Kajś mi se straciła po przijechaniu w niedziela tylno lampka, za pierona niy umia jij znalyź... Niby mom zapasowo, ale przeca w przirodzie nic niy ginie hmm

abo mi kto pod sklepym podpierniczył, abo jo kajś w doma położył, abo UFO..

Czyli górski plan B na dzisiejszy dziyń. W planach góry były, to je recht. Plan A nie wypolił, bo miołech popyndalować w strona Międzybrodzia na ustawka z Karelym i zaś tymi pieronami z Jaworzna, ale piyrwszy roz mój sprawdzony budzik niy doł rady... :/ Żeby dojechać na ustalono godzina tam do Międzybrodzia, to musiołbych wyjechać najpóźnij o 6-yj, tymczasym jo se obudził przed 7-mą (jakoś zaisto-nadludzko moc chciała, żebych dzisio rychtyk walnył doś gryfnego tripa i mie obudziła hehe). Już w kuchni za dużo czasu straciłech na przigotowywowywowanie (xD) ryżu. To nie był zwykły ryż, to był jakiś ciymniejszy. Taki, co zamiast wreć we wrawyj wodzie ze 12min, to wroł prawie 30... Prawie 2 paczki tego chińskigo pieroństwa wmłociłech i poszłech se oblykać i pakować. Do tasze załadowołech dziyń wcześnij kupione: oshee, 5 żymłów i 6 bananów. MP3-ójka już koniecznie, bo tydziyń tymu, jak żeh robił 200km, to do łepy szło dostać z tyj ciszy w uszach :> Wyjechołech o 8:15. Najniższo temperaturka na liczniku to było niycałe 4'. A im bliżyj połednia, tym corozki cieplyj. W Skoczowie piyrwszo pauza na jedzonko, wtedy na wiślance mignył se 16-osobowy peletonik, nooo konkretnie już :) W Ustroniu zakupy - 3 banany i woda.


Ustroń, parking © gustav

Pyndalowało se elegancko, nawet żeh jechoł dość żwawo, była moc :P Chyba przez te banany hehe.

Potym na Wisła. W tym mieście drogi som do żici!!!


Skocznia w Wiśle © gustav

Nooo a potym to już direkt pyndalowani na 930mnpm. Yno musiołech se trocha "zimowych" lontów seblyc, bo fest grzoło. Jo na tym podjeździe mioł kilka pauzów, bo musiołech sztyjc knipsować. W doma tego niy ma, to trza korzystać :D Taki som tego efekty:


Na podjeździe © gustav


Temperaturka © gustav


Na podjeździe 2 © gustav


Podjazd panorama © gustav


Na podjeździe 3 © gustav

Jakoś na wiyrch se wturlołech, noo a tam jeszcze ferie zimowe hehe


Na szczycie © gustav


Na szczycie 2 © gustav


Na szczycie 3 © gustav

Jak by to były jaki igrzyska olimpijski WISŁA2014, to bych se co podziwoł, bo ogólnie nic ciykawego. Zjazd w dół był doś opaterny (mom złe wspomnienia sprzed 2 lot, bo żeh wjechoł wtedy w dziura i była pana). Już w Szczyrku doł znać o siebie wschodni wiater, zimny i momyntami nawet niesłaby. Aż do samego Bielska jechołech w dół, mało kiedy jako hopka se znalazła. I powiym szczerze - fest mie to znudziło! Chyba piyrwszy roz w życiu. Jakoś średnio mi siedzom te górski teryny...

W BB zrobiłech se postój na ławeczce na skrziżowaniu. Zjodłech reszta żymłów i ze 3 banany. Pogoda cołki czos bombon! :))


Bielsko-Biała © gustav

W drodze na Strumień oblykłech nazot moji "zimowe" elemynty, bo już temperaturka w okolicach jakoś 12'. Tam kajś jeszcze kupiłech woda i batona. Dalij mi se jechało gryfnie, w zasadzie średnio cołki czos minimalnie szła do góry. Ani żeh niy dokryncoł do zaś np. 200, bo przijechołech przed 16:30, a o 17 były już derby Madrytu :P No ale trip udany, no i piyrwszy roz byłech w górach o takij porze roku.

176km i zero nowych gmin :D

Pokaż trasę GPS

No niestety, niy dobiłech do 600km w lutym, beztoż w marcu zamiast obcyrklowanych 700km, byda musioł zrobić 800! Tako kara hehe. Monyj jutro już spory procynt tego przepyndaluja :>

Wczoraj żeh już zdychoł prawie, zaro po robocie musiołech se legnyć, bo żeh był słaby pieruńsko. Dzisio je już całkiym okej, a że obejrzołech pogoda i w niedziela mo być 12' i słoneczko, to już chyba wiycie, co mi po łepie chodzi :D

Swojom drogom, dalij niy kapuja jednego - momy piykno, już prawie wiosynno pogoda, a te ciamcioki we "fitness studio" (obok kierego przejyżdżom codziynnie) płacom kasa, żeby mogli se polotać na ruchomyj, czornyj i gumowyj dylówce -_- Nooo ja, tacy to pewno czekajom, aż bydzie dopiryo 20 stopni na dworze, żeby se niy rozchorować...


Cyntrum "odnowy" © gustav

Po kolei :P Wybrołech se po robocie, abo jak kto woli - po szychcie - popyndalować po wsi celym nadrobienio km'ów. Chciołech zrobić jakiś 50. Patrza na chiński termometr wewnyntrzno-zewnyntrzny,  wiela momy stopni w tyj drugij opcji i pokozało aż 6. Se myśla "aa ubiera 2 pary fuzekli zimowych, to powinno styknyć na te 2 godzinki". Noo jak żeh wyjechoł z chaty, to już po 2 kilometrach było na liczniku ze 3 stopnie. Po jakichś 15km już miołech yno jedna myśl - trza dupać jak najpryndzyj du dom, bo mi szłapy zaroz odpadnom. Na liczniku miołech najmyni -0,5 stopnia hehe. Jak jo wloz do mojij ogrzotyj izby - to choby bych był w raju :D

No ale za to mogłech pryndzyj już przimierzyć BS-owski strój, kiery dzisio mi prziszoł rano poranoście minut przed wyjściym do roboty :>
Powiym tak - BOMBON!!! :)) Cało mojo opinia bydzie na forum w wiadomym temacie. Ale tu już moga dodać, że owe spodynki som w rozmiarze M i jeżeh w stanie zamiynić je na rozmiar L z osobami zainteresowanymi (abo tyż moga je po prostu odsprzedać), bo tyn dolny gumowy pasek troszyczka ucisko (mały dyskomforcik, ale do sie przeżyć).  Najważniejsze, że niejedyn chlyb sie zmieści w kapsach!! :D :D


Strój BS z przodu © gustav


Strój BS z tyłu © gustav

Było dzisio czuć wczorajszy trip w szłapach hehe tympo full rekreacyjne :> ale jutro już kolarka powinna być main koło po robocie, 600 same se niy zrobi