Tak wiync po powrocie z zajembistego rajdu rowerowego (poprzedni wpis) szykowołech plan na górsko rajza. Próbowołech sie zgodać z paroma wkrynconymi krejzolami, ale niystety - żodymu abo niy pasowało, abo już kaj kryncili po wsiach hehe. No nic, jako że miołech ochota na konkretne podjazdy i traska 150-200km, to postanowiłech jechać na góra yyy znaczy hołda Żar! :> Wszamołech obiod i o 13:45 wyruszyłech w strona B-B. Pogoda - fest wielki zachmurzyni i momyntami doś odczuwalny wiater z południa. Kole 15-17'.
Sam na granicy Żor :) Już widać chopki.

Na Wiślance © gustav
Do Bielska dojechołech bez problymów. Yno już rozglondołech sie za jakim sklepym, bo wiadomo - bez tanku niy ma gangu hehe. Jo zamiast jechać na droga krajowo na Żywiec, to skrynciłech na wojewódzko na Szczyrk. I potym se zaczło... Coś mi kurde niy pasowało, kaj je znak na Międzybrodzie hmm... Musiołech se podratować gps-ym. I jakoś bocznymi dróżkami dojechołech na krajowo.

Rzeczka w B-B © gustav
Yno jo zapomnioł ustawić trasy gps'a na pojazdy samochodowe; miołech ustawione na koło. I tak oto dojechołech kajś tam do Wilkowic. I musiołech skryncić direkt w górki już. Tam był znak, że jada na Magurka.. :> Nic, zmiyniłech ustawiynia gps'a i nazot do Bielska hehe. Na przegibek. Kajś tam kupiyłech w końcu woda, 2 banany i 2 żymły (wczorejsze...). Zaro to zjodłech. Podjazd ogólnie niy za ciynżki, pryndkość cołki czos 15-17km/h. Już w Międzybrodziu kolejne zakupy - 3 lewiatanowski 7 dejsy i coś tam jeszcze, woda chyba. I potym szturm na Żar. Most był zamknyty i musiołech robić ze 5km objazdu eehh. Ale już na podjeździe powoli słońce sie pokazywało, raptym tydziyń go niy widziołech :D Chopka konkretno, ale wjechoelch bez kryzysów :)

Na hołdzie Żar roz :D © gustav

Na hołdzie Żar dwa © gustav
Chyntnie bych tam dłużyj posiedzioł ale już było po 19-yj :/ Widoki z tyj hołdy rychtyk szwarne! :))

A sam na zaporze © gustav

I mojo morda hehe © gustav
Mie yno dziwi, czamu tyn dupny akwyn wodny je w odciyniu bronz-żółć... Mie sie zaro nasuwo myśl, czy może mieć to zwionzek z jaworzańskimi rzyczkami, kiere tyż majom fest podobny odciyń hmm... :P
Kajś tam zas wbiłech do sklepu, kupiłech 6 bananów, woda i 3 wczorejsze kreple. 2 kreple i 2 banany zarozki zjodłech, reszta do kapsów hehe. tyn pozostały krepel mi se niy zmieścił, musiołech go dać do worka i prziwionzać do ramy :D O godz. 20:03 wyruszyłech zaś na przegibek.

Kolacyjka i te sprawy © gustav
Podjazd tyż bez tragedie, ale już 12-14km/h. Zmynczyni?

W B-B powoli cima © gustav
Już za Jaworzym, jak sie teryn zaczył wypłaszczać, to aż do Strumiynia pyndalowołech 30km/h. Ległech se na lemondka, drogi puste, mp3 w uszach - klasa! :)) Tympyraturka w jeździe idealno (jakiś 13'), yno na postojach trocha zimnawo.
Zresztom na Wiślance tyż jechołech podobnie. Dopiyro jak se zaczył Rybnik, to trocha zwolniłech, już rychtyk było czuć pojawiajonco se pustka w żołondku... A to je najgorsze, co może być. Ale jeśli chodzi o zapas wyngli - czułech moc! W doma byłech o 23:45, czyli równe 10h brutto. Fajny trip, yno szkoda, że som :/ Pogoda sie robi corozki lepszo, jak tako bydzie w weekend, to bych wpadnył do Koszarawy po ostatnio gmina, ale to musi być wiynkszo ekipa :> kiery sie pisze? ;P

Pokaż trasę GPS

Znalozłech przipadkiym na necie jakiś bild, na kierym było info dot. rajdu na kołach, od cyntrym Rybnika aż nad zalyw - do Stodół. Se myśla - bydzie dużo ludzi, może pozno se rychtyk jakich zapalyńców (np. długodystansowych hehe), bydzie co cykać, bydzie fajno relacja. Przijechołech na miejsce startu na 10:00, a tam poranoście osób (jak żeh późnij naliczył - aż 15), jo bych wrynczy padoł - emerytów... Wiek od 40 do 70 lot... Żodnyj modyj gymby, kufa co jo sam robia??? kaj jo przijechoł??? Ani z kim pogodać ani nic. Same typki na trekkingach, głównie z sakwami. Jo już zaro zmiynił plan A na plan B - czyli pyndalować z nimi max. najdalij do Stodół właśnie na "meta" zejrzeć, czy mone tam sie wiyncyj ludzi uzbiyro abo co- a jak niy - to ciulać nazot ^^ A z racji tego, że sie wypogodzało, to już miołech wstympne plany na dalszo traska po obiedzie. No nic, jechalimy se i jechalimy se... Jo na końcu, jako obserwator hehe. Tympo było taki, że na prostyj musiołech hamować; 15km/h w porywach do 20 :D No ale że to był rajd, to rozumiołech. Pod górka, co jo godom, leciutki wzniesyinie - 10km/h. Jedna baba tam roz padała "jaki ciynżki podjazd, ledwo żeh wjechała..." Chciołbych jom usłyszeć, jakby miała wjyżdżać na popielowskie 11%... Prziwlyklimy se na owo meta, nic tam nie było yno jakiś boisko, a jo jak zaplanowołech - zaro nawrót :D Ściyżkami bez cyntrum du dom. Drogi już w miara suche, wiync yno czekołech na obiod :D


Nad zalywym © gustav

Filmik z kilkunastu part'ów z kamerki Pawła ;) W sumie było ponad 20gb :D A jo to musioł zmieścić w 15min i 100mb hehe przez to jakość tako średniawo..

...kajś popyndalować, bo wedle prognoz do końca tydnia bez te nadchodzonce ulywy mo na południu PL być już powódź! I tak długo to bez koła niy strzimia! :P Jeszcze sie zastanawiołech, czy pooglondać se mecz biedronkowców z germanami, ale stwierdziłech - byda chcioł obejrzeć komedio, to se puszcza kiedy rychtyk komedio, abo świat wg kiepskich :) A kiedy drogi bydom zaś suche, tego żodyn niy wiy... A jo dopiyro na dniach byda kombinowoł nad zakupym lontów i dodatków "anti-dyszcz". Chca już wlyź na wyższy poziom, kaj opady w jeżdżyniu to je coś normalnego już :> W sumie rano yno było słońce, potym już corozki gorzyj. Konkretny dyszczyk tyż sie pojawiył coś po połedniu. Pod wieczór już bez opadów. Ale wszyndzi na niebie ciymniejsze chmury. Z chaty wylozłech dopiyro przed 21:00 :D Pojechołech w strona JSW, bo już downo tam niy przejyżdżołech. Jedyno nowość to odremontowano droga przi tym dupnym wiadukcie.
Kajś za Jastrzymbiym © gustav
 
W Pawłowicach © gustav
Mimo, że niy byłech głodny, to zaś brakowało pod koniec mocy. Jakbych w Żorach zjod kilo bananów, to monyj bych zrobiył nowy rekord czasu przejazdu ze zjazdu z wiślanki aż du dom :>
Amatorka piyrwszo klasa hehe © gustav
Pokaż trasę GPS
Dzisio - znaczy środa :D

Prziszła mi lemondka! Ta samo, co żeh testowoł :)) Jo sie zastanawioł, jako umieścić w jij obecności lampka w rozsondnym miejscu, najlepij na środku kajś. Ale od czego sie mo specjalne podkładki na mniyjszo średnica lynsztangi :P Udało sie obrócić lampka na mocowaniu o 90' i wszystko je cacy terozki! :>




I tak to już bydzie! © gustav

Pierziński problymy z dodowaniym tegoż że wpisu... Ale po wielu próbach jakoś chyba je okej.

Dobra, wczorej niy wyszło z tym opisym i był total fail, ale jeszcze roz sam to opisza. Bo to je moj obowionzek byz wzglyndu na humor! Plan rajzy wymyślił Paweł. Miało iść na Istebna i potym przigranicznie bez Słowacja i Czechy aż do Cieszyna. Postanowilimy wyjechać o 5 rano, żeby zdonżyć do Wisły tak na 8:30 - bo tam mioł startować o 9-yj ULTRAKOLARZ pyntla 450km po polskich wzniesiyniach! Po 3h spanio wstołech o 3:30. Był ryż i te sprawy. Na dworze kole 10', wiync ubrołech strój BS + nakolanniki + zwykło kurteczka. Przijechołech na plac zbiórki i żodnego niy było wiyncyj prócz nos. Drogi już wysychały po nocnych dyszczach. Wszyscy o tyj porze byzmała jeszcze gryfnie śpiom :D Wypili my jeszcze w biurze po kawie, sprawdzilimy pogoda - direkt nad Rybnik mioł zaro przechodzić dupny front z dyszczym z zachodu. Ale niby tymczasowo :D Wyleźlimy na dwór i już zaczyło kropić... Kij z tym - jadymy! W Żorach już dość niysłaby dyszcz, ale jeszcze niy ulywa. Jo już wiedzioł, że jak mi sie zrobi przi tyj tympyraturze basyn w szczewikach i na łepie, to bydzie conajmij tragicznie :/
Żory po 6-yj rano © gustav Ale jechalimy bez lipy! Majonc kajś aura wokół nos :> Przed Skoczowym poranoście km już z zachodu sie przejaśniało. W Skoczowie w zasadzie prysznic z nieba juz zniknył. Tam my zrobili pauza na tankszteli, celym pozbawiynio sie basynu.. hehe
Czynności odpompowujonce © gustav Zawsze bez tako operacjo fuzekle pryndzyj wyschnom niy? :P Dojechalimy do Wisły już o 8-yj. Średnio 28 coś. Pogoda gryfno, 40% chmur na niebie :)) Czyli momyntami szło wyschnyć hehe. Nikaj niy umielimy znalyźć ultrakolarza. Żodnych fotoreporterów, żodnych tłumów po autografy, żodnych helikopterów od TVN24. Nic. Siedlimy se na rynku, pojedlimy se i czekali, że mone skonś wyskoczy tyn rowerzysta.
Suszing i te sprawy © gustav
Wisła - rynek © gustav Godo se trudno. Ruszylimy na Istebna. Po drodze tyż nikaj jego ekipy niy było.
Podjazd do Istebnyj © gustav
Podjazd - gryfnie © gustav Som podjazd z racji piyknyj pogody i jeszcze piykniejszygo asfaltu - bombon! :> Na szczycie jakiś fotki i ulokowalimy se na skrziżowaniu celym czekanio na ultrakolarza. Bo w tych godzinach powiniyn planowo tam przejyżdżać już.
Widok z Istebnyj © gustav
Panoramicznie, wiadomo kaj © gustav Czekalimy ze pół godziny i lipa straszno. Typek monyj zaspoł abo co. No nic, ruszylimy dalij. Kajś po drodze pauza w sklepie. Paweł mioł wgrany ślad do licznika. Dojechalimy do ronda i w prawo na Czechy (a terozki po obejrzyniu map powinnimy jechać prosto na Jaworzynka... :D). No i już za granicom totalno komedia.
Widok na góry1 © gustav
Widok na góry2 © gustav Był problym kaj jechać. Abo głównom do Polski, abo bocznymi ryzykownie na Słowacjo. Wybralimy opcja nr 2 :D
Dobre, kaj my to som? ;D © gustav Jo po wjechaniu na betonowe płyty już zaro wiedzioł, co bydzie dalij :>
Szosom tu © gustav
I szosom tam © gustav Żwiry, jakiś dróżki ubite bardzij/mynij, czasym asfalt. Do tego cołki czos podjazdy, wryncz ścianki :P Kaj takimi kołami po takim terynie? ^^ Ale wedle śladu cołki czos my byli blisko oczekiwanyj drogi. Doszlimy do wniosku, że kryncymy sie chyba w jakoś pyntelka po tych wsiach hehe. Wyjechalimy w... Jaworzynce. I na tym samym zaś rondzie :D :D
Rondo "Rozonaczy mie chyba..." © gustav Na końcu na mapce bydzie widać ta pyntelka. Od Słowacje my byli konsek... Plany se zmiyniły. Zamiast na Cieszyn to postanowilimy odwiedzić Żywiec. Do Koniakowa cołki czos podjazdy. Dobrze, że niy było upału 40-50' heh Tam średnio 24, czyli ujdzie ;]
Widok na góry3 © gustav
Jednak trza było cykać w HDR © gustav Nooo i potym do samego Żywca praktycznie w dół! :)) A zjazd obok ekspresówki przi conajmij 50km/h - poezja!! Słoneczno pogoda jeszcze potyngowała banan na gymbie :P
Ekspresówka © gustav W Żywcu postanowilimy wbić kajś na wiynksze żarcie, tj. obiod. Trocha my pojeździli, ale udało se na rynku zejrzeć fastfooda. Jo zaro z tekstym "jeżeh w trasie, mom głod i czym sie pojym?" :D Dostołech info, że bighamburgerym, najlepij z frytkami i pepsi w zestawie. Kij, zaryzykowołech. za 18.90 to se musza na bank najejść do oporu. Odebrołech zestaw iii.. "to je tyn BIGhamburger? jo se tym pojym?" On mioł średnica 10cm! Dostołech info, że w nim je wszystko podwójne, włoncznie z kotletym czy co to tam za miynso było..
Z cyklu "dejcie mie jejść cokolwiek" © gustav
Żywiec cyntrum © gustav Jak na 18.90, to pojodłech se tak w 70%. Ale jak byda w Żywcu zaś, to już do tego fastfooda niy wleza. Połowa frytek była zimno.. Potym ruszylimy w strona miasta Brzeszcze.
Miyndzybrodzie :D © gustav Kajś tam jeszcze mało pauza w biedronce. Kupiłech 3 banany i woda, bo jeszcze po "obiedzie" były pokłady mocy, a du dom jakiś 60km. Pojawiył sie efekt bighamburgera - trocha zaczył mie boleć brzuch. Ale ogólnie bez wiynkszyj tragedie.
Ostatni tankowani © gustav No i tak lajtowym tympym pyndalowalimy se po dobryj jakości drogach wojewódzkich (odcinek Pszczyna-Żory już całkowicie odremontowany!)
Ooo niebooooo © gustav W Rybniku oddołech Pawłowi lemondka. Pogodalimy i kożdy w swojo strona. Bez te ostatni 4km jakoś fest dziwnie mi se jechało na "pustyj" lynsztandze. Już w zasadzie niy wyobrażom sie bez lemondki jazdy :P Ale już dzisio idyntyczno zamówiyłech! Trip konkretny :) Pyntelka w Czechach dodała szpasu hehe niy ma co :D Nogi mie dzisio dalij trocha bolom, a po 500km niy bolały heh.. Pogoda miyszano: dyszcz, słońce i cołki czos momyntami odczuwalny wiater z SW.

Pokaż trasę GPS

Dalij problymy z edytowaniym tego wpisu... Zrobiłech już w notatniku cało relacjo na nowo, wklejom sam i dalij to samo, abo jeszcze gorzyj. Abo je som tekst z kodami do fotek, abo niy ma nic. Pytom sie: czamu? Już na innyj przeglonarce próbuja i zero efektu.

EDIT: przed wklejyniym nacisłech piyrwszo z lewyj ikonka "źródło" i jakoś je okej...

Wczorej po pozytywnych testach lemondki pierońsko chciołech dzisio zrobić jakoś setka na dobrym asfalcie :> Obejrzołech se pogoda, w kieryj godali, że w okolicach Rybnika do połednia mo być bez opadów, a potym to już mo prziść front z deszczym i burzami, a czasym mo wylyź słońce... Ustaliłech wiync, że pojada z rana standardowo pyntelka na Gliwice-Mikołów-Żory.
Faktycznie, z rana było sucho jak fandzolynie Strasburgera o gupotach na poczontku familiady :D Ale wioł dość konkretny wiater z południa, a to oznaczało powtórka z rozrywki - bo już jakiś czos tymu tyż jechołech tako pyntelka z południowym sztormym hehe.
Ogólnie postanowiłech dzisio jechać szybcij, ale niy sprintersko. Wiync tyn wpis niy dostanie kategorie "h" :>
W Gliwicach miołech średnio 33 z groszami, co przi tym wietrze je czymś normalnym. Potym na Mikołów już mi średnio powolutku spodała.

Wynzeł Sośnica © gustav

Kokpit Terminatora :D © gustav
W Mikołowie na parkingu od Auchana krótko pauza celym wszamocynio banana i kołoczka :D A potym droga na Żory to już rychtyk... no wioło w morda niyrzadko fest! W Żorach na zjeździe podpiyłech sie tira i w tunelu aero jechołech przez 4km, momyntami 70km/h hehe ale że te drogi w zasadzie znom na wylot, to było bez obaw. W Rybniku byłech kajś kole 14 i wszyndzie korki. A niech stojom te lynie spaszone w tych blaszokach, niy mój problym ^^

Terozki jak to pisza, jest godzina prawie 19-ta. Niebo z 30% ilościom chmur i fajnie słoneczko świyci. Kaj te burze, kaj te opady???

Podziynkowania dlo Pawła za użyczynie mi lemodnki w celu przetestowanio, poznanio, jako to rychtyk wyglondo pyndalowani z takim oto dodatkiym. Musza prziznać - klasa, klasa, 3 kołoczki z jagodami i jeszcze roz klasa! :> Komfort jazdy jakiś 5 poziomów wyżyj ;]
Niy mom porównanio z innymi lemondkami, ale to je chyba direkt to, na co ostatnio poluja! Multum możliwości regulacji, wygodny rozstaw i taki tam :P
Na testy wybrołech płaski odcinek. Momyntami zaczyło kropić. Potym jeszcze rundka na cyntrum i du dom. Już wyłaziło słońce:>

Lemondkaaa © gustav

Pogoda z poczontku © gustav

Pogoda na koniec © gustav