Odpolyłech polsat celym obejrzynio se pogody i co jo zejrzoł - lato w grudniu! Kuźwa co je grane? :D:D Już zaro piyrwszo myśl - pojutrze jada w dupno rajza, a co! Potym wolołech se jednak upewnić na inkszyj pogodzie iii... wszystko wróciło do normalności... :>
Pan Horczyczak z ekipom fajnie zachloli w te mikołajki hłehłehłe ^^

I zaś seteczka do kolekcje ^^ I zaś niymalże tyn som dystans, co wczorej hehe. Dzisio jednak mynij wartościowy był obiod, wiync wiedziołech, że wczorejszego wyczynu niy pobija. Traska do Pszczyny, pod dalij wschodni wiater. Ale słońca dzisio trocha było i 6-7'.

Słonko napierniczo! © gustav


Pszczyna zamek © gustav

Dzisio testowołech grubszo kurtka, tako rychtyk na narty. W słońcu se przegrzywołech z leksza, ale już przi zachodzie (1-2') w zasadzie było perfecto!
Nazot z Pszczyny na Pawłowice. Po drodze kupiłech woda i 2 dupne ptysie - na bank wiedziołech, że bydom potrzebne :D

Robi se cima © gustav

Wiślanka wiadomo - poezja. W Żorach na przistanku zjodłech owe ptysie, bo coś se pusto powoli w basie robiło heheh a i tyż carbowyngle se skończyły w bidonach. Stykło pora minut, żeby odczuć napływ mocy :> W Rybniku zaś z 10km musiołech dokryncać do setki, a du dom przijechołech w lepszym stanie, niż wczorej - szło jeszcze robić małe sprinty.
By niy te ptysie, to je po mie :D Wyplompanie na 200% hehe


ooo Speed mo już 20000km przejechane :>

W końcu zrobiłech setka, uwaga! bez grama jedzynio na cołkim odcinku :> I to jeszcze w grudniowyj tympuraturce, kaj zapotrzebowani na jedzonko je niby wiynksze (mom recht?). Po zjedzyniu śniodanio kole 11, miołech zarozki wyjechać, ale musiołech niystety przesunyć wyjazd. Wiync poczekołech na obiod i wyjechołech po 14. Wziyłech 2 żymły z kyjzom, a w bidonach pomarańczowy carbomax <3 Był w tesco, to se kupiłech. 940g czystych wyngli za 2 dychy to se opłaco, a myśla na nowy rok zrobia wiynksze zamówiynie wszystkich koksów, to jeszcze tanij bydzie :> Ogólnie tympyraturka dzisio 3-4' !! Piyrw do Rud. Zauważyłech, że już niy ma tego porywistego wiatru, co ostatnio, wiync pyndalowało se glanc puc cycuc :D Potym na Racibórz. W Krzyżanowicach zatrzimała mie policjo... Pytali sie, czamu jada bez zadnij lampki. To padołech, że mom ja zaczepiono w kasku. I jak se okozało - niy widać jij, bo mojo pukeltasza jom zasłanio... Kuźwa dobrze, że miołech tona odblasków. Padali, że mom to jakoś umiejscowić, żeby było widać i tela. Jakoś ta lampka na opaska odblaskowo zaczepiłech, z tym, że ciut było pod kontym na wiyrch, ale było widać o! 
Już od Chałupek do Rybnika same hopki. Przeszło 70km zrobione i jak to zawsze bywo - już powiniynech coś wszamać skuli pojawiajoncego se głodu. A dzisio - nic a nic! baaa na tych hopkach mi se elegancko podjyżdżało. Koksy robiom swoje :D Z tym, że se już kończyły heheheh. We Wodzisławiu zostało mi góra 200ml i ze 15km do setki. A jednak wdupiłech se na tanksztela po 1,5l wody. Dobrze, że zatankowołech, bo na kolejnych km'ach se chciało pić jak pieron. Powiym tak: takigo rychtyk głodu niy było, ale tympo jednak ciut zmniejszyłech. Chyba wyngle se "wypolyły" :> Na prostyj ciynżko było 30+ utrzimać, ale dojechołech du dom bez jakigoś wyplompanio. I tyż od razu do lodówki jakoś niy ciulołech, jak to zazwyczaj bywo :D
Jutro tyż jakoś rajza myśla wpadnie, bo listopadowe km'y cza nadrobiać.

Podziwać se, co tam je ciekawego, czego niy ma w Rybniku. Kupiłech yno klocki do mtb. 

Tyn miesionc zaczynom lepij, niż poprzedni :D bydzie dobrze! 

#momnadzieja 

hehe jak niy bydzie ultra-mrozów, to monyj do tyj 17-ki dobija :>

#momnadzieja2

Za oknym na minusie, a dokładnij -2' do -3' wiync trza było zrobić ciut dłuższy test, jeśli chodzi o zimowe lonty :>
Ogólnie jazda o tyj porze roku to już niy ma fun. Same oblykani se do jazdy trwo dobrych pora minut. Ochraniacze na szczewiki, nakolanniki, galotki do lotanio + galotki zimowe, taki rychtyk rube, koszulka termo + kolarsko + kurtka przeciwdyszczowo, czopka, kominiarka, polarowy "komin", rynkawiczki = jeżeś pora kilogramów ciynżejszy i bardzij niy-aero :P
Chciołech zrobić pyntelka po okolicy i potym ewentualnie dokryncać do 100km, jak bydzie se gryfnie pyndalowało. Czyli wstympnie do Żor, Pawłowic, Jastrzębia, Wodzisławia.

Taaa :D

Trocha zima już je © gustav


Na wiślance © gustav



Ogólnie wioł fest niyfajny wiater ze wschodu. Do Żor se czołgołech, że tak powiym, na wiślance w miara, do Jastrzębia już elegancko (nawet na podjazdach pod 30km/h o!). W Jastrzębiu odkryłech już otwarto nowo obwodnica. Droga piykno! Fajnie zrobiono, same hopki, idzie potrynować :)

Jastrzębie - nowo DW933 © gustav


DW933 bombon! © gustav

We Wodzisławiu przi 55km już zaczył se i wiater w mojo strona i głód powoli. Zjodłech 2 torebki ryżu przed wyjazdym i yno na tela stykło. W lecie to przeważnie styko na 70-80km. Ani mi se już niy chciało czego kupować w sklepie, bo w doma czekoł już obiod :P

Jeśli chodzi o lonty - te rynkawiczki z decathlonu kurde dały rada, bo nic zima niy było. Ale wczoraj 20min byłech w nich na dworze, to palce fest zmrożone...Wniosek - trza być nonstop w ruchu. A ochraniacze na szczewiki i jedne fuzekle zimowe tyż dały rada, chocioż w lewym szczewiku trocha bardzij mi było zima hmm

Ogólnie, najcieplij: -1.9' a najzimnij: -2.8' :D

Nowe oponki w MTB - Schwalbe Marathon 26x1.75. Ponoć pancerne i wytrziałe skur***czybyki :D :D Moji dotychczasowe Continentale Sport Contact wytrzimały 11kkm i jeszcze wyglondajom tak, że może 1 abo i 2kkm by przejechały, ale niy chciało mi se już zamawiać na necie specjalnych dyntek pod te opony, bo 26x1.3 to fest ciynżko dostać w sklepie.

...a raczyj jednyj dyntki, kieryj już se niy do pokleić chyba, bo dziury w 4 miejscach som :D

Beztoż kupiłech opony, do kierych dostana dyntki wszyndzi na wsi :> Jako se jeździ? Inakszy :P W oporach na asfalcie to yno troszka odstajom od Conti; no ale som dużo ciynżejsze; włażyni we winkiel je taki bardzij elastyczne; ale som wygodniejsze w teryn. No i majom gryfne odblaski :P Jutro wciepna aktualne foto do BS'owego garażu :>


Nocne lamperie © gustav

Musza coś wiyncyj jeździć i tyż systematycznij, bo je lipa w formie. Dzisio padło na ultra-czelyndż (:D) - ulubiono pyntelka do 100km, czyli do Gliwic, Mikołowa, Żor i prosto na chata. Pogoda ogólnie okej, słonecznie, wiater słaby ze wschodu przed połedniym. Tympo takie "niykompromitujonce" :D Dojechołech do Sośnicy, jakiś fotki samojebki...

Widoki na Sośnicy © gustav

Najcieplij dzisio na liczniku było 8' z ułamkiym.

Tympyraturka © gustav


Galoty, bidon i te sprawy © gustav

I potym podziwołech se na niebo i co? Od północy cima jak pieron! (pryndzyj jakoś tego niy widziołech hmm). A co gorsze - to szło w mojo strona! Gipko decyzjo - wolołech ciulać nazot, niż mieć styczność z ewentualnym deszczym.


Idzie sztorm ^^ © gustav

I w drodze na Rybnik wiater zmiynił kierunek na bardzij południowy... W ogóle jakoś słabo se pyndalowało, bez mocy. Przed wyjazdym coś wyngli wmłociłech, ale widocznie za mało hehe. Dodatkowo w szłapach jeszcze mie trzimały skutki lotanio (tzn. bieganio) 2 dni tymu. Ale lotać już niy byda, bo je to jakoś nudne tak som, za wolno przede wszystkim ^^ W Rybniku już urlopowym tympym. Pod hopka to nawet niy umiołech dogonić gościa w dżinsach na mtb... 

A po połedniu zamontowołech taki coś (do mtb mojigo):

Jutro official test hehe

Przetestować nowe rynkawice z decathlonu. Bez piyrwsze kilometry coś odczuwołech lekki chłód, ale jak żeh se zagrzoł, to już było wszystko okej :> W 5' bombon, obejrzymy jak bydzie kole 0'.

czyli piyrwsze kilometry Speedym w listopadzie... ale niy ostatnie chyba :D Bez ostatni tydziyń trocha przibrołech na wodze, wiync trza bydzie nadmiar spolić hehe