Miało być niczym poezja niebiańskiego nieba, a wyszło jak napisane po pijaku...


Skoro do masziny wartyj 150zł (130zł same opony...) ładujesz pyndale SPD-SL PD-R540, to wiydz, że coś se dzieje ^^


Jadymy z Pawłym na ściany!


I filmik 4fun ;) Potym rundka na cyntrum i gipko du dom, bo liga mistrzów zaro se zaczynała!
btw. cud, że kieta niy strzeliła ;D

Nie wyszła grubszo rajza w sobota, udało se teraz - poniedziałek wolne w robocie :) Prognozy ogólnie okej, ale z niby przelotnym dyszczym POD WIECZÓR. Wiync zakłodając dobre tympo i wyjazd w niedzielny wieczór - może bych se wyrobił w suchych warunkach. Także wyjazd był przed 23. Przigotowania ok. 2h, a pryndzyj byłech jeszcze na zlocie pojazdów klasycznych w Rybniku - jeżeh posiadaczym zacnego Rometa Ogara 200 :) Klasycznie na Jaworzno, a potym na słynno prosto bukowsko... Była jakoś 2 w nocy. I na środku tego odcinka coś dupło... ZAŚ szprycha!!!! kolejno, po zaledwie 2 dniach... A jechołech równym tympym i omijołech nierówności... WTF?? No nic, powoli pod oświetlone okolice. Zeszło ponad pół godziny. A została mi ostatnio szprycha na przód. Już była wątpliwość, czy dalij jechać... Ale ryzyko podjyłech. Przez czas naprawy, przejechały 4 auta. Yno jedyn pan, w Matizie, zapytoł, czy all ok, czy pomóc, podwiyść... Także naprawiłech, reszta szprych - mały przegląd i jazda. Najwyżyj... w jakim lesie skończa trip. Tryciąż to była piyrwszo gmina. I potym to już sekwencje kolejnych na jednyj drodze. Na ta rajza na noc zapakowołech 4 batony i 6 klapsznit - z kyjzą i sałatą i keczupym ^^ 5:40 zakupiłech na tankszteli woda. No na sucho se niy do ;] W Kazimierzy Wielkiej teryn se całkowicie praktycznie wypłaszczo. W Opatowcu piyrwsze przejście promowe ;) Gryfnie urozmaicynie. A potym to musiołech zjechać aż 11km z trasy, po gmina Mędrzechów - tyj gminy niy zebrołech, jak byłech w tym rejonie ostatnio... Tu było tak płasko, że modliłech se o jakiś malutki chocioż podjaździk ehehe... do czasu... W drodze powrotnyj zaczyno już lekko kropić. A przecież miało wieczorym o.0 Na liczniku ze 240km. By niy tracić czasu - oblykom ochraniacze neoprenowe na szczewiki i galoty na dyszcz. Ale te ochraniacze coś niy działają, jak trzeba. Kiedyś chroniły przed dyszczym... tera po 5km już czułech mało wilgoć w środku. Otfinów/Górki - kolejno przeprawa promym, dalij padze. Pytom gościa od obsługi, czy mo jakiś worki jeszcze - mioł. Wiync osłoniłech bikepacka i torebka na lemondce. Także wbiłech do piyrwszego sklepu po jedzynie i reklamówki do szczewików - stary sposób ;] Ludzie se na mie dziwnie patrzeli - no ale tak wyglądo świat kolarstwa no... abo jedziesz dalij, abo szukosz PKP, taxi, hotelu etc. W okolicach Szczurowej już niy padze, reklamówki coś tam działają, no na pewno lepij, jak ochraniacze. Nowe Brzesko - od tego miasta kończą se już równiny i zaczyno se wspinaczka. Momyntami konkret ściany, ale jakoś idzie nieźle. Za Proszowicami zaś opady, 10min na przistanku. Czas wykorzystuja na jedzynie. Przestowo, jada dalij. Od Słomnik do Skały w zasadzie non-stop do góry, z jednym wiynkszym zjazdym na widocznyj na mapie "serpentynie". Słońca coroz wiyncyj, ale jeszcze bez upałów. Robia mało przerwa na przistanku. Żigom już na widok tych kołoczków. Mom doła. Słońce mało grzeje, a wiatr zimnawy ciut. Chce mi se spać. Same podjazdy od wielu kilometrów, a nic w dół... Ale trzeba se cieszyć z tego, że na niebie coroz mniyj chmur. Jakby dalij padało, to prawdopodobnie po zdobyciu ostatnij gminy szukołbych noclegu... Na poprawa morali - odpalom yno jedyn kawałek w mp3 - Zbuku "do końca" - jest tyż w poprzednim mym wpisie. I jazda dalij. Zaś do góry naturalnie. Przed Trzebinią 100km od domu - wbijom do sklepu. Kupuja woda, 2 banany i paczka waflów ryżowych, Jym jednego kołoczka i mom dość, drugigo wyciepuja do kosza! Wypadałoby poszukać restauracje, ale niy mom jakoś ochoty, te 100km jakoś "wykrynca". Od Chrzanowa zaczyno sie wypłaszczać uff! Słońca już dużo, ale że to prawie wieczór - coroz zimnij. Od Chełmka testuja całkiym nowy wariant na Pszczyna, bocznymi drogami - elegancja :) W Pszczynie mom jednego banana i prawie pół paczki waflów, no myśla - na tym już zajada, bo jeszcze mie niy odcino. Ale w szłapach, a głównie w kolanach - czuć dzisiejsze przewyższynia. Ale walcza o utrzimanie średnij ok. 25.5. Teoretycznie jechołech z wiatrym, ale go nie było czuć; w Rybniku jakoś mgła - czyli bezwietrznie. Ale nie był to smog, zanieczyszczynia, bo normalnie szło oddychać, a spotkołech 3 ludzi, co biegali o.0 Ostatnie 10km już na końcówkach mocy, ale nie wbijołech do sklepu po batona czy coś, nie opłacało se już. W doma od razu se zwożyłech: -2,5kg yhm.. Dzisio to samo.
Muzyka, kiero odpoliłech w mp3 - leciała non-stop z 20x. Fest ale to fest podniosła moralne do góry!! :)

Także ten: +18 gmin i 3. województwo do kolekcje! Do monolitu pozostały jeszcze 2, może 3 rajzy w okolice Łodzi i Kielc.
Czas brutto: 23h. Dlo porównania: rekord na MTB na ślonskim maratonie: 510km w 21h40min. Ale tam nie było tela hopek eheh.. Ale było wiyncyj jedzynio i jazda w peletonie momyntami. By nie tyn dyszcz i pynknyto szprycha - myśla byłoby ze 20h.

Brak zdjyńć, ale jest gryfny filmik! :))



Pokaż trasę GPS

Prognozy ok! TO EAST!

Trek Madone czekoł już yno na jedno - na zezwolynie na start. Dostołech telefonicznie info, zaroz po powrocie z dzisiejszyj niyudanyj rajzy Fast'ym, iż można go w końcu przepolić! No to kierunek południe. Niebo wyczyszczone, w miara ciepło, bajka.

Tak niby zachwolomy czeskie drogi rowerowe... a tam to, co u nas. Bruki.




#gryfne.asfalty - wzdłuż autostrady.


Niby zakaz dlo rowerów... ;) Ale alternatywa mi nie znano hehe


Ścieżki cd...




A potym już bajka :))


To tu niby Funio biwakowoł na ślonskim maratonie :DD






Pamiątkowe foto ;] Barwy Narodowe!




Jedna z najlepij położonych biedronek w kraju hehe. W tyj to bych mógł miyszkać :>


I nasze maszyny :P W dzisiejszyj rajzie towarzyszył Emil - jak jo mu zazdroszcza tyj ramy mmm :))


Prawie, jak oko terminatora heheh




Dziynki i do zaś! Krynć ta maszyna, aż kieta rozdupi hehe

Pokaż trasę GPS

Soo, pozostało mi złożyć Fast'a. Jak zaś coś uleci - byda walczył o zwrot kasy. Koniec oszczędzanio na framesecie. Skłodanie zajęło... 8h. Głównie przez przeskok zębatek w klamkomanetce... udało se uratować sytuacja, inaczyj - wola nie myśleć. No i kombinowołech z zakończyniami pancerzy, bo nie pasowały. Jedynie, czego nie udało se zrobić - "półbieg" w przednij przerzutce na dużym blacie - zamiast przeskoku 2-3mm, jest 1mm. Za krótki pancerz, za duże opory?

Okej, wyjechołech na testowo runda. Po 8km wydupiło szprycha. Kiery roz? Już tego nie licza... Za dużo.
Dwie opcje: wmontować pancerne szprychy i stracić gwarancja, abo wysłać do reklamacje i skłodać nowe koła na polecanych tajlach. Wasze sugestie? ;)

Po robocie podjechołech po prezynt dlo MTB Custom'a. W niedziela zaktualizuja jego foto :> Istny tomahawk!

Z tych pozytywnych info... rybnicki sklep rowerowy Bike-System zapewnił mi wsparcie na trasie FoF. Piknie;]

A z tych negatywnych... dzisio prziszła rama z reklamacje. Zostołech w wiadomości zapewniony, że dostana nowo rama. Rama niy jest nowo, "naprawili" poluzowane gwinty mocowań bidonu w taki sposób, że niy są one w jednyj płaszczyźnie. Po zamocowaniu koszyczków, odchylynie koszyczka na "naprawionych" gwintach wynosi ok.1cm. Żeby niy było - zamiyniłech miejscami koszyczki - tyn som efekt. Jo bardzo niy lubia, jak w rowerze niy ma zachowanyj symetrie. Wysłołech stosowno odpowiedź.

ARAx2 + wizyta w cyntrum... wiercynio. Tutej słowa typu "never give up!", muzyka w stylu "jorge quintero", powtarzanie non-stop "1200 zrobiłeś, a tych 5min niy przetrzimiesz?" - to nic nie do... :/ Potym wszystkim tak bolało, jakby mi zawiasy z żuchwy wydupiło. Se myśla... w porównaniu, te FoF na pewno nie bydzie taki straszne.. ;]

Widoczki, ścianeczki © gustav

Soo, tego weekendu już niy szło odpuścić. Prognozy pogody różniaste z dnia na dziyń, ale ogólnie mało deszczu. Rajza naszkryflano pora dni tymu - na Kalisz i Zduńską Wolę, czyli północna granica mego gminnego monolitu. Na moje wezwanie odpowiedzioł kto, jak niy inny: CFCFan Paweł :) Ale czas przed wyjazdym - to niy tak miało wyglondać... W robocie zostołech 1h dłużyj. W drodze powrotnyj, 1km od domu, coś zaczło fest dupać w zadnij piaście... Przesmarowołech i działało jak należy uff, ale zaś 1h zmarnowano. Miołech zaplanowane 3h drzymki, finalnie zostało 40min - ale niy dało rady zasnyć choćby na 5min... To zapowiadało koszmar drugij nocy. Jak zawsze. No nic, 21:05 inny Paweł czekoł kole domu. Coś niydobrego dzieje mu sie z kolanym - to nigdy niy jest fajne dlo miłośnika 2 kółek :( Beztoż wyprowadził mie yno ku rondzie na zjeździe do WORD. Dziynki :) A na tankszteli w Gliwicach ugodołech se o 22:15 z CFCFan'ym. W cyntrum Pawełek poprowadził przez niydowno otwarto DTŚ... xD Potym objazdym przez Toszek. I na Olesno. Ciesza se, że wiyncyj już nie byda musioł jechać na odcinku Pyskowice - Olesno. Niy nawidza tych miejsc. A od Praszki już zaczło sie zbiyranie nowch gmin - na ta rajza 24, czyli 1% Polski :) W nocy ok. 0st, nad ranym -1. Kurtka nowo moja - w końcu test na całodniowyj rajzie - póki co rewelacja. Na koniec wiynkszo opinia. Yno po jedna gmina trza było zjechać ze 3km, reszta po linii ;] 7 kanapeczek miołech zapakowane - musiało styknyć aż do 7 rano. No i z 4 wafelkami stykło. Ogólnie jak narazie, mimo że mroźno - wiatr bardzo słaby, to cieszyło ;) Przed Kaliszem wyjechoł nom Maciej, co niegdyś miyszkoł w Rybniku. Triathlonowiec ;] I pojechalimy na rynek. Fotki, seblykanie warstw ubrań i do restauracji pojeść solidnie, bo już rezerwa była ;] Zeszło z godzinę, ubrania przeschły, więc jedziemy po kolejne gminy. Taka ciekawostka - piyrwszy roz w historii, gustav nie był w stanie zjeść tego, co podano na talerzach. A Paweł i Maciej te same porcje zjedli raczyj bez problymu. Progres? w kontekście całyj rajzy - niystety niy :/ Droga do Zduńskiej Woli pod wiatr - to był jedyny momynt na trasie, kiedy tyn wiatr był mocniejszy, czyli przez ok. 4h. Jo jako jeździec na MTB, dostołech możliwość całego odcinka na wschód jazdy na kole. 60km w bdb czasie poszło! Ale na podjazdach wiadomo - musieli poczekać. Od Woli znów na bocznych drogach po kolejne gminy. Jedna przerwa w sklepie - 2 princy xxl i 2 mini-pizze. Drogi różnyj jakości, ale przinajmij dużo zakryntów hehe. Prostych po 5-10km niy trawia :> Za Burzeninem Maciej skryncił  na Wieluń. Dziynki bardzo za towarzystwo, kolejne spotkanie po latach, jedzenie i przecinanie wiatru w drodze do Woli ;] A my dalij po kolejne ostatnie gminy. Wiatr kurde z różnych stron, taki wrażynie, ale ogólnie słabo-średni. Za to dużo ciymniejszych chmur na niebie... W Działoszynie - ostatnij gminie - wbilimy do biedronki. Dokupiłech 8 rogali, bo zostało prawie 150km do domu - to musiało styknyć... Zamiast być tam 20min, było 2x dłużyj. Ale już se zaczło robić zimno powoli. Moji morale - byłech głodny, zjodłech 2 rogale i wiyncyj nie szło. ok... Ale w nogach moc nadal była, do tego miasta średnio była elegancko, ok. 25. Była... Po zmroku temp. poniżyj 10st. Picie w bidonach już zzimniało, rogale to samo. Niechynć do tego wzrosła, chocioż trza to było jakoś spożywać. A potym dopodł mie kryzys niydospanio - niyuniknione to było. V w dół, czasym krótkie przerwy. Jakieś mikro-fatamorgany. Poważnie. Ale bez jazdy slalomym, spokojnie. Odpoliłech se radio, pomogło. Ale na 10min... Potym polołech oczy tym co było w bidonie - woda chyba? Pomogło, ale tyż bardzo krótko. Testowołech aku na 10% w tyj rajzie, po chyba 9h świcynio (!!!) musiołech "przerwać" test i odpolić 50%. Pomogło w małym stopniu. Jakoś dojechalimy do tankszteli w Tworogu. Tam był cieplutki bar. Od razu zamówiłech mocno, gorko kawa! 3 rogale były, zjodłech 2. Na ostatni już niy umiołech se dziwać. Zeszło chyba z godzina. Poczułech se lepij! Wyszlimy ze środka - lekki deszczyk o.0 od razu zakłodom spodnie "przeciwdyszczowe". Te z decathlonu za 50zł. Do kurtki doczepiom kapuca, tudzież kaptur ;] No i jechalimy dalij. Spać już mi se niy chciało, tyle dobrze. Ale że byłech niypojedzony, bez energie - tympo było aż spokojne :/ Mimo to bez problymów dojechalimy do Gliwic, kaj my se pożegnali. Dziynki Pablo zaś za wspólno mega-rajza! A mi zostało 30km, z pół litra wody i jedyn rogal - wszystko zimne. Nawet na tankszteli nie było synsu robić przerwy na jedzynie, gorko kawa/herbata - wolołech doczołgać se do chaty mizernym tympym. Ostatnie 15km same podjazdy. Ostanie 15km to tyż pojawiynie se głodu. Średnio fest leciała w dół. 2:40 w doma. Prawie 5st... Głodny ale mocny w środku jak nigdy! Nogi nic niy bolały. Optymistycznie pacza se na next rajzy! :) 3 testy zrobiłech:
1) telefon jako nawigacja w gminobraniu, umieszczony na rułkach lemondki w torebce - rewelacja! Aplikacja maps.me to jest poezja!
2) nowo kurtka - blokowanie wiatru i oddychalność - bajka! Po powrocie do domu, non stop w średnim dyszczu - koszulka sucho! To jest kurtka, jakij szukołech :))
3) testowanie trybu 10% na w pełni naładowanym aku, w lampce convoy s2 (10% wystarczo do komfortowyj jazdy po dobrym asfalcie, z V ok. 25km/h): 9h bez problymu. Potym dołech 50% i już skończyłech liczynie czasu :) Do porównania - prox dual power świycił na najniższym trybie tyż 9h, ale na pakiecie aż 4 aku... A tyn najniższy tryb to mógł być tak, jak max 20% w obecnym convoy'u.

+24 gminy
29h 40min w trasie
prawie 46h bez snu





Na blogu Cfcfan'a bydzie relacja z fotkami, jo tutej dodom wideorelacja, ale najwcześnij jutro :) cierpliwości hehe
Pokaż trasę GPS