...Czyli kolejny tegoroczny wypad z bajkstatowiczami kajś w góry :D Pogoda miała być w weekend bajeczno, wiync wypadło na niedziela.
Wstołech o 3:30, zjodłech makaronik i sałatka, przigotowołech to, co trza było i o 5-tyj wyjechołech w strona BB. Do jedzynia wziyłech ze sobą 2 banany, czekolada i 3 malutki kanapeczki. Temperatura w drodze spadła do 6,5 stopnia. Trza sie już zaopatrzyć w profesjonalne zimowe wdzianka, a tym bardzij w jakiś spodnie, bo moji 3 warstwy koszul(ek) ochraniających klata jakoś jeszcze dowały rada hehe. W BB kierowołech sie na Szczyrk, żeby zaliczyć jedna gmina, kiero niyfajnie wyglądo tako bioło i samotno na mojij mapce. W Żywcu na rondzie byłech o 8:45. Tam trocha poodpoczywoełch i zjodełch reszta mojich zapasów. Po chwili pojawiła się reszta całyj bandy - Kuba, Tomek, Tlenek, Funio. No i pojechalimy w strona granicy w Ujsołach. Po drodze jeszcze do sklepu - póki co - po woda, chlyb krojony i 3 banay. W drodze do granicy dogonił nas starszy pan szosowiec z napisym na plechach "OLD RAJCZA". W Tour de France chyba takij ekipy nie było hmm... Na podjeździe potowarzyszyłech Tlenkowi, bo reszta ekipy ostro odjechała. Jo to zapamiyntom! :D

Peleton i ukryty pan K © gustav

Takie tam na drodze © gustav

Na granicy © gustav

Na górze chwila oddechu. Wtedy już dość grzoło, ale jeszcze bez tragedii. W sumie już 3 gminy do kolekcji.
Na Słowacji Oldrajczowiec zaproponowoł nom podjazd, z kierego ponoć miołybyć piykne widoki...

Podjazd "Old Rajczowca" © gustav

Jak na 30% nachylynia, to słabo im to idzie © gustav

Picie - ważno rzecz! © gustav

A tyż Ci cykna :P © gustav

Podjazd był konkretny, 10-15km\h bywało na liczniku. Ale widoki czy jo wiym... :D Myśla, że Funio to najlepij ocyni :D

Jaaaadyyymyyy w doooooł! © gustav

Przy głównyj drodze na skrziżowaniu Pan Rajcza nos pożegnoł i sie pojechoł we swoji strony. W okolicach Namestova zrobilimy postój. I potym prosto na Korbielów.

Jedyn, drugi z przodu © gustav

Czworty, pionty z tyłu © gustav

Na granicy był kolejny postój, głównie z powodu sprzedowanych oscypków.

I zaś na granicy © gustav

Zjyżdżając w dół, Tlenek niestety mioł pecha. Znom te uczucie, jo w górach rok tymu mioł to samo... :/

Pit-stop Tlenka © gustav

Strumyczek © gustav

W Jeleśnej kolejny postój w sklepie. Kupiłech 5 bananów z przecyny (bo były czorne jak pieron, ale że niy szata zdobi człowieka, okozało sie, że były jak nowe hehe), 2 suche bułki (a raczyj kruszonki), i 2 wody. Za to wszystko zapłaciłech prawie 5zł... Interes życia! :D Tlenek pojechoł w swojo strona, a my za namową organizatora Kuby skierowalimy sie w strona jakiś extreme-podjazdów. W sumie to były 2 podjazdy. Prziznom szczerze, jakiś tam nachylynie niby było, ale że wszyscy dali rada wjechać, wiync... jakoś niy było extreme :P Ale lepsze to, niż rybnickie chopki hehe.
W Żywcu na rondzie kolejne pożegnanie z Kubą i Tomkiem. A z Funiem pojechalimy se na Kocierz :> I to był podjazd, jaki jo lubia! Dość długi i dość nachylony :)

Kocierz zdobyty! © gustav

Funio w akcji © gustav

Miejsce widokowe i maszyny © gustav

Miejsce widokowe bez maszyn © gustav

W Andrychowie (4. gmina do kolekcji^^) postój w kauflandzie. Zjodłech banana i pozostało bułka kruszonka. Dokupiłech 2 banany i woda. Funio pojechoł w swoji okolice, a jo w strona BB. Była 17:20. Miołech okazja zaliczyć jeszcze ze 2 gminy między Kętami, a Pszczyną, ale drogi w tym terynie to istny labirynt, wiync jedynie z GPS-ym byłoby to możliwe.
Na wiślance był spory ruch, jak to po słonecznym weekendzie. Tam już musiołech jechać ekonomicznie, żeby pooszczędzać energia z bananów hehe. Ale odcinek Strumień - Żory minył mi błyskawicznie.

W Żorach na obwodnicy © gustav

W Rybniku 4km od domu strzelyła mi linka z przednij przerzutki. To jest 1. usterka od czasu kupna tego Haibike'a.

Pod dom przijechołech o 21:25, jeszcze dokrynciełch 400m do okrągłyj liczby :>
Ale jazda na głodówce wyniszczyła mie konkretnie. Czułech sie, chobych mioł zrobione przeszło 600km jak w tripie na Warszawa.

Na taki dystans stykło mi: makaron + troszka sałatki, czekolada, 3 małe kanapeczki, 2 wysuszone bułki-kruszonki, 12 bananów i niecałe 8l wody.

Trip udany w 100% :) Pogoda przez cały dziyń słoneczno.
Temperatury w czasie jazdy: rano 6.5, w okolicach połednia 25 (na postoju nawet 42), wieczoryem 17.

Pora fotek od Tlenka: http://pokazywarka.pl/xq0waq/
Pokaż trasę GPS

Tak mie wieczorym kole 20-tyj natchnyło zrobić zaś jako czasówka, wiync postanowiłech pojechać do Żor na tamtejsze równiuśkie asfalty :) Obrołech sie odcinek zawierający 3 ronda, tak wiync tako jedna "pętelka" miała długość 4km, a zrobiłech ich 4. Temperatura już iście jesienno, ale z racji zapierniczanio - w ogóle tego zimna nie odczuwołech hehe (a miołech ubrano koszulka kolarsko + szalik).

Oraz obejrzeć dekoracja :) Pogoda już była iście słoneczno. W drodze powrotnyj wbiłech po mega-czisburgera ^^

Wczorajszy Tour de Rybnik to był w moim życiu piyrwszy wyścig z kimś innym, niż "jo som" i ogólnie jakikolwiyk piyrwsze zawody, w kierych uczestniczyłech. Dzieje sie tak, że w 99% przipadkach jeżdża som i nie było okazji wcześnij z kimś porywalizować... Może sie to kiedyś zmiyni heheh.
Wiync tak: wziołech w tym udział, bo chciołech po prostu sprawdzić, jak wyglondo mojo forma "sprintera" na tle ludzi, kierzy ścigajom sie na co dziyń (jo na chwila obecno "specjalizuja sie" w trasach pod ultra-maratony, a w tym roku yno ze 3-4x zrobiłech sie tryning jazdy na czas, aż wstyd sie prziznać hehe). A 35zł to niy ma dużo, wiync zaryzykowołech.
Mój wyścig (6x9km, kat. Orlik) był zaplanowany na godz. 11:00. O 9:20 zjodłech na śniadanie ryż do oporu. Od rana padało, niy jakoś ulewa, ale roz mocnij, roz słabij. Na termometrze jakiś 15'. W jednym z bidonów miołech koktajl kawowy (ponoć lepij uwydatnio energia). Do linie startu miołech z doma prawie 6km, wiync spokojnym tympym sie pyndalowołech, a jeszcze po drodze wbiłech do biedronki po czekolada i liter izotoniku. W biurze zawodów dostołech numer 68 (byłech blisko hehe). Tam tyż wypiłech mojo kawa, zjodłech pół czekolady i wlołech zakupiony izotonik.
Wybiła 11:00, wszystkie koksy z żółtodziobym gustavym w składzie (było ich w sumie 48) wjechali na linia startu. Dalij padało. Dalij odczuwołech chłód, mimo, że miołech koszulka termo + koszulka kolarsko. Bodajże dyrektor wyścigu coś tam fandzolył o zasadach przi tych, co sie ustawiyli na samym poczontku (jednocześnie jakiś inny gościu nawaloł do mikrofona), wiync my tam ze zadku nic niy usłyszeli o tych zasadach... Ale MOJI zasady brzmioły: niy dać sie zdublować i niy uszkodzić mojigo koła! :D I w końcu my wystartowali! Udało mi sie przebić do środka stawki. Drogi mokre, wiync na zakryntach w miara JESZCZE ostrożnie. Po jakiś 3-4km jo sie dalij dziwia, że jeszcze mi niy odjechali (możliwe, że sie jeszcze dogrzywali abo co hehe). No ale dojechalimy do bardzo niewygodnego sektora (wg map yno, abo i aż 2km)... Drogi niy równe, kilka zakryntów 90-cio stopniowych, wszyndzi mokro, wiync postanawiom przejechac go ostrożnie, żeby nie zaliczyć na samym poczontku jakijś niemiłyj kraksy. No niestety, takich jak jo było tela co nic i jak wjechołech na droga, kiero szła prosto do mety (ul. Rudzka), to już cały peleton był jakiś hmm 200-300m na przodzie. Jechołech wiela szło, ale już niy było szans ich dogonić eehh... Po 1. kółku dogoniłech jednego kolarza z mojij kategorie (wtedy miołech średnio 38 i coś), co tyż nie doł jakoś rady i postanowilimy, że jadymy na 100%, żeby nas nie zdublowali i ewentualnie, żeby kogoś dogonić. Jeszcze w oddali było widać ostatnich z peletonu i jakiś tam nadzieje były... Ale na nadziejach sie skończyło. Im wiyncyj my we dwóch przejechali, tym jeszcze wiyncyj przejechoł peleton. Po 2. kółku miołech momentami dość, ale wiedziołech, że momy szansa dojechać do mety przed upływym limitu czasowego, byle mieć średnio w granicy 36! I tak my sie zmiyniali na prowadzyniu (jechać direkt za kimś na kole to je fest różnica w oporach powietrza, a tym bardzij w peletonie). Niymniyj jednak te zmiany były mało profesjonalne; zakłodalimy, że sie bydymy zmiyniać co np. 2km. abo 2min., a wychodziło różnie, od sytuacji idzie pedzieć heheh. Przestowało padać tak kole 4. kółeczka. Ale dalij było te 15' na liczniku. Jo już koszulki podciongołech na wiyrch i rynkawy tyż, żeby zwiynkszyć chłodzynie. Normalnie żałowołech, że ubrołech ta koszulka termo na siebie. Nawet polywołech sie tym, co miołech w bidonie :D Ale to yno ukazuje, jak my zadupcali hehe. Średnio prawie prawie 36, wiync jeszcze wporzo. Kajś przed 5. kółkiym dogoniomy jednego typa i on sie doklejo do nos. Ze 2km dalij mijomy drugigo, ale on już chyba nie dowoł rady kondycyjnie. W czasie jazdy widziołech pora kolarzy pyndalujoncych kajś abo stojoncych na chodniku, wiync abo mieli jakiś problymy, abo jechali zapisać sie na kolejny wyścig. W połowie ostatnigo kółka naszo trójka doganio wóz techniczny, chyba z jakimiś syndziami; jo coś tam usłyszoł, że chyba jeszcze sie mieszczymy w limicie czasowym, ale muszymy zapierniczać! Jechali my na maxa, jednak już z przekonaniym, że bydymy na mecie jako ostatni. Wiync w geście solidarności postanowilimy, że wjadymy na meta równo obok siebie. I tak sie tyż stało :) Na mecie były brawa, multum fotoreporterów, kierzy robili nom tyż jakiś fotki. Miłe uczucie :)

Moji dane z licznika:
Dystans - 54,5km
Czas - 1h 31min i groszowe sekundy (chocioż w oficjalnych wynikach miołech 1h 31min i 50s)
Średnio - 35,6km\h (jednocześnie poprawiełch swój rekord o 0,5km\h na podobnym dystansie hehe)
Vmax - 54km\h

Oficjalnie naszo trójka była na 30. miejscu z 48 zawodników (za nami już żodyn nie przijechoł, prócz tego wozu technicznego). Stracilimy do tych piyrwszych na mecie 11min. Gościu na 29. miejscu stracił 7min. 39s. A gościu na 22. stracił już yno 1min. 36s.

Musza prziznać, że w ogóle nie byłech głodny, a nawet czułech sie na siłach, że mógbych zrobić jeszcze niejedno kółeczko :)

Ogólnie mój plan zostoł wykonany. Jo cały, koło całe, nie zdublowany i zakwalifikowany :) Jakbych na 1. kółku od razu pojechoł na som przodek stawki, to mone bych coś tam lepszego ugroł w perspektywie całego wyścigu. Ale np. jak kiery by do mie wjechoł (abo odwrotnie), to bych na 200% żałowoł... Mimo wszystko walczyłech do końca i uważom swój udział za udany :) Raczyj w pro-wyścigach niewiele zdziałom (tu jednak trza mieć przede wszystkim kasa abo sponsorów, bo jak sie uszkodzi swoji koło, to koszty mogom być nawet spore). Wiync dlatego jeżdża som i "ostrożnij", ale daleki trasy.

Koło uwalone całe z piosku i inkszego marasu, a jo jak sie zejrzoł w doma w lustrze, to chobych z gruby prziszoł :D

Swoich fotek niy mom, ale fotoreportery co chwila mi jakiś cykali, jednak za cholera niy umia ich znalyźć na necie eeehh. Ale jak co znajda, to zaro sam wciepia :)

edit: piyrwsze foto już znalozłech! :D



x6
Pokaż trasę GPS

Dzisio musiołech se wybrać kajś na koło, na dalszo jako rajza, bo ostatnio jeżdża yno kajś po mieście i okolicach z rozmaitymi sprawami. Pogoda ostatnio trocha ciulato - abo za zima, abo za fest wieje, dzisio to nawet po lekku sipiało, ale jak w końcu przestoło, to żeh już zdecydowoł na 100%, że trza kaj pojeździć. Miołech do zaliczynio 2 gminy przi granicy z Pepikami na Opolszczyźnie i dodatkowo od jakigoś czasu chyntnie bych zjod jakigo fastfoda (bo na co dziyń tego nie jym, przez to som zy mie same kości i jak jada we wichurze, to niy umia utrzimać balansu na kole). Wyjyżdżom przed 16:00, temperatura prawie 20'. Na obiod 1,5h pryndzyj jodłech ryż z warzywami, wiync jakiś zapas energetyczny był. Podczas jechanio temperatura oscylowała w granicach 16-18', wiync trocha było to niykorzystne dlo gardła, ale dało sie wytrzimać. I se tak pomału dojechołech do Raciborza i potym dalij w strona nieodwiedzonych jeszcze gmin. Tam kajś w sklepie kupiłech 2 bułki i 2 prince polo xxl. Tamtejsze drogi - szału niy ma. Dopiyro, jak wjechołech w Głubczycach na krajowo 38, to sie zaczoł piykny asfalt :)) W tych okolicach same chopki - zjaździk, podjaździk, zjaździk, podjaździk... Ale jak słońce zaczyło sie schroniać za horyzont, to żeh fest żałowoł, że niy miołech ze sobom aparatu... :/ PIYKNE WIDOKI!
W drodze powrotnyj w Rydułtowach spotkołech kumpla z klasy, pogodali my chyba ze 20min. W międzyczasie podjechoł jakiś kumpel mojigo kumpla Maluchym. I tyn kumpel mojigo kumpla se chwolił, że przijechoł z Krakowa tym autym za prawie 15zł, ponoć to mioł na gaz hmm. A tyn Maluch mioł cyntralny zamek, uwierzycie? :D
Dobra, skończyli my gotka, jo zejrzoł na zygor - 20:45. Ooo pierona, tera do kieryj je otwarty tyn fasfod z rozmaitymi fastfodami? - se myślołech. Zakłodoł żeh, że do 21:00 wiync gipko zadupcom na cyntrum Rybnika. Som Cancellara by se niy powstydził :D Co ciekawe, temperatura góra 15', a jo nie odczuwoł tego zimna; nawet gardło nie bolało. O 20:59 podjechołech pod fastfoda i już gasili światła. ZAMKNYTE! Ale żeh se wnerwił. A głód miołech pieruński... :/ No nic, w doma żeh se zrobił 2 talyrze zapiekanek hehe.

Od dzisio przechodza na prawie ślonsko wersjo bloga :> Prawie - bo całego słownika ze ślonskimi słówkami na pamiyńć nie znom :D
Pokaż trasę GPS-