Jedzynie jedzynio to je mojo inspiracjo. Im bardzij jeżeh głodny, tym dłużyj okupuja lodówka. Abo.. ładuja podwójno porcja na talyrz - w sumie to by bardzij pasowało. 1894 kalorii.

Wpis kulinarny. Dzisiej i przedwczorej, po roz piyrwszy od nie wiym kiedy - wyruszyłech do roboty bez śniadanio. Z nadziejom, że może udo se przetrwać na zapakowanych "odchudzonych" prowiantach. Taki kurde test mojij wytrzimałości w inkszym wydaniu. Przedwczorej chlebek 500g na cało szychta jako tako zdoł egzamin, ale dzisiejsze 4 żymły, małe danio (metoda na głoda!) i 2 banany już niy bardzo :( Prawie mie odciyło na ostatnij godzinie yhyhyh... Wniosek je taki, że owe testy niy majom wiynkszgo synsu, swojigo metabolizmu niy oszukom i beztoż od jutra wracom do normalności. Czytej - na piyrwsze śniodani np. pół opakowania chleba tostowego, na drugi śniodani do roboty ze 4 klapsznity.. na trzeci śniodani hmm jeszcze pomyśla ;)

Aż se tera ida naszykować jaki gryfne jedzynie :> Bo trza wyrównać aktualny niedobór hehe

Codziynne asfalty...


Codziynne widoki...

Musiołech se trocha przepolić wieczorym.Tak wiync rundka nad zalyw (zrobiłech se segmynt na ul. Raciborskiej, kaj na całyj długości jest ścieżka rowerowo, brukowano a'la chodnik... ale mom to w żici, mojo szosa niy ma przystosowano do sprintu pod 50km/h na takij nawierzchni). Potym standardowo na cyntrum. Przi światłach se testowołech jakiś tryby w aparacie komiczne, kierych nigdy niy używom. I prziszoł ku mie pewiyn rowerzysta, se okozało, czytelnik mojigo bloga ;] Pogodalimy za tela, szłoby wiyncyj, ale i zima było i czas gonił. Pewno czyto, wiync master: szykuj szosa hehe.




Kurde luty momy, a tu piździ i 2 stopnie brrr. Postanowiłech se jeszcze machnyć gipki szpil na 11% Mont Popieloux. Przed jeszcze kiympkom 7% rozkulołech se do 58km/h, a na skrziżowaniu wyjechoł mi typ w aucie, jo już gipko po hamulcach do 15km/h (przecionżynie 9,4G !!), na szczyńsći jełop użył mózgu w ostatnij chwili i se zatrzimoł na środku drogi, wiync mogłech przejechać...

Radlin...



Pokaż trasę GPS

To już rok po kraksie... Dobry Carbon był...



A tak poza tym, jak w robocie padołech szefowi, że wczoraj zrobiłech 140km na kole, to o mało zawału nie dostoł yhm.

Stowom se rano poprzez opcja budzika, bo mom zamiar dzisio w tyj ponoć gryfnyj aurze machnyć relaxxxxxowe 70-80km.
Se tak szykuja koło, aż tu nagle Daniel pisze smsa, że o 11 bydzie w Raciborzu. No okej, pasuje. Ida ładować wyngle w postaci 2 torebek ryżu, koksy do bidonów i jazda. W Rydułtowach na światłach stoi jakiś kolorz, jo godom "siemanoooo" a to se okazuje jakiś pan kole 60-70 lot. Od razu poprawiom na "witom witom" hehe. Jak se chop rozgodoł o kolarstwie, to końca nie było. Już mie chcioł "przebranżowić" z ultra na typowe kolarstwo, bo jeszcze niby mom szansa ścigać se na tour de france... ale jo pozostoł przi swoim ;)
Mijo z 8-10min jego wykładu i pozostaje z pół godziny na dojechanie na miejsce spotkanio. Czyli prawie TT.

Se schowoł za murym i szukej takigo hehe


Daniel mo jakiś plan rajzy w tych okolicach, mie je wszystko egal kaj, wiync "prowadź szef!" Wyjazd DK45 z wiatrym, piyrwsze kilometry tyjże drogi to moje ulubione; fajne widoczki, zjazdy podjazdy i lekkie "serpentynki"


Momy te same galoty z lidla :D


Lewy pas i gaz!




Max dzisio na liczniku 16,5C



Z Danielem mom okazjo po roz piyrwszy pozwiedzać to miasto. Nie licza okupacji Kauflandu i innych spożywczych hehe




Potym na Fort Rondel






Nastympnie Kaufland.
7 kołoczków i 3x oshee do podziału + taki placek drożdżowy, kiery właśnie konsumuja ;)


Jak znocie chytro baba z Radomia (hit internetu), to dzisio przilazła ku nom chyba jij krewno. Ale w ciymniejszym odciyniu skóry. Rumunka jako abo pieron wiy co. "Panie ja powróżę... 92 lata będziesz żył blabla, w szczęściu, pomyślności blabla... to teraz daj pan 5zł na jedzenie. Albo to coś kupił".
Choy, dowom jednego kołoczka i zaro słysza "to jeszcze drugiego, albo te większe coś kupił" I tak kuźwa przez 5min...
Niy i dowidzynia!
Odchodzi raczyj wku****no i ani słowa dziękuje czy coś... A zaro nastympnych na parkingu zaczepioła. A na cigarety miała...
W kolejnyj takij sytuacji bydzie z moji strony, obiecuja tu i teraz: wyp******** pier****** nierobie!

Tu pauza widokowo w Ujeździe




Chyba czyńścij byda przerobioł foty; efekt bombonowy!!!

A potym to już w strona Rud, głównie pod wiatr.



Do Rybnika dojyżdżomy o zmroku; gdybych mioł lampka przednio, to bych potowarszyszył Danielowi jeszcze z 5km, a tak trza było gipko du dom zwijać se. Ostatnie 3km w zasadzie na odciynciu - ahh tyn głód :> no ale 140km na samym ryżu do oporu i 3 kołoczkach w trasie - niyźle :)
Pokaż trasę GPS

Zero rowerzystów. Dwóch biegaczy. Lipa.

Potrzebowołech na to 43 dni, normalnie papa gore sztyjc i końca nie widać ;)

Piyrw najistotniejsze! :))


A wieczorym krótko niystety rundka po okolicy (bo momy aktualnie podeszczowo aura) w ramach:
- użycio myjni bezdotykowyj
- odebranio zamówionych koksów (dziynki Team Sky!)
- przetestowanio zmodyfikowanych pyndali w UltraService ;) Owo modyfikacja to jest odpowiedź na zadane ostatnio pytanie: jak moga SPRÓBOWAĆ zaoszczyndzić ok. 350zł.

Do Kauflandu, tego najnowszego marketu... jedyny plus tegoż sklepu to je to, że je otwarty do 22. Beztoż tam zajechołech. Jedne tesco momy całodobowe, inne chyba tyż do 22 abo 23. A reszta standardowo do 21.

Naloć benzyny, wciepać kieta i idzie czyścić - metoda szejkowania bardzo dobro!


Kołoczki - 3 kupiłech, 3 zeżorłech.


Na śniadani ^^


Przido se. Skosztowołech go dzisio po roz piyrwszy i kurde dobre je!


Opcjonalnie ;]


A tu już zakupy w budowlanym. Jakiś lepszy klucz 15, głównie do pyndali. Chciołech Stanley'a ale tyn tyż je ok hehe. Jedyn w zeszłym roku, jakiś no-name, podczas odkryncanio właśnie pyndali to se złomoł... wiync jakigoś gówna za 10zł nie byda kupowoł.


No i tu wspomniano zagadka: mom zamiar spróbować zaoszczyndzić na rowerowych wydatkach ok. 350zł właśnie dziynki tym kablom. O co chodzi? :) Odpowiedź dom powiedzmy w czwortek do północy :)

Czas myj pyndzyje chyba dobiygł końca, mimo że pyndzyjo to je coś, że jak se zacznie, to trwo po wieki wieków.. Nieco ponad miesiąc to trwało yhmm Tak samo kijki do Wordic Nalking wyciepłech do hasioka, to niy ma na moji predyspozycje.
Tak wiync wracom do świata ludzi niynormalnych i jadymy z tym koksym! Dzisiejszo sobota miała być już prawie wiosynno, wiync powstoł plan na jako grubszo rajza - padło na Kraków nawet niy wiym czamu. Także dołech info na BS, stravie, kolarskij grupie rybnika, kaj je 187 typów, no i gotowość zgłosiło 2 ludzi... Ktoś mioł czekać na krakowskim rynku.
Wyjazd punkt 8:00, poprzedzony wynglami w ultra-opcji


O 8:15 czekom 5min w 1. wyznaczonym punkcie spotkanio, może kto przijedzie... niystety, nikogo niy ma



Nowe oponki - elegancjo!;]


W Żorach czekom o 9:00 na 2. punkcie spotkanio, tam se pojawio yno Paweł, kiery w ogóle som zaproponowoł, aby w tyn dziyń walnyć jako rajza. Nikogo wiyncyj niy ma. Jakoś mie to niy dziwi ;)


Kapitalno przejrzystość luftu! na fotkach tego niystety niy widać :/


Paweł i jego nowy kumpel, były mieszkaniec Szczecina


Za Oświęcimiem wyjyżdżo nom naprzeciw Funio. Tu od razu jego relacja z wieloma kontrowersyjnymi fotkami..

http://funio.bikestats.pl/1425405,Krakow.html

A tu już na 95km w Alwerni piyrwsze tankowanie ;]



No i nowe kółeczka Funiatego. Ponoć na tych wiynkszych stożkach szybcij jeździ. Co z tego, jak z kożdyj hopki go doganiołech :D Piyrw trza popracować nad pozycją AERO, a potym stożki ładować hehehe




Ogólnie mielimy se pojawić na godz. 13:00 - jak poinformowołech; bylimy o 13:15. Dużo skrziżowań po drodze do cyntrum i korki. I niy rozumia dalij - od Żor do rynku ze 105km, średnio my mieli 30km/h. Max 15min w biedronce i żodnych inkszych przerw. Jak my se mogli spóźnić o te 15-20min... No ale nikogo nie było :/

I tradycyjnie szeroko pojęty szpan, lans na krakowskich brukach.





Tu niy trza komyntorza xD




LOL


Smutno informacjo je tako, że żodyn niy chcioł se z nami fotki walnyć. Ale jak jakiś typ lewitowoł na patyku, to w 10sekund zebrało se 200tyś. ludzi wokół niego hmm

Na wyjeździe pod sklepym. Funio ogólnie zaproponowoł runda do Jaworzna przez lotnisko, bocznym drogami.

Tako tympyraturka utrzimywała se przez hmm 2h, od 13 do 15. O 16 już było 5-6st...






No i Jawoooorznoooo. Again...
Tu już oblykom wszystki lonty co mom, bo zima zleksza se robi. 4st. Na postoju spoko, w czasie piyrwszych kilometrów trocha zimnawo, ale potym se nawet przegrzywołech 0_o Niy ciyrpia takij pogody!



Droga do Katowic identyczno jak ostatnio z xtnt. Ale ruch niywielki :) Na widoku pojawio se lidl, no to wbijomy!
6zł 31gr za: 6 bananów, czekolada, 1,5l picia. Jest to chyba rekord w taniości hehe.


Do Żor tradycyjnie A81, pod wiatr, ale niyspecjalnie przeszkadzo, czyli spoko ;] W tymże mieście se żegnomy. Morale dalij okej, ale jednak rezygnuja z dokręcynio do 300km. Musiołbych 25-30km jeździć po Rybniku. A niy ma na to motywacji, bo w tym roku niy ma już nagonki na ilość kilometrów.. No ale od razu jak wjyżdżom na teryn mojigo miasta, to od razy zaczyno nadupczać smogiym!! I tak jak jeszcze miołech dylemat, czy jednak dokręcać, tak w tak zanieczyszczonym lufcie marza yno o tym, żeby znalyźć se w doma! 3km od domu nad drogą jest normalnie aż siwo! masakra, czuja na języku jakiś choby kwas abo pieron wiy co...
A 500m od domu mom fastfood'a, a że mom mega smaka, no to wbijom!


Ochłodziło se mega, yno 2st. hehe. Trip udany, wszystko piknie cacy i w ogóle :)
Zjodłech: tyn makaron z foto, 2 małe bagietki, 2 jeszcze mniyjsze batoniki, 3 kołoczki, czekolada i 4 banany. Bez tragedii :)
Pozdro i do nastympnego!

Pokaż trasę GPS