Ostatni mój "filozoficzny" wpis idzie powionzać z tymże zdjynciym. 


Kajś przi polu © gustav

Drugo sprawa - mom już filmik z kamerki, ale mój laptop jij niy widzi... :/ Lenovo y510p na win7, do kierego niy ma nikaj sterownika na karta pamiynci do tego właśnie systymu. Chyba musza kupić osobny czytnik...

niy ma już nic,
czas na poważne decyzje,
kajś trza bydzie iść.."

Dwa elektroniczne gadżety, kiere były dlo mie priorytetym, już som w mym posiadaniu ;]

• Tlenek, rmk, xtnt - to od nich dostołech pozytywne opinie na tymat przednigo halogena, wiync i jo se skusił na niego hehe. PROX DUAL POWER 2x CREE XML-T6 - i wszystko jasne! Dosłownie :> Ogólnie najsłabszy tryb świyci porównywalnie jak najmocniejszy w moim dotychczasowym krossie 1-watowym za 50zł :D Czyli komfortowo bez długi czas idzie przemierzać rozmaite teryny. Tryb medium ciut mocniejszy, a na full mocy to pod wpływym światła asfalt se topić zaczyno :D Jak za lamperia za 170zł, to jeżeh fest zadowolony!
• Tracer SJ4000 - kamerka, dziynki kieryj w końcu zaczna kryncić rozmaite filmiki z kołym w roli głównyj! Zrobia se konto na youtube i mom nadzieja, że bydzie se na co dziwać, oczywiście jak najwiyncyj 4fun, taki rowerowy jajcarski vlog :) Darowołech se gopro za 1000 ileś złotych - tak naprowda gopro mo tyn atut, że w wysokich rozdzielczościach mo 60-120kl/s, a w niższyj nawet 240! Czyli gadżet dlo ludzi, co se bawiom w slow-motion, czyli świat sportów ekstremalnych. Mie na domowe kryncynie tyn tracer styknie :) 

Kurde, musiołbych jeszcze iść tyn suport wykryncić, bo trza rano nowy kupić hehehe A od 3 lot to w tyj mufie bydzie pewno fest zapieczony...

Jakoś po 18-yj przestało nawalać śniego-deszczym. Ale jo se wyjechoł po 20-yj, wiadomo - trza było pojejść, myntalnie se przigotować itp. :> Cały dziyń przez ta pogoda jakiś synny, musiołech se przepolić po prostu. 

Jeździłech se dzisio po mieście, po oświetlonych asfaltach, bo yno ta tako aktywność pozwolo mi mojo pozycyjno lampka. Na jakiś lasy czy cuś, to zaś musiołbych do mojij mocniejszyj, "rajzowyj" lampki kupić nowe baterie. Ale mom nadzieja, że jutro abo we wtorek już byda w posiadaniu prox'a :)) Co warto odnotować z dzisiej:
- widziołech Chuck'a Norris'a na miejskim ścigancie
- suport za 35zł po tych 15kkm już je chyba do wymiany, strzylało fest na podjazdach :D
- 2x mimo pierwszyństwa na skrziżowaniu, musiołech dować po hamplach, bo debile w autach som ślepi.. czasym jak auto powoli mi wymuszo, to jo żałuja, że hamuja - typki mieliby fajno pamiontka, czy to ryska, czy ubicie. Szczególnie, jak auto prawie z salonu. Oczywiście yno moim MTB, kiere same w sobie je pancerne, taki czołg bych padoł :)

No ale przimierzom se do zakupu kamerki, bydzie co nagrywać, może już jutro zrobia zamówiynie :) Niy tam jakiś gopro za 1000zł, yno coś tańszego, prawdopodobnie sj4000. Odpola kanał na YT i bydzie zabawa :)

Mom 3. miejsce na jednyj hopce hehe kurde niy powiym, moc była i było tyż zajembiste chłodzynie (3 stopnie hehe). A co jakbych na szosie podjyżdżoł?

Pokaż trasę GPS

Kurde, dzisiejszo pogoda zaś mie rozonaczyła na amyn! Od rana sucho, patrza na prognozy iii... aż do ~18-yj max 5% szans na jakikolwiek opady. Szykuja se wiync do rajzy i dzwonia jeszcze do Daniela z Cieszyna, że jada w jego okolice - odpowiado, że tyż bydzie jeździł. Oblykom rychtyk wiosynny "setup" i w droga. Na niebie dużo chmur, ale niy widać żodnych typowo deszczowych chmur [jeszcze]... No ale już za Wodzisławym zaczyno kropić. Czasym przestowo.


Droga z Jastrzymbio © gustav

Dojyżdżom do cyntrum Jastrzymbio i prziłazi myśl, czy opłaco se dalij pyndalować. A że trocha odkrytego nieba idzie w mojo strona, to ryzykuja i jada dalij. W Zebrzydowicach już pojawio se kombo śniygu i dyszczu... Wbijom na przistanek. Jedyno rzecz, kiero mi niy dowo spokoju: czamu jo przed wyjazdym wyciepoł z mojigo koła szusblechy?? Chyba za fest zaufołech prognozom eehh tera nawet jak niy bydzie padać, to cało woda z asfaltu poleci na szczewiki i mojo żić.


Dyszczo-śniyg © gustav


Panorama z przistanku :D © gustav

Info do Daniela co i jak :D A że jedzie w mojo strona, no to ponownie porzucom myśl o jechaniu du dom. Podjyżdżom do sklepu i kupuja 3 worki i gumy do żucio (żeby niy myśleli, że po same worki przijechołech hehehe). Wracom na przistanek i robia setup:


Zamiast ochraniaczy © gustav

Przestowo padać i jada dalij. Chodnikami, bo som bardzij suche od asfaltu. Po kilku minutach zaś zaczyno  padać. Wbijom do spożywczego se ogrzoć i info do Daniela, że kaj jo je :D Po chwili nadjechoł.


Tako pogodynka © gustav


Daniel from Cieszyn ;] © gustav

Pogoda tyż go zaskoczyła, bo niby w Cieszynie jak wyjyżdżoł, to słońcym nawalało hehe. Po chwili wyłazi słońce... wiync kierunek przigranicznymi dróżkami do Karviny i Chałupek. 


I zaś trocha słońca © gustav


Masakra normalnie © gustav


W drodze do Bohumina © gustav

Mało pauza przi placu zabaw. Tam wyciepuja worki ze szczewików, bo widza soczyście niebieskie niebo dookoła [jeszcze]... :> No i wpier***om jedna żymła :D


Twierdza Bohumin ;] © gustav


Na granicy w Chałupkach © gustav

Jak pierońsko idzie zauważyć - to mie czekało na ostatnich 25km. Nic, Daniel pojechoł w swojo strona, a jooo w swojoooo hue hue... I zaś powody do wnerwiynio se na samego siebie - po cholera wyciepołech te worki??

W ta ciymność zmierzom © gustav

Już po 5min zaczło mocnij kropić. Krynciłech ostro, żeby grzoć se maksymalnie. W zasadzie jechołech czasówka :] Po poru km'ach przestoło i potym zaś zaczło, ale znacznie mocnij. Brrrr.. We Wodzisławiu zaś przestoło i wylazło słońce. Ale w szczewikach powoli basyn se robił :/ A przi 7' to je niy za dobrze. Ale musiołech strzimać, wszak du dom pora km'ów zostoło. Przijechołech, to po 20min zaś zaczło padać... Takij sinusoidy to niy pamiyntom.

No i z bajkstatym mom już objechany równik :)

Pokaż trasę GPS

Z 3 dni km'y. W grudniowe świynta 10' o 4-yj nad ranym i słonko. Teraźniejsze świynta ze 5' i z niebios wszystkie siły przyrody nadupcajom.. 


03.04.2015 hehe © gustav

I 2 nowsze ronda w rybnickij aglomeracje :D

Rondo drzewko © gustav


Rondo Mexico © gustav

Skończom se świynta i podczas niedzielnych zwykłych mszy, tych aut sam bydzie 70% mynij... Jaki z tego je morał?

Że niby świynta © gustav