Momy wieczór © gustav


...i wiosynno aura © gustav

A ponoć jutro i pojutrze mo być z 1-2st. cieplij hmmm... Praktycznie ta samo pogoda, co równy rok tymu. Pyndalowołech do Krakowa we Wilijo, 12st. o 5yj rano i mega-wiater.

Xtnt doł info, że zaś robi grubo rajza bez Rybnik, a że jo jak najpryndzyj chca być na pyndzyji... mimo wcześniejszych zapewniyń, że już nie byda jeździł po nocach kaj dalij w tympyraturze bliskij zeru, ponownie se zgodziłech... ;]
Szczegółowo relacja od xtnt

A jo zrobił gryfne wideŁo hyhy Wymyśliłech se nowe mocowanie kamery, fest mi se podobo :))

















Przed wyjazdym zjodłech słabo - yno chrupki z mlykiym... A w trasie cały chlyb ok. 400-500g, 4 kołoczki, 2 banany, paczka wafelków.
Do pyndzyje już 145km i mom na to 11dni :>

Pokaż trasę GPS

Kilometry z roboty + dzisiejszy wypad na stadion se polotać po lekkij przerwie - celym spolynio poświontecznych kalorii.. a se tego nazbiyrało w ostatnim czasie pierońsko yyhhhh


karmelowo ciut gryfniejszo ^^


zdarzały se czasym zdrowe posiłki... ;P


...ale to była zazwyczaj igła w stogu siana.


Zaś poszło w masa. Jeżeh smutny :(

A dzisiejsze lotani to miało być zaś 10km, ale na piyrwszych metrach zaczło lekko padać i z kożdym kółkiym coroz mocnij padało, beztoż postanowiłech robić gipki szpil na yno 5km. Mimo, że było 4-5st. i dyszcz, to je se przegrzywoł. Ale rekordy na każdyj długości som!
Dzisio bez koksów, yno 4move hehe.


Pokaż trasę GPS

O 15yj... Kaj tyn śniyg?? jo chca brać sanki i iś na jako hołda pozjyżdżać!

Postanowiłech zrobić dzisio pora segmyntów, głównie prawo- i lewostronny możliwie jak najbardzij po rybnickich obwodnicach - wyszło 16km i na tyj pyntelce 3 sygnalizacje świetlne i aż 17 rond! :)) Jednego KOMa mom na nowo wybudowanyj ścieżce hehe (rank 1/1), a drugigo na podjeździe, na kierym nawdychołech se aż nadto CO- SO- NO- UO- DO2 itd ;)) Zjodłech już kolacjo, wypiłech różności i dalij czuja w gymbie te chemiczne atomowe ciulstwa... A tympyraturka sztyjc w przedziale minus jedyn - zero :(
A do pyndzyje już poniżyj 400km!!
Pokaż trasę GPS

Fest wieczorno runda do Godowa do Pawła po zamówiony towar. Tym razym to niy som niylegalne koxy. O 21:30; warunki okej, yno drogi trocha niypewne, w synsie miejscami jeszcze mokrawe, beztoż trza było dować se pozor :) Przijechołech tak wiync pod jego chata, a tyn mi godo "poć se co gorkigo napić na chwila". No dobra, łaj not, se myśla. Zakludził mie do salonu, a po chwili jego rodzice prziniyśli gorko tyja oraz talyrz załadowany sznitami z tomatami, szinkom... Jydz to gustav, bo niy wyleziesz ;> I miało być na chwila, a wyszło prawie 2h fandzolynio o roztomańtych pierdołach hehehe ;)) Godalimy o maratonach, o braku śniegu - tudzież globalnym ocieplyniu... o boksie, bo direkt lecioł w TV i o tym, jak jo to jym tony jedzynio na rajzach, a inni tela co nic. A mojo puenta na koniec "najlepij to do koła zamocować prziczepka, na nia dać bojler, zaloć do pełna, poprowadzić szlauch (czyli wąż ogrodowy) i momy bukłak w wersji XXL" rozbawiła gospodorzy fest! :>

Noo to tak wyglondo przeważnie zapowiadany z poczontku byzuch "na chwila" hyhyhy :]

Yno kurde w tym Godowie coś niytypowe tympyraturki jak na grudziyń hmm...

Grudniowy hyc! © gustav

No i 4fun'owym tympym do Rybnika, rundka bez cyntrum i w doma o 2:30.

Przelotowo bomba © gustav


Słońce i Neptun © gustav

Im pryndzyj na pyndzyji, tym lepij - a zostało już 468km i max 19dni :)

Prognozy na weekend były taki - słoneczko i wiatr o podwyższonyj sile rażynia; ale w sobota ta siła miała być delikatnie mniyjszo. W piontek napierniczało ostro i tera jak to pisza, a je niedziela - to już za oknym sztorm! A wczorej był mocny wiatr, ale w porywach; ogólnie szło se kulać.

Z automatu na poczontek relacja dokładno od xtnt

No i jego multum fotek

Jo fotki mom tragicznyj jakości z kamerki, wiync nima sysnu wciepować, ale zrobiłech za to kosmiczny fimik :))

Także prziszłech z roboty, poszłech se pospać na 2h, potym do biedrony po jedzynie na rajza, szykowani wszystkigo i wyjazd o 21:30 po Tomka do Dąbrowy. Ogólnie niydowno przirzekłech se, że do końca roku nie byda robił rajz wiynkszych jak 200-220km, bo jazda w nocy przi prawie mrozie to je katowanie se na życzynie. No ale zapowiadane prognozy mie jakoś zmotywowały, bo miało być w nocy 2-3st. i pochmurno - czyli ujdzie. Ale chmury kajś wyemigrowały, pojawiło se czyste niebo, co za tym idzie - w środku nocy aż do rana od 0 do 2st, tyle że mocny wiatr potyngowoł zimno.
W Dąbrowie po północy było jeszcze 6-7st. i pojechalimy na jakiś zamek do Będzina, potym na jezioro Pogoria (strava niy ogarnyła tego odcinka... mom 17km pas startowy LOL). Od tych rejonów właśnie spadła tympyratura do wspomnianych mroźnych wartości yhh. Aż żech musioł oblyc 4. warstwa w postaci kurtki niby przeciwdeszczowyj, kiero znalozłech w pywnicy (ale je tak rozmiar-dwa za mało hehe ale ujdzie). W nocy wiatr spokojny aż do rana, ale w 3 dupy mgieł - czyli kolejno dawka zimna. Teraz juz mom w użyciu Gianta na odpowiednich oponach, bo na szosie bych se trocha boł jechać, momyntami było niebezpiecznie.
Dojechalimy do cyntrum Jasnyj Hołdy po 8yj i szukalimy miejsca na zjedzynie czego ciepłego. Wszystko otwarte od 9, z wyj. McDonalda, w kierym żeby pojeść se, to trza mieć ze 50zł (jo se jednym burgerym niy najym.. kto mie zno tyn wiy hehe). No to kryncilimy po mieście... Wybiła 9, podjjechalimy do lokalu z tanimi obiadami, i mimo że pisało o otwarciu o 9, to typki kozali przijść za godzina... co za ch***! Kiery to lokal - xtnt opisoł u siebie. Szukalimy dalij. Jest kaufland ze stoiskiym z kurczakami. No niy ma wyjścia, trza brać! Jo se wziył CAŁEGO kurczaka i tym "zestawym" se pojodłech jak należy :)) Wiatr doś mocny zaczył se uruchamiać gynał jak wyjyżdżalimy. I tak przez te wszystki zadupia była walka, był konkretny tryning, była prawie że rowerowo depresja. W kategorii siły wiatru to była drugo najtrudniejszo rajza w życiu, ocyniom na 7-8/10. 10 to oczywiście mojo wigilijno zeszłoroczno rajza z Krakowa, kiedy to na szosie na prostyj jechołech średnio 15km/h, tera było tela abo ciut wiyncyj na mtb.
W Gliwicach postój na tankszteli, a potym trocha dalij rozdzielomy se. Próbowołech jechać prawie że czasówka, ale no niy szło.
Tu dodom jedne foto yno, fest gryfne czerwone niebo!!
W Rybniku jeszcze dokryncani do symbolicznych, ostatnich 300km w tym roku, już normalnie miołech doś pyndalowanio, ale jeszcze nie byłech wyplompany hehe.
A do pyndzyje już 600km z groszami :))
Licznik mi zanotowoł 6163, a strava 5178 kalorii hmm
Je to tyż moji najdłuższe czasowo 300km w życiu - 21,5h brutto. Czyli dokładnie tyle, ile zajyło mi zrobiynie 510km na ślonskim maratonie yhyhy

A godołech, żeby jechać spontanicznie na Warszawa, idealnie z wiatrym, to niyyy... bo cugi za drogie yhmhm :>

Wideo wyjontkowo zrobiłech zamiast 1080p w 30fps, to 720p w 60fps. Pogorszono jakość jest zauważalno, ale płynniejszy obraz już niy bardzo...




Pokaż trasę GPS