Jeszcze jedyn, krótki teścik, przed oddaniym koła właścicielowi :> Przeonaczyłech te koło maxymalni jak se doło, skokołech po nim jak niynormalny - po południowo-rybnickich hopkach, na DK78. I fungo jak ta lala :D Kiedyś se taki koło sprawia pewno :) Porzondno, wielko, terynowo machina!

W oddali Mount Popielów'oux © gustav

Przed podjazdym © gustav

Na horyzoncie widać kuminy rybnickij elektrownie.

Widok z Mount Popielów'oux © gustav

Ugodołech se z Tadkiym (tadzik1963) na lajtowo rajza po wsi, celym dowiedzynio sie różnych rzeczy na tymat nadchodzoncego BBT, za już 2,5 miesionca :) Jak sie dowiadywać, to yno od tych, co już niyroz tyn ultramaraton ukończyli, co niy? Traska przez Lyski > Szymocice > Rudy, fest pierońsko-urlopowym tympym hehe. Potym my jeszcze dobre pół godziny fandzolili pod kościołym. Było o czym godać, a jeszcze jak mi se co wspomni, to zaś przijada po lekcja :>

Se czekomy na "zielone" © gustav

Asfalt aż zrywo! © gustav

Zachód nad zalywym © gustav

I jeszcze roz zachód © gustav

Kaktusy, palmy i te sprawy © gustav

Pora rundek po wsi na kole od znajomego.
Kiery zgodnie, czamu mi sie ułomoł klucz 15, to stawiom przi spotkaniu 1kg bananów abo krojony chlyb (do wyboru) i coś bombonowego :P

Suma km'ów od poniedziałku. Jaaa, robia wpis zbiorczy i zarozki byda na głównyj! Ogólnie trocha je o czym sam szkryflać:
1 - otworli w końcu zmodernizowany basyn "Ruda". Prawie jak na Costa Brava czy jako se tam to zwie xD


a trocha wiyncyj bildów sam w linkach:
http://rybnik.naszemiasto.pl/artykul/galeria/basen...

http://rybnik.naszemiasto.pl/galeria/opis/basen-ru...

2. Prziszoł mi zamówiony niydowno licznik, terozki godom "bye bye google maps". (Sigma) Speedmaster 5000 se zwie :D Potrzebowołech z funkcji yno dystans i czas dlo mojigo Road MTB, w tym liczniku je wiyncyj funkcji hehe

3. Sam u dochtora w poczekalni. Co mie odbijo, żeby u dochtora robić foty? :D W sumie - cołki czos testuja aparat xperii L hehe.

4. Chyciłech laczka z 8-9km od chaty, a niy miołech zestawu piyrwszyj pomocy :D Zrobilech se 3km szpacyr do cyntrum. Znajomy ciepnył mie du dom z moim i jego kołym. Dostołech zlecyni, żebych trocha te jego koło "ożywić" :]

Plany na tyn ŁIKYND miały być fest ambitne. Ale jak ostatnio to bywo - momy zarombisto pogoda... Już w sobota rano, jak wstołech, to zaro widza sms od niyznajomego - oo som Funio z samego Jaworzna mi napisoł, czy niy chca z nim jechać do Pepików na Łyso Hołda yy Góra :D Jak nojbardzij byłech za. Yno skond on mo mój numer, raczyj w lays'ach niy znaloz :> Ale sie domyślom hehe. Jednak po podziwaniu se na wiyczorne prognozy trza było zrezygnować - w górach mo niby loć.. Som Karel z samego Andrychowa tyż chcioł jechać. Zaś by była okazjo do bajkstatowyj rajzy, w kieryj kulturka osobisto byłaby na piyrwszym planie :D :D Odbijymy syncy na Tour de Tatry i to w wiynkszyj ekipie :) Ale wieczorym dostołech tyż smsa od Janusza (Janekbike), że jadom tam kaj niby mo niy loć, czyli na zachód kajś, zaś do Mosznyj hehe. I tako opcja żeh wybroł. Rano ustawka o 9:00. Było nas yno i aż trzech! Zrezygnowalimy z poczontkowyj idey i postanowilimy robić pyntla radlińskigo maratonu. Dystans mniyjszy, ale za to fest dużo chopek.

Radlin rynek © gustav

Dojechalimy do Ustronia, średnio ponad 31. Na zjeździe na skrziżowaniu pod Tesco zauważyłech jakigoś kolorza na bioło-czerwonym kole i bez kasku - kuufaa niyyyy kogo jo widza, toż to som Funio! :D :D Kaj my sie to trefiyli hehe.

Tesco Ustroń słitaaaaśnie © gustav

Tesco Ustroń góry © gustav

Jakiś dobre 20min my stoli pod tym tesco. Funio był, to i niy obyło sie bez zjebków hehe. Jo se tyż kupił 3 ciymne żymły, liter wody i prinsa polo :> Zaro był tekst, czamu żeh chlyba krojonego niy kupił itp wtajymniczyni wiedzom :D Po degustacji Funio kajś tam ciuloł na Bielsko, a my dalij na Cieszyn. Tympyraturka idealno do jazdy, max 25'. Czasym zza chmur pojawiała se klara. Ale fest pierzińsko wioł wiater z północy :/ Taki mocny, że na prostyj 25km/h to był bombon normalnie.

Bombon - lubia te słowo :P

Ale na 140km już było czuć pomału odcinani i głód. średnio już poniżyj 31. Szłapy dowalone konkretnie! Beztoż zmniyjszylimy tympo. Jakoś jeszcze w trybie eko szło pyndalować, ale żeby myśleć o gipciejszyj jeździe, to trzaby było wszamać porzondny obiod! :>
W doma zjodłech talyrz nudelzupy i jakoś wiyncyj niy miołech ochoty jejść, ciykawe hmm.

Dzisio jechołech w tych starych spodynkach. Już po 50km miołech rychtyk dość! :D Już żeh je przizwyczajony do tych miynciutkich bajkstatowych. Terozki do mie dochodzi, że te 800km w tych spodynkach to był jednak wyczyn hehe. Te spodynku już som wyciepane do kosza. "Wkładka" (grubość 2mm jakigoś pieroństwa) już trzimała sie na poru szwach, a szyć mi sie tego niy chce :D No chyba, że kiery chce je odkupić za symboliczno cyna (abo moga nawet dać za darmo). Spodynki od t-800 to rzadki rzeczy na rynku :P

Pokaż trasę GPS

Z ciekowszych rzeczy - dzisio kupiłech se w lidlu (prócz 2 pizzuf i 7 wrawych żymłów) te taki wkładki do szczewików hehe terozki byda mioł tak zminimalizowane straty w przekozywaniu energie, że klynkejcie narody :D

Liczników niy mieli, beztoż musza jakiś nojzwyklejszy znojść na necie dlo mojigo Road MTB, bo już mi se niy chce robić śladów w google maps.

Weekend mo być gryfny w pogodzie u nos :) Yno ciekawe, czamu u Karela w Beskidach mo loć... :D

W sobota miała być Koszarawa - ale pogoda ciulato i niy kożdymu pasowało. W niedziela zaś atak na Słowacjo - Paweł w ostatniyj chwili padoł, że jednak niy jedzie. Jo mioł obsesjo na dłuższyj rajzie max. 500km to roz, bo cołki tydziyń niy jeździłech Speedym, a dwa - padołech, że w maju musza zrobić owe 500km. Kuba z B-B mi to wypomnioł już :P No nic, pogoda na poniedziałek miała być wporzo. Postanowiłech "wypyłnić" wnynka gminno w okolicach Wrocławia ^^ Bo tak to szpetnie wyglondało na mapce hehe
Zrobiłech se zapasy na nocno trasa, bo jak wiadomo - w nocy żymłów, kołoczków, chlybów (krojonych; przyp. red.) niy kupisz za pierona. 5 bagietek 170g i 2 czekolady.

Zatankowany :D © gustav

Jako że noc miała być już całkiym całkiym, to prócz stroju BS wziyłech yno bluza termoactiv i ochraniocz przed luftym na kark. Wyjechołech jakoś ~23:45. Ogólnie miołech plan zrobić 500 w 24h. Za miesionc maraton Sokoła w Radlinie, kaj byda musiol zrobić 450km w 24h (kwalifikacjo na BBT), wiync byda mioł tako terozki forma sprawdzianu formy.

W nocy nic ciekawego; tympyraturka nojmniyjszo to było 11,4'. Ale jechało sie gites, chcocioż te 3' wiyncyj by mogło być. W sumie był spad terynu, a że niy było "w-gymbo-luftu", to krynciło sie elegancko.

Poranne mgiełki © gustav

W Oławie zjechołech na droga wojewódzko, żeby pozbiyrać nowe gminy :P DW455 - w 70% TRAGEDIA!!! Jedzynio mi stykło na cało noc. O 5 rano już był otworty lewiatan i tam kupiłech woda. Ogólnie starołech se jejść w czasie pyndalowanio - to tako jedna bagietka 170g zaczyłech jejść np. w Oławie, a skończyłech dopiyro kajś w okolicach Jelcza :D We Wrocławiu byłech przed 8:00 jakoś. Dziyń dobry po dwóch latach - po roz drugi! :) Tam kajś przi drodze w parku musiołech seblyc koszulka termo, bo chyc już było pierońsko. Musza prziznać - w tym mieście je fest dużo rowerzystów! I to już tak wczas rano! kaj sie nie pozaglondołech - to kieryś pyndalowoł. W np. Rybniku to zapomnij o takim czymś... W ogóle infrastruktura dlo rowerzystów na fest wysokim poziomie. Ale żeby bez te miasto przejechać, to trza minyć piyrw 20 tysiyncy skrziżowań ze światłami. Wielki miasta tak to już majom heh.

Most Grunwaldzki © gustav

I widok z tego mostu © gustav

Wroclove part1 © gustav

Wroclove part2 © gustav

Wroclove part3 © gustav

Wroclove part4 © gustav

Przed Wrocławiym średnio miołech prawie 27. Ale dziynki jeżdżyniu 10km/h po rynku, zwalnianiu co chwila na światłach, to średnio systematycznie spodała hehe. Już na samym wyjeździe trocha droga popierniczyłech, a że było chyba z 6-8 pasów, to sie zaczyła fajno komiedio :D :D musiołech sie dostać na drugo strona haha dobrze że były wysepki co 2 pasy. Jakoś te przeskakiwani mi sie udało :>
Jeszcze gipko na tanksztela po woda i wyjazd po nowe gminy! Z jedzynio dalij nic nie kupowołech, ale w takim hycu to średnio sie chciało jejść. 

W strona S8 © gustav

Od południa już ciymne chmurki było widać hyh...
Z racji, że droga do pewnyj gminy to była ponoć sama kostka bez 3km, to musiołech zmiynić plan. Postanowiłech bez nerwów jechać prosto do Zawoni. Czyli zamiast planowanych 9 nowych gmin bydzie o jedna mynij.
Zaczyły sie podjazdy.

W drodze do Zawonii © gustav

Drogi wojewódzkie do samego Namysłowa tyż niy ma co godać... Porażka. Mało kiedy równy asfalt. Dopiyro już od Namysłowa zaczła sie krajowo. Wiadomo, co to oznaczo dlo komfortu podróży :) Ogólnie podczos cołkij tyj rajzy niy było jakigoś fest wielkigo ruchu. I tyż ani razu niy zaobserwowołech negatywnych zachowań ze strony kierowców. Tirowcy jak zwykle niy śpieszyli sie z wyprzedzaniym. Szacuneczek :)
Ot tak wymyśliłech nowe zastosowani dlo mojij lemondki:

Lemondka - same pozytywy! © gustav

Wciepać jeszcze to butelki jako wielko słomka i szafa gro :D To je ostatnie foto, bo potym nie wiym czamu, ale mój smartfon sie prawie całkowicie rozładowoł, może żeh do końca gps-a niy wyłączył abo co... fotek już niy szło cykać :/

Po jakimś postoju zaczyło mie boleć troszka lewe kolano :/ Czy był to efekt braku jazdy na wysokij kadyncji? Po jakiś 300km kolana majom prawo już czuć zmynczyni. Ale pyndalowołech na zmiana, używajonc w miara równomiernie wszystkich miyńśni w szłapach. A tyż super twardyj kadyncji niy stosowołech - wielki blat z góra 5. "nojlżejszom" koronkom. Chyba chynć uzyskanio nojlepszego czasu tych planowanych 500km mie przistopowała... :/ Zwiynkszyłech kadyncjo i coś kolano już niy bolało tak fest.
Terozki coś o jedzyniu - już po 300-350km miołech dość dziwanio sie na nie. Już nawet banany mi sie zbrzidły. Cokolwiek słodkigo i już mi sie niy dobrze robiło... A jakoś niy miołech ochoty jejść suchych żymłów abo chleba. Ale trza było ciś na hama, bo bez jedzynio nie pojedziesz. Pizza tako mało udało mi sie kupić, dobrze że niy była słodko... Gumy do żucia i dużo wody - to jakoś tak neutralizowało "górny" układ pokarmowy. W Tarnowskich Górach było widać ciymne chmury od południa. W Gliwicach jak już byłech przi A4, to sie tak blyskało, że ja piernicze. Choby z jakigo filmu katastroficznego. Zaczyło padać, wiync jo pod przistanek. Ale se myśla, że jak bydzie konkret ulywa, to taki malutki przistanek nic niy do. Corozki mocnij padało, wiync wziyłech koło i zapierniczołech nazot w strona cyntrum na piyrwszo napotkano tanksztela. Tam był taki starszy, spoko gościu z dozoru technicznego, od nalywanio paliwa itp. Dużo  my bez tyn czos pogodali. Nawet dostołech gratis herbata hehe Bo tak to bych musioł ze 5zł zabulić na pewno :> Byłech tam prawie godzina. Już przestoło sie fest blyskać, yno lekko kropiło, wiync po co czekać - po wszamaniu pozostałyj 1 pizzy ruszyłech. Fajnie wyglondało, jak drogi parowały na tle drogowego oświetlynio :) Jakoś zajechołech na tyj pizzy, chocioż już od ostatnich 10km brzuch se domagoł jedzynio hehe. Przijechołech tyż jakoś o 23:45, czyli równe 24h brutto. Musiołbych zjeść coś porzondnego, żeby myśleć o dokryncaniu do 500km. Bo nogi zmynczonie niy były i innych kryzysów tyż niy było. Chocioż jak poszłech spać, to chyba po 2min już usnyłech heh.

Spokojnie mógłbych odejmnyć z 10 do 15min od czasu, głównie "pobyt" we Wrocławiu i inne przerwy. Ze średnij jeżeh zadowolony. Ale za fest szarpołech na piyrwszych 200km, co sie potym źle odbiło.

+8 gmin
Pokaż trasę GPS

zbiyranina z 3 dni hehe