Czyli odwiedzynie nieodwiedzonych gmin w środkowych rejonach Opolszczyzny ;) Miołech na tyj mapce tako bioło, dupno plama, otoczono zielonymi terynami i to tak źle dlo oka wyglondało, beztoż musiołech sie tam wybrać mojim kołym. Pogoda na dzisio miała być bez opadów i tyż tako była, ale temperatura cały czos na poziomie 12-17' (musza już kupić jaki zimowe bajk-lonty hehe). Na śniadani zjodłech 2 paczki ryżu z jogurtym, a w trasie 7 bułek (a mogłoby być i 8, bo mi jedna wypadła kajś na Górze św. Anny), 4 banany i 3l wody. Na ostatnich ~15km żołondek wołoł "dej mi wyngle abo co!!!" ale jo już jechoł, żeby yno dojechać du dom (ale musza prziznać - jeszcze jakiś siły były na poranoście km'ów). A tyż warto zaznaczyć - od Góry św. Anny średnio żeh zwiynkszył z wartości 26.5 do tych ponad 27. A jechołech na bułce, 2 bananach i wodzie :)

Miołech w kapsie cyfrówka, ale baterie mi padły... wiync musiołech cykać foty tym 2mpix'owym szajsym :[

Sam od razu zagadka: jak nazywo sie mieszkaniec Zimnyj Wódki?? :D :D Mie sie nasuwo yno jedna, logiczno odpowiydź hehe

Nr 1 na liście bombowych nazw miejscowości :D © gustav

Tu żeh musioł 5km zjechać z trasy, żeby mieć zaś 1 gmina wiyncyj :> To sie nazywo: Obsesja :)

Nowo gmina, "prawie" po drodze :P © gustav

Na Górze św. Anny © gustav

I jedziem w dół! © gustav

Widok z Góry św. Anny © gustav

For relax :) <object height="450" width="100%"><param name="movie" value="http://www.youtube.com/v/WgyM2QbvRrk"> <embed src="http://www.youtube.com/v/WgyM2QbvRrk" type="application/x-shockwave-flash" wmode="transparent" height="450" width="100%"></embed></object>