Trza se zaopatrzyć w jaki dexshelle.. ;] Zimny deszcz to je pieroństwo, gorsze od mocnego wiatru.

Zaproponowołech na ta niedziela z rana runda w Beskidy, głównie klasyk przez Salmopol. Chętni byli, o dziwo. Pobudka 6:40 i tankowanie wyngli. Za oknym szaro, ponuro, ale bez opadów. Chocioż drogi były mokre. Przed wyjściym sms, że dwóch se wycofało... bo u nich dyszczym kropi. Dojyżdżom na ustalone miejsce 8:03 i pusto. Czekom z 10min., niy ma nikogo, no to jada som... Kierunek Pszczyna >> B-B. Tympyraturka 8st.



W Żorach już zaczyno kropić... Ale dzielnie jada, jeszcze optymistycznie, bo kropi słabo. Niy mniyj - w Pszczynie już mom prawie mokre skarpety, wiync wbijom do sklepu po worki, a przi okazji kupuja 2 banany i 2 wafle. Worki oczywiście jako ochraniacz.


Niystety, owe worki tym razym średnio działają. W B-B na piyrwszym przistanku pauza, chodzenie, podskoki, coby dogrzoć stopy. Mom w torbie z narzędziami 2 skarpety stare jako szmatki - no to oblykom jako dodatkowo "warstwa" - może pomoże. Dalij padze, dalij poniżyj 8st. Tu 2 fotki z B-B :>



Stopy se dogrzoły, ale jo decyduja se zrezygnować z jazdy na Salmopol. Mogłoby se to źle skończyć. Musza już rychtyk pomyśleć nad czymś w rodzaju dexshell'ów. Bo jedzie se fajnie, ale zimno od dołu niszczy cało frajda, trzeba walczyć o przetrwanie :/ Kieruja se na Strumień. Tu na foto już wiślanka i idiotyczny projekt ścieżki rowerowyj. Od początku do końca ok. 500m. Za tymi domami nic niy ma. Yno pola. Tera se wyobraźcie, że w lato idzie tu familio z małymi bajtlami, nie wiym - rolki, hulajnogi, rowerki, a ty chcesz po tyj ścieżce jechać 40km/h... Co zrobisz? Cało wiślanka od Ustronia do Katowic w 95% mo pobocze, jak na tym foto. Zakaz jest tu - w Zbytkowie i w Łaziskach Górnych na nieco ponad kilometrze - tam tyż je pobocze... Idealny przikład na to, że na szczeblach projektowania infrastruktury momy ludzi z defektym wyobraźni.


Myślołech, że projektanci w końcu poszli po rozum i wymyślili tako oto ścieżka obok wiślanki. Niystety - to nowy węzeł na Cieszyn.


I słów kilka nt. nowego zica - piyrwszy test i jeżeh bardzo zadowolony :) Zarówno w normalnym chwycie jak i na lemondce - jedzie se komfortowo! I fest mi se podobo ta okrągło końcówka wydechu; ponoć cały 'exhaust system' był projektowany w Maranello.



I jeszcze doładowanie w Żorach ;)


Na całyj trasie kilku lokalnych rowerzystów jadących "do sklepu" i jedyn pasjonat na trekkingu. Wyjść ze strefy komfortu - it's not easy ;) A jo zaś mom +1pkt. do doświadczynio w jeździe w takij pogodzie. Ida spać zaro ehe..

Pokaż trasę GPS

Dostołech 2 gryfne "test saddle", bo czas w końcu po bodajże 6 latach wymiynić selle royal freccia na coś nowego, tym bardzij do szosy. Selle royal to typowy zic /siodełko/ trekkingowy, wiync w szosie dizajn z automatu idzie w dół o 722 punkty ;) Za to mega wygodne, na trasy 1000+ rewelacja. No ale trza co innego testować, szosowego, ale tyż w miara odpowiednigo.

Oto owe testowe zice:






Jo żem wybroł zic "forward", gdyż ponieważ bo - znacznie wygodniejszy jadąc na lemondce, no i istotne - niy ma efektu ślizgania sie przód-tył. Wagowo tyż dobrze, nawet 18g mniyj od mojigo starego SKN, kiere jest w zasadzie plastikiym i dupa odpado po 50km...


Test nowego zica już jutro na rundce po Beskidach. Na rajzy 500+ trza poczekać do kwietnia/maja.. ;)
A selle royal freccia? [waga 420g] Nie godom "żegnej". Godom "jeszcze sie przidosz" ;)

Pierdu pierdu sam i nikaj :>  W Rybniku jeszcze se do w miara ODDYCHAĆ hyhy...

Bez ostatni 2 tydnie ok. 100km na MTB, w zasadzie yno do roboty. Synki na grupie zaproponowali "ustawka". No to jada, tym bardzij, że fol chętnych. 11:30 zbiórka we San Świerklany, jo przijechoł 11:37 jako ostatni, chyba jechołech pod wiatr ;D Kole 10-11 stopni - ujdzie. Je nas w sumie 9 - to je kurde rekord za mojigo życia. Nie licza Maratonu Podróżnika czy Śląskigo.. No i jadymy, pogaduchy kożdy z kożdym, jo ani nie wiedzioł kaj jadymy. Wiym że ok. 60-70km hmm. Ale tak rychtyk wyszło trocha wiyncyj. Ok. 90km nazot w Świerklanach, średnio prawie 31, a jo dalij ni ma głodny o.0 Dzwonia do Punktu Kontrolnego Godów, czy moga po paczka przijechać. No niby ja ;) Niystety, Pawła "CFCFan'a" nie zastołech, bo pieron dopiyro co z Bałkanów wrócił, to tera zaś baluje na Erasmusie w Portugalii, czy jak se to nazywo. Nic, jada du dom, 106km na liczniku i banan w zadnij kapsie nadal w asekuracji ;) Dojyżdżom prawie du dom, 126km i jest okej zy mną hmm... No nic ostatnio pętla 5km, co by nowy rekord zrobić bez jedzynio hehe. I to se udało. Myśla 140-145 na spokojnie byłoby do wykonania, ale godom: stop! ;D I w ogólnie nie byłech wyplompany, yno było czuć już brak odpowiednij mocy - czyli wyngli :)


Same koksy hehe © gustav


Kajś po lasach © gustav


Kajś po polach © gustav



Pokaż trasę GPS

Loło z nieba cały czas... I zima w cholera.

Udało się :) Chociaż youtube dowala się o jedną ścieżkę dźwiękową z grającego radia... mam nadzieję, że nie wywali całego podkładu audio.

Film jest taki, jak sobie wymarzyłem. Ponad 60GB materiałów z 3,5-dniowego wyczynu + element opowieści, więc chyba te 2,5h filmu to nie dużo :) bo mogło być znacznie więcej :P

Głównie dojazdy do roboty. Od poniedziałku do dzisio, moje życie wyglądało tak: robota do 15, a od 16-17 prace nad ukończyniym filmu z 1400km, nieroz do 1-2 w nocy. Oczywiście z przerwami na jedzynie, jakiś rozciąganie itd... Mózg roz***any. Ale efekt jest kosmiczny, taki jak sobie wymarzyłech, co do sekundy :) Ostatnie poprawki, ostatnie przejrzenie całości i pewnie za kilka chwil klikna "zapisz film". Jak dobrze pójdzie - jutro bydzie premiera. W końcu projekt "FoF'' - sie zakończy ostatecznie!

Co do relacji z wypadu w Sudety - w prziszłym tydniu coś zaczna szkryflać.