Plan tyj rajzy powstoł fest spontanicznie, czyli po obejrzyniu w piontek wieczorym pogody. Wyszło, że niy mo loć, niy mo być tajfunów, huraganów, wiync postanowiłech zrobić wiynkszo rajza, skoro już 2tyg. niy jeździłech czegoś konkretnie. Taki gmino-brani hehe.
Przigotowania zaś mi zetrwały trocha, wiync wyjechoelch dopiyro punkt 23:00 w sobota.

Piyrwszy cyl za 201km hehe © gustav
Pyntla praktycznie w całości poprowadzono drogami krajowymi ^^ W nocy nic ciykawego. W zasadzie ja - ksiynżyc lepij oświetloł droga, niż mojo lampka :D

Wschód słońca © gustav

Już corozki bliżyj © gustav
Przed 7 już fajnie zaczyło grzoć, wiync seblykłech moji nocne lonty - kominiarka, nogawki, ochraniacze na szczewiki i t-shirta. Zostowiłech yno koszulka termo. Jeszcze jedno - w nocy było 9 stopni... trocha jak na lato ahh...
Drogi bombon :))

Cało droga yno dlo mie © gustav
Tam DK78 wionzała sie z ekspresówkom, wiync musiołech jechać bez cyntrum Jędrzejowa.

Rynek w Jędrzejowie © gustav
Miołech jakiś już 180km może i moji nocne jedzynie sie skończyło. I jako że była niedziela - sklepy otwarte najpryndzyj o 8. Jechołech fest ekonomicznie, bo mie zaczynało odcinać w żołondku ehh. Ale na szczyńsci trefiełch na sklyp - od razu kupiłech stos żarcio i na start zjodłech 2 kreple i 2 kołoczki - do oporu.
Potym pojawiły se dupne mgły, normalnie tak zamglone, choby zarozki miało jeszcze loć.

Poranne mgły © gustav
I sam już w drodze na Tarnów.

Zaczynajom se hopki © gustav

Na południe hen! © gustav

Widoczki jakieś © gustav

W Pacanowie © gustav
W połowie drogi na Tarnów jakoś zaczył mi przeszkadzać wiater, kiery rzekomo wioł ze wschodu. O tyj porze dnia - nawet czasym doś mocno wioł...
W Tarnowie nic ciykawego - obok miejscowego stadionu przejyżdżołech.
I potym droga na Kraków - pod wiater... Momyntami tragedia. 25km/h to był wyczyn :/
Ale jakoś sie kulołech.

Kajś na hopce © gustav

I trocha słitaśności tyż musi być © gustav

Widok na góry © gustav

non-stop niykończonce se hopki, ale lepsze to, niż płaskie, bez zakryntów odcinki, kierych momyntami miołech dość. I tympyraturka kole 35' hehe. Trocha mie spoliło :D Przed Krakowym miołech kryzys. Miołech dość tych przerw na co chwilowe stowani, żeby cokolwiek zjeść. A jejść sie niy chciało skuli tyj podogy. I tyż na widok jedzynio mi sie słabo robiło... Mój czas niy-netto: za duży, niż "norma".
W Krakowie straciłech dobro godzina na wyjechanie na DK44 - zero oznaczyń. Na szczyńsci gps we fonie trocha pomógł. Na rynek niy jechołech - byłech już 3x.
I potym już krajowom prosto w znane mi teryny. W okolicach Brzeszczy, jak już było powoli cima - miołech kryzys spanio. Tragiczny!! jechołech środkiym drogi, a za mnom 100-200m i przedy mnom auta... jazda na krawyndzi wypadku normalnie... Dopiyro przed Żorami trocha przeszło, jak drogi zaczły być bardzij oświytlone.
Doczołgołech se du dom o godz. 0:30. Niy wyplompany, nogi fajnie dalij podowały, yno fest zmynczony, w zasadzie śpioncy..

+23 nowe gminy!!
Pokaż trasę GPS
 

Gynał rok tymu o tyj porze wylegiwołech se na szczecińsko-police'ańskich nizinach (chocioż je tam na krótkim odcinku przewyższyni 100m :)).
BalticTour (kategoria po prawyj stronie) - dziynki tyj IronRajzie poznołech kres swoich możliwości. 20kg bagażu zawiyść do Szczecina za jednym szlagiym, a nawet niy zdowołech se sprawy, że np. w połowie trasy moga wysiednyć fizycznie. Przez ostatnie 7-8h pyndalowołech w cierpiyniu, ale pokonołech samego siebie! ahh te wspomniynia..
Minyło 365 dni, a jo sie czuja, jakbych fest niydowno mijoł te znaki na DK10, jakbych szoł do pobliskigo marketu po byle co, jakbych zwiedzoł owe okolice... To były jedne z najfajniejszych dni w moim życiu. Byłech w swoim [rowerowym] świecie. Wszystko zależało yno ody mie. I tym samym szkryflołech swojo wielko historia. Te 365 dni to som najkrótsze 365 dni w moim życiu ehh

Chciołech w tym roku zrobić podobno rajza po Polsce. Ale życia niy zaplanujesz co do grama. Nic niy ma już pewne.

ps. myśla, że jeszcze z tydziyń trza poczekać na wiynkszo rajza; som żeh je sobie winny, ale mogłobyć znacznie gorzyj.. fotoalergia mo swoji prawa

6. dziyń lipca już, bombon pogoda i aż 70km... aahhh te alergie :/ yno lekkie "rajzeczki", nic wiyncyj.

Z 3ech dni. Rowerowo-rajzowo jeżeh tymczasowo uziymniony...  a tako gryfno pogoda momy :\