Janusz Janekbike doł info 2 dni tymu na trip na LH. Wczorej wieczór prognozy w miara były okej, no to jazda! Żodengo niy udało mi se skołować; nawet górskich gigantów :/ Januszowi se udało.. 1 osoba wiyncyj zawsze coś. 8:00 przejście w Gołkowicach - ustawka. Pochmurno, momyntami mżawka, 14-15st. lekki wiatr N. Pyndalowało se okej, po drodze do sklepu do azjatów po 2 batony i 6 ultra-mini-bagietek. Do startu na podjazd z avg 30 z groszami. Warunki idealne niby na bicie życiówek. Cóż, jo trzimoł tympo kamratów aż przez 2,5km, potym powoli odjyżdżali. Dolne partie pleców dość bolały, bardzij jak nogi.. ale podjyżdżołech na spokojnie. Czas prawie 46min, co jest rekordym mym. Trzeba kiedyś na spokojnie przijechać tu, wychudzony na maxa, z nowymi kółeczkami i porównać ;) Ogólnie cały podjazd we mgle, ale na samym szczycie... słońce i częściowo niebieskie niebo! GRYFNIEEEE!! :)) Tympyratura od razu podskoczyła z 15 na 25, a potym na postoju to już pod 30 :> Z godzina my tam posiedzieli, w zasadzie to w takich warunkach niy chciało se wracać :P Widoki... chmury, mgły na horyzoncie. Jak w niebie. Na zjeździe tyż słońca trocha, ale na samym dole ponownie pochmurno... Do Godowa dojechalimy fest dobrym tympym, kaj se my pożegnali. Dużo dzisio niy jodłech, a czułech moc :) 5 tych bagietek, 2 batony i ryż przed wyjazdym.






















Pokaż trasę GPS

Piyrw do kantoru uzupełnić czeski monety ;) Nastympnie kurs nad zalyw, kaj czekoł już Emil (tyn od Madone hehe) wraz z ekypom. Podjechołech, pacza - 4 ludzi! Bodajże chyba rekord w tym roku ;D No i jechalimy obadać nowo miejscówka dlo rowerzystów nad zalywym, w Stodołach. Jest już tam od zeszłego roku, ale jo tam jeszcze nie był. Dlo mie - rewelacja! Jakiś bar z fast-foodami, wifi, molo, grill, ławki, parasole, leżaki, łódki, rowerki wodne... I ogólnie co chwila jakiś zjebki itd itp... Oczywiście to co widać na 1. foto - rozdupiło systym na amyn! I tu zagadka: what is this? ;D


A cóż to takigo? :D © gustav


Zawsze w gotowości © gustav


Miejsce postoju © gustav

A potym na miasto, co pojeść. 23cia godzina, 14 stopni, ujdzie jak na maj ;>
Maszinkiy © gustav

Tyn pan po lewo (nie chodzi o ta okrojono świnia czy co to tam je xD) - kupił se nowe koło i zarzekł se, że bydzie coroz wiyncyj jeździł. No paniee - wtopił żeś w dupne bagno, chyba brak już opcji zmiany decyzji :>

W kebabowni © gustav

Co moga naszkryflać w tymże wpisie... To może mojo regeneracja po rundce do Łodzi - przijechołech ok. północy wtedy, 42h bez snu. Co dziwne - zero kryzysu z tego powodu. Społech od 0:30 do 11:30. Potym tzw. faza po rajzie, w kieryj zazwyczaj długo sie nie do kontaktować. O 15:00 legnyłech se zaś spać, do 18:00. W tym momyncie już było nieźle. Ale deficyt snu nadal na dużyj wartości. Tak wiync 20:30 - i ponownie zaczyno zamulać. Ale lygom dopiyro o 21:00. Co dziwne - usnyłech ok. 22:00. Budzik do roboty na 5:30. Obudziłech se w niezłym już stanie, ale z 2-3h bych jeszcze pospoł. Tak wiync w całyj niedzieli "kontaktowołech" przez 6,5h... Realizacja ultra-planów, póki moga se na to pozwolić - na pełnyj i zero wymówek.
 
Rzecz nr 2: jakieś -450g #mmm

Rzecz nr 3: byłech w top10, ale po poru godzinach te pierony zaś mie wyeb... wywalili za burta hehehehe

Rzecz nr 4: testy jakichś tam bryli od alpina twist coś tam ;]

Km'y: ARAx2 + CITYx2

3rd gminobranie w tym roku, w towarzystwie Pawła. Mioł być jeszcze jedyn towarzysz, ale po wyjechaniu z domu rozwalyło mu opona i kurde szkoda :/ Bo yno roz w życiu jechołech tako trasa w wiyncyj jak 2 osoby - Krynica rok tymu. Oczywiście, tradycyjnie - zaś w zasadzie po robocie, zaś niy umiołech zasnyć, mimo 1h20min leżynio. No nic, spotykomy se w Gliwicach na tankszteli o 21:20 i jazda. Niby ciepło jeszcze, ale na noc różne prognozy podowały różne wartości tympyraturki, beztoż "zimowy" zestaw miołech zapakowany. Do Pajęczna w zasadzie był revers trasy powrotnyj gminobrania z Kalisza jakiś miesiąc tymu. Na jednyj tankszteli kupujymy wody, a tam pracownicy uprawiają se dancing. Oczywiście kamera monitoringu gustavowego wszystko nagrała :D Poranek w lokalnych mgłach, a na horyzoncie gryfnie oświetlone "konstrukcje" PGE Bełchatów. Od czasu do czasu były lekkie pagórki, ale i wielokilometrowe proste to tyż nie rzadkość. W Bełchatowie na rynku ciut wiynkszo pauza. Pełno flaszek po wieczornych libacjach, co także uwieczniła mojo kamera :>
Potym jeszcze bocznymi drożkami, prze-gryfnymi, aż do DK1. Kajś tam pauza na przistanku na seblykanie lontów, tj. ubrań, bo już było ciepło, mimo godz. 7ej jakoś. No i prosto dwupasym do cyntrali naszego kraju, o dziwo - brak zakazów dlo rowerzystów. W mieście od razu na ścieżki, kiere były fest na plus - bo były w eleganckim stanie, niy to co równoległe drogi... No i tak na ul. Piotrowsko. I jednak byłech na tyj drodze 1,5 roku tymu klikej sam.Ale yno do połowy hehe. Potym na Manufaktura. Ogólnie jakoś niy zrobiła na mie wrażynio, może przez to, że wiele budynków w tym mieście było fest podobnych? Next - szukomy jakijś restauracji, co by pojeść. Ale wszystko pozamykane... Spytołech policjantów - na 100% lokalni, na pewno wiedzą ;] No i co - wszystko od godz.10 otwarte dopiyro 0.o Szkoda... pozostało se powoli ewakuować. Wbijomy jeszcze do biedronki, a potym obczaić planetarium EC1. Byda szczery - jedyny budynek, co mi se fest spodoboł :) Ogólnie niy umiołech dostrzeć w cyntrum nowoczesności; dużo cegieł, dużo budynków nadowających se do remontu.. Kierujymy se na Tomaszów Maz. Wyjazd po fatalnyj jakości DW. I z mega wiatrym w plecy. Do Łodzi jechalimy pod słaby wiatr północny... A zachodni sztorm źle zapowiadoł droga powrotno... I tak tyż było - w Tomaszowie nawrót i zaczyno se walka. Dodatkowo w okolicach zalewu sulejowskigo stan dróg pogarszo se maksymalnie. Prosty odcinek - ledwo 18-20km/h. trwo to do DK1 za Piotrkowem, potym już je lepij. Spotykomy bajkera, co krynci na lokalny podjazd. Chyba jedyny, góra kamieńsk. Wiatr jakby lekko osłob, bo se lepij jechało. W miejscowości Rusiec pauza pod sklepym. Ogólnie fest bogato gmina - wszędzie nowe drogi, ścieżki itd... Tu napisza o mym kryzysie: od Tomaszowa, poprzez jazda pod tyn wiatr, zauważalnie zaczły boleć mie mięśnie w nogach. Co se nigdy w zasadzie nie zdarzyło po takim dystansie, ok. 350km. Nawet na trasie na Kalisz 550km na MTB nic takigo niy doskiwerało. Jedyno przyczyna może być tako: w robocie przez ostatnie 2 dni tyż mie te nogi bolały, jak nigdy... Czamu? Nie wiym. Ale ostatnio tyż mało kiedy se wyspołech... Dlatego ta pauza pod sklepym dużo pomogła jakby. Był tam lokalny.. mówca. Mr. '72, bo sztyjc o tym roku nawijoł. Oczywiście nagrołech ;] Tak wiync na moji myśli przichodziła opcja - jedź do Radomska na cug, do Gliwic np. Bo bydzie ciężko ujechać nawet na Jasno Góra... Ale próbuja systym: kadencja ok. 100 na lekkim przełożyniu + ciągnięcie korb do góry. To pomogało. Zresztą - znacznie gorzyj czułech se na BalticTour 2013, ale skoro dołech wtedy rada, czamu teraz mo se niy udać? Dojyżdżomy w końcu do DK1, na kieryj jadymy ze 40km do Częstochowy. Zakaz jest, ale i 2m pobocze. Na dwupasach zawsze odżyłech, mając kryzys. Niyinaczyj je teraz :) W dodatku wiatr fest osłob i krynci se przyzwoicie. W tymże mieście pauza u sponsora, rundka pod klasztor i ostatnie 100km do domu. Nogi już w miara okej :) W Gliwicach kupuja jeszcze asekuracyjnie 3 batony, żegnom se z Pawłym, odpalom mp3 i jazda. Nadal jedzie se okej, ale coś średnio mom ochota na te batony, a powoli czułech głód. Mimo to udało se przijechać du dom w niezłym stanie.
Rajza fest podobno do tyj niedownyj do Kalisza. Tam na MTB, tu szosa. Wtedy średnio 24.7, teraz wychodzi 26.3 - bo spokojnie idzie odejmnyć z 15min na czołganie se po Łodzi i innych pauzach. A celowalimy na min. 27,5-28, na takij płaskij pętli. Dyspozycja dnia - to chyba zadecydowało. A Paweł tyż niewyspany ruszył w ta rajza. No ale ważne, że kolejne gminobranie odhaczone. Pozostoł MP za 2tyg. i 2 jeszcze gminobrania na to wychodzi; wtedy mój zielony gminny monolit bydzie zakończony uff.. :)




Pokaż trasę GPS

Czas se szykować na rajza! Za 4,5h wyjazd :> Kierunek: Centrala, w tym gminobranie ;)

Popołudniowo do siostry i szwagra i bajtla, przi okazji bezczelnie uzupełnić zapasy tłuszczu... ;)
Pogoda sie poprawio, bardzo optymistycznie - tera już na bank w weekend pojada do Łodzi!

2 nowe, w zasadzie 3 :p rowerowe rzeczy zamówione. Już se niy umia doczekać :))
A pogoda? chłód, dyszcz... jak to w lutym...

Wieczorno rundka na miasto. Stykło, że tympyraturka spadła poniżyj 15st. i już ludzie zaczyli w piecach kopcić. Godzina 21, 8st. (połowa maja!), prawie bezwietrznie i co za tym idzie - cały syf w lufcie sie zatrzimoł. W rejonach elektrowni w zasadzie pyłowo mgła...
O tym wykresie jest głośno... Brawo Rybnik, brawo Ślonsk, brawo Polska-południe. Nic yno zdupczać na Skandynawia.. Abo na Szczecin-Kołobrzeg. Dobrze, że jechołech w kominiarce...

Soo, ugodołech se na 14 przi bazylice na rundka. Tam mieli już czekać chopy-szosowcy. Po 13ej jodłech obiod, podczas drugigo dania coś niedobrego zaczło sie dziać... osłabienie, lekkie kryncynie w łepie, mikro-drgawki o.0 Przez pół godziny było źle, ale jakoś se lekko poprawiło. No cóż, gipko na koło i na ustawka. Najwyżyj, zdechna po drodze. Tam już czekało 2 szosowców, organizatorów całego zamieszanio ;] Piotr i Mariusz. Obaj na identycznych, karbonowych cackach Authora. Mi se polepszyło, wybralimy kierunek Pszczyna i jeziorko. Po drodze godani o byle czym, żodnego gapiynio se w licznik na średnio ;] Lajtowo dojechalimy nad jezioro Goczałkowickie, uwaga - po roz piyrwszy postawiłech swoje sh-r088 na tamtejszyj zaporze.. :> Jedno co zapamiyntom - much i muszek w 3 dupy, jak nie wiyncyj... Kurtka w 10s zawalono tymi insektami. A na droga powrotno zaproponowołech deal Piotrowi - zamiana maszyn na ileś km ;) Chop se przetestowoł lemondka, z kieryj był fest zadowolony na koniec, a jo se przipomnioł, jak to zaś jeździć na leciutkim karbonie.. Ojj brakuje tego. Czułech sztywność, lekkość, perfekcja ultegry 6800 itd. ALE - czułech tyż wiele nierówności. Potym my se zamienili nazot - kurde jak mie sie zaś miękko jechało.Wniosek? Mom na pewno wygodniejsze opony, a tyż sztywność mych aktualnych whr501 pozostawio wiele do życzynio.. ;] Jak kiedyś wspomniołech - karbonowy frameset jest na końcu, jeśli chodzi o tłumienie drgań.
No może samo rama ;] Widelec dużo ważniejszy. I potym przez Jastrzębie na Rybnik-Południe, kaj my se pożegnali. Git rajza ;]
Foty nie moje, a z kamery Piotra.
Dzisio prziszoł mi telefon z reklamacje - fotki zaś bydą w ciut lepszyj jakości :)






Pokaż trasę GPS

Jakość z tyj xperie E1 żałosno..  mojo xperia L w reklamacji. Dzisio lajcik, czuć lekko jeszcze ostatni tryning, jutro bydzie okej :) I wiatr cholernie mocny z NW, ale nadal bez opadów...