Kurde, dzisiejszo pogoda zaś mie rozonaczyła na amyn! Od rana sucho, patrza na prognozy iii... aż do ~18-yj max 5% szans na jakikolwiek opady. Szykuja se wiync do rajzy i dzwonia jeszcze do Daniela z Cieszyna, że jada w jego okolice - odpowiado, że tyż bydzie jeździł. Oblykom rychtyk wiosynny "setup" i w droga. Na niebie dużo chmur, ale niy widać żodnych typowo deszczowych chmur [jeszcze]... No ale już za Wodzisławym zaczyno kropić. Czasym przestowo.


Droga z Jastrzymbio © gustav

Dojyżdżom do cyntrum Jastrzymbio i prziłazi myśl, czy opłaco se dalij pyndalować. A że trocha odkrytego nieba idzie w mojo strona, to ryzykuja i jada dalij. W Zebrzydowicach już pojawio se kombo śniygu i dyszczu... Wbijom na przistanek. Jedyno rzecz, kiero mi niy dowo spokoju: czamu jo przed wyjazdym wyciepoł z mojigo koła szusblechy?? Chyba za fest zaufołech prognozom eehh tera nawet jak niy bydzie padać, to cało woda z asfaltu poleci na szczewiki i mojo żić.


Dyszczo-śniyg © gustav


Panorama z przistanku :D © gustav

Info do Daniela co i jak :D A że jedzie w mojo strona, no to ponownie porzucom myśl o jechaniu du dom. Podjyżdżom do sklepu i kupuja 3 worki i gumy do żucio (żeby niy myśleli, że po same worki przijechołech hehehe). Wracom na przistanek i robia setup:


Zamiast ochraniaczy © gustav

Przestowo padać i jada dalij. Chodnikami, bo som bardzij suche od asfaltu. Po kilku minutach zaś zaczyno  padać. Wbijom do spożywczego se ogrzoć i info do Daniela, że kaj jo je :D Po chwili nadjechoł.


Tako pogodynka © gustav


Daniel from Cieszyn ;] © gustav

Pogoda tyż go zaskoczyła, bo niby w Cieszynie jak wyjyżdżoł, to słońcym nawalało hehe. Po chwili wyłazi słońce... wiync kierunek przigranicznymi dróżkami do Karviny i Chałupek. 


I zaś trocha słońca © gustav


Masakra normalnie © gustav


W drodze do Bohumina © gustav

Mało pauza przi placu zabaw. Tam wyciepuja worki ze szczewików, bo widza soczyście niebieskie niebo dookoła [jeszcze]... :> No i wpier***om jedna żymła :D


Twierdza Bohumin ;] © gustav


Na granicy w Chałupkach © gustav

Jak pierońsko idzie zauważyć - to mie czekało na ostatnich 25km. Nic, Daniel pojechoł w swojo strona, a jooo w swojoooo hue hue... I zaś powody do wnerwiynio se na samego siebie - po cholera wyciepołech te worki??

W ta ciymność zmierzom © gustav

Już po 5min zaczło mocnij kropić. Krynciłech ostro, żeby grzoć se maksymalnie. W zasadzie jechołech czasówka :] Po poru km'ach przestoło i potym zaś zaczło, ale znacznie mocnij. Brrrr.. We Wodzisławiu zaś przestoło i wylazło słońce. Ale w szczewikach powoli basyn se robił :/ A przi 7' to je niy za dobrze. Ale musiołech strzimać, wszak du dom pora km'ów zostoło. Przijechołech, to po 20min zaś zaczło padać... Takij sinusoidy to niy pamiyntom.

No i z bajkstatym mom już objechany równik :)

Pokaż trasę GPS

Z 3 dni km'y. W grudniowe świynta 10' o 4-yj nad ranym i słonko. Teraźniejsze świynta ze 5' i z niebios wszystkie siły przyrody nadupcajom.. 


03.04.2015 hehe © gustav

I 2 nowsze ronda w rybnickij aglomeracje :D

Rondo drzewko © gustav


Rondo Mexico © gustav

Skończom se świynta i podczas niedzielnych zwykłych mszy, tych aut sam bydzie 70% mynij... Jaki z tego je morał?

Że niby świynta © gustav

Czas na zabawa z wymiarym sprawiedliwości. Nasze kochane ubezpieczalnie wiedzom, jak wk***ić ludzi.
Zanim siedna na szosa, to nastanie jesiyń... O ile sprawa wyjdzie na plus.

I ogólnie dzisio dostołech przesyłka z nowom oponom - ta, kiero reklamowołech. Od razu se lepij pyndaluje, jakoś tak ciszyj i ciut gipcij. Bo ta tymczasowo staro oponka miała zauważalnie wiynksze opory toczynio. Także wieczorkiym teścik na miasto :)



Noo a w tym aucie leżakujom stróże prawa - miejscy...

Cyl na dzisio, abo ewentualnie na jutro - 56km, żeby w tym marcu wyonaczyć 2kkm. Jako, że pogody ciulate zapowiadajom, a i dziyń dzisiejszy tyż mioł być ciulaty pogodowo, no to z racje, że trza chytać okazje - wyruszyłech w południe, kiedy [jeszcze] niy padało, baaa - nawet trocha słońca bez momynt w chmurach se pokozało o! Ale w tych szarościach to była rzadkość. Wioło z zachodu, jak skur... :D

No. Opcje były taki:
-zacznie padać i zawróca nazot
-zacznie padać i byda napie***loł aż do 56km :D
-bydzie pic jak cholera, czyli z wielkij chmury mały/zerowy dyszcz i zrobia na lajcie owe 56km

Jadymy na wojna! © gustav

Po 8km zaczło kropić. A razym z silnym wiatrym zaczło mi trocha piździeć po łepie, mimo, że miołech kominiarka. Nic - seblykłech moji rynkawiczki polarowe i wkomponowołech je pod kominiarka. Pomogło.


Po 10km - bez zmian © gustav 

Po chwili przestało kropić i te chwile radochy trwały aż do cyntrum Żor. Potym to już niy kropiło, a normalnie padało. No i jechołech pod pieroński sztorm! Na 2 skrziżowaniach łapłech se tir-a, ale w sumie 1km yno ugrołech w "tunelu aero". W pewnym monyncie zaczło nadupczać śniegiym i gradym... Masakra jakoś, lonty przemoczone, w szczewikach powoli basynik se robił. A że było 6-7 stopni, to wiadomo, jak to wyniszczo organizm. Od razu na BP na chwilka se ogrzoć. Palce już zmrożone fest z braku rynkawiczek. Te w szczewikach jeszcze po japońsku - jako-tako hehe.. Prosza obsługa o 2 worki. Jedyn żeby zawinyć telefon, drugi pod kask. Dołbych jeszcze do szczewików, ale jak se niy mo galotów przeciwdyszczowych, a tym bardzij już je prawie basyn, to to nic niy do.

W sumie fajnie se ludzie na mie gapili hehe


Na tankszteli © gustav


Śniyg, grad © gustav

Z "uśmiychym" na gymbie ruszyłech dalij. Władowołech se w ta prawie ulywa z nadziejom, że jakoś te ostatni 17km przepyndaluja "w gazie". Nic z tego - po 3km już niy czułech palców, zahamować to był wyczyn. Wbiłech na kolejno tanksztela i po poru minutach wyszło słońce... Wyciongłech rynkawiczki spod kominiarki i jazda dalij. 2km od domu brakowało mi jeszcze 7km, wiync ruszyłech na Radlin, specjalnie na 7/11% żeby cołki czos se dogrzywać. W cyntrum Radlina jak zaś ciulło gradym, to yno roz, a konkretnie. Aż dziwne, że w brylach szkiełka som w całości :D To je nojbardzij niynormalno 50-tka, jako zrobiłech w życiu. Ale wojna z deszczym wygrołech i rowerowy plan wykonany!

Po pół godzinie od przijazdu:

Zmiynno aura FEST! © gustav

Potym zaś masa chmur. I tak w kółko dzisio.
Kawa abo tyj? I to i to :P + nutella i gorki chlyb tostowy hehehe Po takij rajzie trza :P

Smakowicie ;] © gustav

Te 6 zdiynć ładowołech dobre 20min :>

Pokaż trasę GPS

Sumina - Racibórz - Rudy - i po mieście ;] Doś tak wioło z SW, ale se kulołech hehe ostatnie kilometry w małym deszczyku.


Hołda tam dalekoo © gustav


Jakiś ślady na polu © gustav

W cyntrum Rybnika przebudowa niydowno otwartego skrziżowanio... I pomyśleć, jacy debile robili tyn projekt. Pewno magistry inżyniery.. Zachciało im se wysepki spowalniajoncyj, żeby poprawić bezpieczyństwo, a w rezultacie autobusy musiały hamować do 3km/h, żeby niy uszkodzić podwozia...

http://www.rybnik.com.pl/fotogaleria,ruszyl-remont...

Noo i trwo budowa już CZWORTEGO lidla. Choy, że na przeciw już je tesco, 2km dalij aldi, 3km dalij biedronka, 4km dalij kolejno biedronka i zaś lidl...

Musiołech se zmotywować na jakiś dalsze km'y. Ale fest mi se niy chciało. Ale musiołech. Ostatnie wolne dni, bo od 1 kwietnia zaczynom nowo robota. Miało być jakiś 200 coś na Koniaków, jednak stwierdziłech, że im pryndzyj skończa gminny plan, tym lepij dlo mojigo samopoczucia. Bez wyjścio - jada po 3 gminy w okolice Rabki Zdrój. 
Wyjazd 4:20. Jeszcze niykiere roślinki zmrożone. Ale do czasu :) Wiatr prawie niyodczuwalny.

Wschód słońca © gustav

Do Makowa mogłech jechać w miara płaskimi, lekko pagórkowatymi terynami przez Pszczyna, Wadowice, ale na dziyń dzisiejszy już rzigom tym odcinkiym.. ostatnio co chwila tam przejyżdżom. Musiołech zrobić alternatywa przez BB-Żywiec. A tam jak wiadomo, hopek w trzi dupy... ;> Przed BB postój na seblyczyni lontów - kurtka, nakolanniki, galotki, ochraniacze, czopka - out! Jedyn nakolannik mi wpod do jakijś rzeczki, abo gnojok to był? W gruncie rzeczy niy za czysto papka :D 7 rano, a jo już w spodynkach hehehe w słońcu spokojnie ponad 10'. No i już w BB zauważalnie zaczło wioć z S, SW :/

BB na ścieżce © gustav

Przed Przegibkiym wbijom do sklypu po woda i 4 kołoczki (a jaki tani i smaczne!!).

Podjazd na Przegibek © gustav


Żar standardowo © gustav

Kapitalny widok! Szkoda, że przejrzystość lufu średnio hehe

Wielko hołda na horyzoncie (zoom) © gustav

Jak wspomniołech, odcinek z Żywca sztyjc góra-dół. Ale przinajmij wspomna se downo niyprzejyżdżany asfalt :) A ostatnie 8-10km do Suchej to w zasadzie jazda w dół :)) W tymże mieście kupuja woda i już 5 kołoczków ;D świyże, piyknie woniajonce, miodzio po prostu.
I potym to już ekspansja po gminy na DK28 - obok DK81, mojo ulubiono krajówka :> Szkoda, że tak daleko do nij mom...

Chyba Jordanów © gustav

W miasteczku Naprawa skryncom po 2 gminy. Z SW wioło momyntami fest mocno... Jak żeh rozłożył mojo mapa, to mi jom prawie roztargało...

DK7 dzisio pusto © gustav

I prosto po ostatnio gmina - Niedźwiedź. Jechołech po nia dzisio, bo przi nastympnym gminobraniu byda mioł już lepij logistycznie rozłożono trasa. I dobrze, że dzisio...
Na mojij mapie niy było przejazdu z Olszówki do Niedźwiedzia, za to już w gps'ie był 1 czy 2 warianty, oczywiście rowerowe warianty. No to jechołech.

Rzeczka Raba © gustav

Cołki czos wg śladu...

W poszukiwaniu... Niedźwiedzia © gustav


Taki teryny! © gustav

Ścianki momyntami dobre 15% hehe. No ale prziszoł kres, asfalt se skończył...

Kaj jo kufa je??? © gustav

Od tego momyntu w zasadzie zaczyłech bawić se w kolarstwo terynowe.. Wiyncyj cisłech te koło, niż pyndalowolech.
Jakiś fajny piesek se pojawił z niydalekich gospodarstw :)

Kompan na szlaku © gustav

Po dobryj pół godzinie dotarłech na szczyt kurde!

No wyżyj już niy szło wylyźć :D © gustav

Do tego miejscja moji morale były [jeszcze] w miara dobrym poziomie.

Jakoś miejscówka © gustav

Wg śladu gps - miołech iść w strona, kaj wszyndzi był śniyg i pełno roślinności. Kolcowatyj roślinności, istotnie. Owo droga była zasypano, rzecz jasno, wiync chodziłech tam, kaj go było wizualnie najmynij. Czasym zjyżdżołech. Roz mie coś stopło, wiync sie wkomponowołech w cołki tyn bioły puch. Dobrze, że było to zmrożone jeszcze, a niy taki błoto czy coś. Szczewiki, fuzekle - mokre.
Skóra odczuła kontakt z tymi wszystkimi roślinkami. W 2 miejscach to nawet krew se pojawiyła ehh.. Noo i już moji morale spodły maksymalnie.

Śniyg, kłujonce haszcze © gustav

Na widok asfaltu i chałupek od razu se polepszyło.

Cywilizacjo!! © gustav

Ostatni roz zdobywom w tyn sposób gmina. Jechołbych objazdym, ale i asfaltym - to bych i tak zaoszczyndził monyj nawet godzina. W Mszanie do sklypu po tym razym 5 chałek słodkawych i woda. I prosto na Wadowice bez kombinowanio. Pod wiater, kiery dalij zacnie wioł..

Suszing fuzekli © gustav


Uroki DK28 :) © gustav


Most w Suchej Beskidzkiej © gustav

Zadzwoniłech do Karela, że chyntnie wprosiłbych se na jakiś jedzonko, wszak ostatnio som to zaproponowoł hehe. Przed Wadowicami jeszcze ubrołech se i kupiłech jeszcze jedno woda.

Taki jedzonko w takij rajzie bardzo pomogo. Musza prziznać - nudle po andrychowsku to je już coś! :> Trza bydzie czyńścij tam jeździć hehehe W sumie cało pauza trwała prawie godzinka. Wyjechołech jakoś o 20:30 i kierowołech se na tymczasowo znienawidzony odcinek przez Pszczyna. Dobrze, że noc była, jakoś mi te kilometry w miara gipko zeszły. Wiater od Pszczyny w zasadzie już niyodczuwalny. W doma o 0:30. Moc była w szłapach konkretno, ale zaś mały deficyt posiłkowy na ostatnich kilometrach. Kurtki niy miołech oblyczonyj, yno koszulka termo + kolarsko i było optymalnie.

Wyżerka u Karela ;] © gustav

Dobrze, że te gminobrani mom już za sobom. Zostały 3 mega wyjazdy po >500km w cylu zdobycio 100% gmin tego województwa.
Czas i piesze kilometry (góra 2) - wliczone do statystyk. Także średnio z trasy pod 23 bydzie myśla.

Pokaż trasę GPS

0,000001mb/s (a może kb/s?) do końca miesionca... Ważne, że tanij, że som pozorne oszczyndności, kiere i tak som przewalone na nic ambitnego. To yno jedyn przikład. Jeżeh bezradny na idee pewnych ludzi. Niyrowerowe przemyślynia, ale istotne w kontekście m.in. tego bloga. Z dzisiejszyj przejażdżki mom trocha gryfnych fotek, ale dom yno taki. Wciepywani reszty trwałoby z godzina...

Mojo oaza spokoju.

Rześkooo z rana :>