Czas myj pyndzyje chyba dobiygł końca, mimo że pyndzyjo to je coś, że jak se zacznie, to trwo po wieki wieków.. Nieco ponad miesiąc to trwało yhmm Tak samo kijki do Wordic Nalking wyciepłech do hasioka, to niy ma na moji predyspozycje.
Tak wiync wracom do świata ludzi niynormalnych i jadymy z tym koksym! Dzisiejszo sobota miała być już prawie wiosynno, wiync powstoł plan na jako grubszo rajza - padło na Kraków nawet niy wiym czamu. Także dołech info na BS, stravie, kolarskij grupie rybnika, kaj je 187 typów, no i gotowość zgłosiło 2 ludzi... Ktoś mioł czekać na krakowskim rynku.
Wyjazd punkt 8:00, poprzedzony wynglami w ultra-opcji


O 8:15 czekom 5min w 1. wyznaczonym punkcie spotkanio, może kto przijedzie... niystety, nikogo niy ma



Nowe oponki - elegancjo!;]


W Żorach czekom o 9:00 na 2. punkcie spotkanio, tam se pojawio yno Paweł, kiery w ogóle som zaproponowoł, aby w tyn dziyń walnyć jako rajza. Nikogo wiyncyj niy ma. Jakoś mie to niy dziwi ;)


Kapitalno przejrzystość luftu! na fotkach tego niystety niy widać :/


Paweł i jego nowy kumpel, były mieszkaniec Szczecina


Za Oświęcimiem wyjyżdżo nom naprzeciw Funio. Tu od razu jego relacja z wieloma kontrowersyjnymi fotkami..

http://funio.bikestats.pl/1425405,Krakow.html

A tu już na 95km w Alwerni piyrwsze tankowanie ;]



No i nowe kółeczka Funiatego. Ponoć na tych wiynkszych stożkach szybcij jeździ. Co z tego, jak z kożdyj hopki go doganiołech :D Piyrw trza popracować nad pozycją AERO, a potym stożki ładować hehehe




Ogólnie mielimy se pojawić na godz. 13:00 - jak poinformowołech; bylimy o 13:15. Dużo skrziżowań po drodze do cyntrum i korki. I niy rozumia dalij - od Żor do rynku ze 105km, średnio my mieli 30km/h. Max 15min w biedronce i żodnych inkszych przerw. Jak my se mogli spóźnić o te 15-20min... No ale nikogo nie było :/

I tradycyjnie szeroko pojęty szpan, lans na krakowskich brukach.





Tu niy trza komyntorza xD




LOL


Smutno informacjo je tako, że żodyn niy chcioł se z nami fotki walnyć. Ale jak jakiś typ lewitowoł na patyku, to w 10sekund zebrało se 200tyś. ludzi wokół niego hmm

Na wyjeździe pod sklepym. Funio ogólnie zaproponowoł runda do Jaworzna przez lotnisko, bocznym drogami.

Tako tympyraturka utrzimywała se przez hmm 2h, od 13 do 15. O 16 już było 5-6st...






No i Jawoooorznoooo. Again...
Tu już oblykom wszystki lonty co mom, bo zima zleksza se robi. 4st. Na postoju spoko, w czasie piyrwszych kilometrów trocha zimnawo, ale potym se nawet przegrzywołech 0_o Niy ciyrpia takij pogody!



Droga do Katowic identyczno jak ostatnio z xtnt. Ale ruch niywielki :) Na widoku pojawio se lidl, no to wbijomy!
6zł 31gr za: 6 bananów, czekolada, 1,5l picia. Jest to chyba rekord w taniości hehe.


Do Żor tradycyjnie A81, pod wiatr, ale niyspecjalnie przeszkadzo, czyli spoko ;] W tymże mieście se żegnomy. Morale dalij okej, ale jednak rezygnuja z dokręcynio do 300km. Musiołbych 25-30km jeździć po Rybniku. A niy ma na to motywacji, bo w tym roku niy ma już nagonki na ilość kilometrów.. No ale od razu jak wjyżdżom na teryn mojigo miasta, to od razy zaczyno nadupczać smogiym!! I tak jak jeszcze miołech dylemat, czy jednak dokręcać, tak w tak zanieczyszczonym lufcie marza yno o tym, żeby znalyźć se w doma! 3km od domu nad drogą jest normalnie aż siwo! masakra, czuja na języku jakiś choby kwas abo pieron wiy co...
A 500m od domu mom fastfood'a, a że mom mega smaka, no to wbijom!


Ochłodziło se mega, yno 2st. hehe. Trip udany, wszystko piknie cacy i w ogóle :)
Zjodłech: tyn makaron z foto, 2 małe bagietki, 2 jeszcze mniyjsze batoniki, 3 kołoczki, czekolada i 4 banany. Bez tragedii :)
Pozdro i do nastympnego!

Pokaż trasę GPS

Od zamówiynia wystarczyło zaledwie 1,5 doby, żeby Fast poczuł świyżość na swych WHR501 ;))
Rundka do rowerowego, a potym na miasto w ramach testu. Czuć ciut mniyjsze opory toczynio, wszak bieżnik już niy ma jak fryzura znanego detektywa ;D



Niebiesko warstwa antyprzebiciowo race guard

Czy kieryś se pisze w sobota na rajza do Krakowa? :)) bo weekend mo być iście wiosynny u nas na południu, pod 13st. Fajnie by było zrobić jaki zlocik BSowo-stravowy na krakowskim rynku i jako uczta w pizzeri, ok. wstympnie 13:00 :>

Piyrwsze 20km takim gryfniejszym tympym, potym różnie, czyli interwały tak zwane ;) Przez kilometr goniłech panów policjantów, ale przed podjazdym woleli zjechać w boczno droga na rondzie hehe może mojo migajonco lampka ich denerwowała ;D
A jak se jechołech 10km/h po chodniku, to po chwili w zadnim kółku przedziurawiło dyntka... od strony opony. Po sprawdzyniu dokładnij w domu - dziura wielkości atomu. A ponoć to miały być dobre opony...
Już zamówiłech sprawdzony komplet Schwalbe Durano. Wersja drutowano, nie byda dopłacoł 60zł, żeby mieć ~160g lżejszy zestaw.
A aktualno niebiesko bydzie jako zapas, chocioż jeszcze nigdy w życiu tak samoistnie mi se nie rozdupcyła jakokolwiek opona.
Drugo niebiesko już je wyciepano, po zeszłorocznym poślizgu chyba w listopadzie rozerwoł se na wylot boczny oplot...
Mimo wszystko koszty utrzimania bajku i tak som pierońsko niskie.

W ostatnij myj ankiecie 3 piyrwsze osoby mogły liczyć na niespodzianka. W ankiecie wziyli udział: Paweł z Rybnika i Piotr z Brzeska. W nagroda otrzimujom chłodziarko-zamrażarka, kiero idzie odebrać w MediaMarkt w Czernikowie k. Torunia. Yno trza mieć jakiś dokumynt ze zdjynciym. Jako, że brak trzecij osoby, a mi se tam niy chce jechać - no to kto piyrwszy, tyn lepszy :))

Chlyb je mojom inspiracjom. Im bliżyj podejda do niego, tym wiynkszy je w polu widzynio. Dzisio zostoł przepolony w opiekaczu na zajembist'e zapiekank'iy. Zatankowołech w tyn sposób 5000J energii w molekturze struktualnyj.

Naszło mie wieczorym na krótki wypad po mieście, kiedy to wylozłech na dwór i niy poczułech chłodu nadzwyczajnego - jakiś gryfne już 7st :)) W słuchawkach było dzisio odpolone radio, tak dlo odmiany. A jakigo radia słochocie Wy, tukej zaglondajoncy? :))
Pokaż trasę GPS


Taki "przecykacze" miołech w kole, kiere dostołech na Komunio ;))


Mały apgrejd do Customa - tylno lampka :D


Niby nie wypado o polityce szkryflać, ale kurde leża już na zoli dobre 20min. i niy wiym, czy nawet powerade mi pomoże xDD w synsie "padłeś, powstań..." hehehe