Plan był na kolejne gminobranie. W piątek w zasadzie po robocie - prziszłech o 15;15, wyjechołech o 18:15. Zaufołech prognozom z dnia wczorajszego, były w miara okej. Fast w serwisie, no to pozostaje Talon - niy ma wymówek. A tyż byłaby to kolejno okazjo na wykryncynie rekordu na MTB... Jym nudle do oporu, ze sosym :> Wciepuja yno pyndale stare pd-r540, bo początkowo był plan jechać w samych adidasach na platformach o.0 Do Jaworzna dojyżdzom z avg 27, no bo z wiatrym :) Tam pod fastfodym czeko Tomek xtnt. Jo zamawiom dużo 33cm pizza, celym doładowanio se. Fajny lokal - szło koła dać do środka. A bo ludzi nic nie było ;) Po godzinie wyjyżdżomy, Tomek kieruje swoimi skrótami, dodatkowo wbijomy do całodobowego. Suszy po tyj pizzy konkretnie - liter poszoł chyba na 20km spokojnyj jazdy. Kajś se tam żegnomy, tymczasowo... Tomek chce mi towarzyszyć w drodze powrotnyj do Rybnika, no super. A jo pełyn entuzjazmu mp3 na uszy i petarda dalij! Kajś tam na przistanku pauza na jedzynie. Dostowom smsa od xtnt, iż z jego stron w mojo strona idzie super-nawałnica o.0 A jo na niebie nic za mną nie widza, wszyndzi yno blyski, i leciwe chmury. No to gipko se pakuja i leca na cyntrum Skalbmierza. Tam znajduja duży przistanek i sie rozkłodom z biwakiym - ładuja telefony, jym cały chlyb kanapkowy z dżymym... i czekom na armageddon. Po jakimś czasie zaczyno mocnij wioć... i padać. Ile to bydzie trwać? nie wiym. Ale przestowo o dziwo, yno lekki opady. Już se przejaśnio na niebie, no to jada, bo prosto z Dębicy wyjyżdżo mi na przeciw kompan Krystian. Spotykomy se przed Stopnicą, no i tam już bocznymi drogami zbiyrom gminy nowe. Przed Morawicą ciymne mega chmury, kiere walą w naszo strona. Zaczyno lekko kropić i momynt zawachanio, czy spieprzać do wioski w drugo strona se schować, ale jadymy na przód! I kiedy zaczyno mocno padać, cudym pojawio sie zajazd restaurcja uff! Wbijomy do środka, zamawiom ryż dużo porcja.. Mijo dobro zaś godzina, przestowo padać, no to jadymy dalij. Teraz trza zrobić mało pyntelka po kolejne gminy. Wieje fest ale to fest mocno ze wschodu, normalnie sie czołgomy :/ 2km odcinek przez pola kamienistą drogą, chop na szosie mo problym hehe. Koła momy konkretnie uwalone. zaczyno se cywilizacja no i Krystian godo że zaś! mo przebito opona, dodatkowo zaś zaczyno padać. Znajdujymy przistanek i zaś pauza oraz wymiana dyndki. Jo zaś powoli czuja głód o.0 przestało padać i jadymy, po drodze przed DK7 wbijomy do sklepu - musza coś zjeść bo mie rozdupi na amyn. Żeby na tym zjedzonym ryżu przejechać 30-40km to już jest skandal!!!! Kupuja kreple i żymły z kyjzą i ładuja do oporu. Kiedy jeżeh przi kasie, zaś pojawio się mocno ulywa... no ja piernicze, co to sie odwalo dzisiej?? Zaś przestało i zaś wylazło słońce... jadymy. Na DK7 już prosto do cyntrum Kielc. Po kilku km'ach zaś dyszcz... Ale już w Kielcach słońce. Definitywnie postanawiom wracać cugiym du dom, bo już mom dość tego! Chociaż przez ostatnio godzina cały czas mi chodziło po łepie - a może zaryzykuja i wróca na kole jak zaplanowołech? w końcu każdo trasa w życiu kończyłech, prócz wypadku w ub. roku. Co gorsza - zaś pojawio sie głód. Jo już kurfa nie wiym, co jest grane - metabolizm mom rekordowy na tym świecie. To mie podłamuje. Idymy na dworzec popytać o bilety, jo zamawiom do Gliwic, kolega chce wracać du dom na kole. Zadowolony, bo w końcu z wiatrym pojedzie. Żegnomy se, on kieruje se ku wyjściu, a tam leje jak cholera! normalnie niebo jest siwe z kożdyj strony. I on także sie zdenerwowoł i tyż kupuje bilet...

czas brutto 19h jakoś
+7 gmin...
36zł bilet za cuga
20zł pizza
11zł ryż
6zł chlyb i dzym
5zł wody x2 na stacji
8zł kreple i żymły
9zł cola, pizza, inksze słodkości...

...czyli jest to moje najdroższe i najdłuższe czasowo 322km w życiu. Wracając na kole, na jedzynie wydołbych wiyncyj jak na cuga, a w domu mógłbych być po hmm 15h, zakłodając brak deszczu... bo sztyjc wioł silny wiatr z zachodu. Rozsądek wygroł. Ale czuja niedosyt jakiś :/


Pokaż trasę GPS

Jakiś tytuł dlo odmiany, wzglyndym "relaxx" "city"... Zbiyranina km'ów. Fast w serwisie do prziszłego tydnia (trza pora drobnych tajli pozamawiać), wiync Giant Talon jako tymczasowy Niszczyciel ;) Sooo... Prognozy na jutro super, na sobota 70/30 - ryzykuja gminobranie! Wyjazd tradycyjnie - po robocie :>

Pokaż trasę GPS

No to chocioż jakoś fotka, z darymnego aparatu Xperii E1 ;) Bo mojo Xperia L ponownie w reklamacji. Tak byda odsyłoł, aż naprawią odpowiednio, abo najlepij nowy wyślą.

Sumuja wszystki kilometry Gianta od piątku: ARAx2 + UltraRelaxx(x2)... niy ma co pisać szczególnego.
Fasta musza oddać do serwisu i przede wszystkim skołować adapter TL-FC24, bo obecny se rozlecioł - plastik... Jak Fast bydzie sprawny do piątku, to prawdopodobnie gminobranie w sobota na Kielce, przi dobrych warunkach rzecz jasno.

Od razu prziszłech z roboty, na gipko zamiast obiodu ciasto, syrek, wloci wyngli do bidonów i jazda do Cieszyna, a konkretnie do Puńcowa, do siedziby firmy Daveo - stamtąd kupiłech nowe koła, no a że za darmo kliyntom cyntrują, no to "why not"? ;)
Kółeczka jak nowe, sprawnie poszło i jazda nazot. W pewnym momyncie, kajś kole Jastrzębio, zaczło dupać, strzylać w moim suporcie jak nigdy. BB9000 kończył swój żywot... Efekt taki, że powstały luzy i czołgołech se do Rybnika. ~13750km. No ale w paczkomacie czekoł już nowy suport, WCZORAJ ZAMÓWIONY! tym razym ultegra BBR60.

Kontrowersyjne foty na stravie :>
Pokaż trasę GPS

Km'y głównie z jazd do doktorów... Po wschodnij ekspansji, 2 dni tymu wyskoczyły plamy na przedramiyniach - to jest skutek całodziynnyj jazdy w mega-upale, pod słońce, od Lublina do Tarnowa. A krym kiery miołech, był zwyczajnie za słaby :/ Piyrwszy roz tako reakcja skóry na upał mom hmm...
Dostołech piyrw skierowanie od doktora 1. kontaktu do alergologa. Tyn mie nie przijył, yno kozoł iść do dermatologa. A żeby dostać se do dermatologa, to zaś trza było jechać do tego od 1.kontaktu, po nowe skierowanie... Burdel.
To póki co moji 3. L4 w życiu, ale najkrótsze, dwudniowe. Wcześnij był szpital i prawie szpital yhm.. Dzisio jest zauważalno poprawa, jutro bydzie już okej.
Czerwiec tego roku jest rekordowy :)

W skrócie, bo reszta wyjątkowo na piyrwszyj foto-audio-relacji:
- Lublin i Rzeszów w końcu zdobyte!
- +54 nowe gminy
- czas brutto: 47h40min - co jest niyspodziywanym rekordym...
- średnia na tym dystansie na poziomie 26, polepszono aż o 4km/h wzglyndym 1054 i 1200km...
- cały dystans całkowicie solo, non-support; przez chyba 3min. pogodołech yno ze spotkanym na trasie jednym kolarzym
- bez snu
- 1000km mogło być, ale po roz kolejny zbyt duże zapotrzebowanie na jedzynie na ostatnich 150km zniwelowało tyn plan... na kołoczki, żymły już niy szło se dziwać... a żodnyj restauracje [otwartyj] niy widziołech po drodze... :( Przez to czołgołech se du dom, na dodatek w burzowyj aurze.
- wg stravy - rekord przewyższyń na jednyj rajzie, pobity o 300m :)) Poprzednio Tour de Tatry 6255m
- co do FoF - morale poszły na maksymalny poziom! no i wiym, na co moga se pozwolić, a czego unikać.
- WELCOME TO HELL, czyli zakres tympyratur: w nocy 17-18, w dziyń w ciyniu 30-35, rekord 40 podczas jazdy! w słońcu pewno ze 50...
- przez całe 2 doby wiatr wioł ze wschodu, roz mocnij, roz słabij
- WSZYSTKI województwa już mom zdobyte rowerowo!

Gdyby miołech punkty żywnościowe na trasie, czas brutto pewnie by był na poziomie 44-45h hmm...

ERROR stravy na linii Tarnów - Kraków, wysłanie śladu w Oświęcimiu na orlenie... tutej "oryginał" przewyższyń: https://www.strava.com/routes/5425997

Pokaż trasę GPS

Nowe ustawiynia na kierownicy ;] 

Jutro wyjyżdżom na wschód w końcu, kole 10 rano. Kierunek taki, jak na mapce:

https://www.strava.com/routes/5425997

Opcjonalnie 100km w 5h brutto. Lublin, Zamość, Rzeszów - pewnie dodadzą z 2-3h wiyncyj przez "zwiedzanie" ;] Grunt to zdążyć na sobotni mecz "Ojro" hyhy.