Tako sytuacja, że wyszoł spontan, bo wczoraj wieczorym dopiyro ogarnyłech prognozy, no i dzisio już miało nie padać. Zgodołech se z jednym rybnickim bajkerym, co krynci na MTB - już zapowiedzioł, że bydzie u nas na Tour de Silesia i zaczyno trynować - trzimia za słowo! :) Start spod bazyliki o 9:05. Jo wczorej na gipko dołech info na grupa rowerowo-szosowo, ze tako "ustawka" bydzie, ale lipa, nikogo nie było wiyncyj. Planujymy ok. 3h jazdy, zatym rundka na Rudy - Racibórz - Wodzisław - Rybnik. Generalnie drogi nie za suche, dobrze że nie wziyłech szosy ;) a głównie przez to, że nie umiołech znalyźć ochraniaczy na buty szosowe, zatym pozostały morsowe adidasy ;) i 2 pary fuzekli. Niystety - już po prawie 20km piździało po stopach, bo 0-1'C, zatym kupiłech worki, wkomponowołech je we fuzekle, ale to tyż niespecjalnie pomogło. Co jakiś 10-15km trza było robić postój na podskoki i inksze kontrowersyjne typy rozgrzewek hehe. Rozdzielomy sie na południu rybnickij metropolie, jo jeszcze robia rundka bez lasy na cyntrum. Generalnie - trocha mie wymroziło, już po połedniu lekki objawy hmm zmęczenia? Społech ze 3h, zaro zaś ida spać.

MTB-typy na pasie startowym w kierunku Rud © gustav


Szymocice / Nędza © gustav


0.7 zastanawiające © gustav