Postanowiłech se wieczorym przepolić, bo drogi puste i zapowiadali na prognozach na czas powrotu 5-6st. No to jak bydzie TT, to se byda grzoł, wiync ubiera se wiosynnie... I to stykło do Mikołowa... Potym w palcach stóp coroz gorzyj. Nawet miołech porozpinane paski i rzepy, coby krążynie lepipj szło - nic to niy dało. Tympyratura przed Żorami 1-2st i jo już marzył, żeby być w doma. 0.8st najmniyj. Miołech dobry czas, szłapy podowały, nawet głodny niy byłech, ale niy dało se go poprawić na tych ostatnich 20km - koncentracja yno na tym, abo ruszać palcami, ale to nic niy dowało. W doma miołech już fioletowo plama na lewyj stopie uuu...
W ogóle kolejny roz jak minyłech tabliczka Rybnik za Żorami - zaś automatycznie powietrze stało se... "przepolone". W zasadzie przez całe miasto jechołech w szaryj strefie... porażka ku**a! nic yno se wyprowadzić.
Co do testu - mom nowe pyndale z metalową platformą, czyli PD-R550. 130zł tańsze od praktycznie tych samych 105, ale z karbonowymi "dodatkami" i trocha inkszymi ośkami ;) Mój patynt na drut, owszym - skasowoł luzy, ale teraz widza, że na tych 550-tkach niyporównywalnie czuja przekaz siły! Jest po prostu bajka!
No i tyż przetestowołech piyrwsze aku 18650 - te teoretycznie słabsze, bo z pakietu. Zaczynołech od trybu 50%. W Mikołowie przeszło na 25%. Kajś w Żorach na 10% i na tym już zajechołech do końca. Myśla, ze najlepij testować tryb stałe 25% - tyn je optymalny do jazdy.