych zapewniyń, że już nie byda jeździł po nocach kaj dalij w tympyraturze bliskij zeru, ponownie se zgodziłech... ;]
Szczegółowo relacja od xtnt

A jo zrobił gryfne wideŁo hyhy Wymyśliłech se nowe mocowanie kamery, fest mi se podobo :))

















Przed wyjazdym zjodłech słabo - yno chrupki z mlykiym... A w trasie cały chlyb ok. 400-500g, 4 kołoczki, 2 banany, paczka wafelków.
Do pyndzyje już 145km i mom na to 11dni :>

Pokaż trasę GPS

Dzisio miało być ognicho, a wyszła klucha... no bo odpowiednij ilości ludzi nie było ;>  Xtnt próbuje robić min. 300km od chyba godz. 1:00, także padołech mu, niech po mie przijedzie do Rybnika kole 10 hehe ;] Jo totalnie bez vervy, niewyspany i w ogóle. Ale póki sucho, to trza krynić do pyndzyje.

Jego nowy teleskop; jak se potym okozało - coś mu niy fungo w tym szajsie i to chyba oddo ;D


Z Funiatym byłech w kontakcie, w synsie padołech mu, że bydymy w Jaworznie kole 14, wiync niech se szykuje.
Od poczontku mozolnie mi se krynciło. Piździało, do tego urlopowe tympo, bo xtnt już mioł chyba ze 150km zrobione, wiync bez szalyństw.




W Mysłowicach w jakimś parku w cyntrum wpierdzielomy gorkigo kurczaka! :)) A jak on był zajembiście doprawiony mmmm!






We Jaworznie (3. roz w tym mieście w 2 tygodnie - to przejdzie do historie!! :D) telefon do pana T., ale cisza... no trudno, monyj śpi, abo ucieknył przed nami i se woli niy odzywać hyhy


Potym to na Oświęcim, kaj se żegnomy. Dupny korek był, bo droga w budowie.


Postanowiłech dźwignyć tympo, bo sztyjc mi zima było... niby 1-2st. ale po gymbie chłodno...


Mors jak czyto - pewno niy dowierzo, jak to tak idzie.. tak se zakrywać :D Tak se jeździ w mojij lidze xD



Z Oświęcimia du dom w zasadzie pod wiatr, taki średnio-niysłaby hehe No ale jak momyntami na prostyj jedziesz ledwo 25...

Także ten - pozostało 999km! W dogodnych warunkach to kwestia 2-2,5dnia; a tak w grudniu to strzylom - 3 tygodnie
Pokaż trasę GPS

1440km jeszcze i mom na to yno 39 dni :>

Dzisio w końcu stabilniejsze warunki, beztoż trza było walnyć jako setka. No i zauważalne ochłodzyni, góra 5st. Myśla, że ta pyndzyja je w zasiyngu, skoro w som grudziyń 2014 zrobiłech prawie 1300km hehe. Dzisiejszo rajza była tako testowo dlo mojich szłap, bo 3 dni tymu se lotołech yno 9km, piyrwszy roz od stycznia abo lutego, no i skutkiym było to, że wczorej ledwo chodziłech skuli zakwasów... ;) Ale dzisio już było w miara okej. Także postanowiłech se jechać na Cieszyn no i Skoczów.


Podczas całyj rajzy tympyraturka w zakresie 2,8-4st.


Cieszyn rynek. Widać na foto, że wziyłech bikepacka - miołech tam kurtka i galoty anty-dyszczowe, na niby zapowiadane popołudniowe opady.


Test nowych galotek z lidla - som zajembiste ;] Od kolan w góra jakiś grubszy materiał, czyli prawidłowo.


A tu piyrwszy roz na odcinku Cieszyn - Skoczów, wzdłuż S1. Beskidzkie hołdy dzisio słabo widoczne :/


Jeździłbych... tym dwupasym rzecz jasno! ;>


A to chyba najdłuższy prosty odcinek w tym rejonie?


Od Skoczowa do Żor gipki szpil. 30,3km w jakoś 53min :) No i na tym odcinku zrobiłech se segmynt :P
W Rybniku już pojedyncze krople, ale na szczyńści do końca bez mocniejszych opadów.
Pokaż trasę GPS

Obudziłech se, rundka na cyntrum do Galaxy co pokupić, co pojejść... za 10zeta taki jedzonko;]

Obiod w realu © gustav


Galaxy w środku © gustav

Po powrocie do schroniska pakowanie, inne pierdoły i wyjazd, równo o 13. Pogoda od wyjazdu z domu aż do dzisiej bajeczno! Praktycznie kożdego dnia niebo wyczyszczone!
Przeprawa bez cyntrum jakoś se udała niyźle, a potym to już na 3 pasach w jedna strona do granic miasta ze średniom ponad 30 ;] W końcu wiater niy przeszkadzoł, w końcu szło poczuć fun!

Wyjazd ze Szczecina © gustav


Ścieżka aż do Stargardu © gustav


To tyż jest ścieżka! © gustav

W Stargardzie jednak trza było wspomóc se gps-ym, ogólnie dużo ścieżek tam było, średnia spadała i w ogóle.. ;]
Ale zaś na DK20 dźwigłech tympo. Wiater nadal pomagoł, pyndalowało se gryfnie!

Tu już na DW.

Kajś na polach © gustav

Małe tankowanie, m.in. pizzunia

Dlo odmiany ;) © gustav

#pojodbyś

To kaj je drugie pół?? © gustav

Po wykresie na mapie widać, że środkowy przedział etapu to najwiynksze hopki - i tak tyż było.

Standardowe widoczki © gustav

No a na prostych ogiyyyń! Tyn wiatr rychtyk musioł wioć z południowego-zachodu. No bo jak inaczyj wytłumaczyć, że jada se na lajcie na prostyj 35, średnio pod 30...

Ponad 30 to niy był problym © gustav

Ostatnie 40km to w zasadzie jazda w dół hehe No normalnie jechołech prawie czasówka, widać pizza dodała mocy fest ;>

2 lata tymu przejechołech cało szósteczka z prziczepkom, cały zestaw to było 30kg, teraz yno jakoś 17kg :)

2013's memories © gustav

Mega nastrój aura zafundowała... ;]

Wiatraki o zachodzie © gustav


Mgły już o tyj porze © gustav


Drzewka o zachodzie © gustav

9st. było po dojechaniu do Kołobrzegu, czyli niynajgorzyj. W ośrodku/pensjonacie zameldowołech se niyco po 19:30. Czyli etap obrócony w 6,5h brutto, no niyźle :)

+10 gmin
Pokaż trasę GPS

Rano ponownie samotno rajza z racji tego, że Michuss pracuje w te dni akurat niystety 12h. Wybrołech se po 3 okoliczne gminy, a przi okazji pojawiyła sie piyrwszo w życiu okazjo na przetestowanie tych zachwalanych fest niymieckich asfaltów.
Piyrwszo gmina w zasadzie jakoś 2km od mieszkanio, w las.. ;D

Do lasu po gmina hehe © gustav

A potym nawrót w strona granicy, bocznymi i DK10.

Trza było przemyć kieta ;] © gustav


Szczecin z daleka © gustav


Cieplutko ;] © gustav

Lubieszyn:

Nowo ultra-gmina do kolekcje ^^ © gustav


Trasa bez Grambow, Krackow, Tantow...

Jakiś tam koło © gustav


Nimieckie ścieżki © gustav


Kontrastowo © gustav


Wiatraczki © gustav


Chciałoby se wbić na autobahn © gustav

Dało se zauważyć - ich asfalt mo, bynajmij na tym odcinku - inkszo struktura, jest po prostu gładszy.

Gryfnie, szwarnie! © gustav

Zjedzyni tego chleba zajyło mi dokładnie 4,7km :D

Gdy głód czujesz... ;D © gustav


No i na wiadukcie w PL już © gustav


Polskie ścieżki tyż OK © gustav

Wieczorym ponownie z Michussym wypad na cyntrum ;]

Popatrz uważnie :P © gustav


Urząd Miasta © gustav


Jakiś pomnik © gustav


Deptak przi Odrze © gustav


Bajeczno Trasa Zamkowa © gustav

A wiyncyj opisu u BSowego towarzysza tukej ;]

Z rana wypad w północne rejony tyj giga-aglomeracje - plan był do Nowego Warpna... Jazda bez Szczecin hmm jak to w dupnym mieście - niyco kłopotliwo, ale ujdzie ;> Bynajmij z Prawobrzeża (tak se to chyba nazywo hehe) na cyntrum se zajembiście popylo na szosie ze średniom ~40km/h, mimo że obok ścieżka. No ale 3 pasy w jedna strona.. grzech niy skorzystać ;D

Z wiaduktu © gustav


Jakiś ponton © gustav


Stocznia Szczecin © gustav

Z cyntrum Szczecina do Polic - najbardzij nachylony podjazd dotychczas ;]

Tam było z 10%! © gustav


Kościółek jakiś © gustav


Bez miasteczka © gustav


Nowe Warpno taaa © gustav

Kiedy gryfny asfalt zamiynio se w taki kostki... Byłech jakiś 10km od N.W., ale na tym niy szło po prostu jechać! Ujechołech poboczym - po trowie, piosku, gruzie - ze 300m i miołech doś. I zrezygnowołech... Chocioż gmina jest do kolekcje hehe

I koniec rajzy © gustav

Ale w Trzebieży było najbliżyj do zalywu ;]

Trzebieżowe płoty © gustav


Jakiś łódki © gustav


I czorno perła © gustav


Jacht za milJon dolcuf © gustav


W otchłań zalywu © gustav


Bikestatsowo © gustav

A potym do znajomych na byzuch do Polic, niymniyj jednak najważniejsze było uzupełniynie wyngli hehe

Nudle, czyli wyngle © gustav

A nastympnie Szczecin o zachodzie...

Niy wiym, co to je © gustav


Taki nowoczesny skatepark ;] © gustav


Prawie jak w Casino Los Angeles © gustav


Szczeciński gigant © gustav



Cyntrum se buduje © gustav


Galaxy Szczecin © gustav


Tramwaje, ronda © gustav

I tu ważno i ciekawo rzecz - żodyn niy wiy, kaj je rychtyk cyntrum w tymże mieście :> Bo wyznacznikiym cyntrum je przeważnie rynek, a tu go niy ma hyhy


Kajś w cyntrum © gustav


Kaskada Szczecin © gustav


Ksiynżyc i DK10 © gustav

No i powrót na miyszkanie, Michuss powrócił z roboty i wraz z współlokatorym, udalimy se na jeziorko Miedwie ;]

Lemon Stettin Cycling Team © gustav


Michuss fotograf © gustav


Pełnia nawalo ostro © gustav


I lampiony jakiś ;] © gustav


Bikestats Team - to je to! © gustav

Tyż już było kole 6-7st. ale szło przeżyć. Michuss chyba odporny na zimno, jo już niy bardzo... ;D
Jego relacja tukej ;]

Miołech se dzisio w końcu wyspać, budzik na 11:30.. a obudziłech se samoistnie som bez żodnych czynników zewnyntrznych, normalnie o ósmyj dwajścia... niywyspany kurde lol :(( Dziwom se na ajfona yyy znaczy na fona i widza sms'a od xtnt, że za godzina bydzie bez Rybnik przejyżdżoł. Tak mu se tydziyń tymu tukej spodobało, że zaś obroł rajza bez to zacne miasto :> No to kurde gipki śniodani i kurde biera Fasta i kurde jada w strona zalywu kurde. Tomka jeszcze niy było, bo to jada mu na przeciw i spotkalimy se przi zaporze. Jechoł z Annaberg nocno rajza, pieron jedyn. Kurde kiedy jo tam był ostatnio??

I ogólnie mój aparat we fonie kurde se zeschrzanił totalnie - a inaczyj - ostrość jest fest ciulato :(( a że na dniach byda potrzebowoł strava, no to musza poczekać z reklamacjom...

Łamać zakazy © gustav


Ładowanie wyngli © gustav


Electro Rybnik © gustav

Ogólnie taki kryncynie tam, kaj tydziyń tymu Tom niy mioł czasu hehe.

Kolarskie rondo © gustav


Noo to jo tyż © gustav


Rybnik Airport © gustav

No to decyzja, że jada odprowadzić go do Łazisk.

Kierunek Żory © gustav


Elektrownia przi Łaziskach © gustav


Autostrada A81 ;] © gustav

Już mie w tych okolicach odcinało z głodu, beztoż trza było poszukać punktu czerpanio kołoczków, żymł itd. No i ukozała se nom biedronka hyhy

Prawie obiod © gustav

A nazot już pod fest mocny wiatr. No kurde 25-27 na prostyj, z gryfnyj hopki ledwo 40... i jeszcze ciulato (najgorszo w regionie) 925-tka aż do Przegędzy. A idź pan w .... z takim jeżdżyniym :D

Pokaż trasę GPS

Po robocie musiołech podjechać do Kończyc. Dołech tyż cynk Danielowi, czy kaj se czasym niy pyndaluje - padoł, że ja, wiync wyjechoł w mojo strona. Po jakoś 3km se kapnyłech, że niy mom torebki podsiodłowyj ze wszystkimi pierdołami z 1.pomocy rowerowyj, wiync jasno decyzja, że lepij dołożyć 6km, niż mieć platfusa 40km od domu i nie wiedzieć, co wtedy zrobić... ;] W Jastrzymbiu zauważyłech typa na MTB, co po ścieżce fest zapierd.... gipko jechoł :> beztoż zaro zadzwoniłech do Daniela, czy to był on hehe Ale jednak ni - jest już na granicy miasta. Trefilimy se kajś tam no i jazda na Kończyce, w miyndzyczasie godani o pierdołach ;> Ale yno przez 10km, bo Daniel musioł gnać do roboty. Zaproponowoł mi ślad do wiślanki przez Pruchna. Nigdy żech tym odcinkiym niy jechoł, wiync trza było obadać :)

Daniel we własnyj osobie ;] © gustav


Droga do Pruchnej © gustav

Ksiynżyc, bombon asfalt, same hopki - nic yno jechać!

A już na wjeździe do Żor wyczerpało mi se aku w proxie... Zaś...  Kurde w Kończycach 2 diody na 3, na wiślance już jedna yno i po pół godzinie już całkowicie OFF.. :/ Ale byłech przigotowany hyhy Wyciongłech latarka, taśma - zamocowołech, zapolyłech i... dupa! niy działało! co je graneee? 2 lampki i żodno niy dzialała.

Żodno.

Odryncołech, wymieniyłech baterie, pstrykołech, naciskołech... po 20min dopiyro zaczła świycić... Coś ze stykami. I jechołech dalij. I po 200m se wyłonczyła. I zaś przeklyństwa w kożdo strona świata. Walłech w nia i se zapolyła, jakoś du dom zajechołech..

Pokaż trasę GPS

Prziszłech z roboty, od razu 250g ryżu, wyngle do bidonów i jazda. Ulubiono pyntelka na 100km gipkigo szpilu ;] Wiater N-E wioł już tak średnio, chocioż jeszcze godzina przed wyjazdym drzewa tańcowały hehe. W Gliwicach nad A4 średnio 33.05, na Sośnicy już jakoś 33.4 i czas 1h05. W Mikołowie na wjeździe na DK81 33.1 i czas 1h35. W Żorach na zjeździe 34.15 i 2h10 jakoś (teryn ciut w dół i z wiatrym heh). 21km w 35min ujdzie :> Na obwodnicy na BP po woda, bo sucho w bidonach jak wice Karola w familiadzie;] A w Rybniku już walka. Na odcinku 92-96km już szłap niy czułech, chyba brakło wyngli ;p Uwaga - nie byłech jeszcze głodny! :D Ale doczołgołech se. Wyszło mi 10 postojów na czerwonych + tankowanie na BP. 100km miołech na liczniku w czasie 2;56;40, wiync minus te postoje, to bydzie tak optymalnie 2h55. czyli rekord poprawiony o minuta. Strava za kożdy postój z automatu dodowo 10s... No ale do np. Piotrkola to jeszcze daleko mom, jeśli chodzi o moc na TT xD Byda musioł wbić na płasko rybnicko pyntla na obwodnicy 3,3km, machnyć setka i porównać forma z zeszłorocznym czasym 2;56, kaj nie było postojów, bo noc i same ronda :)

Pokaż trasę GPS