Do roboty x3 i na pizza hehe

Rajza po robocie na Bełchatów ogarnięto z problemami, ale 460km wpadło. Póki co, niy ma czasu na wpis i wideo, co za tym idzie - na BSowe okiynko ehehe. Ale tyn pieron CFCFan i tak by mie wyciepoł, bo zrobił w tym samym czasie ponoć ponad 500km ;) Foty na zachęta na stravie.

Pokaż trasę GPS

W robocie patologia, jeśli chodzi o wolne... Można rzec - cudym wynegocjowołech wolne na 1,5 dnia o.0 Zatym w piątek o 17 w doma, przigotowania i wyjazd przed 20 pod bazylika, kaj był start Rybnik Night Cycling - wszyscy jechalimy do Gliwic. Jo z Maciejym po swoje rekordy, Darek na MTB do Warszawy tyż po swój rekord, a reszta ekipy kajś po lokalnych zadupiach. Mie już po 50km zaczyło boleć kolano, ale ino na podjazdach na stojąco, zatym jakoś se kulołech.. Pogoda cacy, ino zaś spadło do zera, nad ranym do -2. A po lutowym 423km obiecołech, że to koniec ultra w mrozach hmm.. W Zawierciu czekają 2 kolejne krejzole, wbijomy na tanksztela na zapiekanki i obserwacje policyjnego wozu technicznego - noo taki to bych mógł mieć w obstawie na 1400 hehehe. No i potym to już zaś z Maćkiym, bo ekipa lokalno zdechła po 5km :P W Radomsku w sklepie śniadanie, miło obsługa nawet herbaty zrobiła ;) Coroz cieplij. Ale i wiater mocniejszy z N-W. Te lokalne proste po momyntami z 80km wykończały jakoś psychicznie w tyjże rajzie. Z Piotrkowa na Bełchatów to już silny wiatr NW, zatym decydujymy wbić na DW483 prosto na Jasno Hołda, a nie na planowany Wieluń kolejne jakiś 50km pod wiatr, bo na zmianach 20kmh to było fest dużo - no cóż, 500km w marcu jeszcze nie tego roku. Powiym tak, gdyby nie ograniczynie czasowe nas dwóch i moje kolano, to kto wiy.. Przed Częstochową wyjyżdżo na przeciw znajomy, no gryfnie :) Opowiado same superlatywy o Częstochowie, o tych hybrydowych busach, kiere sie rozdupiły wszystkie po tygodniu itd ;D Drogi i ścieżki w tym mieście to i tak tragedia. Zapiekanka i jadymy dalij wspólnie jeszcze trocha. Jo już coroz bardzij wyplompany hehe. Kurde na "FoF" w tym samym miejscu miołech ponad 1300km i jechołech jak popieprzony prawie czasówka do końca, a teraz no lipa na całyj linii, a ino 1000km mynij na liczniku o.0 Od Gliwic ostatnie 30km to była męczarnia, szczególnie na podjazdach (kierych było najwiyncyj na całych 460km) kolano nawalało, beztoż robiłech co jakiś czas przerwy. Ale se dokulołech...

460km i żodnyj nowyj gminy :(
Fotki na stravie w mapce poniżyj.

Wkrótce zmiany, tego czasu wolnego bydzie wiyncyj znacznie.. m.in. mini-MRDP i taki tam..


Pokaż trasę GPS

To i inksze kontrowersyjne materiały - ino na gustavbikevlog hehehehe

Tym razym w deszczowyj aurze było nas 4ech. Jo sie wybroł na MTB Custom 2.0, bo Talon bez kółka, a FastBack wypucowany - idiotyzmym byłoby wjechać nim w dyszcz ;)

Kolejno dawka gigantycznego smogu, dzisio to już było przegięcie. W tym mieście, w tym regionie, niy ma eko-prziszłości.

Mgły, syfiące kominy = szarość x2... Miało być do Gliwic, ale kajś we mieście Wilcza zawróciłech, no odechciało mi se.. ;)

W tym roku już mom tela samo km'ów, co w jedna rajza w roku 2016 eheheh. Jak to godoł jedyn znajomy "ida jak do ognia!"