...spakować co trza i za jakiś 4h po gminy hehe 

Bikepack Repack X2 już w moim posiadaniu :> Cholernie konkretnie wypasiono torba pod zic - 12 litrów i nic wiyncyj niy trza godać. Na dniach zrobia test max. załadunku - takigo na urlopowo rajza :) a pojutrze już jom wezna w trasa :P

...żeby robić w nocy czasówka, przijechać wyplompany du dom o 2:30; żeby potym spać jakiś 4h i iść do roboty na 12h??

100km solo w 2h 57min 50s. Jazda w godzinach 23:00-02:00 po rybnickij obwodnicy, majoncyj w sobie 3 ronda. Jedna tako pyntelka jakiś 3.3km, wiync trocha tych kółek zrobiłech hehe. Ale zależało mi na tym, żeby niy było skrziżowań świetlnych i wielkigo ruchu. Czas w zasadzie jakoś gorszy o minuta, może półtoryj, w porównaniu do poprzednij czasówki na 100, ale terozki ani razu sie niy zatrzimywołech. Wypiłech 1,2l wody z wynglami (trocha brakło pod koniec) i zjodłech uwaga - 1 banana! Przed wyruszyniym zjodłech ryż 2 torebki. Czyli jest nieźle hehe. Już przi 85-90km zaczynało brakować mocy ale doczołgołech se hehe. Przi setce już mie chycił głód :>

Kilometry z poru dzionków. A te gryfne fotki z dzisiejszyj przejażdżki, urlopowym tympym rzecz jasno :>





Chluba Rybnika hehe Tour de Rybnik jest, to tyż musieli odwalić taki rondo :)



Budowa nowego deptaka od Bazyliki aż do rynku. Sie w tym mieście dzieje fest ostatnio :>



Ryż mi sie już warzy, zjym i zarozki ida robić czasówka Speed'ym :>

2 dni wolnego, to trza korzystać :D Oblukołech se pogoda i u nos w poniedziałek miało być 31', pora chmurek. Za to w okolicach Zakopanego ze 26' i trocha wiyncyj chmurek. Ale bez opadów. Wiync postanowiłech jechać do Bukowiny i zebrać pora zaś gmin hehe.
Po niedzielnyj 12h szychcie prziszłech du dom kole 21 i zaczyłech przigotowania. Poszłech spać kole północy, wstołech o 3:30, wyjechołech o 4:50. Ojj bydzie mie zmulać w drodze powrotnyj... :D 

Już za Żywcem © gustav

Jak już widać na powyższym foto - chmury na niebie. To dobrze, bo jo sie nastawioł na podjazdy w pierońskim hycu rzyndu 40-45'. A tak idzie pedzieć - idealno pogoda na pyndalowani. Na liczniku kole połednia miołech max 32' jakoś.

Stryszawa © gustav

Droga bez Stryszawa - fajno hopka :D im wyżyj, tym bardzij nachylono hehe


W drodze na Krowiarki © gustav

Tego mi trza było! :>

Lejymy woda © gustav

Na krowiarkach parking zawalony.. :D ale niy fociłech - wszyscy owe miejsce znajom.

Po ta gmina musiołech zjechać z trasy jakiś 5km monyj :P

Zaś jedna wiyncyj © gustav

I potym aż do Nowego Torgu (:D) prosto i jakoś nudno. Tatry fest przikryte ciymnymi chmurami.. zaczyło mi se to niy podobać.

Sam już w drodze direkt na południe. Chmury w oddali ehh... Zakłodołech teza "z wielkij chmury mały dyszcz" 8<

Czorne chmury już widać © gustav

Jo już zakłodoł wariant, że byda musioł popytać o nocleg (dobrze, że 2 dni wolnego). Co te prezyntery godali we TV - iście letnio aura...
Ale jechołech na ryzyko, bo drugi roz sam jechać niy byda!

W Poroninie © gustav

Ujowo, ale stabilnie (jeszcze) :D

Do Bukowiny droga tyż fajno ścianka, widoczki na Tatry klasa! Ale dalij były jeszcze lepsze :)

Bukowina taki se © gustav


Bukowina Hotel © gustav

BEAUTY OF POLAND!

Czarna Góra © gustav

Do Trybszu jeszcze konkretniejszo ścianka, porównywalno z tom w Stryszawie, ~15% myśla bydzie (jak ktoś umi to sprawdzić, to byda wdziynczny:))


Na ściance © gustav

To tela jeśli chodzi o focynie - od południowego-zachodu czorne chmury nadciongały... wiync musiołech spierdzielać jak najdalij na północ. Normalnie siwo, dupno mgła! W tyj adrenalinie szłapy dostały boosta normalnie, jo sie nic niy oszczyndzoł. Ale chmury i tak były gipciejsze i dostołech sie w "objyncia" dyszczu. To było kurde niyuniknione. Niy sipiało, ale tyż niy była to ulywa. Ale przi 21' jeszcze momyntami sie przegrzywołech hehe. Dojechołech do Rabki i tam krótko pauza pod paryzolami. Zgodołech sie z Karelym z San Andrychowo City, że jak bydzie dalij loło i byda przemoczony, to wbija do niego po zestaw anti-dyszcz :D Wbiłech do knajpki po 5 worków - jedyn dołech se pod kask, reszta po 2 do szczewików (stary sposób). W takim oto zestawie amatora jechołech dalij w dyszczu. I tyn zestaw działoł w japoński sposób, czyli Jako Tako :D :D Ale w miara było okej.
Pierwotny plan zakłodoł jazda z Rabki DK7 do Jabłonki celym zebranio 2 kolejnych gmin. No ale niy mogłech jechać direkt w czorne chmury... Kiedy indzij tam podjada.

W okolicach Makowa już przestoło padać, drogi schnyły. Jechało sie zarombiście. Szłapy podowały jak ta lala :D
Jeśli chodzi o jedzynie - pora bananów, 4 żymły i głównie same kołoczki :> Tak mi dzisio smakowały, jak nigdy indzij :P
W Wadowicach wbijom do sklepu po ostatni zakupy. Była godzina 20:30 jakoś. Prawie 90km du dom jeszcze, wiync dokupiłech 5 kołoczków jeszcze - to powinno styknyć. Zadzwoniłech jeszcze roz do Karela, a w miyndzyczasie jakiś typek z piwym w rynce mi pierdzieli, kaj chca jechać, kieryndy powinienech jechać itp Jo godom bez mobilnoka, a tyn dalij swoje, noo kufa maać. Odpoliłech mobilnego gps'a, full głos i do kapsy. Z Brzeszczy do Wadowic tymi skrótami zajada bez problymu, ale odwrotnie jeszcze nigdy niy jechołech (tym bardzij w nocy), a tam oznakowani trocha średni. Ale gps zrobił swojo robota należycie :) I potym już ze 60km prosto du dom. ALE zamulani sie zaczyło... Brak snu sie uwydatnioł. Kurde tragedia. Zaś jazda na granicy wypadku. To je drugi najgorszy kryzys. Piyrwszy to je, jak mosz dość dziwanio sie na jedzynie. Dopiyro w Żorach na oświetlonych drogach trocha mi przeszło. A baterie przednij lampy tyż musza wymiynić - już 4. wielko rajza i 4. pełno noc majom za sobom.

M.in. taki rzeczy momy na rybnickich rondach :D

Fotka z Alojzym © gustav

Te prawie 90km zrobiłech na 3 kołoczkach i litrze wody. W Rybniku już jechołech relaksacyjnie. Zaś niy wyplompany, yno śpioncy :D W nogach nic niy czuja po tyj rajzie. Kontuzja w kolanie już mi chyba przeszła, bo cało trasa jechołech w systemie "korbowania": góra-dół. Czterogłowe se mogły w końcu odpocznyć momyntami.

400km i 5 nowych gmin...


Pokaż trasę GPS

Poniedziałek i wtorek wolne, trza zaś jako rajza myknyć :>

A sam porównanie wciepanych bildów:

-wgrane direkt na blog z kompa


-skopiowane z photobikestats

Rybnik Żorska © gustav


Rybnik Żorska © gustav

przi robiyniu wpsiu widać ewidyntnie, że photobikestats niszczy jakość, ale już po zapisaniu na blog - jakoś różnicy niy ma hmm

Urlopowym tympym dookoła zalywu. Słaby żeh je pierońsko, tak to jest, jak sie niy ma kiedy wyspać..

Mrowisko na Rudzie © gustav

Kajś przi zalywie © gustav

Remont w końcu! © gustav

Elektrownia © gustav

fest mało czasu ostatnio... nawet niy ma kiedy czytać rajzy na BS :/ ale myśla nadrobia na dniach.

Plan tyj rajzy powstoł fest spontanicznie, czyli po obejrzyniu w piontek wieczorym pogody. Wyszło, że niy mo loć, niy mo być tajfunów, huraganów, wiync postanowiłech zrobić wiynkszo rajza, skoro już 2tyg. niy jeździłech czegoś konkretnie. Taki gmino-brani hehe.
Przigotowania zaś mi zetrwały trocha, wiync wyjechoelch dopiyro punkt 23:00 w sobota.

Piyrwszy cyl za 201km hehe © gustav
Pyntla praktycznie w całości poprowadzono drogami krajowymi ^^ W nocy nic ciykawego. W zasadzie ja - ksiynżyc lepij oświetloł droga, niż mojo lampka :D

Wschód słońca © gustav

Już corozki bliżyj © gustav
Przed 7 już fajnie zaczyło grzoć, wiync seblykłech moji nocne lonty - kominiarka, nogawki, ochraniacze na szczewiki i t-shirta. Zostowiłech yno koszulka termo. Jeszcze jedno - w nocy było 9 stopni... trocha jak na lato ahh...
Drogi bombon :))

Cało droga yno dlo mie © gustav
Tam DK78 wionzała sie z ekspresówkom, wiync musiołech jechać bez cyntrum Jędrzejowa.

Rynek w Jędrzejowie © gustav
Miołech jakiś już 180km może i moji nocne jedzynie sie skończyło. I jako że była niedziela - sklepy otwarte najpryndzyj o 8. Jechołech fest ekonomicznie, bo mie zaczynało odcinać w żołondku ehh. Ale na szczyńsci trefiełch na sklyp - od razu kupiłech stos żarcio i na start zjodłech 2 kreple i 2 kołoczki - do oporu.
Potym pojawiły se dupne mgły, normalnie tak zamglone, choby zarozki miało jeszcze loć.

Poranne mgły © gustav
I sam już w drodze na Tarnów.

Zaczynajom se hopki © gustav

Na południe hen! © gustav

Widoczki jakieś © gustav

W Pacanowie © gustav
W połowie drogi na Tarnów jakoś zaczył mi przeszkadzać wiater, kiery rzekomo wioł ze wschodu. O tyj porze dnia - nawet czasym doś mocno wioł...
W Tarnowie nic ciykawego - obok miejscowego stadionu przejyżdżołech.
I potym droga na Kraków - pod wiater... Momyntami tragedia. 25km/h to był wyczyn :/
Ale jakoś sie kulołech.

Kajś na hopce © gustav

I trocha słitaśności tyż musi być © gustav

Widok na góry © gustav

non-stop niykończonce se hopki, ale lepsze to, niż płaskie, bez zakryntów odcinki, kierych momyntami miołech dość. I tympyraturka kole 35' hehe. Trocha mie spoliło :D Przed Krakowym miołech kryzys. Miołech dość tych przerw na co chwilowe stowani, żeby cokolwiek zjeść. A jejść sie niy chciało skuli tyj podogy. I tyż na widok jedzynio mi sie słabo robiło... Mój czas niy-netto: za duży, niż "norma".
W Krakowie straciłech dobro godzina na wyjechanie na DK44 - zero oznaczyń. Na szczyńsci gps we fonie trocha pomógł. Na rynek niy jechołech - byłech już 3x.
I potym już krajowom prosto w znane mi teryny. W okolicach Brzeszczy, jak już było powoli cima - miołech kryzys spanio. Tragiczny!! jechołech środkiym drogi, a za mnom 100-200m i przedy mnom auta... jazda na krawyndzi wypadku normalnie... Dopiyro przed Żorami trocha przeszło, jak drogi zaczły być bardzij oświytlone.
Doczołgołech se du dom o godz. 0:30. Niy wyplompany, nogi fajnie dalij podowały, yno fest zmynczony, w zasadzie śpioncy..

+23 nowe gminy!!
Pokaż trasę GPS