Tako spontaniczno rajza po szychcie hehe Prziszłech du dom po 17, zjodłech se obiod po lekku i taki tam inksze pierdoły, beztoż wyjechołech o 19:30. Pogoda bombon, nic yno pyndalować! Napisołech poru bajkerom, ale wszyscy już myślami przi piontku xD W ogóle jakoś chynci niy miołech z poczontku, ale po piyrwszych 3km wróciłech na dobre tory :> Troszka gipciejszo rajza, niż przeważnie heh
W nocy kole 14-15', już w Szczyrku na podjeździe gorołech, ale do Wisły trocha zmorzłech - tam było już yno 12'. Zjodłech w trasie uwaga! - 3 kołoczki i 2 średni żymły. Plus wyngle w bidonach i isoactive. Przijechołech o 2:45, niy wyplompany i bez głodu - czyli je już jakiś progres hehe. Salmopol obrócony w 7h 15min - chyba rekord :)

Salmopol w nocy © gustav

Kajś we Wiśle © gustav


Pokaż trasę GPS
ODDOM STARE BLOKI!! Trocha jeżdżone, już mi niy som potrzebne, a monyj komu se przidajom :)

Nowe bloczki © gustav

Jo se tam wola ścigać, ale na dystansach >300km ;D Dzisio prziszłech se yno podziwać i pogodać z kamratami :) Ładuja sam pora fotek, a mone już jutro tego na necie bydzie w trzi dupy, w wiadomo 100x lepszyj jakości hehe

Tour de Rybnik 1 © gustav

Tour de Rybnik 2 © gustav

Tour de Rybnik 3 © gustav

Tour de Rybnik 4 © gustav

Tour de Rybnik 5 © gustav

Tour de Rybnik 6 © gustav

Tour de Rybnik 7 © gustav

Tour de Rybnik 8 © gustav

Komandorze maratonu Bałtyk-Bieszczady i cało reszto "specjalistów": Niy musza mieć minimum 23 lot, by TEORETYCZNIE mój organizm mógłby mi pozwolić na zrobiynie owych 1008km non-stop! Mom głymboko kajś Wasz regulamin, byda robił swoje i żodyn mie nie zatrzimie! A tym bardzij jakiś durne [wiekowe] wytyczne... Ograniczynia som dlo ludzi słabych. Mom niycałe 22 lata. Paweł - mój towarszysz - je rok młodszy i tyż doł rada! Dodatkowo na kwalifikacji w Radlinie jako 1 z 7 zrobił 600km w doba. Ale na BBT je za młody...

Miołech jechać tegoroczny BBT. Na lewo, rzecz jasno. Robiłech, co mogłech, by se znalyźć ze wszystkimi na starcie. Sprawy logistyczne to już była kwestio dogodanio. Ale niy wyszło... Nowo robota = brak możliwości dostanio od razu ok. tygodnia urlopu. Chodzi o to, że to była jedyno tako okazjo w życiu. Była... Ale jak postanowiłech sobie - 1xxx km w tym roku to był priorytet i udało mi sie dostać te 4 dni wolnego. Pozostało yno czekać.

I sprawa niymniyj ważno: Chciołbych podziynkować jeszcze roz Maciejowi (Madu na BS) i jego dziołszce oraz Ultrakolarzowi Remkowi za smakowite, ciepłe jedzonko. Bo cołki czos żywić se chlybkami, żymłami, kołoczkami bez co najmniyj 2 doby to tak średnio.. :>

To terozki czos na już rychtyk relacjo! :)

W sobota prziszłech z roboty przed 22. Drobne przigotowania blablabla spać poszłech o 23:30 jakoś. Trocha za niyskoro, taki życie heh. Budzik nastawiłech na 7:45. A obudziłech se som przed 7... Usnyć już niy szło, za fest wielki podekscytowani tym, że zarozki byda wyruszoł w ultra-rajza po życiówka :) Obejrzołech se jeszcze roz pora filmików motywacyjnych. Greg Plitt, CT Fletcher, Schwarzenegger i inni - lukaj w YT :)

Ryż i te sprawy, reszta dopakowania i o 9:15 wyruszyłech na rybnicki rynek - kaj pojawić sie mioł Paweł i opcjonalnie kożdy, co by chcioł pogodać abo nas tyż eskortować :)


Przigotowania! © gustav


Rowerowo ekipa © gustav

Pojawił sie szwagier, Szymon (1. z lewyj, kumpel z roboty) i Paweł (3. z lewyj, mioł jechać BBT abo tyż z nami, niystety - niy mioł możliwości wolnego mieć w obu przipakach :/). Trocha my pofandzolili i o 9:50 już rychtyk start :) Pogoda bombon! Ale sie nom trefiło hehe

Na granicy Rybnika Paweł już zawrócił, a w Gliwicach Szymon. Dziynki chopy za eskorta! Tympo my założyli na całyj trasie bez spiny, kole 23km/h +/-1 na całych 1000km to tam bez znaczynio. Piyrw trza zebrać doświadczynie, a potym kiedyś tam stować sie coroz lepszym, poprawiać wyniki itp.

Na piyrwszych 100km yno jedna pauza po jedzynie, w Biedronce, góra 5min.

Mapka cołkij rajzy © gustav

I przipadkowo napotkano "latarnia" :>

Latarnia w lesie hehe © gustav

Jak sie skończył Slonsk, po jakiś 150km zaczyły sie już płaszczyzny. Stałe tympo i tela w zasadzie. Pola, lasy, asfalt roz lepszy, roz gorszy. Jedyno nowość - to z kożdym kilometrym zbiyrołech nowe gminy :D :D


Wieluń - budowa S8 © gustav


Kajś na trasie © gustav

Po 200km - pauza w polo markecie. Miało być na chwila - zeszło dobre pół godziny... :D ALE owy dystans zrobiony w prawie 9h brutto, wiync i tak godzina do przodku!


Kololowowowo © gustav


Chlyb krojony - level up! © gustav



Drogi lepij oświytlone bez ksiynżyc, niż bez nasze lampki hehe

Tako noc była :) © gustav

Przed Turkiem info do Macieja, że już my som niydaleko. Wyjeżdżo nom z naprzeciwka przed Kołem :) Kajś tam była "ścianka" chyba ze 6-7% hehe ponoć jedna z niewielu.. Tako Annaberg na Opolszczyźnie :>

IronMadu - już niydługo w kinach! :D :D

Sompolno zdobyte! © gustav

Wbijomy do mieszkanio, kaj se już szykuje ryż i schabowe. Jego ścianki na 1. piyntro nic niy przebije - dobre 40% nachylynio :P
Niy obyło se bez selfóf hehe
Słitaśnie musi być a co! :D © gustav

Jedzonko u Maćka © gustav

Dostalimy na trasa po bananie i po 4 kanapko-żymły :) Dziynki! Była jakoś 0:40 i prawie 310km. Ruszomy dalij. Zero oznak zmynczynio. Średnio prawie 24.

A może nad morze? :D © gustav

Przed świtym jechalimy obok "poszyrzonyj" Wisły. Tympyraturka w tych miejscach była najniższo: 10,5'. Noc ogólnie bez wiynkszych problymów "synnych" :)

Wisła i te sprawy © gustav

W Płocku już zauważalnie dość fest wielki ruch na drodze. W zasadzie aż do samyj stolicy. No ale jak 95% ludzi to totalne lynie, że do roboty nawet te 5km zapierdzielajom autym mimo idealnyj pogody do kryncynio na kole, to potym niy ma se co dziwić, że korki.

Płock - wschód © gustav

Już w okolicach Nowego Dworu Maz. pojawiło se pora wzniesiyń :) Pyndalowanie już kieroś setka po płaskim to trocha dobijo ehehe..
30km od Wa-wy info do Ultrakolarza, że nadjyżdżomy!

Rok tymu były nici z takij fotki: 3-4 w nocy, a basyn zgaszony...

Na tle najwiynkszyj pływalni w Polsce © gustav

I potym do biurowca, kaj pracuje Ultrakolarz - Remek Siudziński! :) Na parterze restauracja i już rezerwacjo stolika dlo nos :) Zapiylimy nasze koła w widoczny plac przi drzwiach i zasiedlimy do uczty. Podano nudle :) Obiod z samym mistrzym - lepij se trefić niy mogło! Było o czym godać. Fest miło, że Remek znoloz w robocie jakoś godzinka, żeby se direkt spotkać z jakimiś mało znanymi komu amatorami - no bo tako je prowda :>




Nojbardzij oczekiwano fotka! :)) © gustav


Taki tam, w cyntrum © gustav

Z Warszawy eskortowoł nas jedyn BSowicz, Biker 1990, aż do Góry Kalwarii. Potym to już wjazd na DK79 (było zrobione jakiś 580km), kiero prowadzi aż do samego Krakowa. Jechalimy równym tympym, ale niy za szybkim - kole 23km/h. Cołki czos stosowołech wysoko kadyncjo - mały blat i środek kasety. Przez co po tym dystasie czułech sie fest dobrze! W kolanach zero bólu. Ale tyż powoli łydki i uda było czuć. To była yno kwesta czasu. No i pojawiył sie tyż inny problym - niystrawność, wzdyncia, coś w tym stylu. Co 2-3h na napotkanyj na drodze tankszteli do kibla. Nigdy w dalekich trasach niy było z tym problymu. Przyczyna to abo schabowe, abo izotoniki (jedno saszetka na 100km), abo tyn ciymny ziarnisty chlyb ze wcześnijszego foto. Bo co innego? Z izotoników całkowicie zrezygnowołech.

Po pół tyś. płaskich odcinków rozpoczyły se hopki! Na tle tych płaskości wyglondały jak góry hehe. Było coś w granicach 670km jakoś i słońce zachodziło.

Nostała drugo noc. Zaś gryfnie z nieba świyciło. Kajś na tankszteli, wiynkszo pauza. Paweł postanowił se zrobić 15min. drzymki. Mie już tyż fajnie zmulało hehe przimkłech oczy na 5s i to była kwestia może 10s aż usna. Ale po prostu niy mogłech se na to pozwolić! Jak wiadomo - dystans na roz to dystans bez jakigokolwiek spanio. Postanowiłech udowodnić, że do sie zrobić 1000km bez spanio i tela w temacie. Bo inaczyj bych se tego nigdy niy wybaczył! W miyndzyczasie jak Pablo społ, jo se poszoł do kibla, umyć se, zjodłech se trocha chleba, nasmarowołech kieta. No i plompołech w siebie kawa, kiero mi jeszcze została.


Pauza na wiynksze jedzonko © gustav


I zaś ksiynżycowo noc © gustav

Kajś na trasie zatrzimała nos policjo :D Zaro wziyli dowody i coś tam spisywali. Czamu? Bo o takij porze my na kole jeździli? :> Zrobiłech im foto z ukrycia, ale czamu sie niy zapisało? Niy wiym :/ Musicie se tera wyobrazić kia kombi w nocnyj scenerii z latarniami przi drodze, kiero stoi na poboczu :P

O 2 w nocy przeczytołech smsa od Remka, jak tam trasa. Już bylimy przed Sandomerzem, jakieś 760km. Jak sie okozało - Remek na swoim oficjalnym ultrakolarskim profilu na fejsie robił relacja live z naszyj rajzy :> kto by się spodziewał heheh. Kajś padało, bo drogi mokre momyntami, a chmur na niebie niymało. To se nazywo pic, że my tego uniknyli. Mgieł w około fol - widoczki pikne, ale samo wilgoć trocha przeszkodzała. Mimo to pyndalowało se okej. Tympyraturka minimalno tyj nocy 11' z groszami. Mie już momyntami fajnie zmulało - roz żeh wjechoł na pobocze i cudym wybrnyłech od jakigoś upadku... jo już niy wiedzioł, czy o czymś krótkotrwale śnia, czy o tym po prostu myśla..

Po 7 rano - pauza w sklepie i jaki lepsze śniodani w postaci kołoczków smakowitych mmm :))


Już drugo doba jazdy © gustav

Te mgły zaczyły ustympować kole 9 dopiyro. Napisołech Kubie z B-B smsa, bo był ciekaw tyż naszyj rajzy. Od 2 do 9 zrobilimy góra 90km... jak? Niy mom pojyncio... Fest dużo przerw było, żeby se odloć. Jo normalnie co 20-30min stowoł kaj przi drzewkach eheheh..

W drodze na Kraków masa hopek, sztyjc góra-dół-góra-dół. Pogoda dalij bombon, chocioż wioło trocha w naszo strona.

Przed Krakowym zaś wiynkszo pauza pod sklepym. Było może z 850km i wtedy dopiyro trocha ciynżyj było usiedzieć. Wniosek: spodynki BS i mój zic Selle Royal Freccia to je jednak super połonczynie! =)

Na wjeździe do Krakowa zaś pauza na tankszteli. Było przed 13 i 910km (by niy smsy do pewnych osób, to nici z tych "statystyk" hehe).


Tyn zaś leży hehe © gustav

Czy wyglondom, jakbych niy społ już 54h? :D

Pytanie: kiedy wjada do rowu? © gustav

I potym do cyntrum. Kraków je fajnie rozkopany... Jeszcze napisołech info do Karela, co i jak :D

Pomidor hehe © gustav

Jeszcze yno trocha! :D © gustav

Już na wyjeździe na DW780. Mielimy planowo jechać DK52 aż do Andrychowa i potym na Kocierz >> Przegibek. Żeby końcówka jak w BBT była "hardkorowo-ściankowo". Bo ponoć jakiś ścianki tam som. No ale sami widzicie - 20tyś. godzin przerw i sie odechciywo wszystkigo. Z analiz by wynikało, że z Kocierzym miołbych ponad 1100km i grubo po północy (jak niy nad ranym) w doma... A na 90% już bych wjyżdżoł w rowy non stop...

Krakowskie serpentyny © gustav

Na wylocie ostatnio pauza pod sklepym i sie zaczyła w zasadzie ostatnio "setka" heh. Ale do Oświęcimia tyż było multum hopek, wiync w jakiś sposób tyn Kocierz zostoł chocioż trocha wynagrodzony :) Miynśnie w miara okej, ale jednak kolana już było czuć nojbardzij, no i jeszcze dłonie - odciski. Bez momynt w Oświęcimiu pokozoł se dyszcz. Ubralimy kurtki, kiere po 15min trza było seblyc ^^ W Brzeszczach Paweł dostoł pana w zadnim kole :/ No i tyż my sie tam pożegnali, bo jechoł już od Pszczyny w swojo strona. Jo już pyndalowoł se fest na spokojnie, i tak średnio by se niy zmiyniła zauważalnie na tych 40km ostatnich. Doczołgołech se na chata jakoś o 23:15. Jeszcze pora minut pryndzyj zadzwoniłech do Remka :) fajnie z jego strony, że pisoł co jakiś czos, jak nom idzie :) Niy byłech wyplompany, miynśnie były okej, yno kolana już trocha bolały - to było przecież niyuniknione. Ale jakbych zjod jakiś konkretny obiod, to mógłbych spokojnie jeszcze dokryncać. To dobrze zatym wróży na prziszłość, If You Know What I Mean :P

GRATULACJE DLO PAWŁA - zrobił wedle moich obliczyń jakiś 30km wiyncyj! Ale niy mo konta na BS :/

Ta trasa pobiła wszelakie moji rekordy:
-dystans na roz pobity o 254km
-czos na zicu pobity o 14h
-czos pauz 14,5h 
-czos brutto 62h
-czos totalny bez spanio 65h

Mój pulsometr z lidla godo, że spolyłech 17800 kalorii.
Dzisio se zwożyłech i tradycyjnie - niy ma z czego schudnyć.

Ta ultrarajza tyż ukończyła za jednym szlagiym wszystki moji cele na tyn rok:
-25% gmin
-1xxx km na roz
-pobicie zeszłorocznego całego dystansu 

Zebrołech gigantyczne doświadczyni! 

Yno mom 5 gmin mynij, niż zeszłoroczne 800km, ale to przez to, że teraz mom już multum zdobytych gmin na Ślonsku i Małopolsce.

Tak wiync: +65 nowych gmin :)
Pokaż trasę GPS
Jutro se musza jeszcze przedłużyć urlop eheheh...

Fotka zrobiono dzisio, w naturalnym świetle :)

New Current Top! © gustav

Po tych 8h szychty niy ma żeh jakoś o dziwo zmynczony. To dobrze wróży na co najmniyj 2 doby spyndzone na kole eehh.. =) Jeszcze gipko nasmarować kieta, zapeklować Bikepacka i spać.

7. wrzesiyń 2014 - zaczynomy Super Battle Royal!

Coś mi skrzipiało fest przi mocniejszym pyndalowaniu. Myślołech, że tyn nowy pressfit to je jakiś syf.. Abo że po mojim deszczowym tripie do Krakowa czego tam naleciało do środka. Do pewności podmiyniłech pyndale i już niy skrzipiało eheh Nawalyłech wd40 do spd-ków i już cacy se zwyrto. Kółka podcyntrowołech trocha tyż :) Speed myśla je gotowy na Ultimate Test!

Jutro ostatni przigotowania, na połednie do roboty jeszcze, potym du dom gipko spać iii.. sie zacznie długo wyczekiwane party.

Połowa sterty dlo mie hehe :P

Miejmy nadzieja © gustav


W drodze do roboty © gustav

Krótko rajza po okolicach z Pawłym - kamratym, kiery tyż jest za młody na BBT. Niy ma żeh som. Pogodalimy o naszyj rajzie, start już w niedziela :)

100% prowdy! Przigotowania czas startnyć.