48 dni do pyndzyje i zostało yno 1694km hehe ;]

Dzisiejszy cyl to był sklep rowerowy w Regulicach, w kierym przez internet zakupiłech mojo lampka przednio Prox - musiołech oddać do reklamacje. Powód? Słabe aku. Powinno na najsłabszym trybie świycić ok. 15h (co potwierdzom inni użytkownicy tyj lampki), a mojo świyciła 9h, niy ważne, czy była ładowano przez 4h czy przez 12h...

A że niydaleko Regulic jest...


...to przed wyjazdym dołech cynk Funiatymu że byda w okolicy i czy co jeździ tyż na kole. Oddzwonił, że krynci w okolicach Oświęcimia i jedzie w górki, ale może se dostosować do mie, wiync bydzie czekoł w Pszczynie.
Jo napchany nudlami i dwoma kawami wyjechołech i kurde pogoda elegancko, ze 14st. 5km przed Pszczyną coś mi w przednim kółku zaczło amortyzować zleksza. No jaaa chyba dyntka przebito. Ale kurde fest powoli uciekało, wiync szło jeszcze se dokulać do cyntrum, kaj czekoł el Tomasz. Podjechalimy w okolice rowerowego, wymiyniłech se dyntka, no i poszłech do tego sklepu, coby użyczyć pompki, żeby konkretnie napompować. A w sklepie odpowiedź, że niy ma pompki na tyn zawór [presta]... To tak jakby w piekarni nie było kołoczków!!
No nic, dopompowołech swojom pompkom i wyruszyli my na Oświęcim i Alwernia. Tomek chamsko stwierdził, że skoro mi przebiła se dyntka, to niy umia jeździć, niy przigotowołech se do jazdy itp...
No i jadymy se tak na Oświęcim, jo za tym jaworznowskim typkiym i dziwom se na jego zadnio opona, w kieryj jakoś luftu ubywo xD Stowomy i godom mu co i jak. "Tomek, tyś se chyba tyż dzisio do jazdy niy przigotowoł" :D :D

Panie na przistanku miały darmowo rozrywka przi czekaniu na busa ;))

A na mie godoł © gustav


Dw780 © gustav


Czasym słońce wylazło © gustav

W Alwerni pauza w biedrze. Kupiłech se nowość - chlyb z rodzynkami, poza tym 3 kołoczki i picie.

Zakupy prawie jak moje © gustav


Chlyb level up - z rodzynkami © gustav

95km zrobione, a mie se niy specjalnie chciało jeść. Yno/aż pół tego 400g chleba zjodłech.

Zjazd z Alwerni © gustav

W Regulicach wbijom do owego sklepu załatwić reklamacja i dodatkowo kupuja zapasowo dyntka.
Trocha dalij Funio wypoczywoł...

Funio i czorne kable nad nim © gustav

A potym przijechalimy do Jaworzna City... mekka kolarstwa w GOPie. Fest lubia te miasto. Poważnie.

Jaworzno, miasto kaj tyż som fundusze na remonty

Remonty taaa © gustav

Jaworzno, miasto kaj czasym ciynżko złapać ostrość

Uśmiych szef © gustav

W drodze na chata Funia

Na ścieżce © gustav

Jego bryka :))

U Funia na chacie © gustav

Malowali nowe pasy, a Tomasz mioł na to wyebane i se przez nie przejyżdżoł. Dostoł ostry opi**dol w polskim stylu "no ku**a mać świeżo malowane!!!" ale żodyn drogowiec od pasów nie był w stanie go dogonić ;D W ogóle Tomasz to je hardkor w poruszaniu se po mieście. Na znakach stopu se niy zatrzimuje, yno przispieszo. Na ronda wjyżdżo jakby mioł pierwszyństwo. Niy dostrzego koloru czerwonego na sygnalizacjach...;>

Remonty cd © gustav

Na rynku ogólnie bida. Wg mie to była najciekawszo rzecz do sfotografowanio.

Nic ciekawego na tym rynku © gustav

Rondo od licytacji na WOŚP i prawie otwarto nowo galeria. W końcu w Jaworznie zacznie se ŻYCIE! empiki, H&M'y, Multikina... :))

Nowo galeriona © gustav


My city. My home. My life © gustav

Funio odprowadził mie pod Lędziny - bo niby najkrótszo opcja na Mikołów. A widza na mapie, że przez południowo strona Katowic byłoby 6km mniyj :P Dopiyro w Żorach odczułech głód poważniejszy i zjodłech dopiyro 1. kołoczka! Forma w niy-jydzyniu rośnie hehe. Dokrynciłech se na 220 - tyle ile na liczniku od Vmax jest w Multipli. Pod domym na liczniku prawie 9st.! Ciepło jak na połowa listopada :)

Nudle do oporu w doma, 400g chlyb + 1 kołoczyk + 2 banany + 2,5l picia na trasie - rekord najmniyjszego jedzynia na takim dystansie hehe No i dobro średnio.
Funio - nie być zły, że spieprzyłech Ci dzisio górskie wojaże;]



Pokaż trasę GPS

Głównie to po nowo szprycha do Gianta :)) Wymiana poszła gładko, nawet przi cyntrowaniu nie było dużo roboty. Dobrze jest umieć majstrować przi swoich sprzyntach. Bo pewno za wymiana szprych w Fascie i Giancie wydołbych dobre 40zł. A tak zaoszczyndzono kasa idzie zaś wywalić na koksy, chlyb, banany... ;]
Po ostatnim wypadku już w zasadzie umia jeździć normalnie, maluśki ból w kostce niy przeszkadzo.

Dzisiej zabrołech se za pucowanie Fasta i co najważniejsze - zainstalowanie nowyj szprychy.


Cały napynd od nowości mo już ponad 28kkm.


2 najbardzij używane koronki


A to reszta. 3 najmniyjsze sporadycznie używane na sprintach z hopek ;] tak samo 3 najwiynksze używane yno na ściankach


Czyli jak kiety bydom wymieniane na nowe, bo już podchodzom pod 70-80% zużycia/wyciongnycio/rozciongnycio :)) to do wymiany pódom tyż koronki nr: 4,5,6,7; chocioż i tak nadal som w niynajgorszym stanie :)

Cyntrowanie


A to schwalbe durano po 15670km. Niby już do wywalynio, a może jeszcze z 1-2kkm by szło na nich wykryncić...??


I tak oto naszykowanym rowerkiym postanawiom zrobić jakoś setka po okolicy. Wyjyżdżom o 21 i kurde jakoś ciepło. Na liczniku widza 14st!! A że mom zamiar robić prawie czasówka, no to przegrzywom se masakrycznie. Ale już na wyjeździe z Rybnika w strona Gliwic, zaczyno mocnij padać, wiync niy ryzykuja i jada nazot. I po 5min przestowo... No to se tak po cyntrum jeżdża. Dojyżdżom do jakichś świateł i czerwone. Na zielonym robia agresywny start i po jakoś 40m traca... hmm... prziczepność? (może wjechołech na jakiś mokry kawałek asfaltu?) i jeeeeeeb na zol na prawo strona, a że był krawynżnik i chodnik... crash bolesny :(( Auto za mnom mie ominyło i nic, inny kierowca obok, co czekoł na czerwonym - tyż zero reakcji. Może przez to, że gipko stanyłech... Łokieć odarty i fest zakrwawiony, prawe kolano ciut odrzyte (dziura w galotkach...), obie kostki obolałe... We Fascie prawo klamka se wygiyła, ale działo. Przedni kółko se rozcyntrowało. I kieta spadła. Patrza se na telefon yno, a w miyndzyczasie: duuuuup!!!! Z fest mocnym impetym coś wydupiło w przednim kółku. Tak po prostu. I pit-stop. A zarozki prziszoł ku mie jakiś gościu, bo przejyżdżoł autym i mie widzioł. Auto zaparkowoł ze 200m kajś dalij. Prziszoł, bo tyż coś tam jeździ na kole i chcioł se dowiedzieć, czy wszystko ok. Nawet zaproponowoł, że podwiezie mie du dom. Ale jo godom, że ta dyntka wymiynia i jakoś se du dom te 7km doczołgom, mimo bólu w obu kostkach. Z 15min trwoł owy pit-stop, to tyż my pogodali. A droga powrotno to katorga, szczególnie podjazdy... owe 7km w pół godziny.



bleeee

Miołech dylemat w drodze powrotnyj, czy wbić do biedrony, czy do lidla. Wybrołech drugo opcja, bo downo nie byłech ;] A tam regał wyprzedażowy...
Za rowerowe ocieplane galotki i bluza - czijści złociszy :))  Bluz już niy ma, galotek zostały 3szt hyhy

Nowe lonty na koło © gustav

Dodatkowo kupiłech nektar bananowy i paczka wafelkuf. Dzisio dyszczowo aura.

Po powrocie z niyudanyj rajzy, zjodłech obiod i wziyłech Talona na kolejne kryncynie, tym razym już po mieście. Celym było 56km. No to na cyntrum, potym dookoła zalywu przez ścieżki w lesie i zaś na cyntrum. I tak jeździłech to tu, to tam. Level smogu już niy taki jak jeszcze 3 dni tymu, bo dzisiejszy silny wiatr te pieroństwo wywioł w p... otchłań ;> ale wieczorym zaś ludzie zaczyli coś tam kopcić. Na lekkim podjeździe coś zaś poczułech w zadnim kole - patrza... No kurfa w tyta jego big mać! Zaś dupła szprycha!!!!!!!!!!!!!!!!!!!!!!!!!! Drugo szprycha w tym samym dniu, po zaledwie 5h... Ale że kółko już tak niy lotało na boki, bo tu już 32 szprychy, to mimo wszystko musiołech dokryncić do tych 56km.

No to do pyndzyje zostało już 1998km, czyli 53 dni. Tera już bydzie z górki, czy tam z hołdy, hopki... ;]


Leśne ścieżki © gustav


Electrovnia © gustav


I zaś dupło, tym razym w dżajancie © gustav

Piyrwszo rajza od zeszłyj niedziele, po małym przeziymbiyniu, bólu gardła. Celym było 116km, coby zejść już na <2000km. Postanowiłech se pojechać nad ślonskie morze - j. Goczałkowickie. Tympyraturka o 13:00 w ciyniu... 17st. aż mie zatkało.
W Pawłowicach 300m od wiślanki, coś dupło mi w zadnim kole - zaś szprycha... I to po zaledwie 34 dniach od ostatnigo incydyntu.
Kółeczko whr501 - miało być pancernym i niezawodnym kółeczkiym. A na dziyń dzisiejszy strach wyjyżdżać 20km od domu...
Kluczym do nypli nacyntrowołech i jakoś du dom se dokulołech, niedzielnym [dosłownie] tympym...

Wiosennie listopadowo © gustav


Jadymy kajś tam © gustav


Obwodnica Jastrzymbio © gustav


Normalnie goreee! © gustav


Znejdź różnica © gustav

Pokaż trasę GPS

Musza wylyźć z doma... czy wróca jeszcze?

EDIT:

FATALNIE!!! Chciołech nagrywać zachód słońca z dachu Focus'a i słońce ledwo widoczne...
Ale chocioż oszukołech przeznaczyni - żyja!

Zleksza chory od sobotnij rajzy, ale corozki lepij - gardło było przewietrzone hehe :) Na sobotnie ognisko pod Chrzanowem trza być monter ;D

Lukać w HD/FHD

Najniższy poziom wody w zalywie, jak pamiyntom...

Do pyndzyje to już 2197km i równe 2 miechy - je wykonalne hehe.
Xtnt zaś jako towarzysz w ultra-trudnych warunkach, ale jakby to było łatwe, to kożdy by tego dokonoł.. :) Ustalilimy spotkanie w Żorach w sobota o 3ij nad ranym. Mgieł w pierony i tympyraturka ledwo powyżyj zera gwarantowały mega "fun" - samymu to bych ani z chaty niy wyjyżdżoł ;D No może o 9yj rano hehe. Ogólnie fot było dużo, ale tu zamieszcza yno te, kierych niy ma na głównym filmiku. Opis 3 filmików na końcu :) A tu od razu relacja Pana X: klikej sam.


Na podjeździe na Salmopol © gustav


Tak to se moga siedzieć lata ;] © gustav

Decydujymy, że zostowomy sam tak długo, aż wyschnymy z tych mgieł... :) To bydzie tyż priorytet na 2016r. - jak najwiyncyj takigo relaxxu! :>

Tego nic nie pobije! Just RELAXX! © gustav


Uroki jesieni © gustav


W Żywcu. Naturalnie © gustav


Wyjazd z Żywca © gustav


I na poboczu © gustav

W drodze na byzuch do Karela, wbijomy na podjazd, jakigo moji oczy (i szłapy) nigdy niy widziały!
28% na 100m

Moji przełożynie 34/28 niy dało rady, mimo że mocy w szłapach było nadto. Trza było próbować wjechać na siedzonco, bo w innym przipadku tracił se docisk. W tym najbardzij pochylonym miejscu to już prawie przedni kółko se dźwigało... W takim momyncie podatność kiety na zerwanie wynosi już lekko 50%. Warto, bynajmij w górach, mieć w aptyczce skuwacz :)

Na Kocierzu ciekawy widok - całe "niziny" na północy we mgle. Noo a my tam se kierowali... ;]
U Karela pauza - gospodorz podoł nudle ze smakowitymi dodatkami. Jo bych tyż musioł zmiynić sos/cukier na jakiś ekskluzywne dodatki typu warzywa, kyjza, jajko... :D Ponowne dziynki za dostarczynie wyngli! :)


Road to 28%! © gustav


A to na równoległym podjeździe © gustav


I lekko serpentyna © gustav


Okolice Kocierza © gustav


K4r3l masterchef! © gustav


Ładujymy nudle ;] © gustav


I zaś mgłów w 3 *upy ;D © gustav

W Łękach se żegnom z Tomkiym - ponowne dziynki za kosmiczno rajza :)
Du dom z wiatrym, co se rzadko zdarzo ostatnio hehe. W Pszczynie czeko znajomo, co krynci po "okolicy" na nowyj szosie i tak se jadymy do Rybnika. Niby niy mo formy, ale na podjazdach to jo je przeważnie w tyle... Mgły coroz bardzi dowajom w kość, bynajmij mi, ale jechać idzie. Na ostatnich 10km wbijom do sklepu asekuracyjnie kupić co do jedzynio i picia - wszak te w bidonach było zmrożone, a mie już lekko gardło bolało ^^ Chocioż i bez tego tankowania na chama bych du dom dojechoł eheh. Czyli na tym dystansie zjodłech: ryż przed wyjazdym, a w trasie 4 kołoczki, 3 kajzerki, 4 kanapki z doma, banan i nudle K4r3la w Andrychowie + 2 batony na koniec :) I do 4l płynów.

A tu główny filmik

i 2 osobne:
zjazd z Salmopolu

28%



Pokaż trasę GPS