giant zaladowany, naszykowany :]

http://miastomarketow.pl/

pamiyntom ta zielyń... kiero przechodzi tera w beton..

zak***iałe urzyndasy, liczy se yno pozyskanie inwestora.

Prziszłech z roboty, pojodłech i od razu ma koło :> Pyntelka zaplanowano na jakiś 100km, bo kurde lipnie jakoś z tym kilometrażym. A jak w sobota bydzie padać abo bydom huragany, to popadna w depresja..

Co do tego foto - mom już super idea na filmik :)

Zachód w cyntrum © gustav


Politechnika Gliwice © gustav

Dzisiejszo rajza po ulubionyj pyntelce na tego typu dystansie. Do Żor (średnio prawie 31 no niyźle, ale monyj wiater trocha pomogoł). Potym Mikołów i zjazd na Gliwice (już odczułech rześkie powiewy.. ;)). Ale w Gliwicach średnio dalij ok. 30.6 czyli niy straciłech pod lekki wiatr. Wbiłech do znajomego pogodać na tanksztela i co pojejść.. :D


A cóż tooo? kołoczki! © gustav

Kupiłech se te kołoczki jeszcze w Żorach. Tanie, świyże i doś wielki! A pamiyntom zakupione kiedyś w żabce - droższe, mniyjsze suchsze :> 2szt wszamołech.


Dostawa minerałów © gustav

jaki bezsyns te foto... :D

Przi myjni © gustav

W drodze na Rybnik skrynciłech se na Rudy dlo odmiany - gryfnie se pyndalowało, tympyraturka 14' wiync super warunki :) Ale już bez napinki na średnio, niy chciało se hehe. Dziwno sprawa - wyprzedziłech dostawcze auto, kiere jechało max 25/h.. hmm niybezpiecznych pierdół raczyj niy przewoził. Dojechołech na most i se nagrołech filma :D palma odbijała hehehe No i wpierniczyłech se ostatnigo kołoczka :)


No ale na ostatnich km'ach lampka momentalnie traciła moc. Tryb max świycił jak tyn najsłabszy na naładowanym aku. A najsłabszy tryb - ledwo widoczny. 3:42 ida w końcu spać, za 6h do roboty ;]

Nooo w końcu coś wciepołech ;] Prawie 3gb tych 4 filmików, ale o dziwo nawet gipko se na YT w-onaczyło :> Bo myślołech, że trza bydzie kompresować w jakimś programie.. Enjoy!

Problym z kamerkom rozwionzany! Zrobiłech formata systymu i zarozki po załadowaniu świyżego pulpitu, podłonczyłech ta kamerka i od razu jom wykryło... A w systymie żodnych sterowników wymaganych jeszcze niy było zainstalowanych. Ale to niy koniec - udało se jeszcze zainstalować stery od bluetootha i touchpada, wcześnij przi instalacji same errory wyskakiwały... Poyebano ta informatyka hehe.

Tak wiync jutro już co zmontuja rowerowego i spróbuja wpierniczyć na youtube :)) 1min - 110mb w fullhd [30kl/s], 100mb w hd [60kl/s]. Ale wersja fhd bydzie raczyj dominujonco, w klatkowaniu jakoś różnicy niy dostrzegom, ale jakość obrozu dużo lepszo.

Jeszcze ze wczorej :)

czyli dokryncyni ze 30km, żeby tego dzionka było w sumie 200 ;] Ale już od wsiednycio na koło, po poru metrach, wiedziołech, że średnio 20 bydzie wyzwaniym :D Ranne 170km widać było przejechane bez opierniczanio se hehe. Jechołech se rundka dookoła zalywu, a jakoś wiynkszo hopka to zaro redukcja, bo normalnie mi se niy chciało mocnij naciskać. I to se nazywo total relaxx - bez żodnyj spiny i na wszystko wyebane :) W drodze powrotnyj widza jakigoś kolorza w jakoś fest znanym mi wdzianku, noo to moge być yno jedno osoba - Paweł, z kierym jechołech ultraloop'a :> Pogodalimy ze 20min monyj. A potym jeszcze w cyntrum jada se dalij relaxxowo, aż tu naroz mijo mie jakiś kolorz (bez kasku, zwykłe spodynki, bluza etc - tak jak jo, chyba tyż jedzie relaxym, ale takim na gipko hehe). No nic ruszom za nim w pościg. Od razu go dogoniom, chocioż 30km/h jechoł spokojnie, trzimia odstymp 10m i świyca na niego proxym, żeby wiedzioł, że mo rywala :D Zaczyno se niyzło hopka i tyn już redukcjo na mały blacik i jakoś lekko zymbatka ze zadku... A jo bezproblymu go wyprzedzom. Jego mina bezcynno :> Jeszcze mu godom, czamu niy mo lampki ze zadku, jego odpowiedź: bo nie mam. #ryzykant #niyzniszczalny. 

Zrobiłech test kamerki, filmy wciepołech na inny komp - jakość rewelka jak za 350zł. Se zastanawiom, po co pewno wielu ludzi przepłaco 3x tela za gopro do zwykłego kryncynio...

Nic, ida do roboty i po powrocie chyba robia formata.. :>

Rajza testowo z Pawłym na tegorocznyj pyntli na naszym domowym maratonie :) No i tyż test koła na wiynkszyj trasie. W sklepie mi padali, że do 2 tydni abo po 200km moga prziść na serwis gwarancyjny, w zasadzie jutro już bych mógł :D

Wyjazd o 6 rano, ale było już z 10 stopni :) Trza było dojechać 18km do Mszany na start pyntli. A do zeszłego roku impreza była w Radlinie, kaj miołech 3km yno. Pyndalowało se spoko, nawet mi Paweł niy uciekoł na swojij szosie, ale chyba preferowoł jazda optymalnym tympym ;] Kulo se te koło niyźle, nawet idzie fajnie prziśpieszać :)


Jakiś tam z wiyrchu © gustav

Musza jednak wyciepać te odblaski  :> Psujom dizajn, mimo, że niybieski i pomarańcz idealnie do sia pasujom heh

Jakiś tam z boku © gustav

A samo deska rozdzielczo - bombon! Z poczontku se wydowała za szeroko, ale już żeh se przizwyczaił i niy mom zamiaru ucinać. Różnica 14cm wzglyndym poprzednij. Mógbych sam jeszcze wkomponować bez problymu lemondka :>

70cm placu na duperele :] © gustav


Przisypało aż z Egiptu :D © gustav


Zwiydzomy Sahara © gustav


Wioseczka tam kajś © gustav


Taki bardzij 3D hehe © gustav

Już niydaleko Raciborza uaktywnił se fest silny wiater z NW. Na prostyj pod wiatr ledwo 25km/h (nawet mi bryle wypadły bez te turbulyncje..), na podjeździe z wiatrym 35... W Raciborzu po jakoś 80km do Biedrony po wyngle - 2 mini-bagietki, kołoczyk i krepel, no i woda smakowo.
Trocha my pogodali o robocie Pawła, jak to montowoł monitoring u gościa u kierego straszyło ponoć. Że na wideo było widać, jak coś tam ot tak samoistnie se przewraco... po chwili moji koło se przewróciło. Tyż ot tak samoistnie... No kufa mać:D


BiedronkaOIL © gustav

Wiater niby w plecy, ale i tak przeszkadzoł... Se zdowało że wioł z kożdyj strony. Dojechalimy do mety i jaki wnioski? tegoroczno pyntla to je nic w porównaniu z tom, co była rok tymu. Fest mało konkretnych podjazdów i dużo w miara płaskich odcinków. Rok tymu było w zasadzie odwrotnie.

120km zrobione, a że Paweł chcioł min. 150, no to jechalimy jeszcze do Żor i potym na rybnickie hopki, a na koniec w miejsce, kaj woniało, jak w jakimś cyntrum odnowy biologicznyj :> Ogólnie do Żor jechalimy w miara dobrym tympym, a od Żor już spokojnym, bo i tyż było pod tyn pieroński wiater.


Jastrzębie obwodnica © gustav


I konsek dalij © gustav


Na wiyrchu na niby 11% © gustav


Tężnia solankowa w Radlinie © gustav

Pokaż trasę GPS

Odczucia? Przesiadka jak z golfa do SUV-a :> czuć te 4x4 :D  ogólnie koło styko póki co do mojij relaxxowyj jazdy, fajne na prziszłość do upgrade 'u., jak mie teryn wkrynci fest :)

Wracajnc do przedostatnigo wpsiu ;]
To już je koniec - do widzynia Custom...
I niy ma już nic - i czym jo tera byda po wsi jeździł?? :D
Czas na poważne decyzje - a może by se kupić nowe koło?
Kajś trza bydzie iść - czyli do sklepu rowerowego obadać, co majom fajnego do zaoferowanio hehe.

Tak wiync kupiłech se nowe koło, trocha info w jego opisie. Ida kaj popyndalować po "okolicy" :>  

Kilometry oczywiście ze sklepu du dom :D