...żeby dzisio wylyź na koło? Widoczne 5 dni lynistwa robiom swoje :P Niy znołech struktury śniygu, ani niy patrzołech na tympyratura. Wylozłech po te koło do garażu i już wiedziołech, że bydzie hardy rajza. Mokrawo, w dodatku zaczło lekko kropić dyszczym... W zasadzie po 2km pyndalowanio po błocie miołech doś, ale jechołech bocznymi drogami, kaj tego błota było tela co nic, yno śniyg. Żeby chocioż nad zalyw dojechać hehe. Kulołech se tragicznym tympym i tela z tyj rajzy :>


Sraka chlapaka © gustav


Kajś w lesie © gustav


Nad zalywym © gustav

Po Wodzisławiu i Rybniku ;]

W tle budowa mostu kole elektrowni. Kieryś miesionc se już z tym bawiom, ale już bardzij je końcówka, mom nadzieja..

Definicjo urlopowego tympa na nojwyższym poziomie :P Już 9 dni niy jeździłech. Głównie bez ciulato pogoda, samo chlapaka. Od wczorej trocha przimroziło już, ale dopiyro dzisio zaryzykowołech co popyndalować i oby bych jutro tego niy żałowoł... W synsie - miołech 3 dni tymu mało "operacjo" przi oku, ale już je w miara okej. Tak żeh se pojechoł nad zalyw, na rynek, na pełnym lajcie, tympo 15km/h, a cieszyłech se tak, choby już było 20 stopni i pełno zielonyj trowy :)) A rzeczywiście kole zera i wszyndzi bioło xD Jedyne, co zapamiyntom z tyj "rajzy" - seblykłech na chwila bryle i gynał po 3min coś mi do oka wpodło... I do tera to mie boli zleksza...

Ogólnie wciepołbych pora fotek, ale niystety mój internet mi na to niy pozwalo - jedne w 3min mi se ładuje :( Niy idzie pogody obejrzeć, niy idzie rozmaitych relacji na BS poczytać, ledwo mi literki se ładujom... Fater chcioł tani internet z pakietym 25gb/msc (kiery to po 10 dniach se wykorzysto) i tak to ku**a potym je. Jak tyn wpis mi se dodo, to bydzie sukces.

Tym razym Speed'ym. Traska na Wodzisław - Jastrzębie - Pawłowice - Żory - Rybnik. Wiater średni północny, tympyraturka 0,5-1*C. 
Już po 2km byłech świadom tego, że moji szłapy niy majom mocy na gipciejsze pyndalowani... Widocznie obiod za mało wyngli mioł hehe. Chocioż na jednyj prostyj spier**lołech przed autobusym jakiś 50km/h, bo mu zajyżdżołech pas, a na środku drogi jakoś wysepka kostkowo (a obok ścieżka dlo rowerzystów...znaczy chodnik bardzij). Taki życi kolorzy asfaltowych hehe
Cyl był yno jedyn: zonaczyć na BS 1100km :>

Urlopowym tympym po Rybniku. Mimo, że pojodłech jakiś tam słodkości, to w ogóle niy miołech siły gipcij pyndalować. Ale teki relaxx dobro rzecz :) Potym do sklepu po 10 żymłów, kyjza (zachciało mi se zapiekanek na kolacjo :P), warzywa na patelnia i % dlo opy hehehe. Wedle prognoz to już wczorej, dzisiej miało padać, a jako je? Sztyjc SUCHO!


Elektrownia © gustav


Kajś przi tankszteli © gustav

Czyli wypad do Bytomia do ciotki i ujka w byzuch. Obiecołech im to już przed nowym rokiym i po nowym roku, ale dopiyro dzisio se udało hehe ;) Wszamołech 250g nudlów (woga przed uważyniym) i w droga! A 250g ryżu już bych niy doł rady.. :P Ogólnie dzisio już trocha zima, 2-3*C, no i wschodni wiaterek, lekko odczuwalny. Do Bytomia postanowiłech zrobić 100km, wiync obrołech se droga bez te zadupia i ciulate drogi wojewódzkie..  Piyrw tragedia 922 do Kuźni, potym tragedia czynściowo 425 i na koniec oczywiście tragedia 408 do Gliwic (noo w czyńści Ślonskij trocha lepszy asfalt, ale rzici niy urywo, yyy znaczy coś tam tyż urywało). Do Bytomia przijechołech, 99km i niy byłech głodny! A skoro tak se już dzieje kieryś roz z kolei, tzn. że to już niy ma cufal! No i co - z zimnego dworu wlozłech do cieplutkigo domu, od razu na obiod, czyli sikorki. Ciekawo nazwa placków po ślonsku hehe. A potym zista mmm :>

Te zdjynci zisty je 10x bardzij wartościowe (i to dosłownie, wyngle ważno rzecz!), niż jakiś fotki, co bych mioł cykać dzisio w trasie :))


Wpierniczomy! © gustav

Kurde jaki jo mioł opór, żeby pyndalować nazot du dom... :D Sie kurde zasiedziołech, dobre 2h :P Po 10min. oblykanio mojigo zimowego skafandra podziynkowołech za ukochane wyngle i w droga! :> Aż du dom było sztyjc 1,5*C a mimo to było mi ciepło. No ale tyż jechołech w miara gipko. Radyjko ON i pyndalowało se rychtyk gryfnie! Mocy aż za tela, dodatkowo w bidonach tymbark i asekuracyjnie banan x1 :>


Odblaski moji szwarne © gustav

No i tyż dzisio ustanowiłech piyrwsze styczniowe 1000km w "karierze". Plan minimum wykonany :)

Pokaż trasę GPS

Obejrzołech se wczora pogoda i dzisio tak do połednia, abo ciut dłużyj - mo jeszcze niy padać. No i tyż jak na wiosna przistało - już bez mrozów za dnia. Musiołech se wyżyć wiync na jakijś wiynkszyj rajzie! Wstołech o 3:30, po 3h spanio... Ryż i te sprawy; apropo ryżu: skoro jo wdupił 1 worek i tak 2/3 drugigo worka, to abo zy mnom je coś niy tak, abo ta instrukcjo je jakoś z kosmosu wziynto... 1 worek dlo 2 ludzi??? 0.o



Oblykłech se na styczniowo, poranno aura i wyjechołech. I po 1km nazot! Normalnie hyc pieroński! Jo se jeszcze niy rozgrzoł, a już żeh se musioł rozpinać powoli :> Rynkawiczki zimowe zamieniłech na zwykłe polarowe. Kurtka w ogóle wyciepołech, tak samo jak ochraniacze na szczewiki i galoty dresowe. Miołech nakolanniki + galotki taki do lotanio, 1 pora fuzekli grubszych, koszulka termo + kolarsko, czopka i kominiarka, no i tzw. komin + asekuracyjnie bluza na kark hehe Taki zestaw to mom przeważnie rychtyk na wiosna już, jak je z 10*C... 5:45 ostateczny wyjazd :P I jak se okozało - bombon zestawiynie! Ani za zima ani za ciepło :) 

Pora wschodów, bo normalnie coś piyknego!






Tako tympyraturka o!


Annaberg, opolski rodzynek:


Do Opola dojechołech w 3,5h netto, średnio 28 z groszami. Wiater taki średni, z zachodu mniyjwiyncyj. Póki co: 2 bidony wyngli + banan. Kupiłech w piekarni JEDNEGO kołoczka i JEDNA żymła za 3zł 10gr... Żeh to od razu zjod, ale jeszcze w inkszym sklepie dokupiłech woda i 3 kołoczki, a raczyj kołoczyczki.. ;> Ogólnie tego sklepu spożywczego doś trocha szukołech, kajś w okolicach cyntrum, a jeszcze zamiast asfaltu to kostka... i średnio mi spadła o jakiś 0,8km/h :( I tak jak przijechołech DK45, tak nazot postanowiłech wracać równolegle DW423.







Droga wylotowo - porażka. Piyrwsze 30km od Opola - asfalt bajka o dziwo. A potym dalij urok dróg wojewódzkich, sztyjc jakiś połatane dziury, koleiny itp. Ale kurde tak mi se gryfnie pyndalowało, że niy wiym! :D Bo ogólnie wiater mi niy przeszkadzoł ani trocha, a tyż ta DW w porównaniu do DK45 była znacznie bardzij płasko. Mało kiedy mi licznik pokazywoł mynij jak 30km/h. 

Krótko pauza na jedzyni :P Piyrwszo pauza.




Drugo pauza to miołech w Kędzierzynie na światłach, a trzecio w Rudach w sklepie (aż mi żol było se zatrzimywać, bo tak se spektakularnie krynciło, no ale tankować trza) ;> Kupiłech woda smakowo i 3 banany. 180km, średnio rekordowo, a jo dalij naładowany jak nigdy! Skond ta moc, tymbardzij, że niyspecjalnie dużo jodłech (jak na mie hehe). Czworto pauza zaś na światłach heheheh. Ostatni 10km to już pora wzniesiyń, ale walczyłech! Ani głodny, wyngli pod dostatkiym (juz miołech myśli se oblywać, bo tak mi hyc było! 8*C eheh..), ale w miynśniach było czuć już. Dowiozłech znakomito średnio (godz. 13:30, czyli ani 8h!), kiero je nowym rekordym solo na tymże dystansie. W doma ani mi se jejść obiodu niy chciało i w zasadzie mógłbych kryncić dalij (spokojniejszym tympym wiadomo :)) Wniosek - je postymp! Optymistycznie se tyn rok zaczyno :) 

Pokaż trasę GPS

Musza se zacznyć bawić jeszcze dzisio w poprawki mojigo bloga, póki co dalij wersjo stock'owo :)

Skoro som na niekierych przeglondarkach problymy z wyświetlaniym mojigo odpicowanego bloga, to aż to czasu naprawy usterek bydzie wersjo oryginalno. Za utrudniynia przepraszom :)) :D

Rano do urzyndu, po połedniu odebrać mojo ''elka'' z reklamacje. Póki co - zdjyncia w nocnyj scenerii som okej, jutro bydzie rychtyk test za dnia :> Chodzi o ostrość, kiero se zdupczyła.


Kajś w parku © gustav


Na kampusie © gustav


Światełko hehe © gustav


I jednopunktowy tryb! © gustav


Blokowiska © gustav