Po robocie do bankomatu i na shopping. Główny cyl - opony w cynie 2 za 1, tako okazjo, czamu niy :P dlo odmiany niebieski, gramowo 190-tki, chyba oblecza je dopiyro na wiosna - obecne Durano jeszcze niy majom doś ;> I przi okazji Acera na zadek, bo już kur**cy szło dostać z tym 10-letnim Altusym, luzy mioł pieroński. Terozki yno jeszcze amor, semislicki i heja banana! =D


Taki pierdoły ;] © gustav

Downo żeh niy wciepoł jakiyjś nutki, beztoż tera wciepuja :P Klasyk, kiery zarombiście sie słucho w rajzie. 

Dobre. 

Słaby tyn siyrpiyń kilometrowo. Dzisio miołech wolne, wiync postanowiłech postawić wszystko na jedno karta i zrobić rajza w dyszczu. Żeby wiedzieć direkt, co i jak se oblyc w takowych warunkach i sie jakoś przigotować już trocha na UltraLoop. Moji ochraniacze na szczewiki przeciekajom... czaicie? Ida z reklamacjom! Beztoż w gra wloz stary sposób - worki na śmieci :>

Wczoraj prziszłech z roboty po 15. Potym jeszcze 2h społech. Obudziłech se 20:30 i se myślołech: iśc do biedronki po chlyb i jechać po bliższe gminy, czy se darować i dalij spać? ja niy ja niy ja niy JA! :D
Kupiłech 2 chlybki, ogranyłech streetvievera, popisołech punkty rajzy, pojodłech, przigotowołech koło i dopiyro o 23:45 wyjechołech... 
Niy padało jeszcze, ale była leko mżawka i drogi mokre. Oblyczone miołech: koszulka termo + kurtka, spodynki kolarski + nakolanniki + galoty na dyszcz, kominiarka pod kask i polarowy tyn tyn na kark :D (zapomniołech nazwa hehe).
I pyndalowało se elegancko :)

Pszczyna obwodnica © gustav

To żeh je jo hehe © gustav

W Bieruniu na przistanku pauza na jedzynie hehe.

Chlyb krojony Z CZYMŚ! © gustav

Jak widać, chlyb krojony tradycyjny zostoł zaktualizowany do nowszyj wersje. Aktualizacjo zawiero m.in.:
-masło
-keczup
-szinka
-szałot

W okolicach Chrzanowa zaczyło już padać na tela, że musiołech wsadzić worki do szczewików :D Jeszcze kapuca na łeb i idzie jechać. Tam kupiłech jeszcze kołoczka i woda. Ale w cyntrum oznaczynia były jakiś ciulate abo co i zrobiłech pyntelka. Niy wiydziołech kaj jo je! musiołech wspomóc se gpsym. A to było możliwe yno kajś pod przistankiym, bo coroz bardzij padało, ale ulywa to to niy była.

Krajowo 79-ka fest rano © gustav

Patynt na worki zdowoł egzamin - dalij mie sie elegancko pyndalowało :) A tympyratura najniższo: 11,2'.

W Krakowie coś zaś pociulołech... I zas gpsie wspomóż mie..

Sam to je burdel :D © gustav

Ogarnyłech. Rozpoczyłech atak na piyrwszo gmina:

W drodze do Zielonek © gustav

średnio spadła doś ostro na tym kilometrze...

Kraków - masa hopek z kożdyj strony.

Z kożdyj.

Typowe widoczki © gustav

Kajś kupiłech chałka tako dupno i 3 kołoczki.

Momyntami nawet słońce prześwitało i niy padało, ale to jednak rzadkość była.

Karel-focia :P © gustav

I tak se pykołech po tych zadupiach. A te boczne drogi przeważnie z marasu upierd*** uwalone :D I tyż powoli jecholech. I zaś średnio w dół.

W drodze do Igołomii © gustav

Najdolszo dzisiejszo gmina © gustav

Czy Chajzer tymu podoło?? ;] © gustav

Bo som Vizir to może niy styknyć :D © gustav

I potym już krajowom do Krakowa. W tym że mieście drogi som fatalne! Ale co zrobić. Na rynek niy jechołech. Średnio padało, tympyraturka 14' z ułamkiym w połednie... Dalij zy mnom okej :)

A sam zaś miejscowe wydarzyni :D

Papiyż wybrany! © gustav

Trocha dalij © gustav

Kajś już w Chrzanowie przestowało padać. Kajś tam jeszcze jedne zakupy. Piyrw seblykłech kominiarka, pora km'ów potym kurtka i zas trocha dalij wymieniłech fuzekle na suchawe. Dalij jakoś bez kryzysów, yno było czuć pewno wilgoć w szczewikach, to normalne. W tako pogoda nic niy chciało wyschnyć. Max tympyratura 19', kiero zaś zmalała do 15 w Pszczynie, ale za to trocha słońca było widać. Pełyn relax już od Żor. Ale kieta mi tak trzeszczała, bo niy wziyłech smaru - myślołech że bydzie padać cały czos :D Ale co poranoście km oblywołech jom wodom z bidonów hehe

Przijechołech w bardzo dobrym stanie myśla (niy liczonc wizualnego mojigo i od koła hehe). Yno już spani sie dowoło we znaki. Tera kończa pisać i ida spać, jutro na rano do roboty :D

Kurde - mało zjodłech w rajzie tyj :P Poł chleba ciymnego, 6 kołoczków, chałka dupno. 

Piyrwszo 3setka od 4 miysiyncy :D :D

+10 gmin i dobranoc.
 

Pokaż trasę GPS

a jutro mom wolne i zaś mo loć... coś z tym fantym trza zrobić.

Musiołech se jakoś wyżyć po niewypalonyj rajzie z samego rana. Suport zrobiony, no to dystans 3-cyfrowy dzisio musioł padnyć. Z racji pogody yno w pobliżu, żeby w razie czego gipko ciulać na chata :P Były ciymne chmury, ale nic niy kropiło. Za to doś tak wioło z południa (beztoż miołech tako fajno średnio na Annaberg hehe - 67.8km w 2h 9min). Wpieprzyłech w trasie:
- 3 klapsznity 
- 11 bananów :D
- 4 jakiś kurduplowate wyroby piekarnicze z jagodami (3 taki to było jak 1 żymła)
- ze 3l wody bydzie

Od Gliwic już rychtyk wiater robił swoje, w Rybniku jakby osłob. Niy byłech głodny jak przijechołech, ale nogi już swoji nakrynciły. Chyba niy ma tako zło ta średnio, jak na moji sprinterski możliwości :)

Przed podjazdym bajsła mie osa kole lewego cyca, do tera czuć :D 

Taki tam, na wiyrchu :P © gustav


Sam żeh se bujoł :)) © gustav

Pokaż trasę GPS

Taki plany, taki ambicje, tela przigotowań i zasrany dyszcz zaś w roli głównyj.. Krynica Zdrój miała być, a skończyło se na godzinnym biwakowaniu na przistanku w cyntrum Rybnika. Jak lunyło, to roz, a konkretnie. Koło wypucowane, strój BS czyściutki i weź sam jedź kajkolwiek. Jak trocha dyszcz osłob, to żeh pyndalowoł chodnikami du dom [wnerwiony doś fest] żeby sie niy umarasić. Przidałyby se jaki błotniki do tyjże kolarki, ale niy ma opcji kaj ich zamontować. W miyndzyczasie cykołech se fotki, grołech na fonie w Injustice hehe :P

Tyyyle wygrać :D © gustav


Na przistanku © gustav


Nadzieja umiyro ostatnio © gustav


Tako sprawa © gustav


Tympyraturka © gustav


Taki tank se marnuje © gustav

Oglondom tera pogoda i co widza? Wg prognoz - noc suchutko...

Kaj tyn dyszcz?? © gustav

Czas brutto: 1h 40min, nowy rekord średnij, zero nowych gmin (a miało być ze 26...).

Wg prognoz - na Małopolsce ponoć majom być burze, wiync gminobranie odpado. Od N-W idzie zaś front z dyszczym, wiync Big-Łódź-Tour tyż odpado. Zostowo mi jazda sam po wsiach eehh W końcu 2 dni wolnego i dupa totalno.

Życza BBTourowcom, żeby tam za fest niy przemokli :)
Szkoda, że jedyny rybniczanin (znajomy Paweł) jednak niy jedzie, byda kibiciowoł Tadzikowi z Radlina :>
Jo mioł jechać na lewo, niy wyszło... ale tyn rok jeszcze sie niy skończył!

Tak jak przipuszczołech - pressfit'y były do wymiany. Z kożdym kilometrym corozki bardzij strzylało, normalnie 31. grudnia na dwóch kółkach :D Terozki mom spokój z tym, mom nadzieja, na cołki prziszły rok :) 
To jutro moga kryncić po hopkach bez żodnych zgrzytów.

Żodnych.

Miołech dzisio pyndalować do Krakowa, ale rano loło i dupa z planów :/ W sobota odbija x2 mom nadzieja :P No ale wybrołech sie na rybnicki a'la serpentyny, o kierych przeczytołech niydowno we gazecie. Asfalt fonkiel nówka, a że z jednyj strony jeszcze w budowie, wiync cało droga w zasadzie dlo mnie hehe. Rychtyk w tym mieście je corozki gryfniyj :)) Tela dróg je, tela terynów, o kierych jo jeszcze niy mom pojyncio. 

Byłech nad morzym, w stolicy, w odległych górach, na roztomańtych zadupiach, ale nigdy na tyj hołdzie, pora kilometrów od chaty - paranoja jakoś :D


Rybnik se buduje! © gustav


Choby w górach © gustav


To se nazywo bombon asfalt! © gustav


Już na wiyrchu © gustav


Nawet nawet © gustav


To je hołda © gustav

Żeby podziwiać owe widoki, to trza było z buta wlyźć na som wiyrch. Góry przi dzisiejszyj pogodzie było widać, ale jak kiedy bydzie rychtyk bezchmurnie, to sam jeszcze roz podjada pofocić :))


Na kiympce © gustav


Gryfne moji koło :P © gustav


Na kiympce inakszy © gustav


Wiyrch hołdy © gustav


Wiyrch hołdy (2) © gustav


Wiyrch hołdy (3) © gustav