Piyrw jechołech do Żor na rynek, a potym 70km pyndalowołech po Rybniku... Nad zalyw, do cyntrum, na obwodnice, do cyntrum, nad zalyw, do cyntrum, na obwodnice, sam, tam, abo kaj indzij :P Dokładnie to samo, co w mojij rajzie na 800km, wtedy musiołech tela kryncić, a dzisio niy miołech ańfach pomysłu kaj se obrać jaki ambitniejszy cyl :> Ale fun był - bo przede wszystkim piyrwszo rajza Speedym w tym roku, kiery zostoł wyglancowany totalnie (ostatnio taki czysty był, jak żeh go kupowoł :D), no i tyż dzisio piykno pogoda - bezchmurnie i 9-7*C jak żeh jechoł akurat, yno dalij wiater mocny z połednia. Przed wyjazdym napchołech se corn flejksami, a w trasie yno jedyn lipny 80g kołoczyk, tyn taki zapeklowany z biedronki :D I uwaga: zero głodu i dużo sił jeszcze zostało!!! Co to sie dzieje?? heheheh a może przez to, że 70% tego dystansu było przejechane rychtyk 4fun?

...tela dzisio było maximum na fibermasie, w ciyniu rzecz jasno :O Śniegu już nikaj niy ma, za to drogi jeszcze mokrawe. Wiater dalij mocny, ale już direkt zachodni. Dzisio jechołech se na basyn, a w drodze powrotnyj: "aa jada jaki kilometry nabić jeszcze" :D Yno du dom podjechołech, żeby pukeltasza schować, bo niy byda 2kg woził niypotrzebnie. Ale czułech, że na tym basynie dużo sił poszło, bo niy miołech mocy, żeby szybcij pyndalować. Beztoż wbiłech do lidla na tankowani po 400g chlybek ziarnisty i liter jakigoś nektaru (10g wyngli na 100ml mmm :D). Chlyb zaro cołki zjodłech i pół litra tyż poszło w bas. Po poru kilometrch zaro siły wróciły hehe. No i tak se szwyndołech na lajcie po mieście, "pobasynowym" tympym :> Byle żeby dobić do 400km w statach hehe

Kilometry trza robić, niy ma lekko. Dzisio dalij fest wietrznie, w nocy coś tam padało, ale za to tympyraturka 4-5*C, beztoż momy mokre drogi, miejscami wryncz chlapaka :/ Dobrze, że mom błotniki, inakszy bych w doma siedzioł. Postanowiłech obalić jako setka. Ogólnie przed wyjazdym niy pojodłech tak jak powinienech (czyli wyngle do syta). Zjodłech yno 3 żymły z kyjzom, zgorane w tosterze. Ale za to 40g carbomaxa, nooo coś mocy musi być :D Na trasa 80g carbomaxa w bidonach + 2 banany :> Taki dokładne dane pisza, bo założyłech se specjalny zeszycik, w kierym szkryflom wszystko na tymat mojigo zapotrzebowanio na jedzynie w trakcie pyndalowanio i ogólnie formy :) 

Dobre, koniec fandzolynio. Wyruszyłech. Kierunek Żory i potym na Jastrzębie. Wiater w ciuuul szpetny, z połednia. Do Żor jeszcze fajnie se jechało, ale już gynał potym DK81 na południe tragedia! Aż mi sie Kraków wspomnioł we wilijo... Ale jak żeh zrobił 130km pod pierońsko wichura, no to na te poranoście km'ów pod wiater niy moga narzekać przeca :) Dojechołech do zjazdu na Jastrzębie "aa choy jada na Cieszyn, niy bydzie telo do dokryncanio do 100km" ^^ Czyli dobre 20km GRATIS pod direkt wiater heheh. W jednym miejscu taki wydupisty widok na góry, że masakra!! Kolory nieba fest spasowały do gór, kuźwa czamu żeh aparatu niy wziył?? Niystety, foto zrobione moim 2mpix'elowym szajs aparatym w telefonie to se idzie... Niy kończa. Prymitywno jakość. Ale jeszcze podjada w te miejsce niy roz. Z canonym :P Dojechołech do ronda, 2 banany zjodłech i roll out na północ! Ale żeh mioł w końcu gryfne tympo :)) Podjazd i bez problymu 30km/h. Uroki tyjże pogody. No i tak se dokulołech do Rybnika, jeszcze roz na cyntrum, bo brakłoby mi ze 5km. Ogólnie tak od 90-95km czułech powoli pustka w żołondku :P Czyli jednak progress mały je, jak na 3 żymły i 2 banany heheh. Ale dalij miołech moc, wiync wyngli dobrołech chyba idealno ilość :) Zaro to ida wpisać do zeszytu.

Pokaż trasę GPS

Byle chocioż ze 50km...

Kolejny zajembisty trip z serie "niy som" :P O 9 ugodołech se z Pawłym, żeby popyndalować po pobliskich okolicach, pojechalimy na tako mniyjszo hołdka :>

Po drodze było ponoć 18%


Sam już w drodze na "szczyt" :> Pogoda od rana kosmos normalnie! -1*C w ciyniu, no to we słońcu bydzie kaj ze 3-4 monyj.


Paweł w akcji.


I widoczki :)


Ale wisiynka na torcie dopiyro przed nami. Jechalimy w strona zalywu i rudy, żeby zabrać kompana o ugodanyj godzinie. Tu już kosmiczne winkle przi docelowym miejscu!


Piyrw trza było se wdropać, żeby potym znalyźć jako ubito droga powrotno hehe.


I włalaa! Ksiynżyc osiongnyty! 










Całkiym w oddali po prawyj - w tych okolicach bylimy z poczontku :)




Na środku nojwiynkszo bazylika w Rybnickich okolicach (ale je mało heh..)




Droga zjazdowo my znaleźli jakoś... :D




Było masa fun'u! :]


A potym od razu w strona Jankowic i tamtejszych dróżek. Paweł nos pokierowoł na rychtyk gryfne ścieżki bez lasy :)




Masa ludzi na kożdym kroku. Fajne podjazdy, zjazdy już trocha mynij fajne... :D Roz przi ludziach żeh sie wydupił, ale to szczegół... :P Ogólnie moji hamulce jakoś już niy chciały działać hehe, a w przednim kole poluzowały mi se konusy... Te koło nigdy tak nie było udupczone!


Piyrwszy roz zamarzła mi woda w bidonie hehe. Opony dowały rada, pod warunkiym, że jechało sie z dociskiym na tylno oś :D

Co tu wiyncyj godać/szkryflać - kosmiczny trip, kosmiczne widoki, kosmiczny fun i tela! :) Do zaś!

ps. jak przijechołech du dom, to na obiod zjodłech 2 kotlety, udko, szałot i ze 20 klusek... i jeszcze bych co pojod :D To yno pokazuje, wiela mocy zeszło hehe

Wyjazd w doborowym towarzystwie na opolski widokowy rodzynek :) Wczorej dołech info na srejsbukowych grupach rowerowych i yno 2 osoby sie na to pisały. Wniosek: niy ma synsu już tam co szkryflać wiyncyj na prziszłość, bo rowerowo Rybnik to je miasto lyni o! Ugodywać se prywatnie ze sprawdzonom ekipom i no problym :> Start z rudy o 9. Paweł niystety musioł spasować, pojawiyli sie yno Irek i Łukasz (luk85). Po drodze zebralimy jeszcze jednego kompana - gościa z BBT.


Hawaje i te sprawy © gustav


Hot Pursuit © gustav


Pauza na szlabanach © gustav

Tympo ogólnie taki roz lajtowe, roz ponad norma hehe

Sie wdupczom na droga, kieckorze jedne...

Hej kolyndaaa kooolyndaaa! © gustav

Kajś tam krótko pauza musieli se zrobić, po nitro!

Kolejno pauza © gustav

Jo już to zaro wiedzioł, że na tym nie zajadom daleko. Wynglowe koksy z KFD + banany = to je żródło prawdziwyj mocy!

Z kożdym km'ym było widać, że Łukasza zaczyno odcinać.. Trocha my go motywowali, ale jak se potym okozało - zrezygnowoł direkt przed podjazdym na Annaberg. Nic na siła, trudno.


Cyl nacylowany :D © gustav


Widoki na podjeździe © gustav


Kajś po drodze © gustav

Ogólnie podjazd poszoł fest sprawnie. Oni se poszli zamówić obiod, jo se wbił do sklypu po wyngle - 5 dorodnych bananów i 2l napoju smakowego (bo jak je smakowy, tzn. że mo cukry, czyli dodatkowo porcja wyngli mmm :D). Ogólnie rano wdupiłech nudle do oporu, wiync do tyj pory niy byłech głodny jakoś o dziwo, ale coś na kolejne km'y trza było kupić.


Synonim słowa banan? Wyngle! © gustav


Dotankowani © gustav


Na życzyni © gustav

Zaro po zjeździe uwidzielimy kolorza na szosie, wiync próbowalimy go chycić... Zmiany z wachlarzami, supermoc...

Hot Pursuit 2: niy dogoniymy © gustav

...ale za szybki był.

Potym kajś w Kędzierzynie zaś postój chwilowy w barze (jo niy chcioł.. :P). I potym przez same zadupia aż w strona Rud. Musielimy przez pora km fest zwolnić, bo stracilimy kompana; chyba tyn obiod mu niy spasowoł hehe. Tu pragna zaznaczyć, że w tym czasie średnio spodła fest ale to fest pierońsko!


Fristajloo © gustav


Wszystki odblaski zapolone © gustav


Sie niy śpiychało © gustav


I jeszcze po lasach © gustav

Od Rud kamraty byli już raczyj wyplompani. A jo? Jeszcze miołech zapas mocy, żeby prowadzić naszo grupka. Z tym że wiater kiery rano wioł ze zachodu, to teroz wioł bardzij z południa. Walka z wiatrym była, ale mimo to dalij pyndalowało se o dziwo dobrze. Przijechołech du dom w dobrym stanie, myśla że z 10km bych mógł zrobić bez żodnego jedzynio jeszcze, potym by była odcinka totalno... Od razu zjodłech talyrz nudlów, potym waszpek szałotu i wiycie co? mom dalij głód...

Mapy niy wciepna, bo nazot my jechali przez taki zadupia, że ani bych tego śladu poprawnie niy zakryślił :D

Od rana słońca trocha, kole 3' w ciyniu i fest mocny wiater, ale już od połednia przilazły siwe, dyszczowe chmury... Ciulato aura, już wola -5' i driftować na lodzie.

Ale zaś tradycyjnie zasiedziołech se w decathlonie :D :D Wytargołech jakoś bluza narciarsko za 30zł, przecyna coś kole -80% !!! Na koło w zimniejsze dzionki zajembisto jako dodatkowo warstwa, bo mo zajembisty kragiel aż pod samo broda ^^

Coś sam wypado opisać dlo ogólnyj informacje hehe :>

Tak wiync tyn rok zaś był przełomowy i bardzij hardkorowy, niż poprzedni - co roku w zasadzie tak godom ^^ - no ale apetyt rośnie w miara pyndalowanio. Wracajonc do wpisu sylwestrowego z zeszłego roku, zrealizowołech wszystki cele, z wyj. udziału w BBT..

Bez fandzolynio, to sam by było tak:

Kilometry: 16671 (689h, śr. 24.2kmh)
 -Speed: 11900 (471h, śr. 25.3kmh)
 -MTB: 4749 (217h, śr. 21.9kmh)
 -Inksze koła: 22 (1h :D)

Gminy:
  +238 (407 >> 645)
  +9.6% (16.42% >> 26.02%)






Defekty w kołach:
 - w MTB chyba ze 2x pana dostołech

Best foto:

Bezapelacyjnie TOP ONE: Jaworzno...


I potym już inksze :P

























A jeśli chodzi o plany na rok 2015:

Tyn rok bydzie pod nazwom ''UltimateYear'' - czyli bydzie jeszcze bardzij hardkorowy pod kożdym wzglyndym, niż tyn 2014. Mom zamiar wyzwolić sie od ciongle trzimajoncyj sie mie obsesje, mom zamiar przeprowadzić taki ''operacje'', kiere spowodujom, że rok 2016 bydzie mioł yno jedyn cyl: pyndalowani rychtyk 4fun! :))

Tym razym szczegółowych planów niy byda sam szkryfloł - bydom one rozwijane w odpowiednim czasie :) A niech je ta atmosfera wyczekiwanio heheh.