Aż dziwne, że dopiyro dzisio zrobiłech alternatywno trasa do Bielska, czyli z Pszczyny E75/DK1 heh. Trza było porównać asfalt, hopki, dystans itd. Tak wiync wyjechołech se o 11:40 i już 40 stopni... Wioło zaś fest a fest. Z Żor do Pszczyny w zasadzie pod wiatr, taki południowo-wschodni. Na chyba kilometrowym odcinku jechołech z wiatrym, po czym zaś pod wiatr... Spotkołech dwóch triatlonistów, kierzy jechali zy mnom na wylot z Pszczyny. I zaś 80% pod wiatr, 20% cholera wiy, w kiero strona wioło, bo nawet miołech 35km/h momyntami heh.




Ogólnie to chyba 1-2 wiynksze podjazdy. Mało pobocza, a jak było to w średnim stanie. Ale główne pasy okej, jak na foto powyżyj. Oberzołech se na mapach dystans, to do ronda, kaj zawsze jechołech standardowym śladym, to przez DK1 jest 2km mynij. A w B-B tradycyjnie asfalty tragiczne, jakość tego miasta ratuje yno położyni geograficzne :P Pisołech Jakubiszonowi przed wyjazdym, czy by co pokryncił jak podjada w to zacne miasto, to zaś mioł byzuch u familie i pewno plompoł %%. Pogodomy se za tydziyń na tour de tatry :P





A potym to na Skoczów. I zaś pod wiatr... Tera zaś wioło z południowego zachodu. Ale już na wiślance pykołech czasówka w zasadzie, bo wiatr pomagoł. 35-40km/h od Skoczowa, a potym stabilizacja do 33-36. Przed Żorami już chytoł głód powoli, wiync tryb eko. A w kierunku na Rybnik to zaś pod wiatr. A głód coroz wiynkszy :D Ale se dokulołech du dom (ostatnie 5km to już wyplompany z tego głodu). Na tych ostatnich 20km średnio spadła o 1km/h. 130km iii... zjedzone uwaga: nic! :> no bo 1 big milk to zamrożono woda hehe.