Coś w desyń Roberta - piyrwsze trzista w tym roku hehe :D Tyż te 300 to był główny cel na marzec i przi takij piyknyj dzisiejszyj aurze po prostu musiołech zrobić swoje. Musza zdobyć wszystki gminy na Ślonsku i Opolszczyźnie, wiync dzisio na piyrwszy ogiyń poszoł powiat zawierciański. Tak żeh ta trasa zaplanowoł, że pozbiyrom wszystki 10 gmin z tego powiatu + inne po drodze. Poru bajkerom napisołech z tych pobliskich okolic, żeby potowarzszyli, ale żodnymu niy pasowało... :/

Żodnymu.



:D Musza sie jeszcze nauczyć tych rychtyk ślonskich literek :>

Dobre, wstołech o 3:00! Jakoś nawet wyspany, chocioż dziyń wcześnij w robocie już drzymołech momyntami hmm a społech niycałe 6h.
Wyjechołech o 4:20. Co w miyndzyczasie robiłech, to bardzij "wczytani" ludzie tego przeważnie dziwnego bloga raczyj już wiedzom :P

Najniższo temperaturka w czasie jazdy to było 4' z groszami. Niy zebrołech dzisio ochraniaczy na szczewiki, yno 3 pary zimowych fuzekli. I już tak po 2h jazdy było czuć wyraźny chłodek w owych szczewikach. Dopiyro jak temperatura pokozywała 8' to już niy było tak czuć tego chłodu. Założyłech se tympo fest rekreacyjne, żeby spróbować przijechać du dom bez odcinki, jak to było 2 tydnie tymu. Postanowiłech beztoż wiyncyj pojeżdzić wiynkszom kadyncjom.


Rybnik przed 5:00 © gustav


Słońce wychodzi © gustav


Wschód na wiślance © gustav

Dopiyro kajś po 4h jazdy temperaturka wskozywała już stale co najmij 10'.

DK94 od Dąbrowy do Sławkowa w remoncie.


Sam żeh jeździł © gustav

W Sławkowie były małe zakupy. Już wtedy fajnie grzoło hehe


Kajś tam na drodze © gustav

Sam już musiołech ściepać wszystki zimowe lonty - kurtka, czopka, rynkawiczki polarowe i 2 pory fuzekli. I po roz piyrwszy oblykłech funkiel nówki rynkawiczki z lidla za 15zł :D


Zaczynomy kolekcjonowani © gustav

Niy przypuszczołech, że zahocza o Jura :> fest spodobały mi sie te teryny, czasym proste, a co chwila jakiś chopki; taki prawie góry w już północnyj czyńści Ślunska.


Niziny w oddali © gustav


Beauty of Jura © gustav


Beauty of Jura 2 © gustav


Beauty of Jura 3 © gustav


Zamek w Ogrodzieńcu © gustav


Kajś tam na drodze 2 © gustav

Cołki czos jechało sie elegancko! :))


Bez komyntorza © gustav

No i najdalij wysuniynto gmina dzisiejszyj rajzy:


Domestos - tu byłech :D © gustav

Słit focia na dowód i nazot DK78


Pomidor hehe © gustav


Krajowa 78 © gustav


Krajowa 78 - wyżyny © gustav


Beauty of Jura 4 © gustav

Kajś w tych okolicach zrobiłech next zakupy. Już dość grzoło... 31' na postoju, a w czasie jazdy 20-24'. Istne lato!


Temperaturka kole połednia © gustav


Teoretycznie, prosto du dom © gustav

...a praktycznie trza bydzie zjechać po 2 jakiś pierońskie gminy... :D


Aż dziwne, że sam niy ma zakazu dlo rowerzystów hmm. W Jaworznie, jakby tako droga była, to na bank co 200m znak ze zakazym :D :D

Zdobyłech 2 ostatnie już gminy i DK94 aż do Bytomia. Ale...


Kiery sam oroł, sie pytom?! © gustav

Niy pamiyntom, kiedy ostatnio jechołech DK w podobnym stanie..

Za Bytomiem krótki postój, żeby se na spokojnie pojeść.


Wpierniczanko © gustav

Dalij mi sie jechało fest fajnie! Jeśli chodzi o "kryzysy" - bolały plecy skuli tyj taszy załadowanyj zimowymi lontami i jedzyniym.
Drugo sprawa - brzuch mie trocha boloł, w zasadzie aż od okolic Kroczyc do Bytomia, chyba po czekoladzie..

W Gliwicach dokupiłech jeszcze woda, bo fest suszyło, pojodłech moji resztki, oblykłech nazot wszyski lonty, bo już sie cima robiło, a temperaturka już niy tako zagrzywajonco hehe jakiś niycałe 20'.

Dojyżdżajonc do Rybnika, dalij jechało się nawet nawet, nogi o dziwo nic niy bolały, ale brak zapasów żarcio robił swoje. Dojechołech du dom (godzina 19:25, temperaturka 14"), niy fest głodny, ale raczyj z chynciom zjedzynia czegokolwiek. Myśla, że jakbych mioł du dom jeszcze 10km wiyncyj, to już byłby problym. A tyż myśla, że jakbych pojod fest porzondny posiłek (dejmy na to w Gliwicach) i zrobił odpowiedni zapasy żarcio, to mógłbych zrobić spokojnie ze 350-400km :) Ale te 400km to już je cel na prziszły miesionc :P Trip jak najbardzij udany!

+15 nowych gmin!

Rynkawiczki z lidla bombon :>

Wpierniczyłech: 2 woreczki ryżu na śniodani + bydyniek, w trasie 2 małe bagietki, 4 kołoczki, 3 czekolady, 4 banany, 8,5l wód w różnych postaciach :P Zauważcie, że NIY MA KROJONEGO CHLEBKA! :D