Dostołech niedowno zaproszynie od Daniela z Cieszyna, że mom wpadnyć pojeździć na okoliczne hopki, a że pogoda w tyn weekend miała być bomboniasto, a Daniel mioł czas yno w sobota do godziny 13-yj, no to czekało mie bardzo poranne wstowani, czyli o 5:40 jakoś ;D Makaronik na śniadanko i kombinowanie, jak sie ubrać. Przetestowoełch "ustawiyni": 2 pory fuzekli zimowych, termo-getry, termo-koszulka, 2x t-shirt, golf i koszulka kolarsko, do tego zimowo czopka + kominiarka, rowerowy "szal" i polarowe rękawiczki. Dopiyro o 7-yj wyjechołech. No i tak z początku miołech wrażyni, że ubrołech o 1 t-shirt za dużo, ale jak już dłużyj pojeździłech w porannych mgłach, to sie okozało, że owe "ustawiyni" jest trafione w dycha! :> Yno po jakijś godzinie już mi było zima po stopach (najniższo temperatura to było 0 stopni!!), wiync przidała by sie jeszcze jedna pora fuzekli abo już pro-termiczne-ochraniacze. Po drodze zjodłech yno 2 jabka, a gorko herbata, co miołech w bidonach, to już po 40min. sie schłodziła za fest eehh...

W drodze do Jastrzębia © gustav

Istna mgła! © gustav

Przed Cieszynem © gustav

Widok na Cieszyn © gustav

Na miejsce spotkanio dojechołech 3min. przyndzyj, niż było ugodane (sie mo znajomości z głównymi matematykami z NASA hehe), tam już czekoł Daniel. Jeszcze gibko wymieniłech złotki na czeski korony i w droga na czeski teryny (w sumie jo w Czechach to był yno w Hlucinie).

Tu już od razu podowom relacja Daniela (niejedno fotka zy mną w akcji heh):
http://daniel3ttt.bikestats.pl/1041320,Maly-Jaworowy.html

Na skrzyżowaniu © gustav

Pod sklepem © gustav

W sklepie kupiłech mały chlebek i 4 banany. Dobrze, że ta kasjerka nic sie o mie niy pytała, bo za pierona niy rozumiołech, co ona tam fandzoli z innymi kliyntami :D

Tu już przed głównym podjazdym na Mały Jaworowy :) Pogoda miodzio, zero chmur! Temperatura jakiś 7 stopni.

Źródełko © gustav

Ale jak sie zaczył główny podjazd (ok. 5km), to sie tyż zaczyły u mnie problymy... Parno, wrawo itp. W czasie tych 5km miołech 2 postoje! Na kożdym redukcja "garderoby", bo normalnie czułech sie, jak by było co najmnij 30 stopni przez lato... A Daniel to w ogóle niy ma o czym godać - podjeżdżoł se "rozgrzewkowo" z uśmiychym na twarzy. Wiync już mie nie dziwi te jego prawie 600km po górach... Po wielogodzinnych męczarniach (bo tak to najlepij idzie ująć) wjechołech na bardzo gryfny szczyt. Tam w słońcu jakiś 15 stopni, ale że był trocha zimny wiaterek, to zaś musiołech sie pooblykać :D Esencja jazdy po górach w chłodne dni. Małe refleksje - tydziyń tymu wjechołech na równie wymagający Żar, z ogromym bólym brzucha, ale nie tak fest pooblykany i wjechołech jednak bez postojów. Wiync wniosek jest jedyn - musza przijechać na ta hopka jeszcze roz w prziszłym roku w jakiś ciepły dzionek i porównać!

Mały Jaworowy part1 © gustav

Mały Jaworowy part2 © gustav

Mały Jaworowy part3 © gustav

Mały Jaworowy part4 © gustav

Zjodłech banany i konsek tego chlebka. No i jadymy nazot! :D Daniela to już po 10s niy było widać, rychtyk profesjonalista :) Jo zjyżdżoł fest ostrożnie, bo na drodze multum liści, a sama droga tyż dość mokro i tyż czasami abo dziury abo kamiynie itp. Ale widoki BAJECZNE, wiync i niejedyn postój na foto sie zdarzył! :)

(szosą po takich dróżkach.. hehe)

Na zjeździe part1 © gustav

Na zjeździe part2 © gustav

I BEZ WĄTPIYNIO NAJNAJNAJ FOTKA TEGO DNIA!

Na zjeździe part3 © gustav

I już na "nizinach" jeździlimy se po okolicznych miejscowościach, aż do Cieszyna. Tam jeszcze na torgu kupiłech 5 bananów za 5zł... ja piernicze :/ Za 5zł to w biedronce studynty robią zakupy na cały tydziyń!

W końcu sie żegnomy; Daniel zmykoł do roboty, a jo dalij trzaskać kilometry i odwiedzić w końcu 3 samotne gminy na myj mapce :D Jeszcze po drodze na osiedlowych ławeczkach zjodłech reszta chlebka i pora bananów, a 3 wziyłech w trasa. W słońcu było prawie 25 stopni. I prosto ku wiślance i na Pszczynę. Za Pszczyną w jednym sklepie kupiłech 2 wody, a w innym pół chleba i jakoś 5 bananów. I kierowołech se na gmina Polanka Wielka (tela km'ów zrobić, żeby gupie foto cyknyć, nienormalne...).

W drodze na Polankę Wielką © gustav

+1 gmina do kolekcji :D © gustav

Już w drodze powrotnyj krótki postój, by se oblyc, bo sie zima robiło, no i tyż trza było coś zjeść ;)

" height="675" width="900">

Jedzonko :> © gustav

Wroz z tym pół-chlybym miołech jeszcze 3 banany i przeszło 1l wody.
Następnie kierowołech sie na 2 nieznane mi gminy - piyrw Wilamowice, kaj dojechołech bez problymu. Ale oznaczyń na 2. gmina - Bestwina - już niy było, wiync pytołech sie ludzi przi tym dupnym "rożnie" hehe

Mamy papieża! © gustav

Dowiedziołech sie, że musza przejść 200m przez pole aż do drogi, kiero prowadzi do Bestwiny i DK1/E75, żeby niby zaoszczędzić 3-4km. No okej, mały maraton sie przido :D Typki mieli racjo, trefiłech kaj trzeba.

Mój świat :) © gustav

Mój świat - bo uwielbiom (to je mało powiedziane) jeździć po takich drogach nocna porą :)
No i potym prosto na Pszczyna, Żory i Rybnik. Ta resztka chlyba, 3 banany i ponad liter wody stykły w 100% (a jechołech na tym ostatnie 120km!). Yno już dojyżdżając do Żor, moji stopy były tak odmrożone, że z planowanego dokryncania do 300km, musiołech jak najgipcij dojechać do domu... :/ A czułech sie na siłach zrobić nawet wiyncyj, niż te 300km, ale to bych musioł jeszcze koniecznie zrobić porządne zakupy (kole godz. 20-yj było 5 stopni). Czas zamówić termiczne ochraniacze na buty! :)
W domu przed 21:00.
Pokaż trasę GPS

A do końca prziszłego tydnia chyba bydzie już przekroczono magiczno bariera 10000km, czyli ostatnigo celu na tyn rok!

2 tydnie tymu - 170km
tydziyń tymu - 220km
teroz - 270km
za tydziyń - 320km? :D

Listenuj :P

Było czuć w nogach wczorajszy trip ;)

Fajny song, jakoś pasuje do dzisiejszego tripu :)


No to do rzeczy: musiołech jeszcze w tym roku zdobyć Żar, wiync postanowiłech dzisiejszego dnia zrobić wypad na ta góreczka. Pogoda miała być elegancko. A tak rychtyk to wczoraj o tym ostatecznie zadecydowołech :D I z tego powodu napisołech o tym evencie wielu znajomym (spam kaj sie dało hehe), jednak yno dwóch sie na to pisoło... eehh no co poradzić. Teraz tu opisza krótko, bardzo istotno sprawa, kieryj skutek bydzie w dalszyj czyńści :D Otóż w piątek po 23-cij jo z kumplami urządzilimy rożno! Jo zjod 6 ślonskich wusztów i pół chleba (już wiyncyj nie szło), bo takigo fest wielkigo smaka miołech (a chlyb jak je gorki, taki prosto z pieca, to to je poezja dlo kubków smakowych hehe). Do dom żeh prziszoł po 2:00, a już na 5:40 nastawiłech se budzik, bo o 10:00 w BB mioł juz czekać Dominik (Webit). To tela z tego info :>
Wstołech bez problymów. Jakoś po tym rożnie niy byłech głodny specjalnie, wiync zjodłech korn-flejksy + mlyko. Ubrołech sie jakoś tak 50/50, bo na dworze było 12 stopni. I wyjechołech w strona Żor, do miejsca spotkania z Januszem (Janekbike).

Na miejscu zbiórki © gustav

Ustalilimy tempo spokojne. Drogi jeszcze mokre po wieczornych opadach, ale już powoli było widać słoneczko :)

Wiślanka w Żorach © gustav

W drodze do Bielska © gustav

Przed BB dostołech smsa od Dominika, że jednak go niy bydzie (choroba go pokonała..), no szkoda :/

W BB na 70, km'ie postój na jedzonko. Zjodłech 3 kanapki zabrane z domu i batona. W tym czasie na niebie były same szarawe chmury i do tego silny wiatr, no trocha mało optymistyczne...

Przystanek na przystanku w Bielsku :D © gustav

Ale jak już my ruszyli, to sie powolutku przejaśniało :)

W drodze na Przegibek © gustav

Podjazd na Przegibek ujdzie, ale jego szczyt - nic ciekawego i brak widoków..

Chopka nr 1 zdobyta! © gustav

Po dojeździe do Międzybrodzia zaczył mie fest napierniczać brzuch (i to był prawdopodobnie skutek tych wusztów i chlyba...). Tam kajś w lewiatanie zrobilimy postój na zakupy; jo se kupił 7 bananów (4 od razu żeh zjod) i 3l wody lewiatan (2zł za 3l wody MINERALNYJ, coś niyspotykanego!!!!!!!).

Obiadek hehe © gustav

Po krótkij degustacji kierujymy sie na Żar.

" height="675" width="900">

Jeziorko :> © gustav

Góra Żar, czyli chopka nr 2 © gustav

Brzuch coroz bardzij boloł, na podjeździe miołech taki kryzys, że chciołech se kajś legnyć na trowa, bo normalnie nawet przi najlżejszym przełożeniu był problym jechać :/ Ale se myśla: "zrobiłech 800km na roz, to tako górka i kryzys brzucha niy mogą prawa mie pokonać!". I jechołech. Fajne widoczki były :)

W drodze na Żar © gustav

Słit focia musi być :D © gustav

Dojechalimy na szczyt. Tam to są rychtyk piykne widoki w każdo strona :) Brzuch minimalnie przestoł boleć. Koniec z wusztami direkt przed wyjazdym! Bo potym widać, co se dzieje :D

Na górze Żar, czyli chopka nr 2 też zdobyta! © gustav

Le konstrukcja © gustav

Takie se © gustav

Na górze Żar © gustav

Temperatura jakiś 22 stopnie, w słońcu na postoju 30 z groszami czyli jednym słowym: BOMBON! :P Zdecydowalimy, że zamiast wracać przez BB, to pojadymy na Salmopol! Tako rundka po Beskidach :>

W drodze na Salmopol © gustav

Przed podjazdym na Salmopol brzuch już trocha przestoł boleć, ale to jeszcze niy było to, co bych se życzył..

Chopka nr 3 również zdobyta! © gustav

Będzie co czyścić :D © gustav

Bidony isostara © gustav

Na szczycie ze 18 stopni. Tam postój na jedzonko. Brzuch już praktycznie niy boloł, co mie bardzo cieszyło :)

Na zjeździe musiołech zrobić jakiś fajne fotki Speed'owi ;)

Specjalne1 © gustav

Specjalne2 © gustav

No a potym to już prosto i z górki do domciu ;)

Le mewy na le niebie :D © gustav

Wiślanka to je mojo ulubiono droga - równiutki dwupas, pobocze w razie czego i uczucie jazdy, jak na drodze typu S lub A ^^

Wiślanka - powrót © gustav

W domu o 17:45. Trip udany, chocioż szkoda, że w tako bajeczno pogoda jechalimy yno we dwóch. W trasie skonsumowane: 7 bananów, 3 batony, 3 kanapeczki, 3l wody - czyli bardzo ekonomicznie, jak na tako trasa :>

Le przebieg: (220km i zero nowych gmin, lipa hehe)
Pokaż trasę GPS